Txʼolbʼabʼil 1

Kubʼ tbʼinchan Dios tkyaqil

1. ¿Jatumel o tzaja tkyaqilju tbʼanel? ¿Jaku bʼant tuʼn tkubʼ tqʼoʼna jun techil?

2. ¿Tiʼ kubʼ tbʼinchen Dios tnejil?

3. ¿Tiquʼn tbʼanelxixteq tnejil anjel?

4. Chikʼbʼantze tzeʼntoq Txʼotxʼ tnejilku (kaʼyinkuxa aju tilbʼilal, mo twutzbʼiyil).

5. ¿Tiʼ bʼent tuʼn Dios tuʼntzun kynajan txkup ex xjal twitz Txʼotxʼ?

Txqantl xjel:

1. Jyonkuxa Jeremías 10:12.

   ¿Alkye qeʼ tmod Dios qʼanchaʼlqe tiʼj tbʼinchbʼen? (Isa. 40:26; Rom. 11:33.)

2. Jyonkuxa Colosenses 1:15-17.

   Tej tkubʼ bʼinchaʼn tkyaqil, ¿tiʼ taqʼun Jesús bʼant, ex tzaʼn jaku tzʼonin jlu qiʼj tuʼn tel qnikʼ alkyexix Jesús?

3. Jyonkuxa Génesis 1:1-10.

   1. ¿Jatumel tzaja Txʼotxʼ? (Gén. 1:1.)

   2. ¿Tiʼ bʼant tuʼn Dios tuj tnejil qʼij? (Gén. 1:3-5.)

   3. ¿Tiʼ bʼant tuʼn Dios toj tkabʼen qʼij? (Gén. 1:7, 8.)

Txʼolbʼabʼil 2

1. ¿Tzeʼn tten bʼaj tbʼinchen Dios Txʼotxʼ?

2. Kubʼ tbʼinchin Dios nim txkup. ¿Jaku bʼant tuʼn ttzaj tqʼmaʼne kybʼi junjun txkup? (Kiʼnke tilbʼilal.)

3. ¿Tiquʼn tbʼaneltaq najbʼil aju Edén tbʼi?

4. ¿Tzeʼn tajtoq Dios tuʼn tok tkyaqil twitz Txʼotxʼ?

Txqantl xjel:

1. Jyonkuxa Génesis 1:11-25.

   1. ¿Tiʼ bʼant tuʼn Dios tuj toxin qʼij? (Gén. 1:12.)

   2. ¿Tiʼ bʼant tuʼn Dios toj tkyajin qʼij? (Gén. 1:16.)

   3. ¿Alkyeqeʼ txkup e kubʼ tbʼinchen Dios toj tjweʼyin ex twaqaqin qʼij? (Gén. 1:20, 21, 25.)

2. Jyonkuxa Génesis 2:8, 9.

   ¿Alkyeqe kabʼe tzeʼ nim kyoklen e kubʼ tqʼoʼn Dios toj tbʼanel najbʼil, ex alqechel e kubʼ qʼoʼn jlu?

Txʼolbʼabʼil 3

1. ¿Tiʼ junxitl at toj tilbʼilal 3 twitzjo at tuj tilbʼilal 2?

2. ¿Alkye kubʼ bʼinchante tnejel xinaq (ichin) ex tiʼtaq tbʼi xinaq lu?

3. ¿Tiʼ taqʼen Adán xi tqʼoʼn Dios?

4. ¿Tiquʼn tzaj nim twatl Adán tuʼn Dios?

5. ¿Jteʼ ambʼil jakutoq chi anqʼin Adán tukʼe Eva ex tiʼ kyaqʼun tajbʼiltoq Jehová tuʼn tbʼent kyuʼn?

Txqantl xjel:

1. Jyonkuxa Isaías 42:8.

   ¿Alkye tbʼi Dios ex tiʼ toklen Dios tibʼaj Txʼotxʼ? (Jer. 16:21; Dan. 4:17.)

2. Jyonkuxa Génesis 1:26-31.

   1. ¿Alkye tbʼinchbʼen Dios kubʼaj toj twaqaqin qʼij ex tiquʼn junxitl bʼinchbʼen lu kywitz qe txkup? (Gén. 1:26.)

   2. ¿Tiʼ twa xinq ex tiʼ kywa txkup xi tqʼoʼn Jehová? (Gén. 1:30.)

3. Jyonkuxa Génesis 2:7-25.

   1. ¿Tiʼtoq tuʼn tbʼant tuʼn Adán tuʼntzun tok tqʼoʼn kybʼi txkup? (Gén. 2:19.)

   2. ¿Tzeʼn in nonin Génesis 2:24 tuʼn tel qnikʼ tiʼ in t-ximin Jehová tiʼjju kymojbʼabʼil kabʼe xjal, tiʼjjo nel kypaʼn kyibʼ ex tiʼjju nkubʼ kynajsaʼn kymojbʼabʼil twitz jun ajkawil? (Mat. 19:4-6, 9.)

Txʼolbʼabʼil 4

1. Keʼyinka tilbʼilal. ¿Tiʼ nbʼaj kyiʼj Adán tukʼe Eva?

2. ¿Tiquʼn kubʼ tqʼoʼn Jehová kykastiw?

3. ¿Tiʼ xi tqʼamaʼn jun kan (lobʼaj) te Eva?

4. ¿Alquʼn ajbʼen kan tuʼn tyole tukʼe Eva?

5. ¿Tiquʼn naj kytembʼil Adán tukʼe Eva toj Tbʼanel Najbʼil?

Txqantl xjel:

1. Jyonkuxa Génesis 2:16, 17 ex 3:1-13, 24.

   1. ¿Tiquʼn aju xi t-xjelen kan te Eva mya bʼaʼn kyaja Jehová tuʼn? (Gén. 3:1-5; 1 Juan 5:3.)

   2. ¿Tiquʼn jun techil qe, aju bʼaj tiʼj Eva? (Fili. 4:8; Sant. 1:14, 15; 1 Juan 2:16.)

   3. ¿Alkye tumel kyajtaq Adán tukʼe Eva tuʼn tkubʼ kyewin aju otaq bʼaj kybʼinchen? (Gén. 3:12, 13.)

   4. ¿Tiʼ bʼent kyuʼn querubín tuʼn kykolin tiʼj nimxix toklen Jehová, aqejo ateʼkutoq jaʼ njatza qʼij ttzi tbʼanel najbʼil te Edén? (Gén. 3:24.)

2. Jyonkuxa Apocalipsis 12:9.

   ¿Jniʼ ma bʼant tuʼn Satanás tuʼn kyel tpaʼn xjal tiʼj tkawbʼil Jehová? (1 Juan 5:19.)

Txʼolbʼabʼil 5

1. ¿Tzeʼntaq tanqʼibʼil Adán tukʼe Eva tiʼjxi tbʼanel najbʼil te Edén?

2. ¿Tiʼ tzaj tiʼj Adán tukʼe Eva, ex tiquʼn tzaj jlu?

3. ¿Tiquʼn iltaq tiʼj tuʼn kytijen ex tuʼn kykyim tkʼwal Adán tukʼe Eva?

4. Naqwit okx tbʼiʼn Adán tukʼe Eva Jehová, ¿tzeʼnwtlo kyanqʼibʼil ten, ex kye kykʼwaʼl?

5. Tuʼnjo mitiʼ okx tbʼiʼn Eva tkawbʼil Jehová, ¿tiʼ kʼixkʼoj tzaj tuʼn jlu toj tanqʼibʼil?

6. ¿Alkyetoq kybʼi tnejil tkʼwal Adán tukʼe Eva?

7. ¿Alkyeqeʼ txqantl kʼwaʼl ateʼkux toj tilbʼilal?

Txqantl xjel:

1. Jyonkuxa Génesis 3:16-23 ex 4:1, 2.

   1. ¿Tiʼ tzaj toj tanqʼibʼil Adán, tuʼnju mya bʼaʼn kyaj qʼmaʼn tibʼaj twitz txʼotxʼ? (Gén. 3:17-19; Rom. 8:20, 22.)

   2. ¿Tiquʼn tbʼanelteqju bʼibʼaj Eva, aju «chwinqlal [mo] itzʼ» t-xilen? (Gén. 3:20.)

   3. ¿Tzeʼn tzaj qʼaqʼin tkʼuʼj Dios tiʼj Adán tukʼe Eva tej oteqxi kubʼ kybʼinchan il? (Gén. 3:7, 21.)

2. Jyonkuxa Apocalipsis 21:3, 4.

   ¿Alkyeqeʼ «tnejel» tiʼchaq qajbʼil tuʼn kykubʼ najsaʼn?

Txʼolbʼabʼil 6

1. ¿Tiʼtoq taqʼun Caín ex tiʼtaq taqʼun Abel?

2. ¿Alkye oyaj xi tiʼn Caín tukʼe Abel twitz Jehová?

3. ¿Tiquʼn tbʼanel ela toj twitz Jehová aju toyaj Abel, atzunjo te Caín mya bʼaʼn ela tuj twitz?

4. ¿Tzeʼntaq tmod Caín ex alkye tumel xi tkawin Jehová?

5. ¿Tiʼ bʼant tuʼn Caín tej attoq tjunalx tukʼe titzʼin toj kojbʼil, mo tuj kʼul?

6. Chikʼbʼantze tiʼ bʼaj tiʼj Caín tej oteqxi bʼaj tbʼiyoʼn titzʼen.

Txqantl xjel:

1. Jyonkuxa Génesis 4:2-26.

   1. ¿Tzeʼn tzaj tyekʼin Jehová qa mya bʼaʼnteq t-xim Caín? (Gén. 4:7.)

   2. ¿Tzeʼn kubʼ tyekʼun Caín aju tkuʼxtaq toj tanmi? (Gén. 4:9.)

   3. Qa ma kubʼ bʼiyoʼn jun tbʼanel xjal, ¿tzeʼn nela jlu toj twitz Jehová? (Gén. 4:10; Isa. 26:21.)

2. Jyonkuxa 1 Juan 3:11, 12.

   1. ¿Tiquʼn tzaj nim tqʼoj Caín, ex tzeʼn najbʼen jlu te jun techal qe toj qqʼijlalil jaʼlo? (Gén. 4:4, 5; Pro. 14:30; 28:22.)

   2. ¿Tzeʼn ntzaj tyekʼen Tyol Dios qa atku maj jaku tzʼel ikʼen Jehová kyuʼn kykyaqil tuj qja, atzen qe mlay kyaj qtzaqpiʼn tuʼn qajbʼen te Jehová naq tuʼn jlu? (Sal. 27:10; Mat. 10:21, 22.)

3. Jyonkuxa Juan 11:25.

   ¿Tiʼ tzul tqʼoʼn Jehová kye qeju nchi kyim tuʼnjo tzʼaqleqeʼ twitz? (Juan 5:24.)

Txʼolbʼabʼil 7

1. ¿Tiʼ junxitl kubʼ tbʼinchen Enoc kywitz qejo txqantl xjal?

2. ¿Tiquʼn kubʼ kybʼinchaʼn xjal nim mya bʼaʼn toj tqʼijlalil Enoc?

3. ¿Tiʼ tiʼchaq mya bʼaʼn nkubʼteq kybʼinchan xjal tuj tqʼijlalil Enoc (kaʼyinkuxa toj tilbʼilal)?

4. ¿Tiquʼn iltaq tiʼj tuʼn tten tipumal Enoc?

5. ¿Jteʼ abʼqʼi nchi anqʼintoq xjal ojtxe ex jteʼ abʼqʼi anqʼin Enoc?

6. ¿Tiʼ bʼaj tej otaqxi kyim Enoc?

Txqantl xjel:

1. Jyonkuxa Génesis 5:21-24, 27.

   1. ¿Tiʼ tbʼanel ten kyxol Enoc tukʼe Jehová? (Gén. 5:24.)

   2. Ik tzeʼnj ntzaj tyekʼin Tyol Dios, ¿alkye xjal o tzʼanqʼin nimxix ambʼil ex jteʼteq tabʼqʼi tej tkyim? (Gén. 5:27.)

2. Jyonkuxa Génesis 6:5.

   Tej otaqxi kyim Enoc, ¿jniʼ mya bʼaʼn chʼiy twitz Txʼotxʼ, ex tiquʼn junx jlu tukʼejo nbʼaj tuj qqʼijlal jaʼle? (2 Tim. 3:13.)

3. Jyonkuxa Hebreos 11:1.

   ¿Alkye tmod Enoc tbʼanel ela toj twitz Dios? (Gén. 5:22.)

4. Jyonkuxa Judas 14, 15.

   ¿Tzeʼn jaku tzʼel qkanoʼn tipumal Enoc, aj t-xi qqʼamaʼn qa chʼix tul kanin tqʼoj Dios aju Armagedón tbʼi? (2 Tim. 4:2; Heb. 13:6.)

Txʼolbʼabʼil 8

1. ¿Tiʼ tzaj tej t-xiʼ kybʼiʼn junjun t-anjel Dios tyol Satanás?

2. ¿Tiquʼn kyaj kytzaqpiʼn junjo anjel kyaqʼun aju attoq toj kyaʼj ex e kuʼtz twitz Txʼotxʼ?

3. ¿Tiquʼn mya bʼaʼntoq tuʼn kykuʼtz anjel twitz Txʼotxʼ ex tuʼn kyok ik tzeʼn qe xjal?

4. ¿Tzeʼnqetoq kykʼwal anjel lu?

5. Ik tzeʼnj tkuʼx toj tilbʼilal, ¿tiʼ kubʼ kybʼinchaʼn kykʼwaʼl anjel tej kyok te nimaq xjal?

6. Tej otaq kyim Enoc, ¿tiʼ tbʼi juntl tbʼanel xjal ten twitz Txʼotxʼ, ex tiquʼn ok tkʼujlaʼn Dios?

Txqantl xjel:

1. Jyonkuxa Génesis 6:1-8.

   ¿Tiʼ in tnaʼn Jehová tukʼejo nkubʼ qbʼinchen, ik tzeʼn ntzaj tyekʼen Génesis 6:6? (Sal. 78:40, 41; Pro. 27:11.)

2. Jyonkuxa Judas 6.

   ¿Tiʼ ntzaj qnaʼn aj qximen kyiʼj qejo anjel «kyaj kyqʼoʼn kyoklen ex [...] kynajbʼil» toj kyaʼj? (1 Cor. 3:5-9; 2 Ped. 2:4, 9, 10.)

Txʼolbʼabʼil 9

1. ¿Jteʼtoq kybʼet Noé tuj kyja, ex tiʼtaq kybʼi tkʼwaʼl?

2. ¿Tiʼ xi tqʼamaʼn Dios te Noé tuʼn tkubʼ tbʼinchaʼn, ex tiquʼn?

3. ¿Tzeʼn ela toj kywitz xjal tej tyolin Noé tiʼj ark?

4. ¿Tiʼtoq tuʼn tbʼant tuʼn Noé kyukʼe txkup ik tzeʼnj tzaj tqʼamaʼn Dios te?

5. Tej oteqxe tzʼok tjupuʼn Dios ttzi ark, ¿tiʼ bʼant tuʼn Noé kyukʼe toj tja?

Txqantl xjel:

1. Jyonkuxa Génesis 6:9-22.

   1. ¿Tiʼ bʼent tuʼn Noé tuʼn tok te jun tbʼanelxix ajbʼel te Dios? (Gén. 6:9, 22.)

   2. ¿Tiʼ t-xim Jehová tiʼj bʼiybʼel, ex tzeʼn jaku tzʼonin jlu qiʼj tuʼn tjaw qjyoʼn tbʼanel qsaqchbʼil? (Gén. 6:11, 12; Sal. 11:5.)

   3. ¿Tzaʼn jaku tzʼel qkanoʼn aju techel kyaj tqʼoʼn Noé aj ttzaj tqʼoʼn ttnam Jehová kawbʼil qe? (Gén. 6:22; 1 Juan 5:3.)

2. Jyonkuxa Génesis 7:1-9.

   ¿Tzeʼn nok tqʼuqbʼaʼn qkʼuʼj aju tzʼaqle ela Noé tuj twitz Jehová, ex aj iltoq te? (Gén. 7:1; Pro. 10:16; Isa. 26:7.)

Txʼolbʼabʼil 10

1. ¿Tiquʼn mi aʼl jun jakutoq tzʼokx tuj ark tej ttzaj jbʼal?

2. ¿Jteʼ qʼij ex jteʼ qonikʼen kubʼ ten jbʼal tuʼn Jehová ex jniʼ japun tweʼ aʼ?

3. ¿Tiʼ bʼaj tiʼj ark tej tjaw noj aʼ twitz Txʼotxʼ?

4. ¿E kyajpetzulo anqʼin nimaq xjal tej ttzaj Nim Jbʼal? ¿Tiʼ bʼaj kyiʼj kytat?

5. ¿Tiʼ bʼaj tiʼj ark tej tikʼ jweʼ xjaw?

6. ¿Tiquʼn etz ttzaqpiʼn Noé jun joj tiʼjxi ark?

7. ¿Tzeʼn ela tnikʼ Noé qa otaq kubʼ laqʼe aʼ?

8. ¿Tiʼ xi tqʼmaʼn Dios te Noé tej otaqxi chi ten mas jun abʼqʼi tuj ark?

Txqantl xjel:

1. Jyonkuxa Génesis 7:10-24.

   1. ¿Jteʼ ambʼil xi tiʼn tuʼn tkubʼ najsaʼn anqʼibʼil twitz Txʼotxʼ? (Gén. 7:23.)

   2. ¿Toj jteʼ ambʼil kubʼ tzqij aʼ twitz txʼotxʼ? (Gén. 7:24.)

2. Jyonkuxa Génesis 8:1-17.

   ¿Tzeʼn ntzaj tyekʼen Génesis 8:17 qa aju tnejel t-xim Jehová tiʼj Txʼotxʼ mitiʼ chʼixpuj? (Gén. 1:22.)

3. Jyonkuxa 2 Pedro 2:9.

   1. ¿Alkye kykastiw mya bʼaʼn anjel kubʼ qʼoʼn tej kymeltzʼaj juntl maj tuj kyaʼj? (Jud. 6.)

   2. ¿Tzeʼn nok tqʼuqbʼaʼn qkʼuʼj aju txʼolbʼabʼil tiʼj Noé kyukʼe toj tja qa nimxix tipumal Jehová at tuʼn tkletju ttnam? (Heb. 11:7.)

Txʼolbʼabʼil 11

1. Ik tzaʼnj ntzaj tyekʼin tilbʼilal, ¿tiʼ bʼant tuʼn Noé tej tetzku toj ark?

2. Tikʼlenxi Nim Jbʼal, ¿tiʼ xi tqʼamaʼn Dios te Noé kyukʼe tuj tja?

3. ¿Tiʼ xi ttziyen Dios kye?

4. Aj qlom, mo aj tqil, jun arko iris, ¿tiʼ iltiʼj tuʼn ttzaj qnaʼn?

Txqantl xjel:

1. Jyonkuxa Génesis 8:18-22.

   1. ¿Tiʼ jaku bʼant quʼn jaʼlo, ‹tuʼntzun tjapun jun tbʼanil tkʼokʼjal tukʼe Jehová›? (Gén. 8:21; Heb. 13:15, 16.)

   2. ¿Tiʼ til Jehová tuj kyanmi xjal, ex tiquʼn iltiʼj tuʼn tok qxqʼuqin qibʼ tiʼj jlu? (Gén. 8:21; Mat. 15:18, 19.)

2. Jyonkuxa Génesis 9:9-17

   1. ¿Alkye tyol Jehová kyaj bʼant tiʼj kyukʼe tkyaqil tbʼinchbʼen twitz Txʼotxʼ? (Gén. 9:10, 11.)

   2. ¿Jteʼtzele ambʼil ktel yol kyaj bʼant tiʼj, aju kubʼ qʼoʼn arko iris te techil? (Gén. 9:16.)

Txʼolbʼabʼil 12

1. ¿Alkyeteq Nemrod, ex tiʼteq t-xim Dios tiʼj?

2. ¿Tiquʼn nkubʼ kybʼinchen xjal ladriy ik tzeʼnj tkuʼx toj tilbʼilal?

3. ¿Tiquʼn mya bʼaʼn ela ja nim twaʼlil toj twitz Jehová?

4. ¿Tiʼ bʼant tuʼn Dios tuʼn miʼ tbʼaj bʼinchaʼn aju ja nim twaʼlil?

5. ¿Tiʼ tbʼi tnam ok ex tiʼ t-xilenjo bʼibʼaj lu?

6. ¿Tiʼ bʼant kyuʼn xjal tej tkubʼ ttzpetsaʼn (ttzʼopesaʼn) Dios kyyol?

Txqantl xjel:

1. Jyonkuxa Génesis 10:1, 8-10.

   ¿Alkyeqeʼ tmod Nemrod e kubʼ tyekʼen, ex tiʼ ntzaj tmaʼn Tyol Dios qe tiʼj jlu? (Pro. 3:31.)

2. Jyonkuxa Génesis 11:1-9.

   ¿Tiquʼn kubʼ bʼinchaʼnju ja maʼxix twaʼl, ex tiquʼn melayxtoq bʼant? (Gén. 11:4; Pro. 16:18; Juan 5:44.)

Txʼolbʼabʼil 13

1. ¿Tzeʼn kymod xjal nchi anqʼintaq tuj tnam Ur?

2. ¿Alkye xjal tkuʼx toj tilbʼilal? ¿Alkye ambʼil ul itzʼji? ¿Jaʼ najletaq?

3. ¿Tiʼ tzaj tmaʼn Dios te Abrahán?

4. ¿Tiquʼn ok Abrahán te tamiw Dios?

5. Tej tetz Abrahán tuj Ur, ¿alkye etz tukʼil?

6. ¿Tiʼ xi tqʼmaʼn Dios te Abrahán tej tpon toj txʼotxʼ te Canaán?

7. ¿Tiʼ tzaj ttziyen Dios te Abrahán tej otaq japen toj 99 abʼqʼi?

Txqantl xjel:

1. Jyonkuxa Génesis 11:27-32.

   1. ¿Tiʼtaq kyxilen Abrahán tukʼe Lot? (Gén. 11:27.)

   2. Ik tzeʼnj ntzaj qʼamaʼn qa a Taré etz iqʼin kye tuj tja tuʼn kyxiʼ tuj Canaán, ¿tzeʼn nel qnikʼ qa ate Abrahán kubʼ nej, ex tiquʼn bʼant jlu tuʼn? (Gén. 11:31; Hech. 7:2-4.)

2. Jyonkuxa Génesis 12:1-7.

   ¿Tiʼ chʼintl Tyol Jehová xi tqʼamaʼn te Abrahán tej tpon tuj Canaán tiʼjxju tyol kyaj bʼant tiʼj tukʼe? (Gén. 12:7.)

3. Jyonkuxa Génesis 17:1-8, 15-17.

   1. ¿Alkyetl tbʼi Abrán ok tej tjapun toj 99 abʼqʼi ex tiquʼn? (Gén. 17:5.)

   2. ¿Alkyeqeʼ kʼiwlabʼil tzaj ttziyen Jehová te Sara? (Gén. 17:15, 16.)

4. Jyonkuxa Génesis 18:9-19.

   1. Ik tzeʼn ntzaj tqʼamaʼn Génesis 18:19, ¿tiʼ kbʼantel kyuʼn manbʼaj kyukʼe qe kykʼwaʼl? (Deu. 6:6, 7; Efe. 6:4.)

   2. ¿Tiʼ bʼaj toj tanqʼibʼil Sara aju ntzaj tyekʼin qa mlay bʼant tuʼn tkubʼ qewin jun tiʼ twitz Jehová? (Gén. 18:12, 15; Sal. 44:21.)

Txʼolbʼabʼil 14

1. ¿Tiʼ tzaj ttziyen Dios te Abrahán, ex tzeʼn japunbʼaj twiʼ jlu tuʼn?

2. Ik tzeʼnj tkuʼx tuj tilbʼilal, ¿tzeʼn tten ok qʼuqbʼil tkʼuʼj Abrahán toj malbʼil tuʼn Dios?

3. Mitiʼtoq nel tnikʼ Abrahán tiʼjju tzaj tqʼmaʼn Dios te, ¿tiʼ bʼant tuʼn?

4. ¿Tiʼ tzaj tej tjatz tiʼn Abrahán kuchiy tuʼn tkubʼ tbʼiyoʼn tkʼwaʼl?

5. ¿Jniʼtoq qʼuqbʼil tkʼuʼj Abrahán atteq tiʼj Dios?

6. ¿Tiʼ tzaj tqʼoʼn Dios te Abrahán tuʼn tkubʼ tqʼoʼn te oyaj (kotz), ex tiʼ bʼant tuʼn Dios tuʼn ttzaj tqʼoʼn oyaj?

Txqantl xjel:

1. Jyonkuxa Génesis 21:1-7.

   ¿Tiquʼn kubʼ tsirkunsidarin Abrahán tkʼwal tuj twajxaqin qʼij? (Gén. 17:10-12; 21:4.)

2. Jyonkuxa Génesis 22:1-18.

   ¿Tzeʼn kubʼ tyekʼin Isaac qa okx tbʼiʼn tyol ttat, ex tzeʼn ok jlu te jun yekʼbʼil tiʼjju ok tzultaq aju nimxix toklen? (Gén. 22:7-9; 1 Cor. 5:7; Fili. 2:8, 9.)

Txʼolbʼabʼil 15

1. ¿Tiquʼn el kypaʼn kyibʼ Abrahán tukʼe Lot?

2. ¿Tiquʼn kubʼ t-ximen Lot tuʼn t-xiʼ anqʼil toj tnam Sodoma?

3. ¿Tzeʼnqetoq xjal te Sodoma?

4. ¿Tiʼ xi kyqʼmaʼn kabʼe anjel te Lot?

5. ¿Tiquʼn ok t-xuʼjil Lot te tqan atzʼin?

6. ¿Tiʼ xnaqʼtzbʼil ntzaj tqʼoʼn qe, aju bʼaj tiʼj t-xuʼjil Lot?

Txqantl xjel:

1. Jyonkuxa Génesis 13:5-13.

   ¿Tiʼ techil kyaj tqʼoʼn Abrahán qe, aj ttzaj jun mya bʼaʼn qxol tukʼe juntl? (Gén. 13:8, 9; Rom. 12:10; Fili. 2:3, 4.)

2. Jyonkuxa Génesis 18:20-33.

   Qa ma qo ximin tibʼajjo kyyol Abrahán tukʼe Jehová, ¿tiquʼn jaku tzʼok qʼuqe qkʼuʼj qa aju malbʼil kʼokil tuʼn Jehová ex tuʼn Jesús tzʼaqlexix? (Gén. 18:25, 26; Mat. 25:31-33.)

3. Jyonkuxa Génesis 19:1-29.

   1. Ik tzeʼnj txʼolbʼabʼil tkuʼx toj Tyol Dios, ¿tiʼ t-xim Dios tibʼajjo nkubʼ kuẍeʼ jun xinaq (ichin) tukʼe juntl xinaq ikxix tzeʼnj nkubʼ kuẍe tukʼe jun xuʼj? (Gén. 19:5, 13; Lev. 20:13.)

   2. ¿Tiʼ kubʼ tbʼinchan Abrahán ex tiʼ kubʼ tbʼinchaʼn Lot tej ttzaj tqʼoʼn Dios kawbʼil kye, ex alkye xnaqʼtzbʼil ntzaj tqʼoʼn jlu qe? (Gén. 19:15, 16, 19, 20; 22:3.)

4. Jyonkuxa Lucas 17:28-32.

   ¿Tiʼteq t-xim t-xuʼjil Lot tiʼj qʼinumabʼil, ex tiʼ ntzaj tyekʼin jlu qe? (Luc. 12:15; 17:31, 32; Mat. 6:19-21, 25.)

5. Jyonkuxa 2 Pedro 2:6-8.

   Ik tzeʼnj tbʼanil techal kyaj tqʼoʼn Lot, ¿alkye qxim ktel tibʼajju mya bʼaʼn nbʼaj twitz txʼotxʼ? (Eze. 9:4; 1 Juan 2:15-17.)

