Mintiʼ nimen Adán ex Eva te Dios. Tuʼntzunju, in qo bʼinchan il, in tzaj yajbʼil qiʼj ex in qo kyim. a Noqtzun tuʼnj, o tzaj tqʼoʼn Jehová Tkʼwal tuʼn qklet tiʼj il ex tiʼj kyimen. In tzaj t-xnaqʼtzaʼn Tyol Dios qa xi tqʼoʼn Jesús tchwinqlal te chojbʼil. Aju chojbʼil, atzun jun tiʼ in xi chjet tuʼn ttzaqpaj jun xjal. Ex aju chojbʼil xi tqʼoʼn Jesús, atzun tchwinqlal tzʼaqli (uʼjinktza Mateo 20:​28). Ax Jesús kubʼ ximente tuʼn t-xi tqʼoʼn tchwinqlal qiʼj. Tuʼn jlu, tzaj qʼoʼn ambʼil qe tuʼn qetz tjaqʼ il ex kyimen otoq kyaj tqʼoʼn Adán ex Eva qibʼaj. Ax ikx, kubʼ tyekʼin qa nim kʼujlaʼn qoʼ tuʼn ex tuʼn Jehová. Kʼonil xnaqʼtzbʼil lu qiʼj tuʼn tok qqʼoʼn toklen chojbʼil bʼant tuʼn Jesús.

1. ¿Tiʼ tbʼanel jaku tzaj qe tuʼnju xi tqʼoʼn Jesús tchwinqlal qiʼj?

Tuʼnju aj il qoʼ, in kubʼ qbʼinchaʼn qe tiʼchaq in nel tikʼun Jehová. Pero jaku qo ok te tamiw qa ma tzʼajtz tiʼj qanmi ex qa ma txi qqanin te tuʼn tkubʼ tnajsaʼn qil toj tbʼi Jesús. Ax ikx, il tiʼj tuʼn tok tilil quʼn tuʼn miʼn tkubʼ qbʼinchaʼn juntl maj aju nya bʼaʼn (1 Juan 2:1). In tzaj tqʼamaʼn Tyol Dios jlu: «Ikʼx tuʼn [Crist] noq junx maj, kyim tuʼn tchjet qil; ate Crist tzʼaqlxix, ex kyim tuʼn qlaj mya tzʼaqlxix qoʼ, tuʼn qpon tiʼn tukʼil Dios» (1 Pedro 3:​18).

2. ¿Tiʼ tbʼanel tzul qe toj ambʼil tzul tuʼn tkyimlen Jesús?

Tzaj tsamaʼn Jehová Tkʼwal tuʼn t-xi tqʼoʼn tchwinqlal tzʼaqli kyiʼj qeju in nok qeʼ kykʼuʼj tiʼj Jesús tuʼntzun miʼn kynaj ex tuʼn «tten kychwinqlal te jumajx» (Juan 3:​16). Noq tuʼn chojbʼil bʼant tuʼn Jesús, toj chʼintl ambʼil kʼelel tiʼn Jehová tkyaqil nya bʼaʼn tzaj tej mintiʼ nimen Adán te. Tuʼntzunju, qa ma tzʼok qeʼ qkʼuʼj tiʼj chojbʼil bʼant tuʼn Jesús, tzul qʼoʼn ambʼil qe tuʼn qanqʼin te jumajx tzalu twitz Txʼotxʼ aj tok te jun tbʼanel jardín (Isaías 65:​21-​23).

 QO JYON MAS TQANIL

3. In qo klet tiʼj il ex tiʼj kyimen tuʼnju xi tqʼoʼn Jesús tchwinqlal qiʼj

1. Tzʼaqlitoq te Adán, pero tej tkubʼ tbʼinchaʼn il, kyaj tqʼoʼn il ex kyimen kyibʼaj kykyaqil xjal.

2. Tzʼaqlitoq te Jesús ex nimen te Dios, tuʼn jlu jaqet jun bʼe tuʼn tuʼn kyok xjal te tzʼaqli ex tuʼn kyanqʼin te jumajx.

4. Jaku tzaj tbʼanel kye xjal noq tuʼn tkyimlen Jesús

 5. Jun oyaj chojbʼil tuʼn Jehová te teya

In nok kyqʼoʼn tamiw Jehová chojbʼil ik tzeʼn jun oyaj o tzaj qʼoʼn kye. Qo xnaqʼtzan tiʼj jun techel. Kyuʼjinktze Gálatas 2:​20 ex che yoline tiʼj xjel lu:

• ¿Tzeʼn in tzaj kyyekʼin tyol Pablo qa ok tqʼoʼn chojbʼil ik tzeʼn jun oyaj tzaj qʼoʼn te?

Tej tkubʼ tbʼinchaʼn Adán il, kykyaqil qe tyajil e kyaj tjaqʼ tipumal il ex kyimen. Pero tzaj tsamaʼn Jehová Tkʼwal tzalu twitz Txʼotxʼ tuʼn tkyim tuʼn kypaj xjal. Iktzun tten, xi tqʼoʼn ambʼil kye tuʼn kyanqʼin te jumajx.

Aj tjaw tuʼjina qe versículo lu, ximana tiʼjju kubʼ tnaʼn Jehová tej tok tqʼoʼn twitz tiʼj Tkʼwal tej tikʼx kʼixkʼoj tuʼn. Kyuʼjinktze Juan 19:1 a 7 ex 16 a 18, ex che yoline tiʼj xjel lu:

• ¿Tiʼ in kubʼ tnaʼna aj t-ximana tiʼjju o bʼant tuʼn Jehová ex Jesús tiʼja?

 TOJ CHʼIN YOL

Noq tuʼn chojbʼil bʼant tuʼn Jesús, in kubʼ tnajsaʼn Jehová qil ex in tzaj tqʼoʼn ambʼil qe tuʼn qanqʼin te jumajx.

Aju ma qo yolin tiʼj

• ¿Tiquʼn kyim Jesús?

• ¿Alkye tten jaku che klet nim xjal tuʼn chojbʼil bʼant tuʼn Jesús?

• ¿Tiʼ tbʼanel jaku tzaj teya tuʼnju kyim Jesús?