A Jesús «nejenel kye kykyaqil okslal» (Efesios 5:​23). Toj ambʼil jaʼlo, in najbʼen «majen in bʼant taqʼun [...] ex at tnabʼl» tuʼn tuʼn tkubʼ nej kywitz qeju in che ok lepeʼ tiʼj (uʼjinktza Mateo 24:​45). A Jesús jaw skʼonte «majen» lu ex o txi tqʼoʼn junjun oklenj te. Maske ikju, kukx in najbʼen te Jesús ex kye terman. ¿Alkye majen lu ex alkye tten in xqʼuqin qiʼj?

1. ¿Alkye «majen in bʼant taqʼun» ex at tnabʼil?

Atxix ojtxe o tzʼajbʼen jun xjal moqa jun kʼloj xjal tuʼn Jehová tuʼn tkubʼ nej kywitz tmajen (Malaquías 2:7; Hebreos 1:1). Jun techel, tej tkyim Jesús, e ajbʼen apóstol ex qe ansyan tuʼn Jehová tuʼn kykubʼ nej kywitz okslal (Hechos 15:2). Ik tzeʼn bʼant toj ambʼil aju, ax jlu in bʼant toj ambʼil jaʼlo. In tzaj tqʼoʼn Kʼloj Xjal Qʼil twitz Aqʼuntl kye Testigos de Jehová xnaqʼtzbʼil kye kykyaqil erman ex in kubʼ nej twitz pakbʼabʼil. Aju kʼloj xjal lu, atzun «majen in bʼant taqʼun [...] ex at tnabʼl», aju o txi tqʼoʼn Jesús toklen (Mateo 24:45a). Kykyaqil qeju ateʼ toj Kʼloj Xjal Qʼil Twitz Aqʼuntl o che jaw skʼoʼn tuʼn xewbʼaj xjan ex in che ayon tuʼn tpon ambʼil tuʼn kykawin tukʼil Jesús toj kyaʼj aj tbʼaj kyanqʼibʼil tzalu twitz Txʼotxʼ.

2. ¿Alkye xnaqʼtzbʼil in tzaj tqʼoʼn majen in bʼant taqʼun?

Tqʼama Jesús qa ktel toklen majen lu tuʼn t-xi tqʼoʼn «kywa» txqantl okslal moqa xnaqʼtzbʼil kye toj ambʼil at-xix tajbʼen (Mateo 24:45b). Ik tzeʼn qwa, in nonin qiʼj tuʼn miʼn ttzaj yabʼil qiʼj ex tuʼn tten qjwers. Ax ikx, aju xnaqʼtzbʼil in jatz toj Tyol Dios, in tzaj tqʼoʼn qipumal tuʼn kukx qajbʼen te Jehová ex tuʼn tbʼant aqʼuntl o kyaj toqxenin Jesús qe (1 Timoteo 4:6). In tzaj qkʼamoʼn xnaqʼtzbʼil lu kyoj chmabʼil, kyoj nimaq chmabʼil, kyoj uʼj ex kyoj video. Tkyaqil jlu in nonin qiʼj tuʼn tel qnikʼ tiʼj alkye tajbʼil Jehová ex tuʼn tten jun tbʼanel qamiwbʼil tukʼil.

 QO JYON MAS TQANIL

3. Nim toklen tuʼn tten nukʼbʼil toj ttnam Jehová

A Jesús nejni twitz Kʼloj Xjal Qʼil Twitz Aqʼuntl tuʼntzun tbʼaj tnukʼun aqʼuntl in bʼant kyuʼn testigos de Jehová. Chʼixme ax jlu bʼant kyuʼn okslal moqa nimel toj tnejel syent abʼqʼi. Kyqʼonke kywitze tiʼj VIDEO.

Kyuʼjinktze 1 Corintios 14:​33 ex 40 ex che yoline kyiʼj xjel lu:

• Ik tzeʼn in tzaj kyyekʼin versículo lu, ¿tajpe Jehová tuʼn tbʼaj kynukʼuʼn kyibʼ tmajen? ¿Tiquʼn in kubʼ t-ximana ikju?