Txʼolbʼabʼil 16

1. ¿Alkye xinaq ex alkye xuʼj tkuʼx toj tilbʼilal?

2. ¿Tiʼ bʼant tuʼn Abrahán tuʼn tkanet jun t-xuʼjel tkyʼajal, ex tiquʼn?

3. ¿Tzeʼn tzaja tzaqʼweʼn aju tnaʼj Dios tmajen Abrahán?

4. ¿Tiʼ xi ttzaqʼweʼn Rebeca tej t-xi xjelin te qa tajtoq tuʼn tkubʼ mojeʼ tukʼe Isaac?

5. ¿Tiquʼn jaw tzalaj juntl maj Isaac?

Txqantl xjel:

1. Jyonkuxa Génesis 24:1-67.

   1. ¿Tiʼ tbʼanel tmod Rebeca kubʼ tyekʼin tej tkanin tukʼe tmajen Abrahán ttzi xoch? (Gén. 24:17-20; Pro. 31:17, 31.)

   2. ¿Tiquʼn jun tbʼanel techel kye okslal aju bʼant tuʼn Abrahán tukʼe Isaac? (Gén. 24:37, 38; 1 Cor. 7:39; 2 Cor. 6:14.)

   3. ¿Tiquʼn iltiʼj tuʼn tel qpaʼn ambʼil tuʼn qximen, ik seʼnj bʼent tuʼn Isaac? (Gén. 24:63; Sal. 77:12; Fili. 4:8.)

Txʼolbʼabʼil 17

1. ¿Alkyeteq Esaú ex Jacob, ex tiquʼn nya junxqeʼ?

2. ¿Jteʼtaq abʼqʼi iqʼin kyuʼn Esaú ex Jacob tej tkyim Abrahán aju kychman?

3. ¿Tiʼ bʼant tuʼn Esaú aju tzaj tbʼis ttat ex tnan tuʼn?

4. ¿Tiquʼn tzaj nim tqʼoj Esaú tiʼj Jacob?

5. ¿Tiʼ xi tqʼmaʼn Isaac te Jacob aju tkyʼajal?

Txqantl xjel:

1. Jyonkuxa Génesis 25:5-11, 20-34.

   1. ¿Tiʼ otaq tzaj tqʼamaʼn Jehová kyiʼj qejo kabʼe tal Rebeca? (Gén. 25:23.)

   2. ¿Alkyetaq t-xim Jacob junxitl twitzj te Esaú tiʼj aju toklen tnejel kʼwaʼl? (Gén. 25:31-34.)

2. Jyonkuxa Génesis 26:34, 35; 27:1-46, ex 28:1-5.

   1. ¿Tzeʼn kubʼ tyekʼen Esaú qa mitiʼteq tkʼujlabʼil tiʼj tajbʼil qMan Dios? (Gén. 26:34, 35; 27:46.)

   2. ¿Tiʼ xi tqʼmaʼn Isaac tuʼn tbʼant tuʼn Jacob, tuʼntzun ttzaj tkʼamoʼn tkʼiwlabʼil Dios? (Gén. 28:1-4.)

3. Jyonkuxa Hebreos 12:16, 17.

   ¿Tiʼ tzul kyiʼj qejo nel kyikʼon tajbʼil Dios ik tzeʼn Esaú?

Txʼolbʼabʼil 18

1. ¿Alkye txin tkuʼx toj tilbʼilal, ex alkye xtalbʼil bʼant tuʼn Jacob te?

2. ¿Tiʼ bʼant tuʼn Jacob tuʼntzun tkubʼ mojeʼ tukʼe Raquel?

3. ¿Tiʼ bʼant tuʼn Labán tej tpon ambʼil tuʼn tkubʼ mojeʼ Jacob tukʼe Raquel?

4. ¿Tiʼ kubʼ tbʼinchan Jacob tuʼntzun tmojeʼ tukʼe Raquel?

Txqantl xjel:

1. Jyonkuxa Génesis 29:1-30.

   1. Kubʼ sbʼuʼn Jacob tuʼn Labán, ¿tzeʼn kubʼ tyekʼin Jacob qa tbʼanel xjalteq te, ex alkye xnaqʼtzbʼil ntzaj tqʼoʼn jlu qe? (Gén. 25:27; 29:26-28; Mat. 5:37.)

   2. ¿Tzeʼn ntzaj tyekʼen techel kyaj tqʼoʼn Jacob alkye axix kʼujlabʼil? (Gén. 29:18, 20, 30; Cant. de Cant. 8:6.)

   3. ¿Alkyeqeʼ kyaje xuʼj e ok te t-xuʼjil Jacob aʼyejo e ul itzʼji tkʼwal kyiʼj? (Gén. 29:23, 24, 28, 29.)

Txʼolbʼabʼil 19

1. ¿Tiʼ kybʼi qeju waqaq tkyʼajal Jacob e ul itzʼji tiʼj Lea, aju tnejil t-xuʼjel?

2. ¿Alkyeqeʼ kabʼe tkʼwal Jacob e ul itzʼje tiʼj Zilpá, aju tmajen Lea?

3. ¿Tiʼ kybʼi kabʼe tkyʼajal Jacob e ul itzʼj tiʼj Bilhá, aju tmajen Raquel?

4. ¿Alkyeqeʼ kabʼe tal Raquel e ul itzʼje, ex tiʼ tzaj tiʼj Raquel tej tul itzʼji tkabʼ tal?

5. Ik tzeʼnj tkuʼx toj tilbʼilal, ¿jteʼ tkyʼajal Jacob ten, ex tiʼ tbʼi tnam el kyiʼj?

Txqantl xjel:

1. Jyonkuxa Génesis 29:32-35; 30:1-26, ex 35:16-19.

   Ik tzeʼnj kybʼi qejo kabʼlaj tkyʼajal Jacob, ¿alkye tumel in noktaq qʼoʼn kybʼi kʼwaʼl aj Hebreo toj ambʼil ojtxe?

2. Jyonkuxa Génesis 37: 35.

   Oʼkx tbʼi Dina njatz kanet toj Tuʼjil Tyol Dios, ¿tzeʼn nel qnikʼ qa tentl txqantl tmeʼl (tmyal) Jacob? (Gén. 37:34, 35.)

Txʼolbʼabʼil 20

1. ¿Tiquʼn nya tajteq Abrahán ex Isaac tuʼn kykubʼ mujeʼ qe kykʼwaʼl kyukʼe xjal te Canaán?

2. ¿Bʼaʼnpetzulo ela toj twitz Jacob tej tok Dina te kyamiw qeju txin te Canaán?

3. ¿Alkye xinaq tkuʼx tuj tilbʼilal aju nkaʼyinx tiʼj Dina, ex tiʼ mya bʼaʼn bʼant tuʼn tiʼj?

4. ¿Tiʼ kubʼ tbʼinchan Simeón ex Leví (aʼyeju t-xibʼan Dina) tej tok kybʼiʼn aju oteq bʼaj?

5. ¿Tbʼanelpetzele ela tuj twitz Jacob aju bʼant tuʼn Simeón ex Leví?

6. ¿Tzeʼn tzaj tzyet mya bʼaʼn tuj tja Jacob?

Txqantl xjel:

1. Jyonkuxa Génesis 34:1-31.

   1. Tej ttzaj ttzyuʼn Siquem Dina, ¿tiquʼn ax Dina at tpaj? (Gál. 6:7.)

   2. Toj qqʼijlalil jaʼlo, ¿tzeʼn nkubʼ kyyekʼin qʼa ex txin qa naʼn kyuʼn aju ikʼ tiʼj Dina? (Pro. 13:20; 1 Cor. 15:33; 1 Juan 5:19.)

Txʼolbʼabʼil 21

1. ¿Tiquʼn el ikʼon José kyuʼn ttzik, ex tiʼ ok kybʼinchen tiʼj?

2. ¿Tiʼ kyajbʼilteq ttzik José tuʼn tok kybʼinchen tiʼj, ex tiʼ te Rubén tqʼma?

3. ¿Tiʼ bʼant kyuʼn ttzik José tej kyikʼ txqan kʼayil aj Ismaelqeʼ?

4. ¿Tiʼ bʼant kyuʼn ttzik José tuʼntzun t-xi t-ximen kytat qa otaq kyim José?

Txqantl xjel:

1. Jyonkuxa Génesis 37:1-35.

   1. ¿Tzeʼn jaku tzʼel qkanoʼn aju techel kyaj tqʼoʼn José qa ma qil, moqa ma qlom, jun qerman nkubʼ tbʼinchan jun mya bʼaʼn? (Gén. 37:2; Lev. 5:1; 1 Cor. 1:11.)

   2. ¿Tiquʼn ok kybʼinchen ttzik José mya bʼaʼn tiʼj? (Gén. 37:11, 18; Pro. 27:4; Sant. 3:14-16.)

   3. ¿Tiʼ tnaʼ Jacob tej tok tbʼiʼn qa otaq kyim José? (Gén. 37:35.)

Txʼolbʼabʼil 22

1. ¿Jteʼ abʼqʼi José tej t-xi qʼin Egipto, ex tiʼ tzaj tiʼj tej tpon atztzu?

2. ¿Tiquʼn okx José pres?

3. ¿Tiʼ taqʼun José xi qʼoʼn tej tokx pres?

4. ¿Alkye xtalbʼil kubʼ tbʼinchaʼn José tejo qʼol tkʼaʼ ex teju bʼinchal tpan Faraón tej ateʼkxtaq pres?

5. ¿Tiʼ tzaj tej oteqxi tzʼetz qʼiʼnju qʼol tkʼaʼ Faraón pres?

Txqantl xjel:

1. Jyonkuxa Génesis 39:1-23.

   Mitiʼtaq jun kawbʼil tzʼibʼinkj tiʼj qa mya bʼaʼnjo ajpajil, ¿tiquʼntzen el oqtz José twitz t-xuʼjil Potifar? (Gén. 2:24; 20:3; 39:9.)

2. Jyonkuxa Génesis 40:1-23.

   1. Chikʼbʼantze twitzikʼ qʼol tkʼaʼ Faraón ex alkye tzaqʼwebʼil tzaj tqʼoʼn Jehová te José tiʼj jlu (Gén. 40:9-13).

   2. ¿Tiʼ twitzikʼ bʼinchal pan ok ex tiʼ t-xilen? (Gén. 40:16-19.)

   3. ¿Tzeʼn o tzʼel tkanoʼn kʼloj majen in bʼant taqʼun ex at tnabʼl (la clase del esclavo fiel y discreto) aju tmod José toj qqʼijlal jaʼlo? (Gén. 40:8; Sal. 36:9; Juan 17:17; Hech. 17:2, 3.)

   4. ¿Tzeʼn nqo tzaj tonin Génesis 40:20 tuʼn tel qnikʼ, alkye t-xim Jehová tiʼj xjal nkubʼ tikʼsaʼn titzʼjlen? (Ecl. 7:1; Mar. 6:21-28.)

Txʼolbʼabʼil 23

1. ¿Tiʼ ok twitzkʼaʼn Faraón toj jun qonikʼen?

2. ¿Tiʼ onin tiʼj qʼol tkʼaʼ Faraón tuʼn tul José tuj tkʼuʼj?

3. Ik tzeʼnj tkuʼx toj tilbʼilal, ¿alkyeqeʼ kabʼe twitzikʼ Faraón e ok?

4. Ik tzeʼnj tqʼama José, ¿tiʼ kyxilen qeju witzikʼj?

5. ¿Tzeʼn oka toklen José chʼixme ik tzeʼn te Faraón toj Egipto?

6. ¿Tiquʼn eʼx ttzik José toj Egipto, ex tiquʼn mitiʼ el kynikʼ tiʼj?

7. ¿Alkye witzikʼ tzaj tnaʼn José, ex tiʼ onin tiʼj tuʼn tel tnikʼ tiʼj witzikʼ lu?

Txqantl xjel:

1. Jyonkuxa Génesis 41:1-57.

   1. ¿Tzeʼn jaw tnimsen José Jehová, ex tzeʼn jaku tzʼel kykanoʼn qeʼ okslal aju tbʼanel techil kyaj tqʼoʼn? (Gén. 41:16, 25, 28; Mat. 5:16; 1 Ped. 2:12.)

   2. Tej tten wuq abʼqʼi nimxix wabʼj ex tej tten wuq abʼqʼi nimxix waʼyij toj Egipto, ¿tiquʼn jun techil jlu tiʼjju nbʼaj toj ttnam Jehová ex tiʼjjo nbʼaj kyxol txqantl okslabʼil? (Gén. 41:29, 30; Amós 8:11, 12.)

2. Jyonkuxa Génesis 42:1-8 ex 50:20.

   ¿Bʼaʼnpetzulo tuʼn kykubʼ mejeʼ qeju nchi ajbʼen te Jehová twitz jun xjal at toklen qa ik nbʼentjo kyuʼn xjal toj tnam jatumel nchi anqʼina? (Gén. 42:6.)

Txʼolbʼabʼil 24

1. ¿Tiquʼn xi tqʼamaʼn José kye ttzik qa naq otaq chi pon keʼyilte tnam tuʼn kyokx qʼojel tiʼj?

2. ¿Tiquʼn xi tqʼoʼn Jacob ambʼil te Benjamín tuʼn t-xiʼ qʼiʼn Egipto?

3. ¿Tzeʼn kuʼxa tbʼanel tkʼabʼel José tuj tkostal Benjamín?

4. ¿Tiʼ tma Judá tuʼntzun miʼ tkyaj Benjamín te majen?

5. ¿Tzeʼnqetaqtl ttzik José?

Txqantl xjel:

1. Jyonkuxa Génesis 42:9-38.

   ¿Tiquʼn tbʼanel tuʼn ttzaj kynaʼn qejo at kyoklen toj ttnam Jehová, aʼyejo tyol José ateʼkuʼx toj Génesis 42:18? (Neh. 5:15; 2 Cor. 7:1, 2.)

2. Jyonkuxa Génesis 43:1-34.

   1. Ateq te Rubén tnejel kʼwaʼl, ¿tiquʼntzun atl Judá yolin te kyxel (kychʼixel) kykyaqil terman? (Gén. 43:3, 8, 9; 44:14, 18; 1 Cró. 5:2.)

   2. ¿Alkye tumel e kubʼ tqʼoʼn José qe ttzik toj malbʼil, ex tiquʼn? (Gén. 43:33, 34.)

3. Jyonkuxa Génesis 44:1-34.

   1. ¿Te alkye ok tqʼoʼn tibʼ José tuʼntzun miʼ tel kynikʼ terman tiʼj? (Gén. 44:5, 15; Lev. 19:26.)

   2. ¿Tzeʼn kubʼ kyyekʼen ttzik José qa mitiʼteqtl mya bʼaʼn tkuʼx toj kyanmi? (Gén. 44:13, 33, 34.)

Txʼolbʼabʼil 25

1. ¿Tiʼ bʼaj tej t-xi tqʼamaʼn José kye terman alkyetaq te?

2. ¿Tiʼ xi tchikʼbʼaʼn José tukʼe kʼujlabʼil kye terman?

3. ¿Tiʼ tqʼama Faraón tej tok tbʼiʼn qa oteq chi pon terman José?

4. ¿Jteʼtaq kybʼet toj tja Jacob tej kyxiʼ najal Egipto?

5. ¿Tiʼ kybʼi kykyaqil tuj tja Jacob ok, ex tiquʼn?

Txqantl xjel:

1. Jyonkuxa Génesis 45:1-28.

   Ik tzeʼnj ntzaj tyekʼen txʼolbʼabʼil tiʼj José, ¿tiʼ jaku bʼant tuʼn Jehová tukʼejo mya bʼaʼn nok kybʼinchen txqantl xjal kyiʼj qeju nchi ajbʼen te? (Gén. 45:5-8; Isa. 8:10; Fili. 1:12-14.)

2. Jyonkuxa Génesis 46:1-27.

   ¿Tzeʼn ok tqʼuqbʼaʼn Jehová tkʼuʼj Jacob tej nbʼettaq toj bʼe tuʼn tpon toj Egipto? (Gén. 46:1-4.)

Txʼolbʼabʼil 26

1. ¿Alkyetoq Job?

2. ¿Tiʼ tajteq Satanás tuʼn tbʼant tuʼn? ¿Bʼant jlu tuʼn?

3. ¿Tiʼ kubʼ tbʼinchen Satanás ex tiquʼn xi tqʼoʼn Jehová ambʼil te?

4. ¿Tiquʼn xi tqʼmaʼn t-xuʼjil Job te: «Maslo bʼaʼn tuʼn tyolina mya bʼaʼn tiʼj Dios tuʼntzun tkyima»? (Keʼyinkuxa tuj tilbʼilal.)

5. Ik tzeʼnj ntzaj tyekʼin tkabʼ tilbʼilal, ¿tiʼ kʼiwlabʼil tzaj tqʼoʼn Jehová te Job, ex tiquʼn?

6. Qa kukx xqo ajbʼen te Jehová ik tzeʼn Job, ¿alkyeqeʼ kʼiwlabʼil chi ul qkʼamoʼn?

Txqantl xjel:

1. Jyonkuxa Job 1:1-22.

   ¿Tzeʼn jaku tzʼel kykanoʼn okslal tuj qqʼijlalil jaʼlo, aju techel kyaj tqʼoʼn Job? (Job 1:1; Fili. 2:15; 2 Ped. 3:14.)

2. Jyonkuxa Job 2:1-13.

   ¿Tiʼ tqʼama Job ex tiʼ tqʼma t-xuʼjil tej ttzaj mya bʼaʼn kyiʼj tuʼn Satanás? (Job 2:9, 10; Pro. 19:3; Miq. 7:7; Mal. 3:14.)

3. Jyonkuxa Job 42:10-17.

   1. ¿Tiquʼn chʼixme junx qeju oyaj tzaj qʼoʼn te Job ex te Jesús tuʼnju kukx e ajbʼen te Jehová? (Job 42:12; Fili. 2:9-11.)

   2. ¿Tzeʼn ntzaj tqʼuqbʼaʼn qkʼuʼj aqeju kʼiwlabʼil tzaj tkʼamoʼn Job, tuʼnjo kukx ajbʼen te Jehová? (Job 42:10, 12; Heb. 6:10; Sant. 1:2-4, 12; 5:11.)

Txʼolbʼabʼil 27

1. ¿Alkye xjal tkuʼx toj tilbʼilal aju qʼiʼn tasyal, ex alkye nok tbʼiyoʼn?

2. ¿Tiʼ bʼaj kyiʼj aj Israel tej tkyim José?

3. ¿Tiquʼn e tzaj xobʼ aj Egipto kyuʼn aj Israel?

4. ¿Alkye kawbʼil xi tqʼoʼn Faraón kye xuʼj aqeju nchi onintaq tuʼn tul itzʼj kyal xuʼj te aj Israel?

Txqantl xjel:

1. Jyonkuxa Éxodo 1:6-22.

   1. ¿Jatumel tzaja tzyet tuʼn tjapunbʼaj tyol Jehová aju tzaj ttziyen te Abrahán? (Éxo. 1:7; Gén. 12:2; Hech. 7:17.)

   2. ¿Tzeʼn kubʼ kyyekʼin qe yoqʼil aj Hebreo qa nim toklen chwinqlabʼil kye? (Éxo. 1:17; Gén. 9:6.)

   3. ¿Tiʼ tzaj qʼoʼn kye yoqʼil tuʼnjo kubʼ kybʼinchen aju tajteq Jehová? (Éxo. 1:20, 21; Pro. 19:17.)

   4. ¿Tiʼ bʼant tuʼn Satanás tuʼn miʼ tjapunbʼaj t-xim Jehová aju tzaj ttziyen te Tyajil (Tiyjil) Abrahán? (Éxo. 1:22; Mat. 2:16.)

Txʼolbʼabʼil 28

1. ¿Alkye tal neʼ tkuʼx tuʼj tilbʼilal, ex al twi qqʼobʼ nkubʼ ttzyuʼn?

2. ¿Tiʼ bʼant tuʼn tnan Moisés tuʼn miʼ tkubʼ bʼiyoʼn tal?

3. ¿Alkyeju tal txin tkuʼx toj tilbʼilal, ex tiʼ bʼent tuʼn?

4. Tej tkanet tal neʼ tuʼn tmeʼl Faraón, ¿tiʼ xi tqʼmaʼn te Míriam?

5. ¿Tiʼ xi tqʼmaʼn tmeʼl Faraón te tnan Moisés?

Juntl xjel:

1. Jyonkuxa Éxodo 2:1-10.

   ¿Alkye ambʼil ajbʼen tuʼn tnan Moisés tuʼn tkubʼ t-xnaqʼtzaʼn tal, ex alkye techil ntzaj tqʼoʼn jlu kye manbʼaj jaʼle? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Txʼolbʼabʼil 29

1. ¿Jatumel jaw chʼiy Moisés, ex tiʼtaq ojtzqiʼn tuʼn kyiʼj ttat?

2. ¿Tiʼ bʼant tuʼn Moisés tej qʼiʼntoq 40 abʼqʼi tuʼn?

3. ¿Tiʼ xi tqʼamaʼn Moisés te jun aj Israel aju nbʼiyeteq tiʼj tukʼe, ex tiʼ xi ttzaqʼweʼn xjal te?

4. ¿Tiquʼn etz oq Moisés toj Egipto?

5. ¿Jatumel xi oq Moisés, ex alkye ok tojtzqiʼn?

6. ¿Tiʼ bʼent tuʼn Moisés kyoj qejo 40 abʼqʼitl?

Txqantl xjel:

1. Jyonkuxa Éxodo 2:11-25.

   Otaqxi bʼaj xnaqʼtzaʼn Moisés kyuʼn aj Egipto, ¿tzeʼn kubʼ tyekʼen Moisés tkʼujlabʼil tiʼj Jehová ex tiʼj ttnam? (Éxo. 2:11, 12; Heb. 11:24.)

2. Jyonkuxa Hechos 7:22-29.

   ¿Tiʼ jaku tzʼel qkanoʼn tiʼjjo bʼant tuʼn Moisés tuʼn kytzaqpaj aj Israel toj Egipto? (Hech. 7:23-25; 1 Ped. 5:6, 10.)

Txʼolbʼabʼil 30

1. ¿Tiʼ tbʼiju witz tkuʼx toj tilbʼilal?

2. ¿Tiʼ til Moisés tej tjapon twiʼ witz kyukʼe t-rit?

3. ¿Tiʼ tqʼama tqʼajqʼojil wibʼaj etz jatumel taʼ wiʼ tzeʼ, ex alqetaq tqʼajqʼojel wibʼaj lu?

4. ¿Tiʼ xi ttzaqʼweʼn Moisés tej ttzaj tqʼmaʼn Dios te, qa keletzteq tiʼn Ttnam toj Egipto?

5. ¿Tiʼ xi tqʼmaʼn Dios te Moisés tuʼn t-xi ttzaqʼweʼn qa ma tzajtoq qanin te; alkye tzaj samante?

6. ¿Tzeʼn jakuteq kubʼ tyekʼen Moisés qa a Dios otaq txi samante?

Txqantl xjel:

1. Jyonkuxa Éxodo 3:1-22.

   ¿Tiquʼn in nok tqʼuqbʼaʼn qkʼuʼj aju ikʼ toj tanqʼibʼil Moisés, qa in qnaʼn qa mitiʼxix nbʼant qaqʼen tuj ttnam Jehová? (Éxo. 3:11, 13; 2 Cor. 3:5, 6.)

2. Jyonkuxa Éxodo 4:1-20.

   1. Tej tten Moisés 40 abʼqʼi atz Madián, ¿tzeʼn tten chʼixpuj tmod ex tiʼ jaku tzʼel kykanoʼn qejo kyajbʼil tuʼn tten kyoklen toj ttnam Jehová? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Ax ikx qa ma qo tzaj tkawin Jehová tukʼe torganización, ¿alkye qʼuqbʼil qkʼuʼj jaku tzaj tqʼoʼn techil kyaj tqʼoʼn Moisés? (Éxo. 4:12-14; Sal. 103:14; Heb. 12:4-11.)

Txʼolbʼabʼil 31

1. ¿Tiʼ el kynikʼ aj Israel tej tkubʼ kyyekʼin Moisés tukʼe Aarón qe techal?

2. ¿Tiʼ xi kyqʼamaʼn Moisés tukʼe Aarón te Faraón, ex tiʼ tzaj ttzaqʼweʼn Faraón?

3. Ik tzeʼnj tkuʼx toj tilbʼilal, ¿tiʼ bʼaj tej tkubʼ t-xoʼn Aarón ttzeʼ twitz txʼotxʼ?

4. ¿Tzeʼn xi tyekʼin Jehová tipumal (tipen) te Faraón, ex tiʼ tqʼma Faraón?

5. ¿Tiʼ tzaj tej tbʼaj lajaj kʼixbʼisabʼil?

Txqantl xjel:

1. Jyonkuxa Éxodo 4:27-31 ex 5:1-23.

   ¿Tiʼ tqʼama Faraón tukʼe tyol: ‹Mintiʼx ojtzqiʼn Jehová wuʼne›? (Éxo. 5:2; 1 Sam. 2:12; Rom. 1:21.)

2. Jyonkuxa Éxodo 6:1-13, 26-30.

   1. ¿Alkye t-xilenjo yol: naʼmxtoq tel tnikʼ Abrahán, Isaac ex Jacob tiʼj Jehová? (Éxo. 3:13, 14; 6:3; Gén. 12:8.)

   2. ¿Tzeʼn nok tqʼuqbʼaʼn qkʼuʼj aju ajbʼen Moisés tuʼn Jehová? (Éxo. 6:12, 30; Luc. 21:13-15.)

3. Jyonkuxa Éxodo 7:1-13.

   1. Tej t-xiʼ Moisés ex Aarón qʼmalte te Faraón tiʼtaq tzul tiʼj, ¿alkye techil kyaj kyqʼoʼn kye qeju nchi ajbʼen te Dios jaʼle? (Éxo. 7:2, 3, 6; Hech. 4:29-31.)

   2. ¿Tzeʼn kubʼ tyekʼen Jehová tipumal kyibʼaj kydios aj Egipto? (Éxo. 7:12; 1 Cró. 29:12.)

Txʼolbʼabʼil 32

1. Ik tzeʼnj tkuʼx kyoj tilbʼilal, ¿alkye oxe kʼixbʼisabʼil tzaj tqʼoʼn Jehová tnejil tibʼaj tnam Egipto?

2. ¿Tiʼ junxitl at kyiʼj qejo oxe kʼixbʼisabʼil tzaj tnejel kywitz qeju txqantl?

3. ¿Alkye tkyajin, tjweʼyin, ex twaqaqin kʼixbʼisabʼil?

4. ¿Alkye twuqin, twajxaqin ex tbʼeljajin kʼixbʼisabʼil?

5. ¿Tiʼ tzaj tqʼmaʼn Jehová kye aj Israel tuʼn tbʼant kyuʼn, tej naʼmxteq tul tlajajin kʼixbʼisabʼil?

6. ¿Alkye tlajajin kʼixbʼisabʼil tzaj, ex tiʼ bʼaj yajxitl?

Txqantl xjel:

1. Jyonkuxa Éxodo 7:19–8:23.

   1. Bʼant-x tuʼn tel kykanoʼn chman te Egipto aʼyeju kabʼe kʼixbʼisabʼil tzaj tqʼoʼn Jehová, ¿tiʼ ilx tiʼj tzaj kyqʼmaʼn tej ttzaj toxin kʼixbʼisabʼil? (Éxo. 8:18, 19; Mat. 12:24-28.)

   2. ¿Tzeʼn tzaj tyekʼen tkyajin kʼixbʼisabʼil aju tipumal Jehová tuʼn tkolin tiʼj ttnam, ex tzeʼn nonin jlu tuʼn tok weʼ ttnam jaʼlo twitz «nimxix yajbʼil» tzul? (Éxo. 8:22, 23; Apoc. 7:13, 14; 2 Cró. 16:9.)

