Qa ma che ten tbʼanel qamiw, mas in qo tzalaj ex in che onin qiʼj tuʼn qex kywitz nya bʼaʼn. Pero tenx tnabʼila, in tzaj tqʼamaʼn Tyol Dios qa nya kykyaqil xjal jaku che ok te tbʼanel qamiw. Qa ikju, ¿tzeʼn jaku che kanet tbʼanel tamiwa? Ximana kyiʼj xjel che ul.

1. ¿Tiʼ jaku tzaj tiʼja kyuʼn tamiwa?

Qa ma qo ten nim ambʼil kyukʼil qamiw, jaku tzʼel qkanoʼn kyiʼj. Ax jlu jaku bʼaj qa ma che ten qamiw kyoj redes sociales. Tuʼntzunju, in tzaj tqʼamaʼn Tyol Dios jlu: «Qa ma tzʼok tjunin tibʼa kyukʼil qe xjal at kynabʼl, ktel tnabʼla, qatzun ma tzʼok tjunin tibʼa kyukʼil qe xjal mintiʼ kynabʼl [moqa mintiʼ in che ajbʼen te Dios], knajela» (Proverbios 13:​20). Qa kʼujlaʼn Jehová kyuʼn tamiwa ex in che ajbʼen te, che onil tiʼja tuʼn tok laqʼeʼya mas ttxlaj ex tuʼn tjaw tjyoʼna aju mas bʼaʼn. Pero qa nya kʼujlaʼn Jehová kyuʼn, jaku tzʼel tpan tibʼa tiʼj ttnam. Tuʼn jlu in nel qnikʼ tiʼj tiquʼn in tzaj tqʼamaʼn Tyol Dios tuʼn tten qnabʼil aj tjaw qjyoʼn qe qamiw. In tzaj nim tbʼanel qe qa kʼujlaʼn Dios kyuʼn qamiw. Tuʼntzunju, tbʼanel tuʼn t-xi qbʼiʼn consej lu: «Kyqʼom kynabʼle kyxolxe ex kykyuwsam kynabʼle kyxolxe» (1 Tesalonicenses 5:​11).

2. ¿Nimpe toklen toj twitz Jehová alkyeqe tamiwa in che jaw tjyoʼna?

In che jaw tjyoʼn Jehová alkyeqe xjal jaku che ok te tamiw. Axpe ikx, oʼkx «at tmojbʼabʼl tibʼ kyukʼil» «qeju in kybʼinchaʼn [aju] tzʼaqlxix» (Proverbios 3:​32). ¿Tiʼtzulo jaku kubʼ tnaʼn Jehová qa ma tzʼok qamiwen qibʼ kyukʼil qeju mintiʼ in che ajbʼen te? ¡Jaku tzaj nim tbʼis! (Uʼjinktza Santiago 4:4). Tuʼntzunju, qa ma tzʼel tpan tibʼa kyiʼj nya bʼaʼn amiw ex qa ma tzʼok laqʼeʼya ttxlaj Jehová ex kytxlaj tmajen, ktzalajel Jehová tuʼna ex kʼokel te tamiwa (Salmo 15:​1-4).

 QO JYON MAS TQANIL

4. Jaku che ten tbʼanel qamiw te junxichaq kyabʼqʼi

In yolin Tyol Dios tiʼj David ex Jonatán, kabʼe xjal e ten toj ojtxe tnam Israel. Ok kyamiwen kyibʼ maske junxichaq kyabʼqʼi ex kyoklen ten. Kyuʼjinktze 1 Samuel 18:1 ex che yoline tiʼj xjel lu:

• ¿Tiquʼn nya oʼkx kʼokel qamiwen qibʼ kyukʼil qeju ax kyabʼqʼi ik tzeʼn qe?

Kyuʼjinktze Romanos 1:​11 ex 12, ex che yoline tiʼj xjel lu:

• ¿Tzeʼn in bʼaj kyonin kyibʼ amiw kʼujlaʼn Jehová kyuʼn?

¿Tiʼ bʼant tuʼn jun kuʼxun tuʼn kykanet tbʼanel tamiw jatumel mintiʼ ximen tuʼn? Kyqʼonke kywitze tiʼj VIDEO ex che yoline kyiʼj xjel lu:

• ¿Tiquʼn tzaj bʼaj kykʼuʼj tman Akil kyiʼj tamiw ten toj tja xnaqʼtzbʼil?

• ¿Tiquʼn tgantoq Akil tuʼn tten kyukʼil tamiw toj tja xnaqʼtzbʼil?

• ¿Tiʼ bʼant tuʼn Akil tuʼn miʼn tkubʼ tnaʼn qa tjunalx at?

5. Jaku che kanet tbʼanel qamiw

 TOJ CHʼIN YOL

Qa ma che ten tbʼanel qamiw, in che onin qiʼj ex in tzalaj Jehová quʼn.

Aju ma qo yolin tiʼj

• ¿Tiquʼn nim toklen toj twitz Jehová alkyeqe qamiw in che jaw qjyoʼn?

• ¿Alkyeqe xjal mintiʼ tuʼn tok qamiwen qibʼ kyukʼil?

• ¿Tzeʼn jaku tzʼok tamiwen tibʼa kyukʼil tbʼanel xjal?