KʼLOJ 3
Tej kyetz toj Egipto npon tiʼj tnejil kawil te Israel
Tej kyetz tzaqpiʼn aj Israel toj Egipto i ex tiʼn Moisés tzmax twiʼ witz aju Sinaí tbʼi, atz jatumel e tzaj tqʼoʼn Dios Tkawbʼil kye. Yajxitl, xi tsamaʼn Moisés 12 xinaq kaʼyil txʼotxʼ te Canaán. Aqejo 10 e ajtz meltzʼaj tukʼe jun mya bʼaʼn tqanil. Tuʼn kyyol xjal lu, kyajtoq aj Israel tuʼn kyanj meltzʼaj juntl maj tuj Egipto. E bʼet aj Israel 40 abʼqʼi toj tzqij txʼotxʼ, tuʼnjo mitiʼ ok qʼuqeʼ kykʼuʼj tiʼj Dios.
Jawtzun skʼoʼn Josué tuʼn kyokx tiʼn aj Israel toj Canaán. Kubʼ tyekʼen Jehová tipumal tuʼntzun kyok aj Israel te tajawil txʼotxʼ te Canaán. Weʼ nimaʼ Jordán, kubʼ xitj tmuro Jericó, ex kyaj weʼ Qʼij tuʼn. Tej tikʼ waqaq abʼqʼi, otaq tzʼel kyiʼn aj Israel kytxʼotxʼ aj Canaán.
E kawin jwes 356 abʼqʼi kyibʼaj aj Israel, a Josué ok te tnejil jwes. Kʼelel qnikʼ tiʼj Barac, Gedeón, Jefté, Sansón ex Samuel. Ax ikx kelil qnikʼ kyiʼj xuʼj ik tzaʼn Rahab, Débora, Jael, Rut, Noemí ex Dalila. Nxi tiʼn 396 abʼqʼi aju TOXIN Kʼloj txʼolbʼabʼil lu.
TOJ KʼLOJ XNAQʼTZBʼIL LU
TXʼOLBʼABʼIL 35
Nchi tzaj tqʼoʼn Jehová tkawbʼil
¿Alkyeqe kabʼe kawbʼil mas nim kyoklen kywitz qeju lajaj kawbʼil?
TXʼOLBʼABʼIL 36
Aju wakẍ qʼan pwaq ttxʼotxʼil
¿Tiquʼn kyajtaq tuʼn kykʼulin twitz jun tilbʼilal bʼinchaʼn maj?
TXʼOLBʼABʼIL 37
Jun ja xbʼalun te kʼulbʼil
Tojju mas tal kwart tokxtaq aju kajon tkuʼx yol kyaj bʼant tiʼj toj.
TXʼOLBʼABʼIL 38
Aqej 12 xjal ex samaʼn
In tzaj kyqʼamaʼn lajaj keʼyil txʼotxʼ jun tiʼ ex qeju kabʼetl junxitl tiʼ. ¿Alkyeqe in nok qʼuqeʼ kykʼuʼj aj Israel kyiʼj?
TXʼOLBʼABʼIL 39
¿Tiquʼn nel bʼech tiʼj tzeʼ lu?
¿Alkye tten jaku tzʼel tbʼechel ex twitz jun ttzeʼ mitiʼ tanqʼibʼil tojx jun qʼij?
TXʼOLBʼABʼIL 40
Nok tjubʼin Moisés pik
Etz aʼ tuʼn Moisés, naqtzen tuʼnj, ax ikx jaw qʼojle Jehová tuʼn.
TXʼOLBʼABʼIL 41
Aju kʼuxbʼil kan
¿Tiquʼntzele e tzaj t-samaʼn Dios kan in che kyim xjal kyuʼn tuʼn kyok kytxʼaʼn qe aj Israel?
TXʼOLBʼABʼIL 44
Ex tewin Rahab kabʼe xjal
¿Alkye tten onin Rahab kyiʼj qeju kabʼe xjal ex tiʼ xi tqanin kye?
TXʼOLBʼABʼIL 46
Tej tkubʼ tzʼaq tmuro Jericó
¿Jakupetzele bʼant tuʼn miʼn tkubʼ tzʼaq jun plaj muro tuʼn aqwil?
TXʼOLBʼABʼIL 48
¿Tiʼ bʼant kyuʼn aj Gabaón?
Inchq kubʼ sbʼuʼn Josué kyuʼn aj Gabaón tuʼn t-xi ttziyen jun tiʼ kye, japun twiʼ tyol Josué ex qe aj Israel.
TXʼOLBʼABʼIL 49
¿Tiquʼn kyaj weʼ qʼij?
Bʼant jun tiʼ tuʼn Jehová tuʼn tonin tiʼj Josué aju bʼajxtaq bʼant tuʼn ex miʼn bʼanttl tuʼn.
TXʼOLBʼABʼIL 50
Mitiʼ e tzaj xobʼ kabʼe xuʼj
Kubʼ nej Barac kywitz aj Israel tuʼn kyqʼojen, qa ikju, ¿tiquʼn a Jael in jaw nimsaʼn?
TXʼOLBʼABʼIL 51
Rut ex Noemí
Kyaj ttzaqpiʼn Rut tnajbʼil tuʼn tten ttxlaj Noemí ex tuʼn tajbʼen te Jehová.
TXʼOLBʼABʼIL 52
¿Tiʼ nbʼant tuʼn Gedeón kyukʼe tsoldad?
E jaw tjyoʼn Dios qe soldad lu, aʼyeju nya nim kybʼet, tukʼe jun malbʼil mitiʼxix in najbʼen.
TXʼOLBʼABʼIL 54
Aju xjal nimxix tipumal
¿Tzeʼn el tnikʼ Dalila tiʼj jatumel in tzajtaq nim tipumal Sansón?
TXʼOLBʼABʼIL 55
Jun tal qʼa najbʼen te Dios
Ajbʼen tal kʼwaʼl Samuel tuʼn Dios tuʼn t-xi tqʼoʼn jun tqanil kyuw te tnejel pal Elí.