2. Jyonkuxa Éxodo 8:24; 9:3, 6, 10, 11, 14, 16, 23-25, ex 10:13-15, 21-23.

   1. ¿Alkyeqeʼ kabʼe kʼloj xjal el nikʼ kyiʼj tuʼnju Lajaj Kʼixbʼisabʼil tzaj, ex tiʼ melayx bʼant kyuʼnjo kabʼe kʼloj xjal lu? (Éxo. 8:10, 18, 19; 9:14.)

   2. ¿Tzeʼn nqo tzaj tonin Éxodo 9:16 tuʼn tel qnikʼ tiquʼn kukx in tzaj tqʼoʼn Jehová ambʼil te Satanás tuʼn tten? (Rom. 9:21, 22.)

3. Jyonkuxa Éxodo 12:21-32.

   ¿Tzeʼn tten e klet nimxix xjal tuj Xjan Qʼij, ex al qechil kubʼ qʼoʼn Xjan Qʼij lu? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

Txʼolbʼabʼil 33

1. ¿Jteʼ kybʼet xinaq aj Israel e etz toj Egipto, ex alkyeqetl e etz kyukʼe?

2. ¿Tiʼ ul tuj tkʼuʼj Faraón tej otaqxi che ex ttzaqpiʼn aj Israel, ex tiʼ bʼant tuʼn?

3. ¿Tiʼ bʼent tuʼn Jehová tuʼn miʼn kyok ten aj Egipto qʼojel kyiʼj aj Israel?

4. ¿Tiʼ tzaj tej t-xi tnuqpiʼn Moisés tqʼobʼ tukʼe ttzeʼ tibʼaj mar Rojo, ex tiʼ kubʼ kybʼinchan aj Israel?

5. ¿Tiʼ tzaj tej kyokx lepeʼ aj Egipto kyiʼj aj Israel toj mar?

6. ¿Tzeʼn kubʼ kyyekʼin aj Israel qa nxiteq kyqʼoʼn chjonte te Jehová ex qa nchi tzalajtaq tuʼnju e klet tuʼn?

Txqantl xjel:

1. Jyonkuxa Éxodo 12:33-36.

   ¿Tzeʼn e tzaj tonen Jehová qe aj Israel tuʼnjo otaq che ten nim abʼqʼi te majen atz Egipto? (Éxo. 3:21, 22; 12:35, 36.)

2. Jyonkuxa Éxodo 14:1-31.

   ¿Tzeʼn in nonin tyol Moisés aju tkuʼx tuj Éxodo 14:13, 14 kyiʼj qejo nchi ajbʼen te Jehová tuʼnjo chʼinxtl tul Armagedón? (2 Cró. 20:17; Sal. 91:8.)

3. Jyonkuxa Éxodo 15:1-8, 20, 21.

   1. ¿Tiquʼn iltiʼj tuʼn kybʼitzin te Jehová aqeju in che ajbʼen te? (Éxo. 15:1, 2; Sal. 105:2, 3; Apoc. 15:3, 4.)

   2. ¿Alkye techal kyaj tqʼoʼn Míriam ex txqantl xuʼj kye qeju xuʼj nche ajbʼen te Jehová jaʼlo? (Éxo. 15:20, 21; Sal. 68:11.)

Txʼolbʼabʼil 34

1. Ik tzeʼnj tkuʼx tuj tilbʼilal, ¿tiʼ njaw kyiʼn xjal twitz txʼotxʼ, ex tiʼ tbʼi jlu?

2. ¿Tiʼ xi tqʼmaʼn Moisés tuʼn tbʼant kyuʼn xjal ajtoq tjaw kyiʼn maná?

3. ¿Tiʼ tzaj tqʼamaʼn Jehová tuʼn tbʼant kyuʼn aj Israel toj twaqaqin qʼij, ex tiquʼn?

4. ¿Tiʼ bʼent tuʼn Jehová tej t-xi kykʼuʼn aj Israel maná tuj twuqin qʼij?

5. ¿Jteʼ ambʼil e tzaj tkʼaʼchin Jehová aj Israel tukʼe maná?

Txqantl xjel:

1. Jyonkuxa Éxodo 16:1-36 ex Números 11:7-9.

   1. Ik tzeʼn ntzaj tkyekʼin Éxodo 16:8, ¿tiquʼn iltiʼj tuʼn kyokx qbʼiʼn qejo o tzaj tqʼoʼn Dios kyoklen kyxol okslal? (Heb. 13:17.)

   2. ¿Tzeʼn tzaja naʼn kye aj Israel tkyaqil qʼij qa atoq Jehová qʼol tkyaqil tiʼchaq kye toj tzqij txʼotxʼ? (Éxo. 16:14-16, 35; Deu. 8:2, 3.)

   3. ¿Al te qechil ok tqʼoʼn Jesús maná, ex tiʼ tbʼanel ntzaj qe tuʼnju ‹wabʼj te tuj kyaʼj›? (Juan 6:31-35, 40.)

2. Jyonkuxa Josué 5:10-12.

   ¿Jteʼ abʼqʼi e waʼn aj Israel tiʼj maná, ex tzeʼn ela nikʼ kyiʼj tuʼn jlu, yetzun qe, tiʼ jaku tzʼel qkanoʼn tiʼj txʼolbʼabʼil lu? (Éxo. 16:35; Núm. 11:4-6; 1 Cor. 10:10, 11.)

Txʼolbʼabʼil 35

1. Tej otaq tzikʼ kabʼe xjaw kyetzlen aj Israel toj Egipto, ¿jatumel e kubʼ ten?

2. ¿Tiʼ tajbʼiltaq Jehová tuʼn tbʼant kyuʼn aj Israel, ex tiʼ xi kytzaqʼweʼn?

3. ¿Tiquʼn tzaj tqʼoʼn Jehová kabʼe tzʼlom abʼj te Moisés?

4. ¿Alkye txqantl kawbʼil tzaj tqʼoʼn Jehová kye aj Israel?

5. ¿Alkye kabʼe kawbʼil nimxix kyoklen tqʼma Jesucristo?

Txqantl xjel:

1. Jyonkuxa Éxodo 19:1-25; 20:1-21; 24:12-18, ex 31:18.

   ¿Tzeʼn nqo tzaj kyonin qeju yol ateʼkux toj Éxodo 19:8 tuʼn tel qnikʼ tiʼ t-xilenjo nxi qqʼoʼn qibʼ tuʼn qajbʼen te Jehová? (Mat. 16:24; 1 Ped. 4:1-3.)

2. Jyonkuxa Deuteronomio 6:4-6; Levítico 19:18, ex Mateo 22:36-40.

   ¿Tzeʼn tten nxi kyyekʼin okslal kykʼujlabʼil tiʼj Jehová ex kyiʼj xjal? (Mar. 6:34; Hech. 4:20; Rom. 15:2.)

Txʼolbʼabʼil 36

1. ¿Tiʼ nbʼant kyuʼn xjal aʼyeju ateʼkux toj tilbʼilal, ex tiquʼn?

2. ¿Tiquʼn tzaj tqʼoj Jehová, ex tiʼ bʼent tuʼn Moisés tej tlonte aju nkubʼteq kybʼinchen xjal?

3. ¿Tiʼ xi tqʼamaʼn Moisés tuʼn tbʼant kyuʼn junjun xinaq?

4. ¿Tiʼ ntzaj tyekʼinju txʼolbʼabʼil qe?

Txqantl xjel:

1. Jyonkuxa Éxodo 32:1-35.

   1. Ik tzeʼnj ntzaj tyekʼin txʼolbʼabʼil lu, ¿tiʼ t-xim Jehová tibʼajjo qa ma kubʼ mojbʼet aju axixtok kʼulbʼil tukʼeju nya axixtok kʼulbʼel? (Éxo. 32:4-6, 10; 1 Cor. 10:7, 11.)

   2. ¿Tiquʼn iltiʼj tuʼn tok kyxqʼuqin kyibʼ okslal aj tjaw kyjyoʼn alkyeqeʼ bʼitz kʼokel kybʼiʼn ex alkye bʼixbʼel kxel kybʼixen? (Éxo. 32:18, 19; Efe. 5:15, 16; 1 Juan 2:15-17.)

   3. ¿Tzeʼn kubʼ kyqʼoʼn aj Leví jun tbʼanel techil tej kykolin tiʼjju tzʼaqle bʼinchbʼen? (Éxo. 32:25-28; Sal. 18:25.)

Txʼolbʼabʼil 37

1. ¿Tiʼ tbʼi ja tkuʼx tuj tilbʼilal, ex tiʼ tajbʼen?

2. ¿Tiquʼn tzaj tmaʼn Jehová te Moisés tuʼn tbʼant ja xbʼalun kyuʼn, aju jakutaq kubʼ xitit ex jakuteq kubʼ bʼinchet juntl maj?

3. ¿Tiʼ aju kajon tokx tuj tal kwart ex tiʼ tkuʼx toj?

4. ¿Alkye jaw tskʼoʼn Jehová tuʼn tok te nejenel pal ex tiʼ taqʼun bʼent?

5. ¿Alkyeqeʼ oxe tiʼchaq tokx tuj matij kwart?

6. ¿Alkye kabʼe tiʼchaq tkubʼ tpeʼmil ja xbʼalun ex tiʼ kyajbʼen?

Txqantl xjel:

1. Jyonkuxa Éxodo 25:8-40; 26:1-37; 27:1-8, ex 28:1.

   ¿Alqechal e oka kabʼe querubin aʼyejo ateʼkutoq tibʼaj ‹kajon kʼubʼel yol kyaj bʼant tiʼj›? (Éxo. 25:20, 22; Núm. 7:89; 2 Rey. 19:15.)

2. Jyonkuxa Éxodo 30:1-10, 17-21; 34:1, 2, ex Hebreos 9:1-5.

   1. ¿Tiquʼn tzaj tqʼamaʼn Jehová kye pal aqejo nchi ajbʼentaq toj ja xbʼalun qa iltoq tiʼj tuʼn tel kytxʼjoʼn kyiʼj, ex tiʼ ntzaj tyekʼen jlu qe? (Éxo. 30:18-21; 40:30, 31; Heb. 10:22.)

   2. ¿Tzeʼn ntzaj tyekʼin Pablo qa aju ja xbʼalun ex aju kajon kʼubʼel yol kyaj bʼant tiʼj, mitiʼteqtl kyajbʼen tej t-xi ttzʼibʼen tuʼj kye qejo okslal aj Hebreo? (Heb. 9:1, 9; 10:1.)

Txʼolbʼabʼil 38

1. ¿Tiʼ teya t-xim tiʼjjo tqan uva nojne tiʼj tukʼe twitz?¿Jatumel ẍi tzaja?

2. ¿Tequʼn ex tsamaʼn Moisés 12 xjal atz Canaán?

3. ¿Tiʼ xi kyqʼamaʼn 10 xjal te Moisés tej kymeltzʼaj?

4. ¿Tzeʼn kubʼ kyyekʼen qejo kabʼe xjal ex samaʼn qa qʼuqletaq kykʼuʼj tiʼj Jehová, ex tiʼteq kybʼi?

5. ¿Tiquʼn jaw qʼojle Jehová, ex tiʼ tzaj tqʼamaʼn te Moisés?

Txqantl xjel:

1. Jyonkuxa Números 13:1-33.

   1. ¿Alkyeqeʼ e jaw jyoʼn tuʼn kyxiʼ keʼyil txʼotxʼ, ix tiquʼn tbʼaneltaqjo kyoklen lu? (Núm. 13:2, 3, 18-20.)

   2. ¿Tequʼn junxitl kye Josué ex Caleb kyxim twitz kyeju txqantl xjal ex samaʼn, ex tiʼ ntzaj tyekʼin jlu qe? (Núm. 13:28-30; Mat. 17:20; 2 Cor. 5:7.)

2. Jyonkuxa Números 14:1-38.

   1. ¿Tiquʼn mya bʼaʼn tuʼn qjaw yolin kyiʼj qeju o tzaj tqʼoʼn Jehová kyoklen? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Tzeʼn ntzaj tyekʼen Números 14:24 qa nim tkʼujlabʼil Jehová tiʼj junjun tmajen? (1 Rey. 19:18; Pro. 15:3.)

Txʼolbʼabʼil 39

1. ¿Alkyeqeʼ e qʼojen tiʼj toklen Moisés ex Aarón, ex tiʼ xi kymaʼn te Moisés?

2. ¿Tiʼ xi tqʼamaʼn Moisés te Coré ex kye qejo 250 lepcheqeʼkteq tiʼj?

3. ¿Tiʼ xi tqʼamaʼn Moisés kye aj Israel, ex tiʼ tzaj tej tbʼaj yolin?

4. ¿Tiʼ tzaj tiʼj Coré ex kyiʼj qeju 250 tukʼil?

5. ¿Tiʼ bʼent tuʼn Eleazar, aju tkʼwaʼl Aarón, kyukʼejo kypatbʼil xjal otaq chi kyim, ex tiquʼn?

6. ¿Tiquʼn el tubʼechel ttzeʼ Aarón tuʼn Jehová? (Ik tzeʼn tkuʼx toj tilbʼilal.)

Txqantl xjel:

1. Jyonkuxa Números 16:1-49.

   1. ¿Tiʼ kubʼ tbʼinchaʼn Coré kyukʼe qejo lepcheqeʼktoq tiʼj, ex tiquʼn tiʼj Jehová e qʼojin tukʼe jlu? (Núm. 16:9, 10, 18; Lev. 10:1, 2; Pro. 11:2.)

   2. ¿Alkye mya bʼaʼn kubʼ t-ximin Coré ex qejo 250 ‹nejenel kye tnam xjal›? (Núm. 16:1-3; Pro. 15:33; Isa. 49:7.)

2. Jyonkuxa Números 17:1-11 ex 26:10.

   1. ¿Tiʼ tzaj tyekʼejo el tbʼechil ex twitz ttzeʼ Aarón, ex tiquʼn tzaj tqʼamaʼn Jehová tuʼn tkux kʼuʼt toj kajon jatumel tkuʼxe qe ley? (Núm. 17:5, 8, 10.)

   2. ¿Alkye xnaqʼtzbʼil jaku tzʼel qiʼn tiʼjjo el tubʼechel ex twitz ttze Aarón? (Núm. 17:10; Hech. 20:28; Fili. 2:14; Heb. 13:17.)

Txʼolbʼabʼil 40

1. ¿Tzeʼn ok t-xqʼuqin Jehová qe aj Israel tej ateʼtaq tuj tzqij txʼotxʼ?

2. ¿Tiquʼn e jaw yolin aj Israel tej atqeʼtoq toj txʼotxʼ Qadés?

3. ¿Tiʼ bʼant tuʼn Jehová tuʼn ttzaj tqʼoʼn aʼ kye xjal ex kye kyalun?

4. ¿Alkye xjal tkuʼx tuj tilbʼilal aju in nok tyekʼin tibʼ, ex tiquʼn nbʼent jlu tuʼn?

5. ¿Tiquʼn jaw qʼojle Jehová tiʼj Moisés ex tiʼj Aarón, ex tiʼ kykastiw kubʼ tqʼoʼn?

6. ¿Tiʼ bʼaj twiʼ witz Hor, ex alkye ok te nejenel kye pal kyxol aj Israel?

Txqantl xjel:

1. Jyonkuxa Números 20:1-13, 22-29 ex Deuteronomio 29:5.

   1. ¿Tiʼ ntzaj tyekʼen qe, ajo tej kyok t-xqʼuqin Jehová qe aj Israel toj tzqij txʼotxʼ? (Deu. 29:5; Mat. 6:31; Heb. 13:5; Sant. 1:17.)

   2. ¿Tzeʼn ela tuj twitz Jehová tej mitiʼ jaw nimsaʼn tuʼn Moisés ex Aarón kywitz qe aj Israel? (Núm. 20:12; 1 Cor. 10:12; Apoc. 4:11.)

   3. ¿Tiʼ jaku tzʼel qkanoʼn tiʼj Moisés tej tkubʼ kawin tuʼn Jehová? (Núm. 12:3; 20:12, 27, 28; Deu. 32:4; Heb. 12:7-11.)

Txʼolbʼabʼil 41

1. ¿Tiʼ bʼalqʼiʼnk tiʼj tzeʼ aju tkuʼx toj tilbʼilal, ex tiquʼn xi tqʼmaʼn Jehová te Moisés tuʼn tjaw tqʼoʼn tiʼj jun tzeʼ?

2. ¿Tzeʼn kubʼ kyyekʼin qe xjal qa mitiʼ e tzalaj tuʼnjo e ok t-xqʼuqin Dios?

3. ¿Tiʼ xi kyqanin xjal te Moisés tej ttzaj tqʼoʼn Jehová kan, mo lobʼaj, te kykastiw?

4. ¿Tiquʼn tzaj tqʼamaʼn Jehová te Moisés tuʼn tbʼant jun kʼuxbʼil kan tuʼn?

5. ¿Alkye xnaqʼtzbʼil ntzaj tqʼoʼn txʼolbʼabʼil lu qe?

Txqantl xjel:

1. Jyonkuxa Números 21:4-9.

   1. ¿Tiquʼn nya bʼaʼn tuʼn qjaw yolin ik tzeʼnj bʼent kyuʼn aj Israel tiʼjju tzaj tqʼoʼn Jehová kye? (Núm. 21:5, 6; Rom. 2:4.)

   2. Tbʼettzuntl ambʼil, ¿tiʼ ajbʼenatl kʼuxbʼil kan kyuʼn aj Israel, ex tiʼ bʼant tuʼn Ezequías tiʼj jlu? (Núm. 21:9; 2 Rey. 18:1-4.)

2. Jyonkuxa Juan 3:14, 15.

   ¿Tzeʼn oka aju kʼuxbʼil kan te techal Jesús tej tjaw qʼoʼn twitz tzeʼ? (Gál. 3:13.)

Txʼolbʼabʼil 42

1. ¿Alkyejo Balac, ex tequʼn xi tqʼamaʼn tuʼn t-xi txokbʼaj Balaam?

2. ¿Tiquʼn kubʼ bʼuneʼ tchej Balaam toj bʼe?

3. ¿Tiʼ tzaj tmaʼn chej te Balaam?

4. ¿Tiʼ tzaj tqʼamaʼn jun anjel te Balaam?

5. ¿Tiʼ tzaj tej t-xi tqanin Balaam mya bʼaʼn kyibʼaj aj Israel?

Txqantl xjel:

1. Jyonkuxa Números 21:21-35.

   ¿Tiquʼn kubʼ kybʼiyoʼn aj Israel Sehón, aju ajkawil kye aj Amorreo, ex Og aju ajkawil te Basán? (Núm. 21:21, 23, 33, 34.)

2. Jyonkuxa Números 22:1-40.

   ¿Tiquʼn tajteq Balaam tuʼn t-xi tqanin mya bʼaʼn kyibʼaj aj Israel ex tiʼ xnaqʼtzbʼil ntzaj tqʼoʼn jlu qe? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Jyonkuxa Números 23:1-30.

   Nyolintaq Balaam ik tzeʼnj jun ajbʼel te Jehová, ¿tzeʼn e kubʼ tyekʼen qe tbʼinchbʼen qa nya jun ajbʼelteq te Jehová? (Núm. 23:3, 11-14; 1 Sam. 15:22.)

4. Jyonkuxa Números 24:1-25.

   ¿Tzeʼn in nok tqʼuqbʼaʼn qkʼuʼj aju txʼolbʼabʼil lu tiʼjjo o tzaj ttziyen Jehová? (Núm. 24:10; Isa. 54:17.)

Txʼolbʼabʼil 43

1. ¿Alkyeqeʼ kabʼe xinaq atqeʼkux tukʼe Moisés tuj tilbʼilal?

2. ¿Tiʼ xi tqʼamaʼn Jehová te Moisés?

3. ¿Tiquʼn jax Moisés twiʼ witz Nebo, ex tiʼ tzaj tmaʼn Jehová te?

4. ¿Jteʼtoq abʼqʼi iqʼin tuʼn Moisés tej tkyim?

5. ¿Tiquʼn in che bʼisenteq aj Israel, ex tiquʼn nchi tzalajtaq?

Txqantl xjel:

1. Jyonkuxa Números 27:12-23.

   ¿Alkye taqʼun Josué xi tqʼoʼn Jehová, ex tzaʼn ntzaj tyekʼen Jehová qa nim tkʼuʼj tiʼj ttnam jaʼle? (Núm. 27:15-19; Hech. 20:28; Heb. 13:7.)

2. Jyonkuxa Deuteronomio 3:23-29.

   ¿Tiquʼn mitiʼ xi tqʼoʼn Jehová ambʼil te Moisés ex te Aarón tuʼn kyikʼx toj Txʼotxʼ Tziyamaj, ex tiʼ xnaqʼtzbʼil ntzaj tqʼoʼn jlu qe? (Deu. 3:25-27; Núm. 20:12, 13.)

3. Jyonkuxa Deuteronomio 31:1-8, 14-23.

   Tej tbʼaj yolin Moisés, ¿tzeʼn tzaj tyekʼen tyol qa manstoq ex qa okx tbʼiʼn kawbʼil tzaj tqʼoʼn Jehová te? (Deu. 31:6-8, 23.)

4. Jyonkuxa Deuteronomio 32:45-52.

   ¿Tzeʼn jaku tzʼonin Tyol qMan Dios toj qanqʼibʼil? (Deu. 32:47; Lev. 18:5; Heb. 4:12.)

5. Jyonkuxa Deuteronomio 34:1-12.

   Mitiʼxte Moisés ok tkaʼyin twitz Jehová, ¿alkyetoq tbʼanel at kyxol ik tzeʼn ntzaj tyekʼen Deuteronomio 34:10? (Éxo. 33:11, 20; Núm. 12:8.)

Txʼolbʼabʼil 44

1. ¿Jatumel najletaq Rahab?

2. ¿Alkye qejo kabʼe xjal ateʼkux toj tilbʼilal, ex tiquʼn ma chi pon Jericó?

3. ¿Tiʼ xi tqʼamaʼn ajkawil te Jericó te Rahab ex tiʼ tqʼama Rahab?

4. ¿Alkye onbʼil xi tqʼoʼn Rahab kye qejo kabʼe xinaq, ex tiʼ xi tqanin kye?

5. ¿Tiʼ xi kytziyen te Rahab aqejo kabʼe xjal ex samaʼn?

Txqantl xjel:

1. Jyonkuxa Josué 2:1-24.

   ¿Tzeʼn japunbʼaj twiʼ tyol Jehová aju tkuʼx tuj Éxodo 23:28 tej kyxiʼ aj Israel qʼojil kyiʼj aj Jericó? (Jos. 2:9-11.)

2. Jyonkuxa Hebreos 11:31.

   ¿Tzeʼn ntzaj tyekʼe aju techal kyaj tqʼoʼn Rahab qa iltiʼj tuʼn tten qʼuqbʼil qkʼuʼj? (Rom. 1:17; Heb. 10:39; Sant. 2:25.)

Txʼolbʼabʼil 45

1. ¿Tiʼ bʼant tuʼn Jehová tuʼn kyikʼx aj Israel toj nim aʼ Jordán?

2. ¿Tiʼ iltaq tiʼj tuʼn tbʼent kyuʼn aj Israel tuʼntzun kyikʼx tuj nimaʼ Jordán?

3. ¿Tiquʼn tzaj tqʼmaʼn Jehová tuʼn tjatz tiʼn Josué kabʼlaj matij abʼj toj nimaʼ?

4. ¿Tiʼ bʼaj tej kyjatz pal tuj nimaʼ?

Txqantl xjel:

1. Jyonkuxa Josué 3:1-17.

   1. Ik tzeʼnj ntzaj tyekʼen txʼolbʼabʼil lu, ¿tiʼ iltiʼj tuʼn tbʼant quʼn tuʼntzun qtzaj tonin ex tuʼn qtzaj tkʼiwlaʼn Jehová? (Jos. 3:13, 15; Pro. 3:5; Sant. 2:22, 26.)

   2. ¿Tzeʼntoq taʼ nimaʼ Jordán tej kyikʼx aj Israel, tuʼntzen kypon tuj Txʼotxʼ tzaj Tziyen kye, ex tzeʼn jaw tnimen jlu tbʼi Dios ajo Jehová? (Jos. 3:15; 4:18; Sal. 66:5-7.)

2. Jyonkuxa Josué 4:1-18.

   ¿Tiʼ e ajbʼen qeju kabʼlaj abʼaj e jatz qʼiʼn toj Jordán ex e kubʼ qʼoʼnqe tuj Guilgal? (Jos. 4:4-7.)

Txʼolbʼabʼil 46

1. ¿Tiʼ tzaj tqʼamaʼn Jehová tuʼn tbʼant kyuʼn soldad ex kyuʼn pal tuj twaqaqin qʼij?

2. ¿Tiʼ iltaq tiʼj tuʼn tbʼant kyuʼn xinaq toj twuqin qʼij?

3. Ik tzeʼn ntzaj tyekʼen tilbʼilal, ¿tiʼ ma tzaj kyiʼj tmuro Jericó?

4. ¿Tiquʼn tok jun aqwil kyaq ttzi ventan?

5. ¿Tiʼ xi tqʼmaʼn Josué kye soldad tuʼn tbʼant kyuʼn tiʼj tnam ex kyiʼj xjal, ex tiʼtaq tuʼn tbʼant kyuʼn tukʼe saq pwaq, qʼan pwaq, qʼan kʼuxbʼel ex mastl kʼuxbʼil?

6. ¿Tiʼ xi qʼamaʼn kye qejo kabʼe xjal ex samaʼn?

Txqantl xjel:

1. Jyonkuxa Josué 6:1-25.

   1. ¿Tiquʼn chʼixme ik kypakbʼabʼil testigos de Jehová toj qqʼijlalel jaʼle, ik tzeʼnj tej kybʼet aj Israel tiʼjele Jericó toj twuqin qʼij? (Jos. 6:15, 16; Isa. 60:22; Mat. 24:14; 1 Cor. 9:16.)

   2. ¿Tzeʼn japunbʼaj twiʼ yol tkuʼx toj Josué 6:26 tikʼlenxi jweʼ syent abʼqʼi, ex tiʼ ntzaj tyekʼen jlu qe tiʼj Tyol Jehová? (1 Rey. 16:34; Isa. 55:11.)

Txʼolbʼabʼil 47

1. ¿Alkye xjal tkuʼx toj tilbʼilal aju nkux tmuquʼn junjun tiʼchaq etz tiʼn tuj Jericó, ex alkye qeju nchi onin tiʼj?

2. ¿Tiquʼn mya bʼaʼnju bʼent tuʼn Acán ex qejo toj tja?

3. Tej t-xi tqanin Josué tiquʼn otaq chi kubʼ aj Israel kyuʼn aj Hai, ¿tiʼ tzaj tqʼamaʼn Jehová te?

4. ¿Tiʼ bʼaj tiʼj Acán ex kyiʼj toj tja tej kyxi qʼiʼn twitz Josué?

5. ¿Tiʼ ntzaj tyekʼin qe ajo bʼaj tiʼj Acán?

Txqantl xjel:

1. Jyonkuxa Josué 7:1-26.

   1. ¿Tiʼ tzaj tyekʼin tnaʼj Dios Josué tiʼj tamiwbʼel tukʼe Jehová? (Jos. 7:7-9; Sal. 119:145; 1 Juan 5:14.)

   2. ¿Tiʼ bʼent tuʼn Acán ex tiʼ ntzaj tyekʼen jlu qe? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Jyonkuxa Josué 8:1-29.

   ¿Tiʼ iltiʼj tuʼn tbʼant quʼn, qa ma qil, moqa ma qlom, jun qerman nkubʼ tbʼinchan jun il? (Jos. 7:13; Lev. 5:1; Pro. 28:13.)

Txʼolbʼabʼil 48

1. ¿Tiquʼn junxiqetl aj Gabaón kywitz qeju txqantl tnam te Canaán?

2. Ik tzeʼnj tkuʼx tuj tilbʼilal, ¿tiʼ bʼant kyuʼn aj Gabaón, ex tiquʼn?

3. ¿Alkye yol kyaj bʼant tiʼj tuʼn Josué ex qe nejenel kye aj Israel kyukʼe aj Gabaón, ex tiʼ ok kybʼiʼn toj toxen qʼij?

