XNAQʼTZBʼIL 18
¿Tzeʼn jaku tzʼel qnikʼ tiʼj alkye axix tok okslabʼil?
Ateʼ nim millón xjal in tzaj kyqʼamaʼn qa in che ok lepeʼ tiʼj Jesús, pero junxichaq xnaqʼtzbʼil nimen kyuʼn ex junxitl kyximbʼetz tiʼjju bʼaʼn ex tiʼjju nya bʼaʼn. Tuʼntzunju, ¿tzeʼn jaku tzʼel qnikʼ tiʼj alkyeqe axix tok okslal?
1. ¿Tzeʼn jun axix tok okslal?
Aqeju axix tok okslal moqa twutx nimel, in che ok lepeʼ tiʼj Jesús (uʼjinktza Hechos 11:26). ¿Alkye tten in kubʼ kyyekʼin qa in che ok lepeʼ tiʼj Jesús? Ax Jesús qʼamante jlu: «Qa kukx ma txi kybʼiʼne nyole, axix tok che okele te nxnaqʼtzbʼene» (Juan 8:31). A t-xilen jlu qa aʼyeju axix tok okslal in xi kybʼiʼn qe t-xnaqʼtzbʼil Jesús ex in jatz kyiʼn kyxnaqʼtzbʼil toj Tyol Dios ik tzeʼn bʼant tuʼn Jesús (uʼjinktza Lucas 24:27).
2. ¿Tzeʼn in kubʼ kyyekʼin axix tok okslal kykʼujlabʼil?
Xi tqʼamaʼn Jesús jlu kye t-xnaqʼtzbʼen: «Tuʼn kykʼujlante kyibʼe kyxolxe, ik tzaʼn weye ma che nkʼujlaye» (Juan 15:12). ¿Alkye tten kubʼ tyekʼin Jesús tkʼujlabʼil kyiʼj qe t-xnaqʼtzbʼen? El tpaʼn ambʼil tuʼn tten kyukʼil, xi tqʼuqbʼaʼn kykʼuʼj ex onin kyiʼj, axpe ikx xi tqʼoʼn tchwinqlal kyiʼj (1 Juan 3:16). Ik tzeʼn bʼant tuʼn Jesús, ax ikx kye axix tok okslal nya oʼkx in xi kyqʼamaʼn qa at kykʼujlabʼil, sino in kubʼ kyyekʼin tukʼil kyyol ex tukʼilju in tbʼant kyuʼn.
3. ¿Alkye aqʼuntl mas nim toklen tuʼn tbʼant kyuʼn axix tok okslal?
Xi toqxenin Jesús jun aqʼuntl kye t-xnaqʼtzbʼen, «e jeʼx t-samaʼn tuʼn kypakbʼan tiʼj tkawbʼil Dios» (Lucas 9:2). Nya oʼkx e pakbʼan tnejel okslal kyoj ja te nabʼil Dios, sino ax ikx jatumel e ten nim xjal ex ttziyele ja (uʼjinktza Hechos 5:42; 17:17). Toj ambʼil jaʼlo, ax ikx in xi kyqʼamaʼn axix tok okslal qe xnaqʼtzbʼil ateʼ toj Tyol Dios kye kykyaqil xjal. Ex tuʼnju kʼujlaʼn qe xjal kyuʼn, in nel kypaʼn ambʼil ex in najbʼen kyipumal tuʼn t-xi kyqʼuqbʼaʼn kykʼuʼj tukʼil Tyol Dios (Marcos 12:31).
QO JYON MAS TQANIL
Qo xnaqʼtzan tiʼj tiquʼn junxitl qe okslal axix tok kywitz qeju xjal mintiʼ in che ok lepeʼ tiʼj Jesús ex mintiʼ in chex kybʼiʼn qe t-xnaqʼtzbʼil.
4. Atz in jatz kyiʼn kyxnaqʼtzbʼil toj Tyol Dios
Toj tnejel syent abʼqʼi ok kyqʼoʼn okslal toklen Tyol Dios.
Ateʼ junjun xjal in tzaj kyqʼamaʼn qa axix tok okslal qe, pero mintiʼ in nok kyqʼoʼn toklen qe xnaqʼtzbʼil ateʼ toj Tyol Dios ex mintiʼ in che japun kyuʼn. Kyqʼonke kywitze tiʼj VIDEO ex che yoline tiʼj xjel lu:
-
Ateʼ junjun okslabʼil tzaj kyqʼamaʼn qa e ok lepeʼ tiʼj Jesús, noqtzun tuʼnj, ¿tiʼ bʼant kyuʼn tuʼn miʼn tel kynikʼ xjal kyiʼj t-xnaqʼtzbʼil Jesús?
Xi t-xnaqʼtzaʼn Jesús axix tok tkuʼx toj Tyol Dios kye xjal. Kyuʼjinktze Juan 18:37 ex che yoline tiʼj xjel lu:
-
Ik tzeʼn tqʼama Jesús, ¿tzeʼn jaku tzʼel qnikʼ kyiʼj axix tok okslal?
5. In che pakbʼan tiʼj axix tok tkuʼx toj Tyol Dios
Toj tnejel syent abʼqʼi e pakbʼan okslal.
