KʼLOJ 4
Ntzyet tiʼj tnejel kawil te Israel, npon tiʼjju tej kyxi qʼiʼn tuj Babilonia
A Saúl ok te tnejel ajkawil toj Israel. El tiʼn Jehová toklen Saúl, ex jaw tjyoʼn David te t-xel (tchʼexel). Nim tiʼchaq qo xnaqʼtzal tiʼj David. Tej qʼatoq, bʼiyin tukʼe jun xjal nim twaʼlil aju Goliat tbʼi. Yajxitl el oq twitzju mya bʼaʼn ajkawil Saúl. Aju tbʼanel xuʼj Abigail onin tuʼn mi tkubʼ tbʼinchan David jun mya bʼaʼn.
Yajxitl, qo xnaqʼtzal nim tiʼj Salomón, aju tkʼwal David, aju kyaj te ajkawil kyibʼaj aj Israel. Aʼyejo oxe tnejel ajkawil te Israel e kawin 40 abʼqʼi teyele te junjun. Tej tkyim Salomón, kubʼ kypaʼn kyibʼ aj Israel te kabʼe, kyaj jun kawbʼil jawni ex kyaj jun kawbʼil kubʼni.
Ten 257 abʼqʼi kawbʼil kyibʼaj qejo 10 kʼloj kyiyjil aj Israel, aqejo e kyaj ten jawne; bʼaj jlu tej naʼmxteq kykubʼ xitin kyuʼn aj Asiria. Tej tikʼtl 133 abʼqʼi, ax ikx e kubʼ xitin qejo kabʼe kʼloj kyyajil aj Israel; aʼyejo e kyaj ten kubʼni. Toj ambʼil aju bʼiʼx ex qʼiʼn qe aj Israel tuʼn kyok te majen tuj Babilonia. Aju TKYAJIN Kʼloj txʼolbʼabʼel lu, nxi tiʼn 510 abʼqʼi, tuj tkyaqil ambʼil aju at nim tiʼchaq ikʼ aju tbʼanelxix kʼelel toj qwitz.
TOJ KʼLOJ XNAQʼTZBʼIL LU
TXʼOLBʼABʼIL 56
Saúl tnejel kawil te Israel
Tnejel jaw tjyoʼn Dios ex el ekʼuntl Dios tuʼn. Aju bʼaj tiʼj Saúl in tzaj tyekʼun jun xnaqʼtzbʼil nim toklen qe.
TXʼOLBʼABʼIL 58
David ex Goliat
Nya oʼkx in najbʼen jun xobʼil tuʼn David tuʼn tqʼojen tukʼe Goliat, quʼn in najbʼen juntl qʼojbʼel tuʼn aju mas nim tipumal.
TXʼOLBʼABʼIL 59
¿Tiquʼn el oq David?
Tnejel, in tzalajtaq Saúl tiʼj David, naqtzen tuʼnj, yajxitl ok ten twitz tiʼj ex tajtaq tuʼn tkubʼ tbʼiyoʼn. ¿Tiquʼn?
TXʼOLBʼABʼIL 60
Abigail ex David
In noktaq tqʼoʼn Abigail tbʼi tchmil te mitiʼ tnabʼil, naqtzen tuʼnj, klet tchmil tuʼn… inchq naq toj chʼin ambʼil.
TXʼOLBʼABʼIL 61
Ok David te ajkawil
Kubʼ tyekʼun David qa jakutaq tzʼok te ajkawil, kubʼ tyekʼun jlu tukʼe aju bʼant tuʼn ex tukʼeju mitiʼ xi tqʼoʼn ambʼil tuʼn tbʼant tuʼn.
TXʼOLBʼABʼIL 62
Tzaj mya bʼaʼn toj tja David
Kubʼ tbʼinchaʼn jun nya bʼaʼn, tzaj tiʼn jlu nya bʼaʼn tiʼj ex kyiʼj toj tja toj nim ambʼil.
TXʼOLBʼABʼIL 64
Jaw bʼinchaʼn ja te nabʼil Dios
Inchq attaq nim tnabʼil, kubʼ tiʼj Salomón tuʼn tkubʼ tbʼinchaʼn jun tiʼ nya bʼaʼn ex mitiʼ toklen.
TXʼOLBʼABʼIL 65
Kubʼ paʼn kawbʼil
Xi tzyet tuʼn tkawin Jeroboán, ex ikʼ tnam xjal tuʼn tibʼaj tley Dios.
TXʼOLBʼABʼIL 66
¿Tiʼ bʼant tuʼnju mya bʼaʼn Jezabel?
Ok kbʼantel tiʼxku kyuʼn tuʼn tten aju kyajbʼil.
TXʼOLBʼABʼIL 67
Ok qeʼ tkʼuʼj Jehosafat tiʼj Jehová
¿Tiquʼn in cheʼx jun kʼloj soldad qʼojil kyukʼil aj bʼitzil nejni kywitz ex mintiʼ arma qʼiʼn kyuʼn?
TXʼOLBʼABʼIL 68
E jaw itzʼji kabʼe kʼwaʼl
¿Jakupetzele jaw anqʼin jun xjal otaqxi kyim? ¡o bʼajxi jlu!
TXʼOLBʼABʼIL 70
Xi bʼilqʼuʼn Jonás tuʼn jun matij kiẍ
El tnikʼ Jonás tiʼj qa nim toklen tuʼn t-xi qbʼiʼn aju in tzaj tqʼamaʼn Jehová qe.
TXʼOLBʼABʼIL 71
Ntzaj ttziyen Dios jun tbʼanel najbʼil
Nyatoq matij aju tnejel tbʼanel najbʼil, atzun juntl aju kbʼantel, knojel tkyaqil twitz Txʼotxʼ tuʼn.
TXʼOLBʼABʼIL 72
Tzaj onin Ezequías tuʼn Dios
Toj junx qonikʼan, e kubʼ tbʼyoʼn anjel 185,000 soldad te Asiria.
TXʼOLBʼABʼIL 74
Mitiʼ tzaj xobʼ Jeremías
Kubʼ t-ximan Jeremías qa tzmatoq kuʼxun tuʼn tok te t-sanjel Dios, pero ojtzqiʼntoq tuʼn Dios qa jaku bʼant tuʼn.
TXʼOLBʼABʼIL 76
¿Tiquʼn kubʼ xitin Jerusalén?
¿Tiquʼn xi tqʼoʼn Dios ambʼil kye aj qʼoj kyiʼj aj Israel tuʼn tkubʼ kyxiten tnam Jerusalén?