4. ¿Tiʼ bʼent kyuʼn qejo txqantl ajkawil tej tok kybʼiʼn qa otaq kyaj bʼant tiʼj kyyol aj Gabaón kyukʼe aj Israel?

Txqantl xjel:

1. Jyonkuxa Josué 9:1-27.

   1. Quʼn otaq tzaj tqʼamaʼn Jehová kye aj Israel ‹tuʼn tkubʼ kybʼiyoʼn kykyaqil xjal›, ¿alkye tbʼanel tmod Jehová kubʼ tyekʼen tej tkubʼ tnajsaʼn kyil aj Gabaón? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Tej tkubʼ tbʼinchan Josué ikxix tzeʼnj bʼaj kyyolin tiʼj kyukʼe aj Gabaón, ¿alkye tbʼanel techal kyaj tqʼoʼn Josué kywitz qe okslal toj qqʼijlalil jaʼle? (Jos. 9:18, 19; Mat. 5:37; Efe. 4:25.)

2. Jyonkuxa Josué 10:1-5.

   ¿Tzeʼn in nel kykanoʼn qejo chi kjel anqʼil twitz txʼotxʼ aju bʼent kyuʼn aj Gabaón, ex tiʼ nok bʼinchen kyiʼj tuʼn jlu? (Jos. 10:4; Zac. 8:23; Mat. 25:35-40; Apoc. 12:17.)

Txʼolbʼabʼil 49

1. Ik tzeʼnj tkuʼx toj tilbʼilal, ¿tiʼ nxi tqʼamaʼn Josué ex tequʼn?

2. ¿Tzeʼn onin Jehová tiʼj Josué ex kyiʼj tsoldad?

3. ¿Jteʼ ajkawil kubʼ tuʼn Josué, ex jniʼ ambʼil xe tiʼn?

4. ¿Tiquʼn kubʼ tpaʼn Josué aju txʼotxʼ te Canaán?

5. ¿Jteʼtoq abʼqʼi iqʼin tuʼn Josué tej tkyim, ex tiʼ tzaj kyiʼj xjal yajxitl?

Txqantl xjel:

1. Jyonkuxa Josué 10:6-15.

   ¿Alkye qʼuqbʼil qkʼuʼj ntzaj tqʼoʼnju weʼ Qʼij ex Xjaw tuʼn Jehová tuʼn kyonit aj Israel? (Jos. 10:8, 10, 12, 13; Sal. 18:3; Pro. 18:10.)

2. Jyonkuxa Josué 12:7-24.

   ¿Alquʼn e kubʼa qejo 31 ajkawil te Canaán, ex tiquʼn nim toklen jlu qe jaʼle? (Jos. 12:7; 24:11-13; Deu. 31:8; Luc. 21:9, 25-28.)

3. Jyonkuxa Josué 14:1-5.

   ¿Tiʼ bʼant kyuʼn aj Israel tuʼn tkubʼ kypaʼn txʼotxʼ kyxol, ex tiʼ ntzaj tyekʼen jlu tiʼjjo qetzbʼil tzul qʼoʼn toj Tbʼanel Najbʼil te Tzalajbʼil? (Jos. 14:2; Isa. 65:21; Eze. 47:21-23; 1 Cor. 14:33.)

4. Jyonkuxa Jueces 2:8-13.

   Ik tzeʼnj bʼent tuʼn Josué kyxol aj Israel, ¿alkyeqeʼ nchi ajbʼen tuʼn Jehová jaʼle tuʼn kymaqet qejo o tzʼel kypaʼn kyibʼ tiʼj? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apoc. 1:1; 2:1, 2.)

Txʼolbʼabʼil 50

1. ¿Alkyeqetoq jwes, ex tiʼteq kybʼi junjun?

2. ¿Tiʼteq toklen Débora, ex tiʼtaq t-xilen jlu?

3. Tej nqʼojintaq Jabín ex Sísara kyiʼj aj Israel, ¿alkye tyol Jehová xi tqʼamaʼn te Débora tuʼn t-xi tqʼamaʼn te Barac, ex alkyetoq kjawil nimsen chi Débora?

4. ¿Tzeʼn kubʼ tyekʼen Jael qa mitiʼtoq ntzaj xobʼ?

5. Tej tkyim Jabín, ¿tzeʼn e anqʼinatl aj Israel?

Txqantl xjel:

1. Jyonkuxa Jueces 2:14-22.

   ¿Tiquʼn tzaj tqʼoj Jehová kyiʼj aj Israel, ex alkye xnaqʼtzbʼil ntzaj tqʼoʼn jlu qe? (Jue. 2:20; Pro. 3:1, 2; Eze. 18:21-23.)

2. Jyonkuxa Jueces 4:1-24.

   ¿Tiʼ jaku tzʼel kykanoʼn xuʼj aʼyejo okslalqeʼ tiʼj techal kyaj tqʼoʼn Débora ex Jael? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Jyonkuxa Jueces 5:1-31.

   Ik tzeʼnj te Barac ex Débora tej kyok ten bʼitzel, ¿tiʼ kxel qqanin toj qnaʼj Dios tibʼajju tqʼoj Dios tzul aju Armagedón? (Jue. 5:3, 31; 1 Cró. 16:8-10; Apoc. 7:9, 10; 16:16; 19:19-21.)

Txʼolbʼabʼil 51

1. ¿Tiquʼn xiʼ Noemí tuj txʼotxʼ te Moab?

2. ¿Alkye qeju Rut ex Orpá?

3. ¿Tiʼ tma Rut ex Orpá tej t-xi tqʼamaʼn Noemí tuʼn kymeltzʼaj toj kytnam?

4. ¿Alkyejo Boaz, ex tzeʼn onin tiʼj Rut ex Noemí?

5. ¿Tiʼ tbʼi tkʼwaʼl Boaz ul itzʼji tukʼil Rut ex tiquʼn iltiʼj tuʼn ttzaj qnaʼn?

Txqantl xjel:

1. Jyonkuxa Rut 1:1-17.

   1. ¿Tzaʼn kubʼ tyekʼin Rut tukʼe tyol aju axix kʼujlabʼil? (Rut 1:16, 17.)

   2. ¿Tzeʼn nkubʼ kyyekʼen qejo nimxix xjal chi kjel tzalu twitz txʼotxʼ, qa nchi onin tukʼe tkyaqil kykʼuʼj kyukʼe qeju o che jaw skʼoʼn; ik seʼnju kubʼ tyekʼin Rut? (Juan 10:16; Zac. 8:23.)

2. Jyonkuxa Rut 2:1-23.

   ¿Alkye tbʼanel techel kyaj tqʼoʼn Rut kywitz qejo txin tuj qqʼijlalil jaʼle? (Rut 2:17, 18; Pro. 23:22; 31:15.)

3. Jyonkuxa Rut 3:5-13.

   1. ¿Tzeʼn ela tuj twitz Boaz tej bʼaʼn ela toj twutz Rut tuʼn tmojeʼ tukʼil ex nya tukʼe jun xjal mas qʼa?

   2. ¿Tiʼ ntzaj tyekʼin qe aju t-xim Rut tibʼaj axix kʼujlabʼil? (Rut 3:10; 1 Cor. 13:4, 5.)

4. Jyonkuxa Rut 4:7-17.

   ¿Tzaʼn jaku tzʼel kykanoʼn xinq, moqa ichin, aqeju okslalqeʼ tiʼj techal kyaj tqʼoʼn Boaz? (Rut 4:9, 10; 1 Tim. 3:1, 12, 13; 5:8.)

Txʼolbʼabʼil 52

1. ¿Tiʼ mya bʼaʼn ma tzaj kyiʼj aj Israel ex tiquʼn?

2. ¿Tiquʼn xi tqʼamaʼn Jehová te Gedeón qa nimxix kybʼet tsoldad at?

3. ¿Jteʼ kybʼet xinaq e kyaj ten tej otaqxi chi aj tsamaʼn Gedeón qejo xjal nchi tzajteq xobʼ?

4. Ik tzaʼnj tkuʼx toj tilbʼilal, ¿tiʼ bʼant tuʼn Jehová tuʼn tkyaj oʼkx 300 tsoldad Gedeón?

5. ¿Alkye ttxolil e kubʼ tpaʼn Gedeón qe 300 soldad, ex tzeʼn tten e kanbʼan aj Israel kyiʼj ajqʼoj?

Txqantl xjel:

1. Jyonkuxa Jueces 6:36-40.

   1. ¿Tiʼ bʼant tuʼn Gedeón tuʼn telxix tnikʼ alkyetoq tajbʼil Jehová?

   2. ¿Tiʼ kbʼantel quʼn jaʼlo tuʼn telxix qnikʼ alkye tajbʼil Jehová? (Pro. 2:3-6; Mat. 7:7-11; 2 Tim. 3:16, 17.)

2. Jyonkuxa Jueces 7:1-25.

   1. ¿Tiʼ jaku tzʼel qkanoʼn kyiʼj qeju 300 soldad aʼyeju kukx e xqʼuqin, kywitz qejo mitiʼtaq nchi xqʼuqin? (Jue. 7:3, 6; Rom. 13:11, 12; Efe. 5:15-17.)

   2. Ik tzeʼn qeju 300 soldad el kykanoʼn tiʼj Gedeón, ¿tzeʼn jaku tzʼel qkanoʼn qe tiʼj Jesucristo, aju Gedeón nim toklen? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿Tzeʼn nqo tzaj tonin Jueces 7:21 tuʼn qajbʼen jaʼxku tumel qo xeʼl samaʼn toj ttnam Jehová? (1 Cor. 4:2; 12:14-18; Sant. 4:10.)

3. Jyonkuxa Jueces 8:1-3.

   Qa at jun mya bʼaʼn saj qxol tukʼe jun ermano, ¿tiʼ jaku tzʼel qkanoʼn tiʼj Gedeón tej ttzaj mya bʼaʼn kyxol kyukʼe aj Efraín? (Pro. 15:1; Mat. 5:23, 24; Luc. 9:48.)

Txʼolbʼabʼil 53

1. ¿Alkyeju Jefté ex tuj alkye ambʼil anqʼin?

2. ¿Tiʼ xi ttziyen Jefté te Jehová?

3. Tej kykubʼ aj Amón tuʼn Jefté, ¿tiquʼn tzaj tbʼis tej tmeltzʼaj tja?

4. ¿Tiʼ tqʼma tmeʼl Jefté tej tbʼi aju yol otaq txi ttziyen ttat?

5. ¿Tiquʼn kʼujlaʼnteq tmeʼl Jefté kyuʼn aj Israel?

Txqantl xjel:

1. Jyonkuxa Jueces 10:6-18.

   ¿Tiʼ ntzaj tyekʼin qe aju nim maj mitiʼ e ajbʼen aj Israel te Jehová? (Jue. 10:6, 15, 16; Rom. 15:4; Apoc. 2:10.)

2. Jyonkuxa Jueces 11:1-11, 29-40.

   1. ¿Tzeʼn tten nel qnikʼ qa aju tej t-xi tqʼoʼn Jefté tmeʼl «te jun oyaj patun» mitiʼ kubʼ tbʼiyoʼn ex mitiʼ kubʼ tpatin? (Jue. 11:31; Lev. 16:24; Deu. 18:10, 12.)

   2. ¿Tiʼ t-xilen aju xi tqʼoʼn Jefté tmyal te jun oyaj?

   3. ¿Tzeʼn jaku tzʼel qkanoʼn tiʼj Jefté tukʼejo tyol otaq txi ttziyen te Jehová? (Jue. 11:35, 39; Ecl. 5:4, 5; Mat. 16:24.)

   4. ¿Tzeʼn jaku tzʼel kykanoʼn qʼa ex qe txin aju bʼant tuʼn tmeʼl Jefté, aj t-xi tzyet tuʼn kyajbʼen toj tkyaqil ambʼil tuj taqʼen Jehová? (Jue. 11:36; Mat. 6:33; Fili. 3:8.)

Txʼolbʼabʼil 54

1. ¿Tiʼ tbʼi xjal aju nimxix tipumal o tzʼanqʼin twitz txʼotxʼ, ex alkye xi qʼonte tipun?

2. ¿Tiʼ bʼent tuʼn Sansón tukʼe jun bʼalun (león), ik tzeʼnj tkuʼx toj tilbʼilal?

3. ¿Tiʼ xi tqʼamaʼn Sansón te Dalila ik tzaʼnj tkuʼx tuj tilbʼilal, ex tiʼ tzaj tiʼj tuʼn jlu?

4. ¿Tzeʼn tten e kyim 3.000 aj Filisteo tuʼn Sansón tuj qʼij tej tkyim?

Txqantl xjel:

1. Jyonkuxa Jueces 13:1-14.

   ¿Tiquʼn jun tbʼanel techel Manóah tukʼix t-xuʼjlal kye qeju manbʼaj at kykʼwaʼl? (Jue. 13:8; Sal. 127:3; Efe. 6:4.)

2. Jyonkuxa Jueces 14:5-9 ex 15:9-16.

   1. Tej tkyim jun bʼalun tuʼn Sansón, tej kykubʼ laqj akʼaj twitz aqwil tuʼn ex tej kykyim 1.000 xjal tukʼe tjaqʼ ttziʼ jun chej tuʼn, ¿tiʼ ntzaj tyekʼin jlu tiʼjju nbʼant tuʼn xewbʼaj xjan te Jehová?

   2. ¿Tzeʼn nqo tzaj tonin xewbʼaj xjan toj qqʼijlalil jaʼle? (Jue. 14:6; 15:14; Zac. 4:6; Hech. 4:31.)

3. Jyonkuxa Jueces 16:18-31.

   ¿Tiʼ tzaj tiʼj Sansón tuʼnjo ok tmujbʼaʼn tibʼ kyukʼe mya bʼaʼn xjal, ex tiʼ ntzaj tyekʼe jlu qe? (Jue. 16:18, 19; 1 Cor. 15:33.)

Txʼolbʼabʼil 55

1. ¿Tiʼ tbʼi tal qʼa tkuʼx toj tilbʼilal, ex alkyeqeʼ atqeʼ tukʼe?

2. ¿Tiʼ xi tqanen Ana toj tnaʼj Dios tej tpon tuj tja Jehová, ex tzeʼn tzaj ttzaqʼweʼn Jehová?

3. ¿Jteʼtaq abʼqʼi iqʼen tuʼn Samuel tej t-xi qʼiʼn ajbʼel toj tja Jehová, ex tiʼtoq nxi tiʼn tnan te tuj junjo abʼqʼi?

4. ¿Tiʼtaq kybʼi tkʼwaʼl Elí, ex tzeʼnqetoq?

5. ¿Tzeʼn tzaja ttxkoʼn Jehová Samuel, ex tiʼ tzaj tqʼamaʼn te?

6. ¿Tiʼ toklen Samuel ok tej tchʼiy, ex tiʼ bʼaj tej ttijen?

Txqantl xjel:

1. Jyonkuxa 1 Samuel 1:1-28.

   1. Tej tkubʼ nej Elqaná kywitz toj tja tuʼn kykʼulen te Jehová, ¿tiʼ tbʼanel techil kyaj tqʼoʼn kywitz qeju manbʼaj? (1 Sam. 1:3, 21; Mat. 6:33; Fili. 1:10.)

   2. ¿Tiʼ bʼent tuʼn Ana tej tok weʼ twitz mya bʼaʼn ex alkye xnaqʼtzbʼil ntzaj tqʼoʼn jlu qe? (1 Sam. 1:10, 11; Sal. 55:22; Rom. 12:12.)

2. Jyonkuxa 1 Samuel 2:11-36.

   ¿Tzeʼn kubʼ tyekʼen Elí qa mas nim kyoklen tkʼwaʼl twitztl te Jehová ex tiʼ ntzaj tyekʼin jlu qe? (1 Sam. 2:22-24, 27, 29; Deu. 21:18-21; Mat. 10:36, 37.)

3. Jyonkuxa 1 Samuel 4:16-18.

   ¿Alkye kyaje mya bʼaʼn tqanil pon tiʼn jun soldad, ex tiʼ tzaj tiʼj Elí tuʼn jlu?

4. Jyonkuxa 1 Samuel 8:4-9.

   ¿Tzeʼn el ikʼen Jehová kyuʼn aj Israel, ex tzeʼn jaku qo onin oʼkx tiʼj tKawbʼil Jehová toj qqʼijlalil jaʼle? (1 Sam. 8:5, 7; Juan 17:16; Sant. 4:4.)

Txʼolbʼabʼil 56

1. ¿Tiʼ nbʼant tuʼn Samuel ik tzaʼnj tkuʼx tuj tilbʼilal, ex tiquʼn?

2. ¿Tiquʼn tbʼanel ela Saúl toj twitz Jehová, ex tzeʼntaq Saúl?

3. ¿Tiʼ tbʼi tkʼwaʼl Saúl, ex tiʼ bʼent tuʼn?

4. ¿Tiquʼn kubʼ tpatun naj Saúl oyaj ex mitiʼ ayon tiʼj Samuel?

5. ¿Alkye xnaqʼtzbʼil ntzaj tqʼoʼn qe, aju txʼolbʼabʼel tiʼj Saúl?

Txqantl xjel:

1. Jyonkuxa 1 Samuel 9:15-21 ex 10:17-27.

   ¿Tiʼ onin tiʼj Saúl tuʼn miʼ tjaw qʼojle naj kyukʼe qejo xjal e yolin mya bʼaʼn tiʼj? (1 Sam. 9:21; 10:21, 22, 27; Pro. 17:27.)

2. Jyonkuxa 1 Samuel 13:5-14.

   ¿Alkye il kubʼ tbʼinchan Saúl tuj Guilgal? (1 Sam. 10:8; 13:8, 9, 13.)

3. Jyonkuxa 1 Samuel 15:1-35.

   1. ¿Alkye juntl matij il kubʼ tbʼinche Saúl? (1 Sam. 15:2, 3, 8, 9, 22.)

   2. ¿Tiʼ tqʼama Saúl tiʼjjo kubʼ tbʼinchaʼn ex tzeʼn ok tqʼoʼn kypaj txqantl? (1 Sam. 15:24.)

   3. ¿Alqiʼj iltiʼj tuʼn tok qqʼoʼn qwiʼ aj ttzaj qʼoʼn jun kawbʼil qe? (1 Sam. 15:19-21; Sal. 141:5; Pro. 9:8, 9; 11:2.)

Txʼolbʼabʼil 57

1. ¿Tiʼ tbʼi qʼa tkuʼx toj tilbʼilal, ex tzeʼn nel qnikʼ tiʼj qa mitiʼ tzaj xobʼ?

2. ¿Jatumeltoq najli David, tiʼteq tbʼi ttat ex tiʼtaq tbʼi tchman?

3. ¿Tiquʼn xi tqʼamaʼn Jehová te Samuel tuʼn t-xi tja Jesé atz Belén?

4. ¿Tiʼ bʼaj tej kyul tiʼn Jesé wuq tkʼwaʼl twitz Samuel?

5. ¿Tiʼ tzaj tqʼmaʼn Jehová te Samuel tej tul qʼiʼn David twitz?

Txqantl xjel:

1. Jyonkuxa 1 Samuel 17:34, 35.

   ¿Tzeʼn kubʼ tyekʼin David tukʼeju ikʼ tiʼj, qa qʼuqlitaq tkʼuʼj tiʼj Jehová? (1 Sam. 17:37.)

2. Jyonkuxa 1 Samuel 16:1-14.

   1. ¿Tzaʼn nqo tzaj tonin qejo tyol Jehová tkuʼx toj 1 Samuel 16:7 tuʼn qok bʼaʼn kyukʼe kykyaqil xjal ex tuʼn miʼn qyolin naq tuʼnjo nok tkaʼyin qwitz? (Hech. 10:34, 35; 1 Tim. 2:4.)

   2. ¿Tzeʼn ntzaj tyekʼen aju ikʼ tiʼj Saúl, qa ma tzʼel tiʼn Jehová xewbʼaj xjan te jun xjal, jaku tzʼokx jun xewbʼaj mya bʼaʼn te t-xel jlu, moqa aju nten tajbʼil xjal tuʼn tkubʼ tbʼinchan mya bʼaʼn? (1 Sam. 16:14; Mat. 12:43-45; Gál. 5:16.)

Txʼolbʼabʼil 58

1. ¿Tiʼteq taj Goliat tuʼn tbʼent kyuʼn soldad te aj Israel?

2. ¿Jniʼtoq tweʼ Goliat, ex tiʼteq kxel tqʼoʼn Saúl teju xjal kbʼel tbʼiyoʼntaq Goliat?

3. ¿Tiʼ tzaj ttzaqʼweʼn David tej t-xi tqʼmaʼn Saúl qa melayteq bʼant tbʼiyen tukʼe Goliat tuʼnjo tzmatoq qʼa?

4. ¿Tzeʼn kubʼ tyekʼe David qa qʼuqlitaq tkʼuʼj tiʼj Jehová tej t-xi ttzaqʼweʼn tyol Goliat?

5. Ik seʼn tkuʼx tuj tilbʼilal, ¿tiʼ ajbʼen tuʼn David tuʼn tkubʼ tbʼiyoʼn Goliat, ex tiʼ tzaj kyiʼj aj Filisteo?

Txqantl xjel:

1. Jyonkuxa 1 Samuel 17:1-54.

   1. ¿Tiquʼn mitiʼ tzaj xobʼ David, ex tzaʼn jaku tzʼel qkanoʼn jlu tiʼj? (1 Sam. 17:37, 45; Efe. 6:10, 11.)

   2. ¿Tiquʼn iltiʼj tuʼn tel kyikʼon okslal aju ximbʼetz te kambʼabʼil, ik tzeʼntaq t-xim Goliat, aj kysaqchan tiʼj junjun saqchbʼil? (1 Sam. 17:8; Gál. 5:26; 1 Tim. 4:8.)

   3. ¿Tzeʼn ntzaj tyekʼin qeju tyol David qa qʼuqliteq tkʼuʼj tuʼn ttzaj onin tuʼn Dios? (1 Sam. 17:45-47; 2 Cró. 20:15.)

   4. Aju qʼoj ok nya naq oʼkx kyxol qejo nchi qʼojintaq, ¿tzeʼn ntzaj tyekʼenju txʼolbʼabʼil lu, qa kyxol Jehová kyukʼe qejo nya axix dios oka qʼoj lu? (1 Sam. 17:43, 46, 47.)

   5. ¿Tzeʼn nel kykanoʼn qeju nya nimtl xjal chi xeʼl toj kyaʼj aju qʼuqbʼil tkʼuʼj David tiʼj Jehová? (1 Sam. 17:37; Jer. 1:17-19; Apoc. 12:17.)

Txʼolbʼabʼil 59

1. ¿Tiquʼn nimtaq tqʼoj Saúl tiʼj David, ex tiquʼn junxitl te Jonatán twitz Saúl aju ttat?

2. Tej nchinbʼantoq David twitz Saúl tiʼj arpa, ¿tiʼ bʼaj tuj qʼij aju?

3. ¿Tiʼ xi tqʼamaʼn Saúl tuʼn tbʼent tuʼn David tej naʼmxtaq tmojeʼ tukʼil tmeʼl ex tiquʼn?

4. Ik tzeʼnj ntzaj tyekʼen tilbʼilal, ¿tiʼ tzaj toj toxin maj tej nchinbʼanteq David tiʼj arpa twitz Saúl?

5. ¿Tzeʼn onin Mical tuʼn miʼ tkubʼ bʼiyoʼn David ex tiʼ bʼant tuʼn David tuj wuq abʼqʼi?

Txqantl xjel:

1. Jyonkuxa 1 Samuel 18:1-30.

   1. ¿Tzeʼn oka aju nimxix tkʼujlabʼil Jonatán tiʼj David te jun techel kykʼujlabʼil qe ‹txqantl ẍneʼl, mo rit› kyukʼe qejo tal chʼuq rit? (1 Sam. 18:1; Juan 10:16; Luc. 12:32; Zac. 8:23.)

   2. Quʼn tetaq Jonatán kjela tkawbʼil Saúl, ¿tzeʼn ntzaj tyekʼin 1 Samuel 18:4 qa okx tqʼoʼn tibʼ Jonatán tjaqʼ tkawbʼiljo otaq jaw jyoʼn te ajkawil?

   3. Ik tzaʼnj bʼant tuʼn Saúl, ¿tiʼ jaku bʼant tuʼn jun xjal qa at qʼoj tkuʼx toj tanmi, ex tiʼ ntzaj tyekʼin jlu qe? (1 Sam. 18:7-9, 25; Sant. 3:14-16.)

2. Jyonkuxa 1 Samuel 19:1-17.

   ¿Tzeʼn kubʼ tyekʼin Jonatán qa jakutaq txi tqʼoʼn tanqʼibʼil tuʼn tpaj David? (1 Sam. 19:1, 4-6; Pro. 16:14.)

Txʼolbʼabʼil 60

1. ¿Tiʼ tbʼi xuʼj aju chʼixtl tpon tukʼe David, ex seʼn xuʼj (qya) lu?

2. ¿Alkyejo Nabal?

3. ¿Tiquʼn ex tsamaʼn David xjal qanil jun xtalbʼil te Nabal?

4. ¿Tiʼ tqʼma Nabal kye qejo xjal ex tsamaʼn David, ex tiʼ tqʼma David tej tok tbʼiʼn jlu?

5. ¿Tzeʼn kubʼ tyekʼin Abigail qa attoq tnabʼil?

Txqantl xjel:

1. Jyonkuxa 1 Samuel 22:1-4.

   Ik tzaʼnj bʼant kyuʼn toj tja David, ¿tzeʼn jaku qo onin kyiʼj qerman? (Pro. 17:17; 1 Tes. 5:14.)

2. Jyonkuxa 1 Samuel 25:1-43.

   1. ¿Tiquʼn nyolenjtz mya bʼaʼn tiʼj Nabal? (1 Sam. 25:2-5, 10, 14, 21, 25.)

   2. ¿Tiʼ jaku tzʼel kykanoʼn xuʼjelbʼaj aʼyejo okslalqeʼ tiʼj techil kyaj tqʼoʼn Abigail? (1 Sam. 25:32, 33; Pro. 31:26; Efe. 5:24.)

   3. ¿Tiʼ kabʼe mya bʼaʼn mitiʼ kubʼ tbʼinchen David tuʼnju onin Abigail tiʼj? (1 Sam. 25:31, 33; Rom. 12:19; Efe. 4:26.)

   4. Ik tzeʼnj bʼent tuʼn David tukʼe Abigail, ¿tzeʼn jaku tzʼonin jlu kyiʼj qe xinaq tuʼn tten kyxim ik tzeʼnj t-xim Jehová kyiʼj xuʼj? (Hech. 21:8, 9; Rom. 2:11; 1 Ped. 3:7.)

Txʼolbʼabʼil 61

1. ¿Tiʼ bʼant tuʼn David ex Abisai tej nchi jtantaq Saúl kyukʼe tsoldad?

2. ¿Tiʼ xi tqanen David te Saúl?

3. ¿Jatumel xiʼ David tej tbʼaj yolen tukʼe Saúl?

4. ¿Tiquʼn tzaj nim tbʼis David ex tiquʼn kubʼ ttzʼibʼen jun tbʼanel bʼitz?

5. ¿Jteʼtoq abʼqʼi iqʼin tuʼn David tej tok qʼoʼn te ajkawil tuj Hebrón, ex tiʼtaq kybʼi junjun tkʼwal?

6. ¿Jatumel kawin David yajxitl?

Txqantl xjel:

1. Jyonkuxa 1 Samuel 26:1-25.

   1. ¿Tzeʼn ntzaj tyekʼen qejo tyol David ateʼkux toj 1 Samuel 26:11 qa okx tqʼoʼn tibʼ tjaqʼ tkawbʼil Jehová? (Sal. 37:7; Rom. 13:2.)

