KʼLOJ 5
Tej kyxi qʼiʼn tuj Babilonia npon tiʼj kybʼant tmuro Jerusalén
Tej ateʼtoq aj Israel toj Babilonia, nim ok qʼuqbʼel kykʼuʼj tuj malbʼil. E okx qʼoʼn qe Sadrac, Mesac ex Abednego toj jun horno nkʼantteq qʼaqʼ tuj, naqtzen tuʼnj mitiʼ xi tqʼoʼn Dios ambʼil tuʼn kykyim. Yajxitl, tej tkubʼ kyiʼj aj Babilonia kyuʼn qejo aj Media ex qeju aj Persia, kux qʼoʼn Daniel tuj jun jul kyxol bʼalun (león), ax ikx ok t-xqʼuqin Dios Daniel tej tok tlamoʼn (tjpuʼn) kytziʼ bʼalin.
Tej tbʼet ambʼil, i etz ttzaqpiʼn Ciro ajo ajkawil te Persia qe aj Israel. E ajtz meltzʼaj juntl maj aj Israel tuj kytnam tej otaqxi tzikʼ 70 abʼqʼi kyxilen qʼiʼn toj Babilonia. Kyxol qeju bʼant kyuʼn aj Israel tnejelku, aju jaw kybʼinchaʼn juntl maj ja te nabʼil Dios toj Jerusalén. Naqtzun aju weʼ aqʼunl kyuʼn ajqʼoj. Tuʼntzunju, tzmaxe tej tikʼ 22 abʼqʼi kyulen meltzʼaj aj Israel tuj Jerusalén pon bʼaj twiʼ aqʼuntl kyuʼn tiʼj ja te nabʼil Dios.
Yajxitl, kʼelel qnikʼ tiʼj Esdras tej tul juntl maj toj Jerusalén, tuʼn tbʼaj bʼinchet ja te nabʼil Dios te tbʼanelxix. Bʼaj jlu tej otaqxi tzikʼ 47 abʼqʼi tbʼajlen bʼinchaʼn ja te nabʼil Dios. Tikʼtzuntl 13 abʼqʼi tulen meltzʼaj Esdras, onin Nehemías tuʼn kyjaw bʼinchet qe tmuro Jerusalén aqejo oteq che kubʼ tzʼaq. Aju TJWEʼYIN Kʼloj txʼolbʼabʼil lu nxi tiʼn 152 abʼqʼi.
TOJ KʼLOJ XNAQʼTZBʼIL LU
TXʼOLBʼABIL 79
Tkuʼx Daniel kyxol león
Tuʼntoq tkubʼ bʼyoʼn Daniel. ¿Bʼantpe jun tiʼ tuʼn tuʼn miʼn tkyim?
TXʼOLBʼABʼIL 80
Tej kyetz tuj Babilonia
Aju aj kawil Ciro te tnam Persia, japun twiʼ jun yol tuʼn tej tokx toj txʼotxʼ te tnam Babilonia, atzun jaʼlo, in japun twiʼ juntl yol.
TXʼOLBʼABʼIL 81
Ok qʼuqeʼ kykʼuʼj tiʼj Dios
Tuʼn e nimen aj Israel te Dios, ateʼ junjun kykawbʼil xjal mintiʼ xi kybʼiʼn. ¿E tzajpe kʼiwlaʼn tuʼn Dios?
TXʼOLBʼABʼIL 82
Mardoqueo ex Ester
Tbʼanelxixtoq keʼyin reina Vasti, noqtzun tuʼnj, ok tqʼoʼn aj kawil Asuero Ester te reina te t-xel. ¿Tiquʼn?
TXʼOLBʼABʼIL 83
Aqeju tmuro Jerusalén
Akux in che bʼinchaʼn tiʼj muro, nqaʼ tkubʼ kyspad qe aqʼunal qʼijl ex qonikʼan