XNAQʼTZBʼIL 19
¿Aʼyepe testigos de Jehová axix tok okslabʼil?
In kubʼ qximane qa aqoʼye axix tok okslabʼil. ¿Tiquʼn? Qo xnaqʼtzan tiʼj jatumel in che jatz xnaqʼtzbʼil nimen quʼne, tiquʼn tok qbʼiye te testigos de Jehová ex tzeʼn in kubʼ qyekʼine axix tok kʼujlabʼil qxolxe.
1. ¿Jatumel in che jatz xnaqʼtzbʼil nimen kyuʼn testigos de Jehová?
Tqʼama Jesús jlu te Dios: «Aju tyola axix tok» (Juan 17:17). Ik tzeʼn bʼant tuʼn Jesús, tkyaqil xnaqʼtzbʼil nimen quʼne atz in jatz toj Tyol Dios. Ojtzqinka tiʼ bʼaj kyiʼj testigos de Jehová tuʼn kyajbʼen te Dios toj ambʼil jaʼlo. Nqayin tiʼj abʼqʼi 1870, tzaj tzyet tuʼn t-xnaqʼtzan jun kʼloj xjal tiʼj Tyol Dios. Tkyaqilju xnaqʼtzbʼil ok qeʼ kykʼuʼj tiʼj, atz jatz kyiʼn toj Tyol Dios, maske junxitl aju xi kyxnaqʼtzaʼn txqantl okslabʼil toj ambʼil aju. Yajxitl, xi tzyet tuʼn kyyolin kyukʼil junjuntl xjal tiʼj axix tok otoq tzʼel kynikʼ tiʼj. a
2. ¿Tiquʼn testigos de Jehová qbʼiye tok?
In nok tqʼoʼn Jehová kybʼi xjal in che kʼulin te te ttestiw, tuʼnju in xi kyqʼamaʼn axix tok tiʼj kye txqantl (Hebreos 11:4-12:1). Toj ambʼil ojtxe, xi tqʼamaʼn Jehová jlu kye tmajen: «Aqeye testiw wiʼje» (uʼjinktza Isaías 43:10). Ax ikx, in nok qʼoʼn tbʼi Jesús te «testiw axix tok» (Apocalipsis 1:5). Tuʼntzunju, toj 1931 kubʼ qximane tuʼn tok qbʼiye te testigos de Jehová ex in qo tzalaje tuʼnju tok bʼibʼaj lu qiʼje.
3. ¿Tzeʼn in nel kykanoʼn testigos de Jehová tkʼujlabʼil Jesús?
Attoq nim tkʼujlabʼil Jesús kyiʼj t-xnaqʼtzbʼen ex e ok tqʼoʼn ik tzeʼn qe toj tja (uʼjinktza Marcos 3:35). Ax ikx, aqoʼye testigos de Jehová at mujbʼabʼil qxole ex in qo oke ik tzeʼn jun ja xjal twitz tkyaqil Txʼotxʼ. Tuʼntzunju qerman qibʼe (Filemón 1, 2). Ax ikx in xi qbʼiʼne kawbʼil lu: «Kykʼujlame qe erman» (1 Pedro 2:17). Ex in kubʼ qyekʼine qkʼujlabʼile toj junxichaq tten, ik tzeʼn aj t-xi qqʼoʼne onbʼil kye qermane twitz tkyaqil Txʼotxʼ aj kyikʼ toj nya bʼaʼn.
QO JYON MAS TQANIL
Ojtzqinka mas tqanil tiʼjju o bʼaj kyiʼj testigos de Jehová tuʼntzun tel tnikʼa tiʼj qa aqoʼye axix tok okslabʼil.
Atz in jatz kyxnaqʼtzbʼil axix tok okslal toj Tyol Dios ex in xi kyyekʼin kye txqantl.
4. Atz in che jatz qe xnaqʼtzbʼil nimen quʼne toj Tyol Dios
Kyaj tqʼamaʼn Jehová qa kyoj bʼajsbʼil tqʼijlalil mas kʼelel kynikʼ tmajen tiʼj axix tok. Kyuʼjinktze Daniel 12:4 ex che yoline tiʼj xjel lu:
-
¿Tiʼtoq kʼelel kynikʼ tmajen Jehová tiʼj akux in che xnaqʼtzan tiʼj Tyol Dios?
Ojtzqinka alkye tten e xnaqʼtzan junjun xjal tiʼj Tyol Dios, kyxol jlu ten Charles Russell. Kyqʼonke kywitze tiʼj VIDEO ex che yoline tiʼj xjel lu:
-
Ik tzeʼn setz yekʼin toj video, ¿alkye tten xnaqʼtzan Charles Russell ex junjuntl xjal tiʼj Tyol Dios?
¿Ojtzqiʼn jlu tuʼna?
At maj o kubʼ qchʼexpuʼne junjun xnaqʼtzbʼil nimen quʼne. ¿Tiquʼn? Tuʼnju chebʼe chebʼe o tzʼonin Dios qiʼje tuʼn tel qnikʼe tiʼj Tyol. Chʼixme ik tten jlu ik tzeʼn aj qsqix, chebʼe chebʼe in spikʼeʼ twitz kyaʼj (kyuʼjinktze Proverbios 4:18). Mintiʼ in chʼexpaj Tyol Dios, pero aj tel mas qnikʼe tiʼj, in kubʼ qchʼexpuʼne junjun xnaqʼtzbʼil nimen quʼne.