   2. Qa ma tzʼok tilil quʼn tuʼn t-xi qyekʼin axix kʼujlabʼil ex miʼn ntzaj qʼoʼn chjonte qe, ¿tzeʼn jaku tzʼonin qiʼj aqeju tyol David ateʼkux tuj 1 Samuel 26:23 tuʼn kukx tuʼn t-xi qyekʼen aju axix kʼujlabʼil? (1 Rey. 8:32; Sal. 18:20.)

2. Jyonkuxa 2 Samuel 1:26.

   ¿Tiʼ kbʼantel kyuʼn okslal tuʼn ‹ttenxix kykʼujlalil kyxol› ik tzeʼnj ten kyxol David tukʼe Jonatán? (1 Ped. 4:8; Col. 3:14; 1 Juan 4:12.)

3. Jyonkuxa 2 Samuel 5:1-10.

   1. ¿Jteʼ abʼqʼi kawin David tuʼn tkyaqil? ¿Jteʼ abʼqʼi kawin toj Hebrón ex jteʼ abʼqʼi kawin tuj Jerusalén? (2 Sam. 5:4, 5.)

   2. ¿Tiquʼn attoq nim toklen David, ex tiʼ ntzaj tnaʼn jlu qe jaʼle? (2 Sam. 5:10; 1 Sam. 16:13; 1 Cor. 1:31; Fili. 4:13.)

Txʼolbʼabʼil 62

1. Tuʼnjo onin Jehová, ¿tiʼ bʼaj tiʼj txʼotxʼ te Canaán?

2. ¿Tiʼ bʼaj tej nbʼettaq David twiʼ tja tej chʼixteq ttzaj qlolj?

3. ¿Tiquʼn tzaj nim tqʼoj Jehová tiʼj David?

4. ¿Alkyeju xjal tkuʼx toj tilbʼilal aju xi tsamaʼn Jehová tuʼn tyolin tukʼe David kyibʼaj qejo til, ex tiʼtaq ktzajel tiʼj David ik tzeʼnj xi tqʼamaʼn te?

5. ¿Alkyeqeʼ mya bʼaʼn tzaj tiʼj David?

6. ¿Alkye ok te ajkawil tej tkyim David?

Txqantl xjel:

1. Jyonkuxa 2 Samuel 11:1-27.

   1. ¿Tzeʼn nqo ok t-xqʼuqin aju nok tilil quʼn toj taqʼen Jehová?

   2. ¿Tequʼn kubʼ tbʼinchen David aju mya bʼaʼn, ex tiʼ ntzaj tyekʼin jlu qe aqoʼ nqo ajbʼen te Jehová jaʼle? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Jyonkuxa 2 Samuel 12:1-18.

   1. ¿Tiʼ jaku tzʼel kykanoʼn qeju ansyan (tij kawil) ex qejo manbʼaj tiʼj Natán tej t-xi tkawen David? (2 Sam. 12:1-4; Pro. 12:18; Mat. 13:34.)

   2. ¿Tiquʼn tzaj qʼaqʼen tkʼuʼj Jehová tiʼj David? (2 Sam. 12:13; Sal. 32:5; 2 Cor. 7:9, 10.)

Txʼolbʼabʼil 63

1. ¿Tiʼ tzaj tqʼamaʼn Jehová te Salomón, ex tiʼ xi ttzaqʼweʼn Salomón tiʼj jlu?

2. Tuʼnjo tbʼanel ela toj twitz Jehová aju xi tqanin Salomón te, ¿tiʼ tzaj tqʼamaʼn Jehová tuʼn ttzaj tqʼoʼn te Salomón?

3. ¿Tiʼ mya bʼaʼn otaq tzaj kyxol kabʼe xuʼj aʼyejo e pon twitz Salomón?

4. Ik tzeʼnj tkuʼx tuj tilbʼilal, ¿tzeʼn kyaj mya bʼaʼn toj ttxolil tuʼn Salomón?

5. ¿Tiʼ tzaj tjaqʼ tkawbʼil Salomón, ex tiquʼn?

Txqantl xjel:

1. Jyonkuxa 1 Reyes 3:3-28.

   1. ¿Tiʼ xnaqʼtzbʼil ntzaj tqʼoʼn tyol Salomón aju tkuʼx toj 1 Reyes 3:7 kye qejo o tzaj qʼoʼn kyoklen toj ttnam Jehová? (Sal. 119:105; Pro. 3:5, 6.)

   2. ¿Tiquʼn aju xi tqanin Salomón jun tbʼanel techel tuʼn tel qnikʼ alkye bʼaʼn tuʼn t-xi qqanin toj qnaʼj Dios? (1 Rey. 3:9, 11; Pro. 30:8, 9; 1 Juan 5:14.)

   3. Tej tkyaj mya bʼaʼn toj ttxolil tuʼn Salomón kyxol kabʼe xuʼj, ¿tzeʼn ntzaj tqʼuqbʼaʼn jlu qkʼuʼj tiʼj tkawbʼil Jesucristo tzul? (1 Rey. 3:28; Isa. 9:6, 7; 11:2-4.)

2. Jyonkuxa 1 Reyes 4:29-34.

   1. ¿Tzeʼn tzaj ttzaqʼweʼn Jehová tej t-xi tqanen Salomón tuʼn tten jun tbʼanel tanmi? (1 Rey. 4:29.)

   2. Ik tzeʼnj bʼent kyuʼn xjal tej tok tilil kyuʼn tuʼn kypon bʼil tnabʼil Salomón, ¿tiʼ qe kbʼantel quʼn tuʼn qxnaqʼtzan tiʼj Tyol Dios? (1 Rey. 4:29, 34; Juan 17:3; 2 Tim. 3:16.)

Txʼolbʼabʼil 64

1. ¿Jteʼ abʼqʼi xi tiʼn tuʼn tbʼant ja te nabʼil Dios tuʼn Salomón, ex tiquʼn xiʼ nim pwaq tiʼj?

2. ¿Jteʼtoq kwart nim kyoklen tokxtaq toj ja te nabʼil Dios, ex tiʼ okx qʼoʼn tuj kwart aju tokx tzmax t-xe ja?

3. ¿Tiʼ tqʼama Salomón toj tnaʼj Dios tej tbʼent ja?

4. ¿Tzeʼn tzaj tyekʼin Jehová qa ntzalajteq tiʼj tnaʼj Dios Salomón?

5. ¿Tiʼ bʼant tuʼn Salomón kyuʼn t-xuʼjel, ex tiʼ tzaj tiʼj tuʼn jlu?

6. ¿Tiquʼn tzaj tqʼoj Jehová tiʼj Salomón, ex tiʼ tzaj tqʼmaʼn te?

Txqantl xjel:

1. Jyonkuxa 1  Crónicas 28:9, 10.

   Ik tzeʼnj tyol David tkuʼx tuj 1 Crónicas 28:9, 10, ¿tiʼ iltiʼj tuʼn tbʼent quʼn toj tkyaqil qʼij? (Sal. 19:14; Fili. 4:8, 9.)

2. Jyonkuxa 2 Crónicas 6:12-21, 32-42.

   1. ¿Tzeʼn kubʼ tkyekʼin Salomón tukʼe tyol qa melay najan Jehová tuj jun ja bʼinchan kyuʼn xjal? (2 Cró. 6:18; Hech. 17:24, 25.)

   2. ¿Tiʼ ntzaj tyekʼen tiʼj Jehová aqejo tyol Salomón tkuʼx tuj 2 Crónicas 6:32, 33? (Hech. 10:34, 35; Gál. 2:6.)

3. Jyonkuxa 2 Crónicas 7:1-5.

   Ik tzeʼnj jaw kynimsaʼn aj Israel Jehová tej tok kykeʼyin tspikʼumal, ¿tiʼ qe kbʼantel quʼn aj tok qkiʼn tkʼiwlabʼil Jehová tibʼaj ttnam? (2 Cró. 7:3; Sal. 22:22; 34:1; 96:2.)

4. Jyonkuxa 1  Reyes 11:9-13.

   ¿Tzeʼn ntzaj tyekʼin aju ikʼ toj tanqʼibʼil Salomón qa iltiʼj tuʼn tkubʼ qbʼinchen tajbʼil Jehová ajxi qkyim? (1 Rey. 11:4, 9; Mat. 10:22; Apoc. 2:10.)

Txʼolbʼabʼil 65

1. ¿Tiʼ kybʼi qejo kabʼe xjal ateʼkux toj tilbʼilal, ex alkyetaq kyaqʼun nbʼent?

2. ¿Tiʼ nbʼant tuʼn Ahíya tukʼeju xbʼalen, ex tiʼ t-xelen jlu?

3. ¿Tiʼtoq taj Salomón tuʼn tok tbʼinchaʼn tiʼj Jeroboán?

4. ¿Tiquʼn ok kyqʼoʼn xjal Jeroboán te kawil kyibʼaj lajaj kʼloj kyiyjil aj Israel?

5. ¿Tiquʼn kubʼ tbʼinchaʼn Jeroboán kabʼe tal wakẍ qʼan pwaq kytxʼotxʼil, ex tiʼ bʼaj tuj tnam yajxitl?

6. ¿Tiʼ tzaj kyiʼj qeju kabʼe kʼloj kyyajil aj Israel ex tiʼjjo tja Jehová toj Jerusalén?

Txqantl xjel:

1. Jyonkuxa 1 Reyes 11:26-43.

   ¿Tzeʼntoq Jeroboán, ex tiʼ xi ttziyen Jehová te qa ma che japuntaq Tkawbʼil tuʼn? (1 Rey. 11:28, 38.)

2. Jyonkuxa 1 Reyes 12:1-33.

   1. ¿Tiʼ xnaqʼtzbʼil ntzaj tqʼoʼn kye manbʼaj ex kye qejo ansyan aju ajbʼen toklen Rehoboam tuʼn kykubʼ tyajin xjal? (1 Rey. 12:13; Ecl. 7:7; 1 Ped. 5:2, 3.)

   2. ¿Alqukʼil che xeʼl qʼa ex txin jyol kynabʼil aj tkubʼ kyximin tiʼ kbʼantel kyuʼn toj kyanqʼibʼil? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Tiquʼn kubʼ tbʼinche Jeroboán kabʼe tembʼil te kʼulbʼel, ex tiʼ kubʼ tyekʼen tukʼejo bʼent tuʼn? (1 Rey. 11:37; 12:26-28.)

   4. ¿Alkye kubʼ nej kywitz qeju lajaj kʼloj kyiyjil aj Israel tuʼn tel kypaʼn kyibʼ tiʼj Jehová? (1 Rey. 12:32, 33.)

Txʼolbʼabʼil 66

1. ¿Alkyejo Jezabel?

2. ¿Tiquʼn tzaj tbʼis Acab?

3. ¿Tiʼ bʼant tuʼn Jezabel tuʼn tkyaj Acab te tajawil ttxʼotxʼ Nabot aju at tqan uva toj?

4. ¿Alkye xi tsamaʼn Jehová tuʼn tkubʼ tkastiw Jezabel?

5. Ik tzeʼnj tkuʼx toj tilbʼilal, ¿tiʼ tzaj tej tpon Jehú atz jatumel tkubʼa ja te kawbʼil?

Txqantl xjel:

1. Jyonkuxa 1 Reyes 16:29-33 ex 18:3, 4.

   ¿Jniʼ mya bʼaʼn nkubʼtaq kybʼinchen aj Israel tjaqʼ tkawbʼil Acab? (1 Rey. 14:9.)

2. Jyonkuxa 1 Reyes 21:1-16.

   1. ¿Tzeʼn kubʼ tyekʼen Nabot tipumal ex tkʼujlabʼil tiʼj Jehová? (1 Rey. 21:1-3; Lev. 25:23-28.)

   2. ¿Tiʼ ntzaj tyekʼen qe aju ikʼ tiʼj Acab aj ttzaj mya bʼaʼn toj qanqʼibʼil? (1 Rey. 21:4; Rom. 5:3-5.)

3. Jyonkuxa 2 Reyes 9:30-37.

   ¿Tiʼ jaku tzʼel qkanoʼn tiʼjju bʼent tuʼn Jehú tej tkubʼ tbʼinchaʼn aju tzaj tqʼamaʼn Jehová te? (2 Rey. 9:4-10; 2 Cor. 9:1, 2; 2 Tim. 4:2.)

Txʼolbʼabʼil 67

1. ¿Alkyejo Jehosafat, ex tuj alkye ambʼil anqʼin?

2. ¿Tiquʼn e tzaj xobʼ aj Israel, ex tiʼ bʼent kyuʼn nimku?

3. ¿Tzeʼn tzaj ttzaqʼweʼn Jehová tnaʼj Dios Jehosafat?

4. ¿Tiʼ bʼant tuʼn Jehová tej naʼmxtaq ttzyet qʼoj?

5. Ik tzeʼnj bʼent tuʼn Jehosafat, ¿tiʼ qe kbʼantel quʼn?

Txqantl xjel:

1. Jyonkuxa 2 Crónicas 20:1-30.

   1. ¿Tzeʼn kubʼ tyekʼe Jehosafat aju iltiʼj tuʼn tbʼant kyuʼn qejo nchi ajbʼen te Jehová aj kyok weʼ twitz jun mya bʼaʼn? (2 Cró. 20:12; Sal. 25:15; 62:1.)

   2. Quʼn kukx o tzʼajbʼen jun tumel tuʼn Jehová tuʼn tyolin tukʼe ttnam, ¿alkye najbʼen tuʼn jaʼle? (2 Cró. 20:14, 15; Mat. 24:45-47; Juan 15:15.)

   3. Aj ttzyet ‹qʼoj tuʼn Jehová, aju Dios at tipumal tuʼn tbʼant tkyaqil tuʼn›, ¿tiquʼn ax kbʼantelju quʼn ik tzeʼnj bʼant tuʼn Jehosafat? (2 Cró. 20:15, 17; 32:8; Apoc. 16:14, 16.)

   4. Ik tzeʼnj bʼent kyuʼn aj Leví, ¿tzeʼn nchi onin qeju nejniqe tuj pakbʼabʼil (precursores) ex qejo nchex samaʼn toj junjuntl ttnam (misioneros)? (2 Cró. 20:19, 21; Rom. 10:13-15; 2 Tim. 4:2.)

Txʼolbʼabʼil 68

1. ¿Alkye qejo oxe xjal ateʼkux toj tilbʼilal (twutzbʼiyil), ix tiʼ tzaj tiʼj kʼwal toj jun qʼij?

2. ¿Tiʼ xi tqanin Elías tuj naʼj Dios tiʼjju tal kʼwaʼl, ex tiʼ bʼaj yajxitl?

3. ¿Tiʼtaq tbʼi xjal aju noninteq tiʼj Elías?

4. ¿Tiquʼn xiʼ Eliseo tja jun xuʼj te Sunem?

5. ¿Tiʼ bʼent tuʼn Eliseo, ex tiʼ bʼaj tiʼjju tal kʼwaʼl otaq kyim?

6. ¿Jniʼ tipumal Jehová at ik tzaʼnj kubʼ tyekʼen tej tajbʼen Elías ex Eliseo tuʼn?

Txqantl xjel:

1. Jyonkuxa 1 Reyes 17:8-24.

   1. ¿Tzeʼn oka qʼuqbʼil tkʼuʼj Elías tuj malbʼil? (1 Rey. 17:9; 19:1-4, 10.)

   2. ¿Tzeʼn kubʼ tyekʼin viud te Sarepta qa nimtoq qʼuqbʼil tkʼuʼj? (1 Rey. 17:12-16; Luc. 4:25, 26.)

   3. ¿Tzeʼn ntzaj tyekʼe ajo ikʼ tiʼj viud te Sarepta qa axtok qeju tyol Jesús tkuʼx toj Mateo 10:41, 42? (1 Rey. 17:10-12, 17, 23, 24.)

2. Jyonkuxa 2 Reyes 4:8-37.

   1. Ik tzeʼnj bʼent tuʼn xuʼj te Sunem tukʼe Eliseo, ¿tiʼ qe kbʼantel quʼn kyukʼe txqantl? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Tiʼ tbʼanel jaku bʼant quʼn kye qejo in che ajbʼen te Jehová toj qqʼijlal jaʼlo? (Hech. 20:35; 28:1, 2; Gál. 6:9, 10; Heb. 6:10.)

Txʼolbʼabʼil 69

1. ¿Tiʼ nxi tqʼamaʼn tal txin te xuʼj (qya) aju tkuʼx toj tilbʼilal?

2. ¿Alkye xuʼj tkuʼx tuj tilbʼilal, ex tiquʼn at tal txin tja xuʼj lu?

3. ¿Tiʼ xi tmaʼn Eliseo te tmajen tuʼn t-xi tqʼmaʼn te Naamán, ex tiquʼn jaw qʼojle Naamán?

4. ¿Tiʼ bʼaj tej tkubʼ tbʼinchen Naamán aju xi kymaʼn tmajen te?

5. ¿Tiquʼn mitiʼ xi tkʼmoʼn (tkʼamaʼn) Eliseo aju oyaj, mo kotz, ul tiʼn Naamán, ex tiʼ bʼant tuʼn Guehazí?

6. ¿Tiʼ tzaj tiʼj Guehazí, ex tiʼ ntzaj tyekʼen jlu qe?

Txqantl xjel:

1. Jyonkuxa 2 Reyes 5:1-27.

   1. ¿Tzeʼn jaku tzʼonin kyiʼj qʼa ex kyiʼj txin aju techal kyaj tqʼoʼn tal txin te tnam Israel? (2 Rey. 5:3; Sal. 8:2; 148:12, 13.)

   2. ¿Tiquʼn iltiʼj tuʼn ttzaj qnaʼn aju bʼant tuʼn Naamán, aj ttzaj qʼoʼn kawbʼil qe aju tkuʼx toj Tyol Dios? (2 Rey. 5:15; Heb. 12:5, 6; Sant. 4:6.)

   3. ¿Tiʼ xnaqʼtzbʼil ntzaj tqʼoʼn qe aju bʼant tuʼn Eliseo ex aju bʼant tuʼn Guehazí? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Txʼolbʼabʼil 70

1. ¿Alkyeju Jonás, ex tiʼ xi tqʼamaʼn Jehová te?

2. Tuʼnjo nyatoq taj Jonás tuʼn t-xiʼ jatumel tzaj tqʼamaʼn Jehová te, ¿tiʼ bʼant tuʼn?

3. ¿Tiʼ xi tmaʼn Jonás kye qeju qʼil bark tuʼntzun tweʼ mar?

4. Ik tzeʼnj tkuʼx toj tilbʼilal, ¿tiʼ tzaj tej tkuʼx bʼaj Jonás tjaqʼ aʼ?

5. ¿Jniʼ ambʼil ten Jonás tuj tkʼuʼj matij kiẍ, ex tiʼ bʼent tuʼn tej attoq toj tkʼuʼj?

6. ¿Jatumel xiʼ Jonás tej tjaw xaʼwin (wuqʼe) tuʼn kiẍ, ex tiʼ ntzaj tyekʼen jlu qe?

Txqantl xjel:

1. Jyonkuxa Jonás 1:1-17.

   ¿Tiʼtoq t-xim Jonás tiʼj toklen tzaj qʼoʼn ajo tuʼn t-xiʼ pakbʼal kye qeju aj Nínive? (Jon. 1:2, 3; Pro. 3:7; Ecl. 8:12.)

2. Jyonkuxa Jonás 2:1, 2, 10.

   ¿Tzaʼn ntzaj tyekʼin aju ikʼ tiʼj Jonás qa jaku tzaj ttzaqʼweʼn Jehová qnaʼj Dios? (Sal. 22:24; 34:6; 1 Juan 5:14.)

3. Jyonkuxa Jonás 3:1-10.

   1. ¿Seʼn ntzaj tqʼuqbʼaʼn qkʼuʼj aju kukx ajbʼen Jonás tuʼn Jehová ex mitiʼtzen kubʼ tbʼinche aju tzaj tqʼamaʼn Jehová te tnejil? (Sal. 103:14; 1 Ped. 5:10.)

   2. ¿Tiʼ ntzaj tyekʼe qe, aju ikʼ tiʼj Jonás kyukʼe aj Nínive tiʼj aju nxi qximin kyiʼj qe xjal nchi anqʼin jatumel nqo pakbʼan? (Jon. 3:6-9; Ecl. 11:6; Hech. 13:48.)

Txʼolbʼabʼil 71

1. ¿Alkyetaq Isaías, tuj alkye ambʼil anqʼin, ex tiʼ xi tyekʼin Jehová te?

2. ¿Tzeʼn nela tilbʼilal lu tuj twitza ex tiʼ in tzaj tnaʼne tuʼn?

3. ¿Tiʼ xi tqʼamaʼn Jehová te Isaías tuʼn tkubʼ ttzʼibʼen tiʼj akʼaj najbʼil te tzalajbʼil tzul?

4. ¿Tequʼn xi kynajsaʼn Adán tukʼe Eva ajo tbʼanel kynajbʼil?

5. ¿Tiʼ tzul tqʼoʼn Jehová kye qejo xjal at kykʼujlabʼil tiʼj?

Txqantl xjel:

1. Jyonkuxa Isaías 11:6-9.

   1. ¿Tzeʼn ntzaj tchikʼbʼaʼn Tyol Dios aju mojbʼabʼil ktel kyxol xjal kyukʼe txkup tuj akʼaj twitz txʼotxʼ tzul? (Sal. 148:10, 13; Isa. 65:25; Eze. 34:25.)

   2. ¿Tzaʼn njapon bʼaj twiʼ qejo tyol Isaías toj ttnam Jehová jaʼle? (Rom. 12:2; Efe. 4:23, 24.)

   3. ¿Alqe kxel qʼet nimbʼel tuʼnjo ma bʼaj kychʼixpun kyibʼ xjal ex tuʼnju kbʼajel kychʼixpun kyibʼ tuj akʼaj twitz txʼotxʼ? (Isa. 48:17, 18; Gál. 5:22, 23; Fili. 4:7.)

2. Jyonkuxa Apocalipsis 21:3, 4.

   1. ¿Seʼn ntzaj tyekʼin Tuʼjil Tyol Dios qa aju nnajan Dios kyukʼil xjal naq jun techaljo? (Lev. 26:11, 12; 2 Cró. 6:18; Isa. 66:1; Apoc. 21:2, 3, 22-24.)

   2. ¿Alkye taʼl (tʼal) witzbʼaj ex kʼixkʼoj kʼelel qʼiʼn? (Luc. 8:49-52; Rom. 8:21, 22; Apoc. 21:4.)

Txʼolbʼabʼil 72

1. ¿Alkye xjal tkuʼx toj tilbʼilal, ex tiquʼn ma tzʼok weʼ twitz mya bʼaʼn?

2. ¿Tiʼ kubʼ tlikʼen Ezequías twitz Dios, ex tiʼ xi tqanen tuj naʼj Dios?

3. ¿Tzeʼnteq tmod ajkawil Ezequías, ex tiʼ tzaj tqʼamaʼn Jehová te Isaías tuʼn t-xi tqʼmaʼn te?

4. ¿Tiʼ bʼaj kyiʼj aj Asiria tuʼn t-anjel Jehová, ik seʼn tkuʼx toj tilbʼilal?

5. Tej ateʼtaq kabʼe kʼloj kyiyjil aj Israel tuj mujbʼabʼil, ¿tiʼ tzaj tej otaq kyim Ezequías?

Txqantl xjel:

1. Jyonkuxa 2 Reyes 18:1-36.

   1. ¿Tiʼ bʼant tuʼn Rabsaqué, aju tzaj samaʼn tuʼn ajkawil te Asiria, tuʼn tbʼaj kykʼuʼj aj Israel? (2 Rey. 18:19, 21; Éxo. 5:2; Sal. 64:3.)

   2. ¿Tzeʼn nchi ok lepeʼ qe testigos de Jehová tiʼjju techel kyaj tqʼoʼn Ezequías aj kyok lipen xjal kyiʼj? (2 Rey. 18:36; Sal. 39:1; Pro. 26:4; 2 Tim. 2:24.)

2. Jyonkuxa 2 Reyes 19:1-37.

   1. Aj ttzaj mya bʼaʼn, ¿tzeʼn nel tkanoʼn ttnam Jehová jaʼle aju tbʼanel techal kyaj tqʼoʼn Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Tiʼ oxe mya bʼaʼn tzaj tiʼj ajkawil Senaquerib, ex al te qechal nkubʼ qʼoʼn jlu? (2 Rey. 19:32, 35, 37; Apoc. 20:2, 3.)

3. Jyonkuxa 2 Reyes 21:1-6, 16.

   E kawin nim mya bʼaʼn ajkawil toj Jerusalén, ¿tiquʼn nxi qqʼamaʼn qa a Manasés jun kyxol qe jlu? (2 Cró. 33:4-6, 9.)

Txʼolbʼabʼil 73

1. ¿Jteʼtoq abʼqʼi iqʼin tuʼn Josías tej tok te ajkawil, ex tiʼ bʼent tuʼn tej otaq kawin wuq abʼqʼi?

2. ¿Tiʼ nbʼant tuʼn Josías toj tnejel tilbʼilal?

3. ¿Tiʼ jatz kanet tuʼn kynejel pal tej noktaq aqʼuntl toj tja Dios?

4. ¿Tiquʼn el tlaqin Josías aju t-xbʼalen toktaq tiʼj?

5. ¿Tiʼ tzaj tqʼamaʼn Jehová te Huldá tuʼn t-xi tqʼmaʼn te Josías?

Txqantl xjel:

1. Jyonkuxa 2 Crónicas 34:1-28.

   1. ¿Alkye tbʼanel techal kyaj tqʼoʼn Josías kye qeju toj yajbʼil ẍi tena tej ẍi jaw chʼiy? (2 Cró. 33:21-25; 34:1, 2; Sal. 27:10.)

   2. Tej nkawintoq Josías, ¿tiʼ bʼent tuʼn, tuʼntzen kykʼulin xjal oʼkx te Jehová tuj abʼqʼi 8, 12, ex 18 te tkawbʼil? (2 Cró. 34:3, 8.)

   3. ¿Tiʼ kbʼantel quʼn tiʼj ja te chmabʼil ik tzeʼnj techal kyaj tqʼoʼn ajkawil Josías ex ajo kynejel pal Hilquías? (2 Cró. 34:9-13; Pro. 11:14; 1 Cor. 10:31.)

Txʼolbʼabʼil 74

1. ¿Alkye kuʼxin (qʼa) tkuʼx toj tilbʼilal?

2. ¿Tiʼ kubʼ t-ximin Jeremías tej ttzaj tqʼamaʼn Jehová te tuʼn tok te tsanjel, ex tiʼtl tzaj tqʼamaʼn Jehová te?

3. ¿Tiʼ kukx xi tmaʼn Jeremías kye aj Israel?

4. ¿Tiʼ bʼant kyuʼn pal tiʼj Jeremías tuʼn miʼn tyolintl, ex tzeʼn kubʼ tyekʼen qa mitiʼ tzaj xobʼ?

5. ¿Tiʼ tzaj kyiʼj aj Israel tuʼnjo kukx kubʼ kybʼinchen mya bʼaʼn?

Txqantl xjel:

1. Jyonkuxa Jeremías 1:1-8.

   1. Ik tzaʼnj te Jeremías, ¿alquʼn nkubʼ xnaqʼtzaʼn jun xjal tuʼn tajbʼen te Jehová? (2 Cor. 3:5, 6.)

   2. ¿Seʼn in nonin aju techil kyaj tqʼoʼn Jeremías kyiʼj qejo qʼa ex txin? (Ecl. 12:1; 1 Tim. 4:12.)

2. Jyonkuxa Jeremías 10:1-5.

   ¿Alkye tbʼanel techel kubʼ tqʼoʼn Jeremías tuʼntzun tel kynikʼ xjal tiʼj qa mixtiʼ kyajbʼen qejo sant? (Jer. 10:5; Isa. 46:7; Hab. 2:19.)

