XNAQʼTZBʼIL 22
¿Tiʼ jaku bʼant tuʼna tuʼn tpakbʼana tiʼj tbʼanel tqanil?
Aj tel tnikʼa tiʼjju axix tok tkuʼx toj Tyol Dios, jakulo kubʼ t-ximana jlu: «Il tiʼj tuʼn tok kybʼiʼn xjal jlu». Bʼalo jaku tzaj xobʼa aj t-ximana tiʼj qa il tiʼj tuʼn t-xi tqʼamaʼna kye txqantl aju in nel tnikʼa tiʼj. Qo xnaqʼtzan tiʼj tiʼ jaku bʼant tuʼna tuʼn miʼn ttzaj xobʼa ex tuʼn ttzalaja aj tyolina kyukʼil txqantl tiʼj tbʼanel tqanil.
1. ¿Tzeʼn jaku yolina tiʼj Tyol Dios kyukʼil xjal ojtzqiʼn kywitz tuʼna?
Kyqʼama t-xnaqʼtzbʼen Jesús jlu: «Mlay bʼant tuʼn t-xi qkoline tuʼn t-xi qmaʼne aju ma qile ex ma qbʼiye» (Hechos 4:20). Ok kykʼujlaʼn t-xnaqʼtzbʼen Jesús qe t-xnaqʼtzbʼil ex kyajtoq tuʼn t-xi kyqʼamaʼn kye kykyaqil xjal. ¿Axpe jlu in kubʼ tnaʼna kyiʼj xnaqʼtzbʼil in nel tnikʼa tiʼj? Qa ikju, tbʼanel tuʼn tyolina tiʼj kyukʼil toj tjaya ex qe tamiwa (uʼjinktza Colosenses 4:6).
Junjun tumel tzeʼn jaku pakbʼana
-
Aj tyolina tukʼil jun toj tjaya, jaku txi tqʼamaʼna jlu te: «Toj seman lu el nnikʼe tiʼj jun tbʼanel xnaqʼtzbʼil».
-
Qa yabʼ jun tamiwa moqa in tzaj bʼaj tkʼuʼj, jaku txi tqʼuqbʼaʼna tkʼuʼj tukʼil jun taqikʼ Tyol Dios.
-
Aj ttzaj kyqanin qe tukʼila toj aqʼuntl teya tzeʼn taʼya, qʼamanxa jun akʼaj xnaqʼtzbʼil otoq tzʼel tnikʼa tiʼj toj uʼj lu moqa otoq tzʼok tbʼiʼna kyoj chmabʼil.
-
Jaku txi tyekʼina qtembʼile te Internet jw.org kye tamiwa.
-
Qʼonxa txokbʼil tiʼj jun xjal tuʼn tten tukʼila aj t-xnaqʼtzana tiʼj Tyol Dios moqa jaku txi tyekʼina te tzeʼn jaku t-xi tqanin jun t-xnaqʼtzbʼil toj jw.org.
2. ¿Tiquʼn tbʼanel qa ma tzʼexa pakbʼal junx kyukʼil erman?
Ok tilil kyuʼn t-xnaqʼtzbʼen Jesús tuʼn kyyolin tiʼj tbʼanel tqanil kyukʼil kykyaqil xjal. Tuʼntzunju, «e jeʼx t-samaʼn [Jesús] tuʼn kyxiʼ nej twitz, te kabʼchaq kybʼet, e jeʼx t-samaʼn kyuj kykyaqil tnam ex lugar» (Lucas 10:1). Onin jlu tuʼn t-xi pakbʼet tbʼanel tqanil kye nimku xjal. Ax ikx, e tzalaj qe t-xnaqʼtzbʼen Jesús tej kypakbʼan junx (Lucas 10:17). ¿Yajtzun qa ma tzʼok tilil tuʼna tuʼn texa pakbʼal junx kyukʼil erman?
QO JYON MAS TQANIL
Qo xnaqʼtzan tiʼj tiʼ jaku bʼant tuʼna tuʼn miʼn ttzaj xobʼa ex tuʼn ttzalaja tuʼn tpakbʼana tiʼj tbʼanel tqanil.
3. Ktel Jehová ttxlaja
Ateʼ junjun xjal in che tzaj xobʼ aj kyximen tiʼj tiʼ tzul kyqʼamaʼn xjal kyiʼj aj kyex pakbʼal.
-
¿In tzajpe xobʼa aj t-ximana tiʼj tuʼn tyolina kyukʼil txqantl tiʼjju in nel tnikʼa tiʼj? ¿Tiquʼn?
Kyqʼonke kywitze tiʼj VIDEO ex che yoline tiʼj xjel lu:
-
¿Tiʼ bʼant kyuʼn kuʼxun lu tuʼn miʼn kytzaj xobʼ?
Kyuʼjinktze Isaías 41:10 ex che yoline tiʼj xjel lu:
-
¿Tiquʼn nim toklen tuʼn tnaʼna Dios qa in tzaj xobʼa tuʼn texa pakbʼal?
¿Ojtzqiʼn jlu tuʼna?
Ateʼ nim testigos de Jehová kubʼ kyximen qa mlayxtoq bʼant tuʼn kyex pakbʼal. Atzun jlu bʼaj tiʼj Sergey, kubʼ tnaʼn qa mintiʼ tajbʼen ex qa mlayxtoq bʼant tyolin kyukʼil xjal. Pero xi tzyet tuʼn t-xnaqʼtzan tiʼj Tyol Dios. Tqʼama jlu: «Maske in chin xobʼe, kubʼ nximane tuʼn nyoline kyukʼil txqantl tiʼjju in neltoq nnikʼe tiʼj toj Tyol Dios. Onin jlu wiʼje tuʼn tok nqʼoʼne woklene ex tuʼn kykuʼpin qe xnaqʼtzbʼil tiʼj Tyol Dios toj wanmiye».