5. In jaw qnimsaʼne bʼibʼaj tok qiʼje
¿Tiquʼn kubʼ qximane tuʼn tok qbʼiye te testigos de Jehová? Kyqʼonke kywitze tiʼj VIDEO ex che yoline tiʼj xjel lu:
-
¿Tiquʼn toj tumel tuʼnju tok qbʼiye te testigos de Jehová?
¿Tiquʼn o che jaw tskʼoʼn Jehová qe xjal tuʼn kyok te ttestiw? Tuʼn t-xi kyqʼamaʼn kye txqantl qa a te Dios axix tok ex tuʼnju o tzaj qʼamaʼn nim nya ax tok xnaqʼtzbʼil tiʼj. Qo xnaqʼtzan kyiʼj junjun.
Ateʼ junjun okslabʼil in tzaj kyxnaqʼtzaʼn qa taj Dios tuʼn kyajbʼen sant quʼn tuʼn qkʼulin te. Noqtzun tuʼnj, ¿axpe tok jlu? Kyuʼjinktze Levítico 26:1 ex che yoline tiʼj xjel lu:
-
Ik tzeʼn in tzaj tqʼamaʼn versículo lu, ¿alkye axix tok? ¿Tiʼ in tzaj tqʼamaʼn Dios tiʼjju tuʼn kyajbʼen sant kyuʼn xjal?
Ateʼ junjun nejenel kye okslabʼil in tzaj kyxnaqʼtzaʼn qa a Jesús in nok te Dios. Pero, ¿axpe tok jlu? Kyuʼjinktze Juan 20:17 ex che yoline kyiʼj xjel lu:
-
Ik tzeʼn in tzaj tqʼamaʼn versículo lu, ¿axpe Dios in nok te Jesús?
-
¿Tiʼ in kubʼ tnaʼna tuʼnju o chex tsamaʼn Jehová qe ttestiw tuʼn t-xi kyxnaqʼtzaʼn axix tok tiʼj ex tiʼj Tkʼwal?
6. In nok qkʼujlan qibʼe
In tzaj tqʼamaʼn Tyol Dios qa ik kyten okslal ik tzeʼn tkyaqilju tok tiʼj qxmilal. Kyuʼjinktze 1 Corintios 12:25 ex 26, ex che yoline kyiʼj xjel lu:
-
¿Tiʼ il tiʼj tuʼn tbʼant kyuʼn okslal axix tok aj ttzaj jun nya bʼaʼn tiʼj juntl okslal?
-
Ik tzeʼn o tzʼok tqʼoʼna twitza tiʼj, ¿tzeʼn in kubʼ kyyekʼin testigos de Jehová kykʼujlabʼil kyxolx?
Aj ttzaj nya bʼaʼn kyiʼj testigos de Jehová, jun rat in bʼaj kyonin kyibʼ kyxolx. Tuʼn tok kyojtzqiʼne jun techel, kyqʼonke kywitze tiʼj VIDEO. Yajxitl che yoline tiʼj xjel lu:
-
¿In kubʼpe t-ximana qa in nok kykʼujlan kyibʼ testigos de Jehová aj kyonin kyiʼj kyerman? ¿Tiquʼn?
In kubʼ kyyekʼin axix tok okslal kykʼujlabʼil kyiʼj qeju kyaj onbʼil.
AJU IN TZAJ KYQʼAMAʼN JUNJUN XJAL: «Kʼitzqeku qe testigos de Jehová».
-
¿Toj alkye ambʼil ok tqʼoʼn Jehová kybʼi tmajen te testigos?
TOJ CHʼIN YOL
Aʼye testigos de Jehová axix tok okslabʼil, in che kʼulin te Dios toj mujbʼabʼil, atz in jatz kyiʼn kyxnaqʼtzbʼil toj Tyol Dios ex in xi kyxnaqʼtzaʼn axix tok tiʼj Jehová.
Aju ma qo yolin tiʼj
-
¿Tiquʼn kubʼ qximane tuʼn tok qbʼiye te testigos de Jehová?
-
¿Tzeʼn in kubʼ qyekʼine qkʼujlabʼile qxolxe?
-
¿In kubʼpe t-ximana qa aʼye testigos de Jehová okslabʼil axix tok?
OJTZQINKA CHʼINTL
Ojtzqinka chʼintl tqanil tiʼjju o tzikʼ qiʼje.
Los testigos de Jehová: una historia de fe viva. Parte 1: Salen de la oscuridad (1:00:53)
Ojtzqinka alkye tten tzaj kychikʼbʼaʼn testigos de Jehová jun nya ax tok xnaqʼtzbʼil.
Ojtzqinka tzaqʼwebʼil kyiʼj junjun xjel in tzaj qanin kyiʼj testigos de Jehová.
«Aʼyeju xjel mas in che tzaj qanin kyiʼj testigos de Jehová» (Kʼloj xnaqʼtzbʼil toj jw.org)
Ok tbʼinchaʼn Stephen nim nya bʼaʼn kyiʼj xjal. Ojtzqinka tzeʼn chʼexpaj tanqʼibʼil tej tok tqʼoʼn twitz tiʼjju in bʼant kyuʼn testigos de Jehová.
«Kukx tzaj nya bʼaʼn toj wanqʼibʼile» (Xnaqʼtzbʼil toj uʼj Xqʼuqil)
a Atxix toj abʼqʼi 1879 tzaj tzyet tuʼn tetz uʼj Aju Xqʼuqil tuʼn t-xi chikʼbʼet aju in tzaj t-xnaqʼtzaʼn Tyol Dios.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
