Taj Jehová tuʼn tok qojtzqiʼn qe toj tja ateʼ toj kyaʼj, kyxol qe jlu ateʼqe anjel, ax ikx ojtzqiʼn kybʼi ik tzeʼn tkʼwal Dios (Génesis 6:2; Job 38:7). ¿Tiʼ in tzaj t-xnaqʼtzaʼn Tyol Dios kyiʼj anjel? ¿Tzeʼn in che onin kyiʼj xjal? ¿Kykyaqilpe anjel ateʼ kyxol toj tja Dios?

1. ¿Alkyeqe anjel?

Kubʼ tbʼinchaʼn Jehová qe anjel tej naʼmxtoq tkubʼ tbʼinchaʼn Txʼotxʼ. Xewbʼaj qe anjel ik tzeʼn te Jehová ex atz in che anqʼin toj kyaʼj (Hebreos 1:​14). At nim millón anjel ex teyele junjun tukʼil tmod (Apocalipsis 5:​11). In tzaj tqʼamaʼn Biblia qa in kubʼ kybʼinchaʼn anjel tajbʼil Jehová ex in xi kynimen tyol (Salmo 103:​20). Toj ambʼil ojtxe, e ajbʼen junjun anjel tuʼn Jehová tuʼn ttzaj tqʼamaʼn tqanil kye tmajen, tuʼn tonin kyiʼj ex tuʼn tkolin kyiʼj. Ex toj ambʼil jaʼlo, in che onin anjel qiʼj tuʼn kykanet xjal quʼn aʼyeju kyaj tuʼn tel kynikʼ tiʼj Dios.

2. ¿Alkye Satanás ex qe nya bʼaʼn anjel?

Ateʼ junjun anjel mintiʼ e nimen te Jehová. Aju tnejel anjel el tpan tibʼ tiʼj, a «tajaw il ex Satanás, aju in sbʼun kyiʼj kykyaqil xjal twitz txʼotxʼ» (Apocalipsis 12:9). Tajtoq Satanás tuʼn tkawin kyibʼaj junjuntl, tuʼntzunju, sbʼun moqa engañarin kyiʼj tnejel xjal tuʼn tel kypan kyibʼ tiʼj Dios. Yajxitl, e onin junjuntl anjel tiʼj Satanás ex ok qʼoʼn kybʼi te demonio moqa nya bʼaʼn anjel. Tej tbʼet ambʼil, e kutz t-xoʼn Jehová twitz Txʼotxʼ ex toj chʼintl ambʼil che kbʼel tnajsaʼn (uʼjinktza Apocalipsis 12:​9, 12).

3. ¿Alkye tten in sbʼun Satanás ex qe nya bʼaʼn anjel kyiʼj xjal?

In najbʼen espiritismo tuʼn Satanás ex kyuʼn nya bʼaʼn anjel tuʼn kysbʼun kyiʼj nimku xjal. Jun techel, ateʼ nim xjal in cheʼx qanil onbʼil kyukʼil chman moqa kyukʼil brujo. Ateʼ junjuntl in cheʼx jyol qʼanbʼil at toklen tukʼil kyaqʼun chman moqa in nok kyqʼoʼn kywitz tiʼj horóscopo. Ex ateʼ xjal in xi kyqʼamaʼn kye txqantl qa jaku che yolin kyukʼil kyimni. Pero in tzaj tqʼamaʼn Jehová jlu: «Miʼn cheʼxe kyukʼil qe xjal in tzaj kytxkoʼn kyanmi kyimni; ex miʼn cheʼxe kyukʼil chman» (Levítico 19:​31). Taj Jehová tuʼn tok qxqʼuqin qibʼ tiʼj Satanás ex kyiʼj nya bʼaʼn anjel tuʼntzun miʼn tok kybʼinchaʼn nya bʼaʼn qiʼj.

 QO JYON MAS TQANIL

6. Jaku kubʼ tiʼj Satanás tuʼna ex qe nya bʼaʼn anjel

A Satanás in kawin kyibʼaj nya bʼaʼn anjel. Noqtzun tuʼnj, a arcángel Miguel nejenel kye tbʼanel anjel, atzun jlu juntl tbʼi Jesús in nok qʼoʼn. ¿Jniʼ moqa nikʼpun tipumal Miguel at? Kyuʼjinktze Apocalipsis 12:7 a 9 ex che yoline kyiʼj xjel lu:

• Alkye at mas tipumal, ¿ape Miguel kyukʼil t-anjel moqa a Satanás kyukʼil nya bʼaʼn anjel?

• ¿In kubʼpe t-ximana qa il tiʼj tuʼn kytzaj xobʼ t-xnaqʼtzbʼen Jesús twitz Satanás ex qe nya bʼaʼn anjel?

Jaku kubʼ tiʼj Satanás tuʼna ex qe nya bʼaʼn anjel. Kyuʼjinktze Santiago 4:7 ex che yoline tiʼj xjel lu:

• ¿Tzeʼn jaku tzʼok t-xqʼuqin tibʼa tiʼj Satanás ex kyiʼj nya bʼaʼn anjel?

 TOJ CHʼIN YOL

In che onin tbʼanel anjel qiʼj. Aj qʼoj Satanás ex qe nya bʼaʼn anjel tiʼj Jehová, ex in najbʼen kyaqʼun chman kyuʼn tuʼn kysbʼun kyiʼj xjal.

Aju ma qo yolin tiʼj

• ¿Tiʼ in bʼant kyuʼn tbʼanel anjel tuʼn tel kynikʼ xjal tiʼj Jehová?

• ¿Alkye Satanás ex qe nya bʼaʼn anjel?

• ¿Tiquʼn il tiʼj tuʼn tel tikʼuna tkyaqilju at toklen tukʼil kyaqʼun chman?