4. Qʼonka kyoklen txqantl
Naʼmxtoq tpakbʼana te jun xjal, bʼaʼn tuʼn t-ximana tiʼj tiʼ kxel tqʼamaʼna te. Ax ikx, ximana tiʼj tzeʼn kxel tqʼamaʼna. Kyuʼjinktze 2 Timoteo 2:24 ex 1 Pedro 3:15, ex che yoline kyiʼj xjel lu:
-
¿Tzeʼn jaku kubʼ tbʼinchaʼna aju in tzaj kyqʼamaʼn texto lu aj tyolina tiʼj Tyol Dios tukʼil jun xjal?
-
Qa nya kygan junjun toj tjaya ex qe tamiwa tuʼnju in pakbʼana, ¿tiʼ jaku bʼant tuʼna ex tiʼ mintiʼ tuʼn tbʼant tuʼna?
-
¿Tiquʼn mas tbʼanel tuʼn tok qqʼoʼn kyoklen xjal aj qyolin kyukʼil twitzju tuʼn t-xi qqʼamaʼn kye tiʼ tuʼn t-xi kynimen?
5. In qo tzalaj tuʼn qyolin tiʼj Tyol Dios kyukʼil txqantl
Xi tqʼamaʼn Jehová te Jesús tuʼn tpakbʼan tiʼj tbʼanel tqanil. ¿Alkye t-ximbʼetz Jesús ten tiʼj aqʼuntl lu? Kyuʼjinktze Juan 4:34 ex che yoline kyiʼj xjel lu:
-
Aj qwaʼn kyiʼj tbʼanel wabʼj, in nonin qiʼj tuʼn qanqʼin ex tuʼn qtzalaj. Tej t-xi tbʼinchaʼn Jesús tajbʼil Jehová, ¿tiquʼn ok tqʼoʼn ik tzeʼn twa?
-
¿Tiʼ tbʼanel tzul teya qa ma pakbʼana tiʼj Tyol Dios?
Nabʼil
-
Toj chmabʼil in nok txolekxi qʼij, qʼonka twitza tiʼj alkye tten in nex kyqʼoʼn erman junjun yekʼbʼil tiʼj tzeʼn tuʼn qpakbʼan tiʼj Tyol Dios.
-
Qaninxa te erman in qʼon xnaqʼtzbʼil teya tiʼ il tiʼj tuʼn tbʼant tuʼna tuʼn tex toklena toj chmabʼil in nok txolekxi qʼij. Che onil oklenj lu tiʼja tuʼn tbʼant tyolina kyukʼil txqantl tiʼjju in nel tnikʼa tiʼj toj Tyol Dios.
-
Qʼonka twitza tiʼj plaj «Aju in tzaj kyqʼamaʼn junjun xjal» ex «Aju in kubʼ kyxjelin junjun xjal». Ax tkuʼx toj uʼj lu ex jaku tzʼajbʼen tuʼna tuʼn tbʼaj tbʼinchaʼn ttena tuʼn tyolina kyukʼil xjal toj pakbʼabʼil.
AJU IN KUBʼ KYXJELIN JUNJUN XJAL: «Jeʼk, ¿tzeʼn taʼya? ¿Tzeʼn o tzʼex tqʼija?».
-
¿Tzeʼn jaku tzʼajbʼen ambʼil lu tuʼna tuʼn tyolina tiʼjju o tzʼel tnikʼa tiʼj toj Tyol Dios?
TOJ CHʼIN YOL
Nim in qo tzalaj aj qpakbʼan tiʼj tbʼanel tqanil. Jaku qo tzaj xobʼ aj t-xi tzyet tuʼn qpakbʼan, noqtzun tuʼnj, jaku bʼant quʼn.
Aju ma qo yolin tiʼj
-
¿Tiʼ jaku tzʼonin tiʼja tuʼn tpakbʼana tiʼj tbʼanel tqanil?
-
¿Tiʼ jaku tzʼonin tiʼja tuʼn tok tqʼoʼna kyoklen xjal aj tpakbʼana?
-
¿Tiʼ jaku tzʼonin tiʼja tuʼn miʼn ttzaj xobʼa aj tpakbʼana?
OJTZQINKA CHʼINTL
Bʼaʼn tuʼn tel tnikʼa tiʼj kyaje tumel tzeʼn tuʼn tpakbʼana tukʼil tal uʼj tuʼn qokx toj jw.org.
Junjun tten tuʼn tkyaj qʼet tal uʼj tuʼn qokx toj jw.org (1:43)
Ojtzqinka kyaje tiʼ jaku tzʼonin tiʼja tuʼn tbʼant tpakbʼana tiʼj tbʼanel tqanil.
Maske kuʼxun teya, ojtzqinka jun txʼolbʼabʼil jaku tzʼonin tiʼja tuʼn tten tipumala tuʼn tpakbʼana.
Ojtzqinka tzeʼn jaku yolina tiʼj Tyol Dios kyukʼil toj tjaya naʼmx tel kynikʼ tiʼj Jehová.
«¿Tzeʼn jaku pon Tyol Dios toj kyanmi toj qja nya okslal?» (Aju Xqʼuqil, 15 te marzo te 2014)
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