Tej naʼmxtoq taj Jesús toj kyaʼj, xi tqʼamaʼn kye t-xnaqʼtzbʼen tuʼn tbʼant jun aqʼuntl kyuʼn ex kukx in bʼant jlu toj ambʼil jaʼlo. Kyuʼjinktze Mateo 28:19 ex 20 ex Hechos 1:8, ex che yoline tiʼj xjel lu:
-
¿Jatumeltoq tuʼn kypakbʼan t-xnaqʼtzbʼen Jesús ex toj jteʼ ambʼil?
6. In kubʼ kyanqʼin aju in che pakbʼan tiʼj
¿Tiquʼn qʼuqlitoq tkʼuʼj Tom tiʼj qa otoq kanet axix tok okslabʼil tuʼn? Kyqʼonke kywitze tiʼj VIDEO ex che yoline kyiʼj xjel lu:
-
Ik tzeʼn setz yekʼin toj video, ¿tiquʼn tzaj tbʼis Tom tuʼn okslabʼil?
-
¿Tiquʼn ok qeʼ tkʼuʼj Tom tiʼj qa otoq kanet axix tok okslabʼil tuʼn?
Tuʼn qbʼinchbʼen in kubʼ qyekʼin qa ax tok aju in xi qqʼamaʼn. Kyuʼjinktze Mateo 7:21 ex che yoline tiʼj xjel lu:
-
¿Alkye mas nim toklen toj twitz Jesús, aju in xi qqʼamaʼn moqa aju in bʼant quʼn?
7. In kubʼ kyyekʼin kykʼujlabʼil kyxolx
Toj tnejel syent abʼqʼi kubʼ kyyekʼin okslal kykʼujlabʼil kyxolx.
¿Ope kubʼ kyximen axix tok okslal tuʼn kykyim te kyxel kyerman? Kyqʼonke kywitze tiʼj VIDEO ex che yoline kyiʼj xjel lu.
-
¿Tiquʼn kubʼ t-ximen ermano Lloyd tuʼn tkyim te t-xel ermano Johansson?
-
Tzeʼn teya toj twitz, ¿kubʼpe tyekʼin qa axix tok okslal te?
Kyuʼjinktze Juan 13:34 ex 35, ex che yoline kyiʼj xjel lu:
-
¿Tzeʼn kymod t-xnaqʼtzbʼen Jesús tuʼn tkubʼ kyyekʼin kyukʼil xjal te junxitl kyyajil ex kytnam?
-
¿Alkye tten kbʼel kyyekʼin kʼujlabʼil kyxol toj ambʼil aj ttzaj jun qʼoj?
AJU IN TZAJ KYQʼAMAʼN JUNJUN XJAL: «Noq alkyexku qokslabʼil at, oʼkx tuʼn tok qeʼ qkʼuʼj tiʼj Jesucristo».
-
¿Alkye taqikʼ Tyol Dios jaku tzʼajbʼen tuʼna tuʼn t-xi tyekʼina alkyeqe axix tok okslal?
TOJ CHʼIN YOL
Atz in jatz kyxnaqʼtzbʼil axix tok okslal toj Tyol Dios, in che onin kyiʼj txqantl ex in che pakbʼan tiʼj axix tok tkuʼx toj Tyol Dios.
Aju ma qo yolin tiʼj
-
¿Jatumel in jatz kyiʼn axix tok okslal qe kyxnaqʼtzbʼil?
-
¿Alkye kymod axix tok okslal in kubʼ kyyekʼin?
-
¿Tiʼ aqʼuntl in bʼant kyuʼn?
OJTZQINKA CHʼINTL
Ojtzqinka jun kʼloj xjal in nok tilil kyuʼn tuʼn kyok lepeʼ tiʼj Jesús ex tuʼn kyjapun t-xnaqʼtzbʼil kyuʼn.
Ojtzqinka tzeʼn kanet axix tok okslabʼil tuʼn jun xuʼj aju otoq tzʼok te monja.
«Tzaj kyqʼoʼn tzaqʼwebʼil kyiʼj kykyaqil nxjele tukʼil Tyol Dios» (Aju Xqʼuqil, 1 te abril te 2014)
Bʼaʼn tuʼn tel tnikʼa tiʼj tzeʼn in kubʼ kyyekʼin axix tok okslal kykʼujlabʼil kyiʼj kyerman aj ttzaj nya bʼaʼn kyiʼj.
In qo onin kyiʼj erman aj ttzaj jun xitbʼil tuʼnx twitz txʼotxʼ (chʼin tqan) (3:57)
Kyaj tqʼamaʼn Jesús tzeʼn kʼelel kynikʼ xjal kyiʼj t-xnaqʼtzbʼen. Ojtzqinka tzeʼn onin jlu tuʼn tel nikʼbʼaj kyiʼj t-xnaqʼtzbʼen Jesús toj tnejel syent abʼqʼi ex toj ambʼil jaʼlo.
«¿Tzeʼn in nel nikʼbʼaj kyiʼj axix tok okslal?» (Aju Xqʼuqil, 1 te marzo te 2012)
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