3. Jyonkuxa Jeremías 26:1-16.

   1. Aj t-xi qʼamet tqanil toj qqʼijlalil jaʼle, ¿tzeʼn nkubʼ kybʼinchaʼn qejo nya nimtl chi xel toj kyaʼj, aju kawbʼil xi tqʼoʼn Jehová te Jeremías tuʼn ‹miʼn tel tiʼn jun yol tiʼjju› yol tzaj qʼamaʼn te? (Jer. 26:2; Deu. 4:2; Hech. 20:27.)

   2. ¿Alkye techal kubʼ tqʼoʼn Jeremías kye qe testigos de Jehová toj qqʼijlalel jaʼle, aj kypakbʼan tiʼj aju tqanil ntzaj tqʼoʼn Jehová kye qeju tnam? (Jer. 26:8, 12, 14, 15; 2 Tim. 4:1-5.)

4. Jyonkuxa 2 Reyes 24:1-17.

   ¿Tiʼ tzaj kyiʼj qejo aj Judá tuʼnju mitiʼ e ajbʼen te Jehová? (2 Rey. 24:2-4, 14.)

Txʼolbʼabʼil 75

1. ¿Alkyeqeʼ kyaje qʼa ateʼkux toj tilbʼilal, ex tiquʼn atqeʼ tuj Babilonia?

2. ¿Tiʼtaq taj Nabucodonosor tuʼn tbʼant tuʼn kyukʼe qeju kyaje qʼa, ex tiʼ xi tqʼamaʼn kye tmajen?

3. ¿Alkye twa ex tkʼaʼ ( tkʼwaʼ) Daniel xi tqanin kyukʼex qe tamiw?

4. ¿Tzeʼntaq taʼ Daniel kyukʼe oxe tamiw kywitz qeju txqantl kuʼxin tej otaqxi chi waʼn lajaj qʼij tiʼj itzaj ex txqantl twitz awal?

5. ¿Tiquʼn ex qʼiʼn Daniel ex qe oxe tamiw toj ja te kawbʼil, ex tiquʼn nxi qʼamet qa mas nim kynabʼl kywitz qe chman ex ajnabʼil te Babilonia?

Txqantl xjel:

1. Jyonkuxa Daniel 1:1-21.

   1. ¿Tiʼ iltiʼj tuʼn tbʼant quʼn tuʼn miʼn qkubʼ tzʼaq tuʼnjo mya bʼaʼn ex tuʼn miʼn tbʼaj qipumal? (Dan. 1:8; Gén. 39:7, 10; Gál. 6:9.)

   2. ¿Tzeʼn jaku chi kubʼ tzʼaq qʼa ex txin kyuʼn txqantl tuʼn tkubʼ kybʼinchen aju mya bʼaʼn? (Dan. 1:8; Pro. 20:1; 2 Cor. 6:17–7:1.)

   3. ¿Tzeʼn nqo tzaj tonin aju txʼolbʼabʼel nyolin kyiʼj qeju kyaje qʼa aj Hebreo, tiʼjju alkye qxim ktel tiʼj xnaqʼtzbʼil ntzaj kyqʼoʼn xjal twitz txʼotxʼ? (Dan. 1:20; Isa. 54:13; 1 Cor. 3:18-20.)

Txʼolbʼabʼil 76

1. ¿Tiʼ ma tzaj tiʼj Jerusalén ex kyiʼj qe aj Israel ik tzeʼnj tkuʼx tuj tilbʼilal?

2. ¿Alkyejo Ezequiel ex tiʼchaq mya bʼaʼn xi tyekʼin Jehová te?

3. ¿Tiʼ tzaj tqʼamaʼn Jehová tuʼnju mitiʼteq nokx kybʼiʼn aj Israel tkawbʼil?

4. ¿Tiʼ bʼant tuʼn Nabucodonosor tej mitiʼtl okx bʼiʼn kyuʼn aj Israel?

5. ¿Tiquʼn xi tqʼoʼn Jehová ambʼil tuʼn ttzaj xitbʼel kyibʼaj aj Israel?

6. ¿Tiquʼn mitiʼx jun xjal kyaj ten toj Israel, ex jteʼ abʼqʼi ten ikju?

Txqantl xjel:

1. Jyonkuxa 2 Reyes 25:1-26.

   1. ¿Alkyeteqjo Sedequías, tiʼ tzaj tiʼj, ex tzeʼn japunbʼaj twi yol otaqxi kyaj qʼmaʼn tiʼj jlu? (2 Rey. 25:5-7; Eze. 12:13-15.)

   2. ¿Alkyeqetoq at kyil toj twitz Jehová tiʼj tkyaqilju mya bʼaʼn nkubʼtaq bʼinchen toj Israel? (2 Rey. 25:9, 11, 12, 18, 19; 2 Cró. 36:14, 17.)

2. Jyonkuxa Ezequiel 8:1-18.

   ¿Tzeʼn o tzʼel kykanoʼn qejo in kyqʼamaʼn qa lepchiqeʼk tiʼj Jesucristo aju bʼant kyuʼn aj Israel tej kykʼulin twitz Qʼij? (Eze. 8:16; Isa. 5:20, 21; Juan 3:19-21; 2 Tim. 4:3.)

Txʼolbʼabʼil 77

1. ¿Tiʼ xi tqʼamaʼn Nabucodonosor, aju ajkawil te Babilonia?

2. ¿Tiquʼn mitiʼ nchi kʼulen qeju oxe tamiw Daniel twitz tilbʼilal aju qʼan pwaq ttxʼotxʼil?

3. Tej t-xi tqʼoʼn Nabucodonosor juntl maj ambʼil kye qejo oxe aj Hebreo tuʼn kykubʼ ẍmejeʼ twitz tilbʼilal, ¿tzeʼn kubʼ kyyekʼen qa qʼuqliteq kykʼuʼj tiʼj Jehová?

4. ¿Tiʼ xi tmaʼn Nabucodonosor tuʼn tbʼant kyuʼn tsoldad tiʼj Sadrac, Mesac ex Abednego?

5. ¿Tiʼ til, mo tlom, Nabucodonosor tej tokx tkaʼyin toj horno?

6. ¿Tiquʼn jaw tnimsaʼn ajkawil aju tDios Sadrac, Mesac, ex Abednego, ex alkye tbʼanel techil kyaj kyqʼoʼn qejo kuʼxin qe?

Txqantl xjel:

1. Jyonkuxa Daniel 3:1-30.

   1. ¿Alkye kybʼinchbʼen oxe qʼa aj Hebreo iltiʼj tuʼn tel qkanoʼn aj tok qʼuqbʼil qkʼuʼj tuj malbʼil? (Dan. 3:17, 18; Mat. 10:28; Rom. 14:7, 8.)

   2. Tuʼnju bʼent tuʼn Jehová, ¿tiʼ el tnikʼ Nabucodonosor tiʼj? (Dan. 3:28, 29; 4:34, 35.)

Txʼolbʼabʼil 78

1. ¿Tiʼ tzaj tej tok ninqʼij tuʼn ajkawil te Babilonia ex tej kyajbʼen qe kʼabʼl ex qe laq aqeju e tzaj qʼiʼn tuj tja Jehová atz toj Jerusalén?

2. ¿Tiʼ xi tqʼmaʼn Belsasar kye qejo ajnabʼil nchi ajbʼentaq te, ex tiʼ mitiʼ bʼant kyuʼn?

3. ¿Tiʼ xi tqʼmaʼn tnan Belsasar tuʼn tbʼent tuʼn Belsasar?

4. Ik tzeʼnj xi tqʼamaʼn Daniel te ajkawil, ¿tiquʼn tzaj tsamaʼn Dios jun qʼobʼaj tuʼn kyok ttzʼibʼen qejo yol twitz ja?

5. ¿Alkye tten xi tchikʼbʼaʼn Daniel aju kyxilen qe yol e ok tzʼibʼen twitz ja?

6. ¿Tiʼ tzaj tej tzmatoq nyolin Daniel?

Txqantl xjel:

1. Jyonkuxa Daniel 5:1-31.

   1. Aju qxobʼil ntzaj twitz Dios, ¿tiquʼn nya junx tukʼejo tnaʼ Belsasar tej kyok tzʼibʼen qeju yol twitz ja? (Dan. 5:6, 7; Sal. 19:9; Rom. 8:35-39.)

   2. ¿Tzeʼn kubʼ tyekʼen Daniel qa mitiʼ tzaj xobʼ tej tyolin twitz Belsasar ex kywitz txqantl xjal nim kyoklen? (Dan. 5:17, 18, 22, 26-28; Hech. 4:29.)

   3. ¿Tzeʼn njaw nimsaʼn aju nimxix toklen Jehová toj Daniel capítulo 5? (Dan. 4:17, 25; 5:21.)

Txʼolbʼabʼil 79

1. ¿Alkye aju Darío, ex tzeʼn ela Daniel tuj twitz?

2. ¿Tiʼ kubʼ tbʼinchaʼn Darío kyuʼn qejo mya bʼaʼn xjal?

3. ¿Tiʼ bʼent tuʼn Daniel tej tok tbʼiʼn qa otaq kubʼ tzʼibʼen jun akʼaj ley?

4. ¿Tiquʼn tzaj nim tbʼis Darío ex mitiʼ jtan tuʼn, ex tiʼ bʼant tuʼn tej qsqix?

5. ¿Tiʼ tzaj ttzaqʼweʼn Daniel te Darío?

6. ¿Tiʼ tzaj kyiʼj qe mya bʼaʼn xjal aqejo kyajbʼiltaq tuʼn tkubʼ kybʼiyoʼn Daniel, ex tiʼ xi ttzʼibʼin aju ajkawil Darío kye kykyaqil xjal?

Txqantl xjel:

1. Jyonkuxa Daniel 6:1-28.

   1. ¿Tzeʼn ntzaj tnaʼnju ok kybʼinchaʼn mya bʼaʼn xjal tiʼj Daniel, aju in bʼent kyuʼn qe ajqʼoj tuʼn tweʼ aqʼunl in kubʼ kybʼinchen testigos de Jehová toj qqʼijlalil jaʼle? (Dan. 6:7; Sal. 94:20; Isa. 10:1; Rom. 8:31.)

   2. ¿Tzaʼn jaku tzʼel qkanoʼn tiʼj Daniel aj ttzaj kyqʼoʼn ajkawil jun kawbʼil qe? (Dan. 6:5, 10; Rom. 13:1; Hech. 5:29.)

   3. ¿Seʼn jaku qo ajbʼen te Jehová «tkyaqil qʼij» ik tzeʼnj bʼent tuʼn Daniel? (Dan. 6:16, 20; Fili. 3:16; Apoc. 7:15.)

Txʼolbʼabʼil 80

1. Ik tzeʼnj tkuʼx toj tilbʼilal, ¿tiʼ nbʼaj kye aj Israel?

2. ¿Tzeʼn japun twi tyol Jehová tuʼn Ciro aju tzaj tqʼamaʼn Jehová te Isaías?

3. ¿Tiʼ xi tmaʼn Ciro kye qeju aj Israel mitiʼ i meltzʼaj toj Jerusalén?

4. ¿Tiʼ xi tqʼoʼn Ciro kye xjal tuʼn t-xi kyiʼn tuj Jerusalén?

5. ¿Jniʼ ambʼil xi tiʼn tuʼn kypon aj Israel toj Jerusalén?

6. ¿Jteʼ abʼqʼi kyaj ten tnam mitiʼ xjal toj?

Txqantl xjel:

1. Jyonkuxa Isaías 44:28 ex 45:1-4.

   1. ¿Tzeʼn tzaj tyekʼinxix Jehová qa kyjapuneltaq twi tyol tiʼj Ciro? (Isa. 55:10, 11; Rom. 4:17.)

   2. ¿Tiʼ ntzaj tyekʼin aju kyaj tqʼamaʼn Isaías tiʼj Ciro, tiʼj aju jaku bʼant tuʼn Jehová tuʼn ttzaj tqʼmaʼn aju tzul? (Isa. 42:9; 45:21; 46:10, 11; 2 Ped. 1:20.)

2. Jyonkuxa Esdras 1:1-11.

   Ik tzaʼn bʼant kyuʼn qeju mitiʼ e anj meltzʼaj toj Jerusalén, ¿tzeʼn jaku qo «onin» kyiʼj qeju jaku bʼent tuʼn kyajbʼen te Jehová toj tkyaqil ambʼil? (Esd. 1:4, 6; Rom. 12:13; Col. 4:12.)

Txʼolbʼabʼil 81

1. ¿Jniʼ xjal i etz tuj Babilonia tuʼn kypon toj Jerusalén, ex tiʼ attoq tej kypon?

2. ¿Tiʼ e ok ten aj Israel bʼinchelte tej kypon, ex tiʼ ok kybʼinchan aj qʼoj kyiʼj?

3. ¿Alkyeju Ageo ex Zacarías ex tiʼ xi kyqʼamaʼn kye xjal?

4. ¿Tiquʼn xi tsamaʼn Tatenai jun uʼj toj Babilonia, ex alkye tzaqʼwebʼil tzaj qʼoʼn te?

5. ¿Tiʼ bʼant tuʼn Esdras tej tok tbʼiʼn qa ilteq tiʼj tuʼn tok tja Dios te tbʼanel?

6. Ik tzeʼnj tkuʼx toj tilbʼilal, ¿tiʼ xi tqanin Esdras te Jehová? ¿Tzeʼn tzaj tzaqʼweʼn tnaʼj Dios? ¿Ex tiʼ ntzaj tkyekʼin jlu qe?

Txqantl xjel:

1. Jyonkuxa Esdras 3:1-13.

   Qa atqoʼ tuj jun tembʼil jatumel mitiʼ qe testigos de Jehová, ¿tiʼtzulo kukx iltiʼj tuʼn tbʼent quʼn? (Esd. 3:3, 6; Hech. 17:16, 17; Heb. 13:15.)

2. Jyonkuxa Esdras 4:1-7.

   ¿Tiʼ techal kyaj tqʼoʼn Zorobabel te ttnam Jehová tiʼjjo qa ma tzʼok tmojbʼan tibʼ kyukʼe txqantl okslabʼil? (Éxo. 34:12; 1 Cor. 15:33; 2 Cor. 6:14-17.)

3. Jyonkuxa Esdras 5:1-5, 17 ex 6:1-22.

   1. ¿Tiquʼn mitiʼ weʼ aqʼuntl tiʼj tja Dios kyuʼn qejo ajqʼoj? (Esd. 5:5; Isa. 54:17.)

   2. ¿Tzeʼn nok tqʼuqbʼaʼn kykʼuʼj qe ansyan te jaʼle aju techal kyaj kyqʼoʼn qe ansyan judiy, tuʼn kyjyoʼn tiʼj onbʼil ntzaj tqʼoʼn Jehová aj kyel ikʼen kyuʼn xjal? (Esd. 6:14; Sal. 32:8; Rom. 8:31; Sant. 1:5.)

4. Jyonkuxa Esdras 8:21-23, 28-36.

   Naʼmxtoq tkubʼ qbʼinchen jun qxim, ¿tiʼtzele iltiʼj tuʼn tel qkanoʼn tiʼj Esdras? (Esd. 8:23; Sal. 127:1; Pro. 10:22; Sant. 4:13-15.)

Txʼolbʼabʼil 82

1. ¿Alkyejo Mardoqueo ex Ester?

2. ¿Tiquʼn taj Asuero juntl t-xuʼjil, ex alkye jaw tjyoʼn?

3. ¿Alkyeju Hamán ex tequʼn jaw qʼojle?

4. ¿Alkye ley kubʼ tzʼibʼin, ex tiʼ bʼent tuʼn Ester tej tul tsamaʼn Mardoqueo jun tqanil tukʼil?

5. ¿Tiʼ bʼaj tiʼj Hamán, ex tiʼ bʼaj tiʼj Mardoqueo?

6. ¿Tzeʼn tten e tzaqpaj aj Israel kyiʼj qe ajqʼoj?

Txqantl xjel:

1. Jyonkuxa Ester 2:12-18.

   ¿Tzeʼn kubʼ tyekʼin Ester qa nimxix toklen tuʼn t-xi yekʼet aju ‹tuʼn tten qanmi mans ex txulch›? (Est. 2:15; 1 Ped. 3:1-5.)

2. Jyonkuxa Ester 4:1-17.

   Ik tzaʼnj te Ester xi qʼoʼn ambʼil te tuʼn tkolin tiʼj axixtok okslabʼil, ¿alkye ambʼil in tzaj qʼoʼn qe jaʼle tuʼn t-xi qyekʼin qkʼujlabʼil tiʼj Jehová ex qa oʼkx te nqo ajbʼen? (Est. 4:13, 14; Mat. 5:14-16; 24:14.)

3. Jyonkuxa Ester 7:1-6.

   Ik seʼnj te Ester, ¿tzeʼn in che ok weʼ qeju nchi ajbʼen te Dios tuj qqʼijlalil jaʼlo twitz ikʼbʼel kyuʼn txqantl xjal? (Est. 7:4; Mat. 10:16-22; 1 Ped. 2:12.)

Txʼolbʼabʼil 83

1. ¿Tiʼ kynaʼ aj Israel tej mitiʼqeteq tmuro Jerusalén?

2. ¿Alkyeju Nehemías?

3. ¿Tiʼtaq taqʼun Nehemías, ex tiquʼn nimtaq toklen jlu?

4. ¿Tiquʼn tzaj tbʼis Nehemías, ex tiʼ bʼent tuʼn?

5. ¿Tzeʼn kubʼ tyekʼin ajkawil Artajerjes qa tbʼanel xjaltoq tukʼe Nehemías?

6. ¿Tiʼ bʼant tuʼn Nehemías tuʼntzun miʼn tkyaj weʼ aqʼuntl kyuʼn qe ajqʼoj?

Txqantl xjel:

1. Jyonkuxa Nehemías 1:4-6 ex 2:1-20.

   ¿Tiʼ bʼant tuʼn Nehemías tuʼn ttzaj onin tuʼn Jehová? (Neh. 2:4, 5; Rom. 12:12; 1 Ped. 4:7.)

2. Jyonkuxa Nehemías 3:3-5.

   ¿Alkye techil iltiʼj tuʼn tel kykanoʼn qe ansyan ex qeju nchi onin kyiʼj, aju bʼent kyuʼn xjal te Teqoa ex moqa aju mitiʼ bʼant kyuʼn kynejel? (Neh. 3:5, 27; 2 Tes. 3:7-10; 1 Ped. 5:5.)

3. Jyonkuxa Nehemías 4:1-23.

   1. Tej kyok weʼ aj Israel twitz nim ikʼbʼil, ¿tiʼ onin kyiʼj tuʼn kukx tuʼn tjaw kybʼinchan qe muro? (Neh. 4:6, 8, 9; Sal. 50:15; Isa. 65:13, 14.)

   2. ¿Tzeʼn nok tqʼuqbʼaʼn qkʼuʼj aju techal kyaj kyqʼoʼn aj Israel?

4. Jyonkuxa Nehemías 6:15.

   ¿Tiʼ ntzaj tyekʼen tiʼj qʼuqbʼil kʼuʼjbʼaj, aju naq kabʼex xjaw xi tiʼn tuʼn tbʼaj kybʼinchaʼn aj Israel qe tmuro Jerusalén? (Sal. 56:3, 4; Mat. 17:20; 19:26.)

Txʼolbʼabʼil 84

1. ¿Tiʼ tbʼi xuʼj tkuʼx tuj tilbʼilal?

2. ¿Tiʼ xi tqʼamaʼn anjel Gabriel te María?

3. ¿Tzeʼn tten xi tmaʼn anjel Gabriel te María qa tzultaq itzʼj jun tal ex bʼajxteq kubʼ mojeʼ tukʼe jun xinaq?

4. ¿Tiʼ bʼaj tej t-xiʼ María tukʼe Elisabet aju attoq t-xilen tukʼil?

5. ¿Tiʼ kubʼ t-ximin José tej tok tbʼiʼn qa otaq tzʼok ten tal María, ex tiquʼn kubʼ tchʼixpuʼn t-xim?

Txqantl xjel:

1. Jyonkuxa Lucas 1:26-56.

   1. ¿Tiquʼn mitiʼ ok il toj t-ximlal Jesús tej tokx tqʼoʼn Jehová tuj talbʼil María? (Ageo 2:11-13; Luc. 1:35; Juan 6:69; Heb. 7:26; 10:5.)

   2. ¿Tzeʼn jaw nimsen Jesús tej naʼmxteq tul itzʼji? (Luc. 1:41-43.)

   3. ¿Alkye jun tbʼanel yekʼbʼil kyaj tqʼoʼn María kye qejo okslal ntzaj kykʼamoʼn kyoklen tuj taqʼen Jehová? (Luc. 1:38, 46-49; 17:10; Pro. 11:2.)

2. Jyonkuxa Mateo 1:18-25.

   Maske, mo inchq, mitiʼ ok tbʼi Jesús te Emmanuel, ¿tzeʼn kubʼ tyekʼin tuj tanqʼibʼil aju t-xilen bʼibʼaj lu? (Mat. 1:22, 23; Juan 14:8-10; Heb. 1:1-3.)

Txʼolbʼabʼil 85

1. ¿Alkye neʼ tkuʼx toj tilbʼilal, ex jatumel kubʼ tkuẍbʼaʼn María?

2. ¿Tiquʼn ul itzʼji Jesús tuj kyja aluʼmaj?

3. ¿Alkyeqe xjal chʼixtl kyokpen toj kyja aluʼmj, ex tiʼ otaq tzaj tqʼamaʼn jun anjel kye?

4. ¿Tiquʼn nya ikteq Jesús ik tzeʼn qe xjal?

5. ¿Tiquʼn jaku txi qʼamet qa tKʼwaʼl Dios te Jesús?

Txqantl xjel:

1. Jyonkuxa Lucas 2:1-20.

   1. ¿Tiʼ bʼent tuʼn César Augusto tuʼn tjapun bʼaj twiʼ aju otaq kyaj qʼamaʼn tiʼj titzʼjlen Jesús? (Luc. 2:1-4; Miq. 5:2.)

   2. ¿Tzeʼn jaku tzʼok qʼoʼn jun xjal tuj tajlal kyxol qeju «in tzalaj Dios kyiʼj»? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Qa nim e jaw tzalaj qejo xqʼuqil ẍneʼl te Judea tuʼnju ul itzʼje jun klol kye, ¿tiquʼn at mas tzalajbʼil kye qeju nchi ajbʼen te Dios toj qqʼijlalil jaʼlin? (Luc. 2:10, 11; Efe. 3:8, 9; Apoc. 11:15; 14:6.)

Txʼolbʼabʼil 86

1. ¿Alkyeqeʼ xjal ateʼkux toj tilbʼilal, ex tiquʼn nxi tyekʼin jun kyxol qe jlu aju cheʼw in qoptzʼaj wen?

2. ¿Tiquʼn tzaj bʼaj tkʼuʼj Herodes, ex tiʼ bʼant tuʼn?

3. ¿Jatumel i ex qʼiʼn xjal tuʼnju cheʼw in qoptzʼaj wen, ex tiquʼn e aj meltzʼaj toj junxitl bʼe?

4. ¿Tiʼ xi tqʼamaʼn Herodes, ex tiquʼn xi tmaʼn jlu?

5. ¿Tiʼ tzaj tqʼmaʼn Jehová te José?

6. ¿Alquʼn jaw qoptzʼaj aju akʼaj cheʼw, ex tiquʼn?

Juntl xjel:

1. Jyonkuxa Mateo 2:1-23.

   ¿Jteʼtaq abʼqʼi iqʼin tuʼn Jesús ex jaʼteq tumel taʼ tej kypon qejo nchi xnaqʼtzan kyiʼj cheʼw? (Mat. 2:1, 11, 16.)

Txʼolbʼabʼil 87

1. ¿Jteʼ abʼqʼi iqʼin tuʼn Jesús tzalu tuj tilbʼilal, ex jatumel taʼ?

2. ¿Tiʼ nbʼenttoq tuʼn José tkyaqil abʼqʼi kyukʼex toj tja?

3. Tej otaqxi chi bʼet jun qʼij, ¿tiquʼn e meltzʼaj juntl maj José ex María toj Jerusalén?

4. ¿Jatumel kanet Jesús tuʼn José ex María, ex tiquʼn bʼiʼx naj kynabʼl xjal?

5. ¿Tiʼ xi tqʼamaʼn Jesús te María?

6. Ik tzaʼnj bʼent tuʼn Jesús, ¿tiʼ kbʼantel quʼn tuʼn tel qnikʼ tiʼj qMan Dios?

Txqantl xjel:

1. Jyonkuxa Lucas 2:41-52.

   1. Oʼkxtaq in tzaj tqʼamaʼn ley tuʼn kyxiʼ xinaq kyoj ninqʼij in chi kubʼ ikʼsaʼn tkyaqil abʼqʼi, ¿alkye tbʼanel techal kyaj tqʼoʼn José ex María kywitz qejo manbʼaj tuj qqʼijlalil jaʼle? (Luc. 2:41; Deu. 16:16; 31:12; Pro. 22:6.)

   2. ¿Alkye tbʼanil techel kyaj tqʼoʼn Jesús kywitz qeju qʼa ex txin tiʼj aju tuʼn tokx kyqʼoʼn kyibʼ tjaqʼ kykawbʼil kytat? (Luc. 2:51; Deu. 5:16; Pro. 23:22; Col. 3:20.)

2. Jyonkuxa Mateo 13:53-56.

   ¿Alkyeqe kyaje terman Jesús tkuʼx kybʼi tuj Tuʼjil Tyol Dios ex tzeʼn e ajbʼena kabʼe kyxol okslal yajxitl? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1:1.)

Txʼolbʼabʼil 88

1. ¿Alkyeqe kabʼe xjal ateʼkux tuj tilbʼilal?

2. ¿Alkye tten njaw aʼ twiʼ jun xjal?

3. ¿Alkyeqetaq nchi kux tqʼoʼn Juan toj aʼ?

4. ¿Tiquʼn xi tqʼamaʼn Jesús te Juan tuʼn tjaw aʼ twiʼ?

5. ¿Tzeʼn kubʼ tyekʼin qMan Dios qa ntzalajtaq tej tjaw aʼ twiʼ Jesús?

6. ¿Tiʼ bʼaj tej t-xiʼ Jesús 40 qʼij toj jun tembʼil aju mitiʼtoq xjal tuj?

7. ¿Tiʼ kybʼi qeju e ok lepeʼ tnejil tiʼj Jesús, ex alkye tnejel milagro kubʼ tbʼinchaʼn?

Txqantl xjel:

1. Jyonkuxa Mateo 3:13-17.

   ¿Alkye techil kyaj tqʼoʼn Jesús tuʼn tjaw aʼ kywiʼ qeju nchi ok lepeʼ tiʼj? (Sal. 40:7, 8; Mat. 28:19, 20; Luc. 3:21, 22.)

2. Jyonkuxa Mateo 4:1-11.

   ¿Tzeʼn nqo tzaj tonin aju toj tumel ajbʼen Tuʼjil Tyol Dios tuʼn Jesús tuʼn qxnaqʼtzan tkyaqil qʼij tiʼj Tyol Dios? (Mat. 4:5-7; 2 Ped. 3:17, 18; 1 Juan 4:1.)

3. Jyonkuxa Juan 1:29-51.

   ¿Alqiʼj tajtoq Juan tuʼn kyok lepeʼ qe t-xnaqʼtzbʼen ex seʼn jaku tzʼel qkanoʼn jlu? (Juan 1:29, 35, 36; 3:30; Mat. 23:10.)

4. Jyonkuxa Juan 2:1-12.

   ¿Tzeʼn kubʼ tyekʼin aju tnejil milagro bʼent tuʼn Jesús qa in tzaj tqʼoʼn Jehová tkyaqil tbʼanel kye qeju nchi ajbʼen Te? (Juan 2:9, 10; Sal. 84:11; Sant. 1:17.)

Txʼolbʼabʼil 89

1. ¿Tiquʼn nchi kubʼ kʼayin txkup tuj tja Dios?

2. ¿Tiquʼn tzaj tqʼoj Jesús?

3. ¿Tiʼ bʼant tuʼn Jesús, ex tiʼ xi tqʼamaʼn kye qeju nchi kʼayin palom, ik tzeʼnj tkuʼx toj tilbʼilal?

