¿Tiʼ jaku bʼant tuʼna tuʼn tonin xnaqʼtzbʼil lu tiʼja?
Naʼmxtoq txi tzyet tuʼn t-xnaqʼtzana tiʼj uʼj lu, bʼaʼn tuʼn tjaw tuʼjina tqanil at tzalu. Yajxitl qʼonka twitza tiʼj VIDEO.
TNEJEL PLAJ
Naʼmxtoq tkubʼ kyxnaqʼtzane jun xnaqʼtzbʼil, bʼaʼn tuʼn tbʼaj tbʼinchaʼna ttena tiʼj tnejel plaj. Aqeju xjel tok kyajlal (A) ex qeju taqikʼ Tyol Dios tok qʼeq kyiʼj (B), in tzaj kyyekʼin qe xnaqʼtzbʼil nim kyoklen. Ax ikx ateʼ junjun taqikʼ Tyol Dios in tzaj qʼamaʼn jlu kyiʼj: «Uʼjinktza».
TKABʼIN PLAJ
Toj tnejel taqikʼ tiʼj plaj «Qo jyon mas tqanil», in tzaj qʼamaʼn tiʼ kbʼel xnaqʼtzet toj plaj lu (C). Aqeju subtítulo tok kyajlal, in tzaj kyyekʼin qe xnaqʼtzbʼil nim kyoklen (D). Uʼjinktza qe taqikʼ Tyol Dios, tzaqʼwenxa qe xjel ex qʼonka twitza kyiʼj video junx tukʼil testigo de Jehová in qʼon xnaqʼtzbʼil teya.
QE VIDEO. Kyoj recuadro lu che kanetel archivo multimedia tuʼna aqeju at kyoklen tukʼil junjun xnaqʼtzbʼil. Ateʼ junjun video in tzaj kyyekʼin aju o bʼaj kyiʼj junjun xjal. Atzun junjuntl, noq in kubʼ kyechlaʼn aju in bʼaj toj qanqʼibʼil.
Ximana kyiʼj tilbʼilal moqa dibujo ex tiʼj tqanil tok kyiʼj (E), ex ximana tiʼj tiʼ jaku txi tqʼamaʼna toj plaj «Aju in tzaj kyqʼamaʼn junjun xjal» (F).
TOXIN PLAJ
In kubʼaj jun xnaqʼtzbʼil tukʼil plaj «Toj chʼin yol» ex «Aju ma qo yolin tiʼj» (G). Aj tkubʼaj jun xnaqʼtzbʼil, tzʼibʼinkuxa alkye qʼij kubʼaj tuʼna. Tzul qʼoʼn junjun nabʼil teya toj plaj «Bʼinchankuya jlu» tuʼntzun tonin tiʼja tuʼn tkubʼ tbʼinchaʼna aju kʼelel tnikʼa tiʼj (H). Ax ikx, toj plaj «Ojtzqinka chʼintl», che kanetel junjun xnaqʼtzbʼil tuʼna ex qe video jaku che onin tiʼja (I).
Aju kbʼel xnaqʼtzet
|
|
|
|
¿Tzeʼn jaku kanet jun texto tuʼna toj Tyol Dios?
Tkuʼx 66 uʼj toj Biblia ex paʼn maj toj kabʼe kʼloj: aju plaj Tyol Dios kubʼ tzʼibʼin toj yol hebreo ex arameo ex aju plaj Tyol Dios kubʼ tzʼibʼin toj yol griego. Ateʼ junjun xjal in nok kyqʼoʼn tbʼi te Antiguo Testamento ex Nuevo Testamento.
Aj kykanet texto tuʼna toj uʼj lu, tnejel tkubʼ tbʼi uʼj (A), tkabʼin aju capítulo (B) ex toxin aʼyeju versículo (C).
Jun techel, Juan 17:3. Atz in yolin jlu tiʼj uʼj te Juan, capítulo 17 ex versículo 3.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
