Kyaj qeju o che kubʼ mojeʼ tuʼn kukx kytzalaj ik tzeʼn toj qʼij tej kykubʼ mojeʼ. ¿Kukxpe jaku che tzalaj? Kukx. Ojtzqiʼn jlu kyuʼn okslal moqa nimel o tzikʼ nim ambʼil kykubʼlen mojeʼ tuʼnju in nok tilil kyuʼn tuʼn t-xi kybʼiʼn qe consej in tzaj tqʼoʼn Biblia.

1. ¿Alkyeqe consej in tzaj tqʼoʼn Biblia kye chmilbʼaj?

O txi tqʼoʼn Jehová toklen chmilbʼaj tuʼn tok te wibʼaj toj ja moqa tuʼn tkubʼ nej kywitz (uʼjinktza Efesios 5:​23). Ex taj Jehová tuʼn tjaw tjyoʼn chmilbʼaj aju mas bʼaʼn kye toj tja. In tzaj tqʼoʼn Biblia consej lu kye chmilbʼaj: «Kykʼujlam kyxuʼjile» (Efesios 5:​25). ¿Tiʼ t-xilen jlu? Qa at tkʼujlabʼil chmilbʼaj tiʼj t-xuʼjil, in kubʼ tyekʼin tbʼanel tmod tukʼil qa kyjunalx ateʼ moqa kyukʼil txqantl. In xqʼuqin tiʼj ex in ximen tiʼjju in kubʼ tnaʼn, ax ikx in xi tqʼoʼn aju at tajbʼen te (1 Timoteo 5:8). Ex aju mas nim toklen, in nok tilil tuʼn tuʼn tonin tiʼj tuʼn tchʼiy tamiwbʼil tukʼil Jehová (Mateo 4:4). Jaku bʼant jlu kyuʼn aj kynaʼn Dios junx ex aj kyuʼjin tiʼj Biblia. Qa ma tzʼok tkʼujlaʼn chmilbʼaj t-xuʼjil, ktel jun tbʼanel tamiwbʼil tukʼil Jehová (uʼjinktza 1 Pedro 3:7).

2. ¿Alkyeqe consej in tzaj tqʼoʼn Biblia kye xuʼjilbʼaj?

In tzaj tqʼamaʼn Biblia jlu kye xuʼjilbʼaj: «Ax ikx te xuʼj nimanx tchmil» (Efesios 5:​33). ¿Tzeʼn jaku bʼant jlu tuʼn? Jaku ximen kyiʼj tbʼanel tmod tchmil ex tiʼj tkyaqilju in bʼant tuʼn tuʼn t-xqʼuqin tiʼj ex kyiʼj tkʼwal. Ax ikx, jaku kubʼ tyekʼin qa in nok tqʼoʼn toklen tchmil aj tonin tiʼjju in kubʼ t-ximen, aj tyolin tukʼil toj tumel ex aj tyolin bʼaʼn tiʼj kywitz txqantl maske nya okslal.

3. ¿Tiʼ jaku bʼant kyuʼn mejebʼleʼn tuʼn tchʼiy kykʼujlabʼil kyxolx?

In tzaj tqʼamaʼn Tyol Dios jlu kye mejebʼleʼn: «Kykabʼil che okel te junx» (Mateo 19:5). Atz in yolin jlu tiʼj tuʼn miʼn txi kyqʼoʼn ambʼil te jun tiʼ jaku tzaj tiʼn nya bʼaʼn kyxol. Tuʼntzunju, naqʼli qe tuʼn kyten junx ex tuʼn kyyolin tukʼil kʼujlabʼil tiʼjju in kubʼ kyximen ex in kubʼ kynaʼn. Ax ikx, ojtzqiʼn kyuʼn qa mintiʼ tuʼn tok kykʼujlaʼn juntl xjal. Tuʼntzunju, kykabʼil in nok kyxqʼuqin kyibʼ tuʼn miʼn txi tzyet tuʼn kyyolin tukʼil juntl xjal.

 QO JYON MAS TQANIL

4. Aya chmilbʼaj, kʼujlam t-xuʼjila ex xqʼuqina tiʼj

5. Aya xuʼjilbʼaj, kʼujlam tchmila ex qʼonka toklen

In tzaj tqʼamaʼn Biblia te xuʼjilbʼaj okslal tuʼn tnimen te tchmil maske mintiʼ in najbʼen te Jehová. Kyuʼjinktze 1 Pedro 3:​1 ex 2 ex che yoline tiʼj xjel lu:

• Qa naʼmx tok tchmila te tmajen Jehová, bʼalo taja tuʼn tok. ¿Tiʼtzulo mas jaku tzʼonin tiʼj: tuʼn tpakbʼana te toj tkyaqil ambʼil moqa tuʼn tkubʼ tyekʼina tbʼanel tmoda ex tuʼn trespetarina te? ¿Tiquʼn in kubʼ t-ximana ikju?

Jaku bʼaj kyonin kyibʼ chmilbʼaj ex xuʼjilbʼaj tuʼn tjaw kyjyoʼn aju mas bʼaʼn. Pero atlo maj nya bʼaʼn jaku tzʼela toj twitz xuʼjilbʼaj aju in kubʼ t-ximen tchmil tuʼn tbʼant tuʼn. Qa ma bʼaj jlu, mas bʼaʼn tuʼn t-xi tqʼamaʼn xuʼjilbʼaj toj tumel aju in  kubʼ t-ximen. Noqtzun tuʼnj, nim toklen tuʼn ttzaj tnaʼn xuʼj qa o txi tqʼoʼn Jehová toklen tchmil tuʼn tjaw tjyoʼn aju mas bʼaʼn kye toj tja. Noq tiʼxku kbʼel t-ximen chmilbʼaj, tbʼanel tuʼn tonin xuʼjilbʼaj tiʼj. Iktzun tten kʼonil tuʼn kytzalaj toj tja. Kyuʼjinktze 1 Pedro 3:3 a 5 ex che yoline tiʼj xjel lu:

• ¿Tiʼ in kubʼ tnaʼn Jehová aj tok tkeʼyin qa in nok tilil tuʼn xuʼjilbʼaj tuʼn trespetarin te tchmil?

6. Jaku che ex mejebʼleʼn kywitz nya bʼaʼn

 TOJ CHʼIN YOL

Jaku tzalaj chmilbʼaj ex xuʼjilbʼaj qa ma tzʼok kykʼujlan kyibʼ, qa ma che respetarin kyxolx ex qa ma che ok lepeʼ kyiʼj consej in tzaj tqʼoʼn Tyol Dios.

Aju ma qo yolin tiʼj

• ¿Tzeʼn jaku tzʼonin chmilbʼaj tuʼn tten mas tzalajbʼil toj tmejebʼleʼn?

• ¿Tzeʼn jaku tzʼonin xuʼjilbʼaj tuʼn tten mas tzalajbʼil toj tmejebʼleʼn?

• Qa o kubʼ mojeʼ teya, ¿alkyeqe nabʼil toj Tyol Dios jaku che onin tiʼja tuʼn tchʼiy kʼujlabʼil toj tmejebʼleʼna?