4. Tuʼnju bʼent tuʼn Jesús, ¿tiʼ tzaj kynaʼn qejo lepchiqeʼktaq tiʼj?

5. ¿Jatumel ikʼ Jesús tej tmeltzʼaj juntl maj toj Galilea?

Juntl xjel:

1. Jyonkuxa Juan 2:13-25.

   Tuʼnjo tzaj tqʼoj Jesús kyiʼj qeju nche chʼexpuntaq pwaq tuj tja Dios, ¿tbʼanelpetzulo tuʼn qyolin tiʼj qkʼaʼẍ ex tiʼj pwaq tuj Ja te Chmabʼil? (Juan 2:15, 16; 1 Cor. 10:24, 31-33.)

Txʼolbʼabʼil 90

1. ¿Tiquʼn ma kubʼ ten Jesús ttziʼ jun xoch atz Samaria, ex tiʼ xi tqʼamaʼn te xuʼj tej tpon qʼil aʼ?

2. ¿Tiquʼn bʼiʼx naj tnabʼl xuʼj, tiʼ xi tqʼamaʼn Jesús te, ex tiquʼn?

3. ¿Alkye aʼ kubʼ t-ximan xuʼj tej in yolintaq Jesús tiʼj aʼ, pero alkyetoq aʼ nyolen Jesús tiʼj?

4. ¿Tiquʼn etz twitz xuʼj tiʼjju xi tqʼamaʼn Jesús te, ex jatumel tzaja tajtzqibʼil Jesús tiʼj jlu?

5. ¿Tiʼ xnaqʼtzbʼil ntzaj tyekʼejo txʼolbʼabʼil lu qe?

Txqantl xjel:

1. Jyonkuxa Juan 4:5-43.

   1. Ik tzeʼnj techal kyaj tqʼoʼn Jesús, ¿alkye qxim ktel kyiʼj qeju xjal junxitl kyyajil? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Tiʼ tbʼanel in tzaj te xjal aju nok lepeʼ tiʼj Jesús? (Juan 4:14; Isa. 58:11; 2 Cor. 4:16.)

   3. ¿Tzeʼn jaku kubʼ qyekʼin qa nim toklen Tyol Dios qe, ik seʼnj bʼent tuʼn xuʼj te Samaria, tej tten nim tajbʼil tuʼn t-xi tyekʼe kye txqantl aju otaq tzʼel tnikʼ tiʼj? (Juan 4:7, 28; Mat. 6:33; Luc. 10:40-42.)

Txʼolbʼabʼil 91

1. Ik tzaʼn tkuʼx tuj tilbʼilal, ¿jatumel in xnaqʼtzan Jesús, ex alkyeqe qʼuqleqeʼ ttxlaj?

2. ¿Tiʼ kybʼi qeju kabʼlaj apóstol?

3. ¿Alkyejo kawbʼil pakbʼan Jesús tiʼj?

4. ¿Tiʼ xi tqʼamaʼn Jesús kye xjal tuʼn t-xi kyqanin toj naʼj Dios?

5. ¿Tiʼ xi tqʼamaʼn Jesús tibʼajju tzeʼn kymod xjal ktel kyxol?

Txqantl xjel:

1. Jyonkuxa Mateo 5:1-12.

   ¿Alkyechaq tumel jaku kubʼ qyekʼin qa nim toklen Tyol Dios qe? (Mat. 5:3; Rom. 10:13-15; 1 Tim. 4:13, 15, 16.)

2. Jyonkuxa Mateo 5:21-26.

   Qa ma tzaj jun mya bʼaʼn qxol tukʼe jun qerman, ¿tzeʼn ntzaj tyekʼen Mateo 5:23, 24 qa jaku kubʼ yaj aju tbʼanel qxol tukʼe Jehová tuʼn jlu? (Mat. 6:14, 15; Sal. 133:1; Col. 3:13; 1 Juan 4:20.)

3. Jyonkuxa Mateo 6:1-8.

   ¿Alkye junjun kymod fariseo iltiʼj tuʼn tel kyikʼon okslal? (Luc. 18:11, 12; 1 Cor. 4:6, 7; 2 Cor. 9:7.)

4. Jyonkuxa Mateo 6:25-34.

   ¿Tiʼ kyaj t-xnaqʼtzaʼn Jesús tiʼjju qa iltiʼj tuʼn tok qʼuqe qkʼuʼj tiʼj Jehová qa jaku tzaj tqʼoʼn aju najbʼen qe? (Éxo. 16:4; Sal. 37:25; Fili. 4:6.)

5. Jyonkuxa Mateo 7:1-11.

   ¿Tiʼ ntzaj tyekʼen qe, aju tbʼanelxix techal kubʼ tqʼoʼn Jesús aju tkuʼx toj Mateo 7:5? (Pro. 26:12; Rom. 2:1; 14:10; Sant. 4:11, 12.)

Txʼolbʼabʼil 92

1. ¿Alkye ttat txin tkuʼx tuj tilbʼilal, ex tiquʼn tzaj bʼaj tkʼuʼj tukʼex t-xuʼjil?

2. ¿Tiʼ bʼant tuʼn Jairo tej tkanet Jesús tuʼn?

3. ¿Tiʼ bʼaj tej t-xiʼ Jesús tja Jairo, ex alkye tqanil tzaj qʼamaʼn te Jairo toj bʼe?

4. ¿Tiquʼn naq e jaw tzeʼn xjal tiʼj Jesús aqeju ateʼtoq tja Jairo?

5. Tej otaqxi chi okx toj kwart jatumel taʼtoq tal txin, ¿tiʼ bʼent tuʼn Jesús?

6. ¿Alkyeqetl xjal oteq che jaw itzʼj tuʼn Jesús, ex tiʼ ntzaj tyekʼin jlu?

Txqantl xjel:

1. Jyonkuxa Lucas 8:40-56.

   ¿Tiquʼn jaku txi qʼamet qa tzaj qʼaqʼin tkʼuʼj Jesús ex tuj tumel yolin tukʼe xuʼj aju yabʼteq taʼ tukʼe kyyabʼ xuʼj, ex tiʼ jaku tzʼel kykanoʼn ansyan tiʼj jlu? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Jyonkuxa Lucas 7:11-17.

   ¿Tiquʼn jaku tzʼok tqʼuqbʼaʼn kykʼuʼj qejo o kyim jun tuj kyja, aju tnaʼ Jesús tiʼj viud xuʼj te tnam Naín? (Luc. 7:13; 2 Cor. 1:3, 4; Heb. 4:15.)

3. Jyonkuxa Juan 11:17-44.

   ¿Tzeʼn kubʼ tyekʼin Jesús qa tzunx, moqa inx, nchi oqʼ xjal aj tkyim jun tuj kyja? (Juan 11:33-36, 38; 2 Sam. 18:33; 19:1-4.)

Txʼolbʼabʼil 93

1. ¿Tiʼ ma tzaj tiʼj Juan el Bautizante, ex tzeʼn taʼ Jesús?

2. ¿Tiʼ bʼent tuʼn Jesús tuʼn t-xi tqʼoʼn kywa nimxix xjal aqeju otaq chi tzaj lepeʼ tiʼj, ex jniʼtl wabʼj kyaj?

3. ¿Tiquʼn e tzaj xobʼ qe t-xnaqʼtzbʼen Jesús tuj qonikʼen, ex tiʼ tzaj tiʼj Pedro?

4. ¿Tzaʼn e kʼaʼchet nimxix xjal tuʼn Jesús toj tkabʼ maj?

5. ¿Tequʼn tbʼanelxix aj tkawen Jesús tibʼaj tkyaqil Txʼotxʼ aju Kawil skʼoʼn tuʼn Dios?

Txqantl xjel:

1. Jyonkuxa Mateo 14:1-32.

   1. ¿Tiʼ in tzaj tyekʼin txʼolbʼabʼil tkuʼx tuj Mateo 14:23-32 tiʼj aju seʼn tmod Pedro?

   2. ¿Tzeʼn in tzaj tyekʼen Tuʼjil Tyol Dios qa chʼixpuj tmod Pedro tuʼn miʼ tjaw kyaqpaj naj? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Jyonkuxa Mateo 15:29-38.

   ¿Tzaʼn kubʼ tyekʼun Jesús qa nimtoq toklen tkyaqiljo in tzajteq tqʼoʼn tMan te? (Mat. 15:37; Juan 6:12; Col. 3:15.)

3. Jyonkuxa Juan 6:1-21.

   ¿Tiʼ kbʼantel quʼn kyukʼe qe in che kawen ik tzeʼnj techel kyaj tqʼoʼn Jesús? (Juan 6:15; Mat. 22:21; Rom. 12:2; 13:1-4.)

Txʼolbʼabʼil 94

1. ¿Tiquʼn e jaw kyaqpaj apóstol toj bʼe?

2. ¿Tiquʼn tzaj ttxkoʼn Jesús jun kʼwaʼl ex kubʼ tqʼoʼn kywitz qe t-apóstol?

3. ¿Alkye t-xilen yol aju tuʼn kyok apóstol ik tzeʼn qe tal kʼwal?

4. Tej tikʼ jteʼtl xjaw, ¿tzeʼn kubʼ tyekʼen Jesús qa kʼujlaʼnqetoq tal kʼwaʼl tuʼn?

Txqantl xjel:

1. Jyonkuxa Mateo 18:1-4.

   ¿Tiquʼn e ajbʼen techil tuʼn Jesús tuʼn kykubʼ t-xnaqʼtzaʼn xjal? (Mat. 13:34, 36; Mar. 4:33, 34.)

2. Jyonkuxa Mateo 19:13-15.

   ¿Alkye kymod kʼwaʼl iltiʼj tuʼj tel qkanoʼn qa qaj tuʼn kytzaj qkʼmoʼn kʼiwlabʼil tjaqʼ tKawbʼil Dios? (Sal. 25:9; 138:6; 1 Cor. 14:20.)

3. Jyonkuxa Marcos 9:33-37.

   ¿Alkye xnaqʼtzbʼil xi tqʼoʼn Jesús kye qeju lepcheqeʼktoq tiʼj, tiʼjju kyximbʼetz tuʼn tten kyoklen? (Mar. 9:35; Mat. 20:25, 26; Gál. 6:3; Fili. 2:5-8.)

4. Jyonkuxa Marcos 10:13-16.

   ¿Jniʼ ambʼil ten tiʼj Jesús tuʼn tyolin kyukʼil xjal, ex tiʼ jaku tzʼel kykanoʼn qe ansyan tiʼj jlu? (Mar. 6:30-34; Fili. 2:1-4; 1 Tim. 4:12.)

Txʼolbʼabʼil 95

1. ¿Tiʼ xi tqanin jun xjal te Jesús, ex tiquʼn?

2. ¿Tiʼ ajbʼen tuʼn Jesús tuʼn kykubʼ t-xnaqʼtzaʼn xjal, ex tiʼ ojtzqiʼn quʼn kyiʼj qeju judiy ex qe aj Samaria?

3. Tujjo txʼolbʼabʼil xi tqʼamaʼn Jesús, ¿tiʼ tzaj tiʼj jun judiy tej tkuʼx toj Jericó?

4. ¿Tiʼ bʼant tuʼn jun pal judiy ex tuʼn jun aj Leví tej kylonte jun xjal otaq bʼaj kʼixbʼisaʼn?

5. Ik tzaʼn tkuʼx toj tilbʼilal, ¿alkye nonin tiʼj judiy?

6. Tej tbʼaj tqʼamaʼn Jesús txʼolbʼabʼel, ¿alkye xjel xi tqanin, ex alkye tzaqʼwebʼil tzaj tqʼoʼn xjal?

Txqantl xjel:

1. Jyonkuxa Lucas 10:25-37.

   1. Mitiʼ naj xi tqʼoʼn Jesús tzaqʼwebʼil te jun xnaqʼtzal tiʼj ley, ¿tzeʼn onin Jesús tiʼj xjal lu tuʼn tel tnikʼ tiʼj tzaqʼwebʼil? (Luc. 10:26; Mat. 16:13-16.)

   2. ¿Tzeʼn e ajbʼen techal tuʼn Jesús tuʼn miʼ tel kyikʼen kyibʼ xjal? (Luc. 10:36, 37; 18:9-14; Tito 1:9.)

Txʼolbʼabʼil 96

1. ¿Tiʼ bʼent tuʼn Jesús tej nbʼettoq tuj tnam?

2. ¿Tiʼ xi tqʼamaʼn Jesús kye t-apóstol tej otaqxi tzʼel oxe abʼqʼi tkuʼxlen tuj aʼ?

3. ¿Alkye qejo xjal ateʼkuʼx toj tilbʼilal, ex tiʼ bʼant tuʼn Jesús tiʼj xuʼj?

4. ¿Tiquʼn tzaj kychʼixwi qeju nejenel kye okslal tuʼnjo xi tqʼamaʼn Jesús?

5. Tej ateʼtoq Jesús kyukʼe t-apóstol ttxlaj Jericó, ¿tiʼ bʼent tuʼn Jesús kyiʼj kabʼe moẍ?

6. ¿Tiquʼn e bʼant milagro tuʼn Jesús?

Txqantl xjel:

1. Jyonkuxa Mateo 15:30, 31.

   ¿Alkye tipumal Jehová kubʼ tyekʼin Jesús, ex tzeʼn jaku tzʼonin jlu qiʼj tuʼn tok qʼuqeʼ qkʼuʼj tiʼjju tzul tqʼoʼn Jehová tuj akʼaj twitz txʼotxʼ? (Sal. 37:29; Isa. 33:24.)

2. Jyonkuxa Lucas 13:10-17.

   ¿Tzeʼn kubʼ tyekʼin junjun matij milagro bʼent tuʼn Jesús toj sábado, aju tbʼanel tzul tiʼn kye xjal tjaqʼ tkawbʼil tuj mil abʼqʼi? (Luc. 13:10-13; Sal. 46:9; Mat. 12:8; Col. 2:16, 17; Apoc. 21:1-4.)

3. Jyonkuxa Mateo 20:29-34.

   ¿Tzaʼn ntzaj tyekʼe aju txʼolbʼabʼil lu qa ten nim ambʼil tiʼj Jesús tuʼn tonin kyiʼj xjal, ex tiʼ jaku tzʼel qkanoʼn tiʼj jlu? (Deu. 15:7; Sant. 2:15, 16; 1 Juan 3:17.)

Txʼolbʼabʼil 97

1. Tej tpon Jesús tuj jun tal kojbʼil ttxlaj Jerusalén, ¿tiʼ xi tqʼamaʼn kye t-xnaqʼtzbʼen?

2. Ik tzaʼnj tkuʼx toj tilbʼilal, ¿tiʼ bʼaj tej tpon Jesús ttzi tnam Jerusalén?

3. ¿Tiʼ bʼent kyuʼn kʼwaʼl tej kylonte Jesús in qʼanentaq kyiʼj moẍ ex kyiʼj qe xjal tzkajtoq kyximlal?

4. ¿Tiʼ xi tmaʼn Jesús kye pal tej kyjaw qʼojle?

5. ¿Tzeʼn jaku qo ok ik seʼn qe kʼwaʼl jaw kynimsaʼn Jesús?

6. ¿Tiʼ xi kyqanen t-xnaqʼtzbʼen Jesús?

Txqantl xjel:

1. Jyonkuxa Mateo 21:1-17.

   1. ¿Alkye junxitl at tiʼj aju tej tokx Jesús tuj Jerusalén, tukʼejo tej nchi okxteq kynejel soldad te Roma tej nchi kambʼanteq? (Mat. 21:4, 5; Zac. 9:9; Fili. 2:5-8; Col. 2:15.)

   2. ¿Tiʼ jaku tzʼel kykanoʼn qeju qʼa ex qe txin kyiʼj qejo tal kʼwaʼl te Israel, aqeju kyqʼama qe yol ateʼkux tuj Salmo 118 tej tokx Jesús toj tja Dios? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Jyonkuxa Juan 12:12-16.

   ¿Tiʼ nkubʼ techlaʼn aju ajbʼen tqʼabʼ palma kyuʼn xjal aʼyejo in che nimsantoq te Jesús? (Juan 12:13; Fili. 2:10; Apoc. 7:9, 10.)

Txʼolbʼabʼil 98

1. ¿Alkye Jesús kyxol qejo xjal ateʼkux tuj tilbʼilal, ex alkyeqe ateʼ tukʼe?

2. ¿Tiʼtaq kyajbʼil pal tuʼn tbʼant kyuʼn tiʼj Jesús tej attoq toj tja Dios, ex tiʼ xi tqʼamaʼn Jesús kye?

3. ¿Tiʼ xi kyqanin apóstol te Jesús?

4. ¿Tiquʼn xi tmaʼn Jesús kye t-apóstol aqeju junjun tiʼchaq kbʼajeltoq twitz Txʼotxʼ aj tkawin tuj kyaʼj?

5. Ik tzaʼn tqʼama Jesús, ¿tiʼtaq kbʼajel naʼmxtoq tkubʼ tnajsaʼn tkyaqil mya bʼaʼn twitz Txʼotxʼ?

Txqantl xjel:

1. Jyonkuxa Mateo 23:1-39.

   1. Maske, mo inchq, ntzaj tqʼamaʼn Tuʼjil Tyol Dios qa bʼaʼn tuʼn tajbʼen junjun bʼibʼaj aju at toklen tukʼe kyaqʼun xjal, ¿tiʼ ntzaj tyekʼin qejo tyol Jesús ateʼkuʼx toj Mateo 23:8-11 tiʼjjo junjun bʼibʼaj nim toklen tuʼn tok qʼoʼn te kybʼi qeju in che ajbʼen kyxol okslal? (Hech. 26:25; Rom. 13:7; 1 Ped. 2:13, 14.)

   2. ¿Tiʼ ajbʼen kyuʼn fariseo tuʼn miʼn kyok xjal te okslal, ex tzeʼn najbʼen chʼixme axju kyuʼn qeju nejenel kye okslal tuj qqʼijlal jaʼle? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Jyonkuxa Mateo 24:1-14.

   1. ¿Tzeʼn ntzaj tyekʼe Mateo 24:13 qa iltiʼj tuʼn tikʼx quʼn?

   2. ¿Tiʼ t-xilenjo yol tkuʼx toj Mateo 24:13 «ajxi tpon tqʼijil», MC? (Mat. 16:27; Rom. 14:10-12; 2 Cor. 5:10.)

3. Jyonkuxa Marcos 13:3-10.

   ¿Alkye yol tkuʼx tuj Marcos 13:10 aju ntzaj tyekʼin qa iltiʼj tuʼn tok tilel quʼn tuʼn qpakbʼan tiʼj tbʼanel tqanil, ex tzeʼn jaku qo tzaj tone qeju tyol Jesús lu? (Rom. 13:11, 12; 1 Cor. 7:29-31; 2 Tim. 4:2.)

Txʼolbʼabʼil 99

1. Ik tzeʼnj tkuʼx tuj tilbʼilal, ¿tiquʼn at Jesús kyukʼex 12 t-apóstol toj kwart?

2. ¿Alkyeju tzʼelpen ttzi ja, ex tiʼ kbʼantel tuʼn?

3. ¿Alkye juntl wabʼj kubʼ tsipen Jesús tej otaqxi bʼaj wabʼj te qale tuj Xjan Qʼij?

4. ¿Tiʼtoq in tzaj kynaʼn aj Israel tuʼn Xjan Qʼij, ex tiʼtoq tzul tnaʼnju wabʼj nim toklen kye qeju in che ok lepeʼ tiʼj Jesús?

5. Tej tbʼaj tsipin Jesús Wabʼj te qale, ¿tiʼ xi tqʼamaʼn Jesús kye t-xnaqʼtzbʼen, ex tiʼ bʼant kyuʼn?

Txqantl xjel:

1. Jyonkuxa Mateo 26:14-30.

   1. ¿Tzeʼn ntzaj tyekʼin Mateo 26:15 qa aju bʼent tuʼn Judas tiʼj Jesús otaqxi kubʼ t-ximin?

   2. ¿Alkye kabʼe tajbʼen tchikʼel Jesús el chitj? (Mat. 26:27, 28; Jer. 31:31-33; Efe. 1:7; Heb. 9:19, 20.)

2. Jyonkuxa Lucas 22:1-39.

   ¿Tiʼ tzʼelpena aju qa okx Satanás tuj tanmi Judas? (Luc. 22:3; Juan 13:2; Hech. 1:24, 25.)

3. Jyonkuxa Juan 13:1-20.

   1. Ik tzaʼnj ntzaj tqʼamaʼn Juan 13:2, ¿jakupetzele tzʼok qʼet tpaj Judas tuʼnjo kubʼ tbʼinchen, ex tiʼ xnaqʼtzbʼil in tzaj tqʼoʼn jlu qe qa nqo ajbʼen te Dios? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Alkye xnaqʼtzbʼil nim toklen tzaj tqʼoʼn Jesús? (Juan 13:15; Mat. 23:11; 1 Ped. 2:21.)

4. Jyonkuxa Juan 17:1-26.

   ¿Tiʼ t-xilen aju xi tqanin Jesús tuʼn kyok t-xnaqʼtzbʼen te «junx»? (Juan 17:11, 21-23; Rom. 13:8; 14:19; Col. 3:14.)

Txʼolbʼabʼil 100

1. ¿Jatumel i eʼx Jesús kyukʼe t-apóstol tej kyetz toj kwart, ex tiʼ xi tqʼamaʼn kye tuʼn tbʼant kyuʼn?

2. ¿Tiʼtaq nbʼaj kye t-apóstol Jesús tej nul meltzʼajtaq kyukʼe, ex jteʼ maj bʼaj jlu?

3. Ik tzeʼnj tkuʼx toj tilbʼilal, ¿alkyeqe i pon tuj Getsemaní, ex tiʼ bʼant tuʼn Judas Iscariote?

4. ¿Tiquʼn el ttzʼubʼan (tmaʼtzin) Judas Jesús, ex tiʼ bʼent tuʼn Pedro?

5. ¿Tiʼ xi tqʼamaʼn Jesús te Pedro, ex tiquʼn mitiʼ xi tqanin Jesús te Dios tuʼn ttzaj t-samaʼn jun t-anjel?

Txqantl xjel:

1. Jyonkuxa Mateo 26:36-56.

   1. ¿Tiquʼn jun tbʼanel techal kye ansyan aju tzeʼn tten ex tkawen Jesús qe t-xnaqʼtzbʼen? (Mat. 20:25-28; 26:40, 41; Gál. 5:17; Efe. 4:29, 31, 32.)

   2. ¿Tiʼtaq t-xim Jesús kyiʼj qejo makbʼil nchi ajbʼen tuʼn kykubʼ bʼiyet xjal? (Mat. 26:52; Luc. 6:27, 28; Juan 18:36.)

2. Jyonkuxa Lucas 22:39-53.

   Tej tul jun anjel onil te Jesús toj Getsemaní, ¿ulpetzulo tuʼn tok tqʼuqbʼaʼn tkʼuʼj Jesús? Jaku tzaj tqʼamaʼna (Luc. 22:41-43; Isa. 49:8; Mat. 4:10, 11; Heb. 5:7).

3. Jyonkuxa Juan 18:1-12.

   ¿Tzeʼn e ok t-xqʼuqin Jesús qe t-xnaqʼtzbʼen kyiʼj qe ajqʼoj ex tiʼ jaku tzʼel qkanoʼn tiʼj techil lu? (Juan 10:11, 12; 18:1, 6-9; Heb. 13:6; Sant. 2:25.)

Txʼolbʼabʼil 101

1. ¿Alkye at-xix tpaj tiʼj tkyimlebʼil Jesús?

2. ¿Tiʼ bʼant kyuʼn apóstol tej t-xi qʼiʼn Jesús kyuʼn nejenel kye okslal?

3. ¿Tiʼ bʼaj tuj tja Caifás aju nejenel kye pal?

4. ¿Tiquʼn el bʼet Pedro ex ok ten oqʼel?

5. Tej t-xi qʼiʼn juntl maj Jesús twitz Pilato, ¿tiʼ kyqʼama qejo nejenel kye pale tej kyjaw ẍchʼin?

6. ¿Tiʼ tzaj tiʼj Jesús tej tikʼ tmij (wanqʼij) qʼij toj viernes, ex tiʼ xi ttziyen Jesús te jun xjal bʼinchel mya bʼaʼn aju otaq jaw qʼoʼn twitz jun tzeʼ ttxlaj?

7. ¿Jatumeltzele ktel tbʼanel najbʼil aju yolin Jesús tiʼj?

Txqantl xjel:

1. Jyonkuxa Mateo 26:57-75.

   ¿Tzeʼn kubʼ kyyekʼe qeju kʼloj xjal Judiy aqeju e yolin tiʼ kbʼajel tiʼj Jesús qa attoq mya bʼaʼn tkuʼx tuj kyanmi? (Mat. 26:59, 67, 68.)

2. Jyonkuxa Mateo 27:1-50.

   ¿Tiquʼn jaku txi qqʼamaʼn qa aju tnaʼ Judas tej otaqxi bʼaj tbʼinchan mya bʼaʼn nya axtok? (Mat. 27:3, 4; Mar. 3:29; 14:21; 2 Cor. 7:10, 11.)

3. Jyonkuxa Lucas 22:54-71.

   ¿Tiʼ xnaqʼtzbʼil ntzaj tqʼoʼn qe, aju mitiʼ xi tqʼamaʼn Pedro qa ax ajuntaq te tukʼe Jesús? (Luc. 22:60-62; Mat. 26:31-35; 1 Cor. 10:12.)

4. Jyonkuxa Lucas 23:1-49.

   ¿Tiʼ bʼent tuʼn Jesús tej tok bʼinchen mya bʼaʼn tiʼj ex tiʼ xnaqʼtzbʼil ntzaj tqʼoʼn jlu qe? (Luc. 23:33, 34; Rom. 12:17-19; 1 Ped. 2:23.)

5. Jyonkuxa Juan 18:12-40.

   ¿Tiʼ ntzaj tyekʼen aju tej ttzaj xobʼ Pedro toj chʼin ambʼil kywitz xjal, ex aju meltzʼaj juntl maj ex ok te jun tbʼanelxix apóstol? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Jyonkuxa Juan 19:1-30.

   1. ¿Alkye t-xim Jesús ten tiʼj qʼinumabʼil? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Tiquʼn aʼyeju tyol Jesús tej chʼixtaq tkyim jun yoljo te kambʼabʼil, tiʼjju qa otaq kolin tiʼj nimxix toklen Jehová? (Juan 16:33; 19:30; 2 Ped. 3:14; 1 Juan 5:4.)

Txʼolbʼabʼil 102

1. ¿Alkyeju xuʼj tkuʼx toj tilbʼilal, ex alkye qejo kabʼe xinaq, mo ichin, ex jatumel ateʼqe?

2. ¿Tiquʼn xi tqʼamaʼn Pilato kye pal tuʼn t-xi kysamaʼn qe soldad xqʼuqil ttzi jul?

3. ¿Tiʼ bʼant tuʼn jun anjel tej chʼixtaq qsqix toj toxin qʼij tkyimlen Jesús, ex tiʼ bʼant kyuʼn qe pal tej tok kybʼiʼn jlu?

4. ¿Tiquʼn bʼiʼx naj kynabʼl (kaʼylaj) junjun xuʼj tej kypon ttziʼ jul jatumel okx qʼoʼn Jesús?

5. ¿Tiquʼn i ex ojqelan (rinin) Pedro ex Juan ttzi jul, ex tiʼ kyil, mo kylom?

6. ¿Tiʼ bʼaj tiʼj t-xmilal Jesús, ex tiʼ bʼant tuʼn Jesús tuʼntzun tkubʼ tyekʼin tibʼ kywitz t-xnaqʼtzbʼen qa otaq jaw anqʼin?

Txqantl xjel:

1. Jyonkuxa Mateo 27:62-66 ex 28:1-15.

   Tej tjaw anqʼin Jesús, ¿tzeʼn tten e ilen qe nejenel kye pal, qe fariseo ex qe ansyan tiʼj xewbʼaj xjan? (Mat. 12:24, 31, 32; 28:11-15.)

2. Jyonkuxa Lucas 24:1-12.

   ¿Tzeʼn kubʼ tyekʼen aju txʼolbʼabʼil tiʼj titzʼjlen Jesús qa qʼuqli tkʼuʼj Jehová kyiʼj xuʼj? (Luc. 24:4, 9, 10; Mat. 28:1-7.)

3. Jyonkuxa Juan 20:1-12.

   Qa mitiʼxix nel qnikʼ tzeʼn njapinbʼaj twi jun yol kyaj qʼamaʼn ojtxi, ¿tzeʼn nqo tzaj tonin Juan 20:8, 9 tuʼn tel qnikʼ qa iltiʼj tuʼn tten qpasens? (Pro. 4:18; Mat. 17:22, 23; Luc. 24:5-8; Juan 16:12.)

Txʼolbʼabʼil 103

1. ¿Tiʼ xi tqʼamaʼn María te jun xjal aju kubʼ t-ximen qa xqʼuqil awaltoq, ex tzeʼn ela tnikʼ tiʼj qa ateq Jesús jlu?

2. ¿Tiʼ bʼaj tej nchi bʼettoq kabʼe t-xnaqʼtzbʼen Jesús tuʼn kypon toj kojbʼil te Emaús?

3. ¿Tiʼ tbʼanel ikʼ tej nxiteq kyqʼamaʼn kabʼe t-xnaqʼtzbʼen Jesús qa otaq kubʼ tyekʼin tibʼ Jesús kywitz?

4. ¿Jteʼ maj kubʼ tyekʼin tibʼ Jesús kywitz qeju lepcheqeʼktoq tiʼj?

5. ¿Tiʼ tqʼma Tomás tej tok tbʼiʼn qa otaq kubʼ tyekʼin tibʼ Jesús kywitz qejo txqantl t-xnaqʼtzbʼen, ex tiʼ bʼaj tej tikʼ wajxaqtl qʼij?

Txqantl xjal:

1. Jyonkuxa Juan 20:11-29.

   ¿Ntzajteqpetzulo tmaʼn Jesús toj Juan 20:23 qa at kyoklen xjal tuʼn tkubʼ kynajsaʼn kyil txqantl? Bʼaʼn tuʼn ttzaj tchikʼbʼana (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Jyonkuxa Lucas 24:13-43.

   ¿Tzeʼn jaku kubʼ qbʼinchen qanmi tuʼntzun tbʼanel tzʼela aju axixtok ntzaj tyekʼe Tuʼjil Tyol Dios qe? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)

Txʼolbʼabʼil 104

1. ¿Jteʼteq t-xnaqʼtzbʼen Jesús ateʼtaq jun maj, tej tkubʼ tyekʼin tibʼ kywitz ex alqiʼj yolen kyukʼil?

2. ¿Tiʼ ajo tkawbʼil Dios, ex tzaʼn anqʼibʼil ktel tzalu twitz Txʼotxʼ aj tkawen Jesús mil abʼqʼi?

3. ¿Jteʼ qʼij kubʼ tyekʼe tibʼ Jesús kywitz qe lepchiqeʼktaq tiʼj, ex alkye ambʼil otaq pon?

4. ¿Tiʼ xi tqʼamaʼn Jesús kye t-xnaqʼtzbʼen tej chʼixtoq tmeltzʼaj tuj kyaʼj?

5. ¿Tiʼ bʼaj ik tzaʼnj tkuʼx toj tilbʼilal, ex seʼn kubʼ naj Jesús kywitz qeju lepchiqeʼktaq tiʼj?

Txqantl xjel:

1. Jyonkuxa 1 Corintios 15:3-8.

   ¿Tiquʼn qʼuqlexixteq tkʼuʼj apóstol Pablo tej tok ten yolil tiʼj titzʼjlen Jesús, ex alqiʼj jaku che yolen okslal jaʼle tukʼe tkyaqil qʼuqbʼel kykʼuʼj? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Jyonkuxa Hechos 1:1-11.

   Ik tzeʼnj kyaj qʼamaʼn tuj Hechos 1:8, ¿jniʼ twitz txʼotxʼ bʼaj pakbʼaʼn? (Hech. 6:7; 9:31; 11:19-21; Col. 1:23.)

Txʼolbʼabʼil 105

1. Ik tzeʼn tkux toj tilbʼilal, ¿tiʼ tzaj kyiʼj t-xnaqʼtzbʼen Jesús tej nchi ayonteq tuj Jerusalén?

2. ¿Tiquʼn etz kywitz xjal, moqa e jaw kaʼylaj xjal, aqeju e pon toj Jerusalén?

3. ¿Tiʼ xi tchikʼbʼaʼn Pedro kye xjal?

4. ¿Tiʼ kynaʼ nim xjal tej tbʼaj kybʼiʼn tyol Pedro, ex tiʼtaq iltiʼj tuʼn tbʼant kyuʼn?

5. ¿Jteʼ xjal kuʼx toj aʼ tuʼn tjaw a kywiʼ (kybʼyan) tuj ninqʼij te Pentecostés toj abʼqʼi 33?

Txqantl xjel:

1. Jyonkuxa Hechos 2:1-47.

   1. ¿Tzeʼn ntzaj tyekʼin tyol Pedro aqeju ateʼkux tuj Hechos 2:23, 36 qa kykyaqil judiy attaq kyil tiʼj tkamik Jesús? (1 Tes. 2:14, 15.)

   2. ¿Tiʼ tbʼanel techil kyaj tqʼoʼn Pedro tiʼjjo tuʼn tajbʼen Tyol Dios quʼn, tuʼn kyximin qe xjal qa ikxix ttenjo? (Hech. 2:16, 17, 29, 31, 36, 39; Col. 4:6.)

   3. ¿Tzeʼn ajbʼen tnejil ‹tal ja te kawbʼil te tuj kyaʼj› tuʼn Pedro aju otaq kyaj ttziyen Jesús te? (Hech. 2:14, 22-24, 37, 38; Mat. 16:19.)

Txʼolbʼabʼil 106

1. ¿Tiʼ bʼaj tej kyokx Pedro ex Juan tuj ja te nabʼil Dios toj jun qale?

2. ¿Tiʼ xi tqʼamaʼn Pedro teju xjal kox, ex tiʼ bʼant tuʼn Pedro aju mas nim toklen twitz pwaq?

3. ¿Tequʼn tzaj kyqʼoj qejo nejenel kye okslal, ex tiʼ bʼant kyuʼn tiʼj Pedro ex Juan?

4. ¿Tiʼ xi tmaʼn Pedro kye kynejel okslal, ex tiʼ tzaj qʼamaʼn kye apóstol tuʼn miʼ tbʼent kyuʼn?

5. ¿Tiquʼn ikʼenteq kywitz apóstol kyuʼn qe kynejel okslal, ex tiʼ bʼaj tej kyokx jupuʼn tkabʼ maj tuj carcel?

6. ¿Tiʼ xi kyqʼamaʼn qe apóstol tej kypon qʼiʼn kywitz Sanedrín?

Txqantl xjel:

1. Jyonkuxa Hechos 3:1-10.

   Inchq, moqa maske, mitiʼ nchi bʼent milagro quʼn jaʼle, ¿tzeʼn nqo tzaj tonin tyol Pedro aqejo ateʼkux tuj Hechos 3:6 tuʼn tkubʼ qyekʼin qa nim toklen aju tbʼanel tqanil tiʼj tKawbʼil Dios qe? (Juan 17:3; 2 Cor. 5:18-20; Fili. 3:8.)

2. Jyonkuxa Hechos 4:1-31.

   Aj qel ikʼen kyuʼn xjal tuʼnju nqo pakbʼan, ¿alkye techal kyaj kyqʼoʼn tnejel okslal qwitz, aju iltiʼj tuʼn tel qkanoʼn? (Hech. 4:29, 31; Efe. 6:18-20; 1 Tes. 2:2.)

3. Jyonkuxa Hechos 5:17-42.

   ¿Tzeʼn o kubʼ kyyekʼin xjal aqejo nya Testiwqeʼ, jun tbʼanel kyxim tiʼj pakbʼabʼil toj ambʼil ojtxi ex tuj ambʼil jaʼle? (Hech. 5:34-39.)

Txʼolbʼabʼil 107

1. ¿Alkyejo Esteban, ex tiʼ bʼant tuʼn naq tuʼn tipumal Dios?

2. ¿Tiʼ xi tqʼamaʼn Esteban aju tzaj kyqʼoj nejenel kye okslal tuʼn?

3. Tej tex kyjukʼuʼn xjal Esteban tiʼjxi tnam, ¿tiʼ ok kybʼinchaʼn tiʼj?

4. ¿Alkye kuʼxin tkuʼx tuj tilbʼilal aju ateʼku xbʼalin t-xe tqan?

5. ¿Tiʼ xi tqanin Esteban te Jehová tej chʼixtoq tkyim?

6. ¿Tzaʼn jaku tzʼel qkanoʼn aju techal kyaj tqʼoʼn Esteban aj tok tbʼinchen jun xjal mya bʼaʼn qiʼj?

Txqantl xjel:

1. Jyonkuxa Hechos 6:8-15.

   ¿Tiʼchaq o tzʼajbʼen kyuʼn qe nejenel kye okslal tuʼn miʼ kypakbʼantl testigos de Jehová? (Hech. 6:9, 11, 13.)

2. Jyonkuxa Hechos 7:1-60.

   1. ¿Tiʼ onin tiʼj Esteban tuʼn tkolin tiʼjjo tbʼanel tqanil kywitz qe Sanedrín, ex tiʼ jaku tzʼel qkanoʼn tiʼj? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Alkye qmod iltiʼj tuʼn tten kyukʼe qeju nel kyikʼun qpakbʼabʼil? (Hech. 7:58-60; Mat. 5:44; Luc. 23:33, 34.)

Txʼolbʼabʼil 108

1. ¿Tiʼ bʼant tuʼn Saulo tej otaqxi kubʼ bʼiyoʼn Esteban?

2. ¿Tiʼ ikʼ aju nimxix t-xilen tej nbʼetteq Saulo tuʼn tpon tuj Damasco?

3. ¿Tiʼ xi tqʼamaʼn Jesús te Saulo tuʼn tbʼent tuʼn?

4. ¿Tiʼ xi tqʼmaʼn Jesús te Ananías tuʼn tbʼant tuʼn, ex tzeʼn e jaqetl twitz Saulo?

5. ¿Tiʼtl tbʼi Saulo ok, ex tzeʼn oka te jun tbʼanel ajbʼel te Dios?

Txqantl xjel:

1. Jyonkuxa Hechos 8:1-4.

   ¿Tzeʼn onin nim ikʼbʼil tzaj kyiʼj tnejel okslal tuʼn t-xi kypakbʼaʼn Tyol Dios tuj junjuntl tnam, ex tzeʼn o bʼaj chʼixme ik tzeʼn jlu toj qqʼijlalil jaʼle? (Hech. 8:4; Isa. 54:17.)

2. Jyonkuxa Hechos 9:1-20.

   ¿Alkye oxe taqʼun Saulo xi tqʼoʼn Jesús? (Hech. 9:15; 13:5; 26:1; 27:24; Rom. 11:13.)

3. Jyonkuxa Hechos 22:6-16.

   ¿Seʼn jaku tzʼel qkanoʼn aju techal kyaj tqʼoʼn Ananías, ex tiquʼn nim toklen jlu? (Hech. 22:12; 1 Tim. 3:7; 1 Ped. 1:14-16; 2:12.)

4. Jyonkuxa Hechos 26:8-20.

   ¿Tiquʼn nok tqʼuqbʼaʼn kykʼuʼj qejo nya okslal kyxuʼjil ex qejo nya okslal kychmil aju tej tok Saulo te okslal? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Txʼolbʼabʼil 109

1. ¿Alkye xjal mejli tuj tilbʼilal?

2. ¿Tiʼ xi tqʼamaʼn jun anjel te Cornelio?

3. ¿Tiʼ tzaj tyekʼe Dios te Pedro tej attoq twiʼ tja Simón?

4. ¿Tiquʼn xi tmaʼn Pedro te Cornelio qa mya bʼaʼn tuʼn tkubʼ ẍmejeʼ twitz ex tuʼn tok ten nimel te?

5. ¿Tiquʼn bʼiʼx naj kynabʼl judiy aqejo t-xnaqʼtzbʼen Jesús e tzaj tukʼe Pedro?

6. ¿Alkye tbʼanel xnaqʼtzbʼil ntzaj tqʼoʼn qe, ajo tej t-xiʼ Pedro tukʼe Cornelio?

Txqantl xjel:

1. Jyonkuxa Hechos 10:1-48.

   ¿Tiʼ ntzaj tyekʼen tyol Pedro aqeju ateʼkux toj Hechos 10:42 tiʼjju tuʼn t-xiʼ pakbʼet tbʼanil tqanil tiʼj tKawbʼil Dios? (Mat. 28:19; Mar. 13:10; Hech. 1:8.)

2. Jyonkuxa Hechos 11:1-18.

   ¿Tiʼ bʼent tuʼn Pedro tej ttzaj tyekʼe Jehová qa tajtaq tuʼn kyok xjal te txqantl tnam te ajbʼel te, ex tzeʼn jaku tzʼel qkanoʼn jlu? (Hech. 11:17, 18; 2 Cor. 10:5; Efe. 5:17.)

Txʼolbʼabʼil 110

1. ¿Alkye kuʼxin tkuʼx toj tilbʼilal, jatumel najle, ex tiʼ tbʼi tnan ex tyaʼ?

2. ¿Tiʼ xi ttzaqʼweʼn Timoteo tej t-xi tqanin Pablo te, qa tajbʼiltaq tuʼn t-xiʼ pakbʼal kyukʼil?

3. ¿Jatumel ok qʼoʼn kybʼi qeju t-xnaqʼtzbʼen Jesús tnejel maj te okslal?

4. Tej kyikʼ bʼet Pablo, Silas ex Timoteo tuj Listra, ¿alkyeqe junjuntl tnam jatumel i eʼxa?

5. ¿Tzeʼn onin Timoteo tiʼj Pablo ex alkyeqeʼ xjel iltiʼj tuʼn kyximen qʼa ex txin tiʼj toj qqʼijlal jaʼle?

Txqantl xjel:

1. Jyonkuxa Hechos 9:19-30.

   ¿Tzeʼn kubʼ tyekʼe Pablo tnabʼil tej tel ikʼen tuʼn tpaj in pakbʼanteq tiʼj tbʼanel tqanil? (Hech. 9:22-25, 29, 30; Mat. 10:16.)

2. Jyonkuxa Hechos 11:19-26.

   ¿Tzeʼn ntzaj tyekʼin Hechos 11:19-21, 26 qa aju xewbʼaj xjan te Jehová nkubʼ nej kywitz qeju in che pakbʼan?

3. Jyonkuxa Hechos 13:13-16, 42-52.

   ¿Tzeʼn ntzaj tyekʼen Hechos 13:51, 52 qa mitiʼ xi kyqʼoʼn qeju lepcheqeʼtoq tiʼj Jesús ambʼil tuʼn kykubʼ tuʼn ikʼbʼil? (Mat. 10:14; Hech. 18:6; 1 Ped. 4:14.)

4. Jyonkuxa Hechos 14:1-6, 19-28.

   ¿Tzaʼn in tzaj tqʼuqbʼaʼn qkʼuʼj aju yol «kyajtzun kyoqxenan tuj tqʼabʼ qAjaw» Jehová, aj qonin kyiʼj qejo tzma nchi ok ten xnaqʼtzal? (Hech. 14:21-23; 20:32; Juan 6:44.)

5. Jyonkuxa Hechos 16:1-5.

   ¿Tzeʼn ntzaj tyekʼe aju bʼaʼn ela toj twitz Timoteo tuʼn tkubʼ circuncidarin, aju qa iltiʼj tuʼn tkubʼ bʼinchet ‹tkyaqil tuʼn tlaj tbʼanel tqanil›? (Hech. 16:3; 1 Cor. 9:23; 1 Tes. 2:8.)

6. Jyonkuxa Hechos 18:1-11, 18-22.

   ¿Tiʼ ntzaj tyekʼin Hechos 18:9, 10 tiʼjju qa nonen Jesús tiʼj pakbʼabʼil, ex seʼn ntzaj tqʼuqbʼaʼn jlu qkʼuʼj? (Mat. 28:20.)

Txʼolbʼabʼil 111

1. ¿Alkyeju qʼa ma kutz tzʼaq, ex tiʼ ma tzaj tiʼj?

2. ¿Tiʼ bʼant tuʼn Pablo tej tlonteju qʼa otaq kyim?

3. ¿Jatumel i eʼxa Pablo, Timoteo ex qeju nchi bʼettaq kyukʼil, ex tiʼ bʼant tuʼn Pablo tej kyweʼ toj Mileto?

4. ¿Tiʼ xi tqʼamaʼn Ágabo aju t-sanjel Dios te Pablo, ex tzeʼn japun bʼaj twiʼ yol xi tqʼamaʼn te?

Txqantl xjel:

1. Jyonkuxa Hechos 20:7-38.

   1. Ik tzaʼn kyaj tqʼamaʼn Pablo toj Hechos 20:26, 27, ¿tiʼ kbʼantel quʼn tuʼn miʼ ttzaj qil tiʼj ‹jun xjal qa ma txiʼ toj najen›? (Eze. 33:8; Hech. 18:6, 7.)

   2. ¿Tiquʼn iltiʼj tuʼn kyok lepeʼ qe ansyan tiʼj «yol axixtok» aj t-xi kyqʼoʼn xnaqʼtzbʼil? (Hech. 20:17, 29, 30; Tito 1:7-9; 2 Tim. 1:13.)

2. Jyonkuxa Hechos 26:24-32.

   Quʼn te Romataq te Pablo, ¿tzeʼn ajbʼen toklen lu, tuʼn t-xi tpakbʼaʼn aju yol otaq tzaj tqʼamaʼn Jesucristo te? (Hech. 9:15; 16:37, 38; 25:11, 12; 26:32; Luc. 21:12, 13.)

Txʼolbʼabʼil 112

1. ¿Tiʼ tzaj tiʼj bark atz jatumel tokxteq Pablo tej tikʼ ttxlaj piẍ txʼotxʼ Creta?

2. ¿Tiʼ xi tqʼamaʼn Pablo kye qeju ateʼkxtoq toj bark?

3. ¿Tiquʼn kubʼ xitj bark?

4. ¿Tiʼ xi tqʼmaʼn nejenel kye soldad, ex jteʼ xjal e pon ttzi aʼ?

5. ¿Tiʼ tbʼi piẍ txʼotxʼ jatumel e pon, ex jatumel xi qʼoʼntl Pablo tej tweʼ jbʼal?

Txqantl xjel:

1. Jyonkuxa Hechos 27:1-44.

   ¿Tzeʼn nok tqʼuqbʼaʼn qkʼuʼj aju txʼolbʼabʼil tiʼj Pablo tej t-xiʼ Roma, qa tzʼaqli taʼ aju tzʼibʼinkj tuj Tyol Dios? (Hech. 27:16-19, 27-32; Luc. 1:3; 2 Tim. 3:16, 17.)

2. Jyonkuxa Hechos 28:1-14.

   Qa e onin qejo xjal te Malta ex nya okslalqe ex kubʼ kybʼinchen nim tbʼanil te Pablo ex kye qeju txqantl, ¿tiʼ iltiʼj tuʼn tbʼant quʼn qa okslal qoʼ, ex alkye tten? (Hech. 28:1, 2; Heb. 13:1, 2; 1 Ped. 4:9.)

Txʼolbʼabʼil 113

1. ¿Alqe xi tpakbʼaʼn Pablo Tyol Dios tej tokxtaq pres toj Roma?

2. ¿Alkye ma pon tukʼe Pablo, ex tiʼ nbʼant tuʼn?

3. ¿Alkyeju Epafrodito, ex tiʼ xi tiʼn tej tmeltzʼaj toj Filipos?

4. ¿Tiquʼn xi ttzʼibʼen Pablo jun uʼj te Filemón aju tbʼanel tamiw?

5. ¿Tiʼ bʼant tuʼn Pablo tej tetz tzaqpiʼn, ex tiʼ tzaj tiʼj yajxitl?

6. ¿Alkye ajbʼen tuʼn Jehová tuʼn tbʼaj tzʼibʼin qejo mankbʼil (último) uʼj tuj Tuʼjil Tyol, ex alqiʼj nyolinjo uʼj Apocalipsis?

Txqantl xjel:

1. Jyonkuxa Hechos 28:16-31 ex Filipenses 1:13.

   ¿Tzeʼn ajbʼen ambʼil tuʼn Pablo tej tokxteq pres tuj Roma, ex tzeʼn onin aju nimxix qʼuqbʼil tkʼuʼj kyiʼj qejo txqantl okslal? (Hech. 28:23, 30; Fili. 1:14.)

2. Jyonkuxa Filipenses 2:19-30.

   ¿Alkyeqe tbʼanel yol kubʼ ttzʼibʼen Pablo tiʼj Timoteo ex Epafrodito tuʼnjo kʼujlaʼnqetaq tuʼn, ex seʼn jaku tzʼel qkanoʼn jlu tiʼj Pablo? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Jyonkuxa Filemón 1-25.

   1. ¿Alkye tten xi tqʼamaʼn Pablo te Filemón tuʼn tkubʼ tbʼinchaʼn aju tbʼanel ex tzeʼn jaku tzʼel kykanoʼn qe ansyan jlu? (File. 9; 2 Cor. 8:8; Gál. 5:13.)

   2. ¿Tzeʼn nchi tzaj tyekʼin tyol Pablo tkuʼx tuj Filemón 13, 14 qa ximin tiʼjjo in kynaʼntoq txqantl okslal tej nkubʼtaq tbʼinchin junjun tiʼ? (1 Cor. 8:7, 13; 10:31-33.)

4. Jyonkuxa 2 Timoteo 4:7-9.

   Ik tzaʼnj te apóstol Pablo, ¿tiquʼn jaku tzʼok qʼuqeʼ qkʼuʼj qa mlay qo el naj tiʼj tkʼuʼj Jehová qa ma tzikʼx quʼn? (Mat. 24:13; Heb. 6:10.)

Txʼolbʼabʼil 114

1. ¿Tiquʼn nyolin Tyol Dios kyiʼj chej tuj kyaʼj?

2. ¿Tiʼ tbʼi tqʼoj Dios, ex tiʼ kbʼel tnajsaʼn qʼoj lu?

3. Ik tzeʼn tkuʼx toj tilbʼilal, ¿alkye kbʼel nej tuj qʼoj, tiquʼn qʼiʼn jun tcorona, ex tiʼ t-xilen aju espada?

4. Qa ma tzaj qnaʼn aju txʼolbʼabʼil 10, 15 ex 33, ¿tiquʼn mitiʼ tuʼn qjaw sekʼpaj (labʼti) tiʼj aju qa che kbʼel tnajsaʼn Dios xjal mya bʼaʼn?

5. ¿Tzaʼn ntzaj tyekʼe txʼolbʼabʼil 36 ex 76 qa chi kbʼel tnajsaʼn Dios qeju mya bʼaʼn xjal maske nkyqʼamaʼn qa nchi kʼulen te?

Txqantl xjel:

1. Jyonkuxa Apocalipsis 19:11-16.

   1. ¿Tzeʼn ntzaj tyekʼen Tyol Dios qa aju tjax (tokx) tibʼaj saq chej atzun Jesucristoju? (Apoc. 1:5; 3:14; 19:11; Isa. 11:4.)

   2. ¿Seʼn ntzaj tyekʼen aju chikʼ tok tiʼj t-xbʼalin Jesús qa ok kkambʼal kyibʼaj kykyaqil ajqʼoj? (Apoc. 14:18-20; 19:13.)

   3. ¿Alkyeqetzulo mastl chi okel lepe tiʼj Jesús aj tqʼojin? (Apoc. 12:7; 19:14; Mat. 25:31, 32.)

Txʼolbʼabʼil 115

1. Ik tzeʼnj ntzaj tqʼamaʼn Tuʼjil Tyol Dios, ¿tiʼ tzul qe toj Tbʼanel Najbʼil te Tzalajbʼil tzalu twitz Txʼotxʼ?

2. ¿Tiʼ ntzaj ttziyen Tyol Dios kye qeju chi anqʼil toj Tbʼanel Najbʼil?

3. ¿Jtoj bʼant tkyaqil tbʼanel tuʼn Jesús?

4. Tej tten Jesús twitz Txʼotxʼ, ¿tzeʼn kubʼ tyekʼen aju kbʼantel tuʼn aj tok te ajKawil toj tKawbʼil Dios?

5. ¿Tiʼ kbʼantel tuʼn Jesús kyukʼex qeju chi kawil tibʼaj Txʼotxʼ tukʼil tzmax toj kyaʼj?

Txqantl xjel:

1. Jyonkuxa Apocalipsis 5:9, 10.

   ¿Tiquʼn qʼuqle qkʼuʼj qa aqeju ajkawil ex qejo pal chi kawil tibʼaj Txʼotxʼ tuj Kawbʼil te Mil abʼqʼi, ok kʼelel kynikʼ tiʼ kyajbʼil xjal ex tzul qʼaqʼen kykʼuʼj kyiʼj? (Efe. 4:20-24; 1 Ped. 1:7; 3:8; 5:6-10.)

2. Jyonkuxa Apocalipsis 14:1-3.

   ¿Tiʼ t-xilen aju tzʼibʼink tbʼi Manbʼaj ex tbʼi tal Rit, mo Ẍneʼl, tibʼaj kywitz qeju 144.000? (1 Cor. 3:23; 2 Tim. 2:19; Apoc. 3:12.)

Txʼolbʼabʼil 116

1. ¿Tiʼ iltiʼj tuʼn tel qnikʼ tiʼj qa qaj tuʼn qanqʼin te jumajx?

2. ¿Tiʼ kbʼantel quʼn tuʼn tel qnikʼ tiʼj Jehová ex tiʼj Jesús, ik tzeʼnj nbʼent tuʼn tal txin ex qeʼ tamiw toj tilbʼilal?

3. ¿Alkye juntl uʼj tkuʼx toj tilbʼilal, ex tiquʼn iltiʼj tuʼn tjaw quʼjin tkyaqil qʼij?

4. Aj tel qnikʼ tiʼj Jehová ex tiʼj Jesús, ¿tiʼ mastl kbʼantel quʼn tuʼn qanqʼin te jun majx?

5. ¿Tiʼ xnaqʼtzbʼil ntzaj tqʼoʼn txʼolbʼabʼil 69 qe?

6. ¿Tiʼ ntzaj tyekʼin aju tbʼanel techil kyaj tqʼoʼn Samuel toj txʼolbʼabʼil 55 qe?

7. ¿Tzaʼn jaku tzʼel qkanoʼn aju techal kyaj tqʼoʼn Jesús, ex qa ma bʼant jlu quʼn, tiʼ tbʼanel tzul qe toj ambʼil tzul?

Txqantl xjel:

1. Jyonkuxa Juan 17:3.

   ¿Tzeʼn ntzaj tyekʼen Tyol Dios qa nya oʼkx tuʼn tten qojtzqibʼil tiʼj Jehová ex tiʼj Jesucristo toj qwiʼ? (Mat. 7:21; Sant. 2:18-20; 1 Juan 2:17.)

2. Jyonkuxa Salmo 145:1-21.

   1. ¿Tiquʼn iltiʼj tuʼn qnimen te Jehová? (Sal. 145:8-11; Apoc. 4:11.)

   2. ¿Seʼn nkubʼ tyekʼen Jehová qa ‹tbʼanel kyukʼil kykyaqil xjal›, ex tzeʼn jaku tzʼonin jlu qiʼj tuʼn qok laqʼe mastl ttxlaj Jehová? (Sal. 145:9; Mat. 5:43-45.)

   3. Qa kʼujlaʼn Jehová quʼn, ¿alkyetzulo kbʼantel quʼn? (Sal. 119:171, 172, 175; 145:11, 12, 21.)