4. In bʼaj tnukʼuʼn majen in bʼant taqʼun pakbʼabʼil

Ok tilil kyuʼn okslal te tnejel syent abʼqʼi tuʼn kypakbʼan. Kyuʼjinktze Hechos 8:​14 ex 25 ex che yoline kyiʼj xjel lu:

• ¿Alkyeqe e kubʼ nej twitz pakbʼabʼil toj tnejel syent abʼqʼi?

• ¿Tiʼ bʼant tuʼn Pedro ex Juan tej t-xi qʼoʼn tqanil kye kyuʼn txqantl apóstol?

Aju aqʼuntl mas nim toklen in bʼaj tnukʼuʼn Kʼloj Xjal Qʼil Twitz Aqʼuntl, a pakbʼabʼil. Kyqʼonke kywitze tiʼj VIDEO.

 Tqʼama Jesús qa nimxix toklen tuʼn qpakbʼan. Kyuʼjinktze Marcos 13:​10 ex che yoline kyiʼj xjel lu:

• ¿Tiquʼn nim toklen pakbʼabʼil toj twitz Kʼloj Xjal Qʼil Twitz Aqʼuntl?

• ¿Tiquʼn qaj tuʼn tbʼaj tnukʼuʼn «majen in bʼant taqʼun» ex at tnabʼil pakbʼabʼil twitz tkyaqil Txʼotxʼ?

5. In tzaj tyekʼin majen in bʼant taqʼun qbʼe

In tzaj tqʼamaʼn Kʼloj Xjal Qʼil Twitz Aqʼuntl tiʼ tuʼn tbʼant kyuʼn tmajen Jehová twitz tkyaqil Txʼotxʼ. Ex in xi kybʼinchaʼn ik tzeʼn bʼant tuʼn kʼloj xjal qʼil qwitz aqʼuntl te tnejel syent abʼqʼi. Kyuʼjinktze Hechos 15:1 ex 2 ex che yoline kyiʼj xjel lu:

• ¿Alkye jun xnaqʼtzbʼil tzaj tiʼn pabʼil kyxol okslal te tnejel syent abʼqʼi?

• ¿Tiʼ bʼant tuʼn Pablo, Bernabé ex junjuntl okslal tuʼn t-xi bʼinchet tiʼj nya bʼaʼn lu?

Kyuʼjinktze Hechos 15:​12 a 18 ex 23 a 29. Yajxitl che yoline tiʼj xjel lu:

• Tej naʼmxtoq tkubʼ t-ximen kʼloj xjal qʼil twitz aqʼuntl te tnejel syent abʼqʼi jun tiʼ, ¿tiʼ bʼant kyuʼn tuʼn tonin Dios kyiʼj? (Kyqʼonke kywitze kyiʼj versículo 12, 15 ex 28).

Kyuʼjinktze Hechos 15:​30 ex 31 ex 16:4 ex 5. Yajxitl che yoline kyiʼj xjel lu:

• ¿Tzeʼn ela toj kywitz okslal te tnejel syent abʼqʼi tej tok kybʼiʼn aju otoq kubʼ t-ximen kʼloj xjal qʼil twitz aqʼuntl?

• Tuʼnju xi kybʼiʼn okslal tqanil xi tqʼoʼn kʼloj xjal qʼil twitz aqʼuntl kye, ¿tzeʼn e tzaj kʼiwlaʼn tuʼn Jehová?

Kyuʼjinktze 2 Timoteo 3:​16 ex Santiago 1:5. Yajxitl che yoline tiʼj xjel lu:

• ¿Tiʼ in bʼant tuʼn Kʼloj Xjal Qʼil Twitz Aqʼuntl toj ambʼil jaʼlo aj tkubʼ t-ximen tuʼn tbʼant jun tiʼ tuʼn?

 TOJ CHʼIN YOL

A Kʼloj Xjal Qʼil Twitz Aqʼuntl in nok te «majen in bʼant taqʼun» ex at tnabʼil, aju o jaw skʼoʼn tuʼn Jesús. In xi tqʼoʼn majen lu xnaqʼtzbʼil kye kykyaqil tmajen Jehová twitz tkyaqil Txʼotxʼ ex in xi tyekʼin kybʼe.

Aju ma qo yolin tiʼj

• ¿Alkye jaw skʼonte «majen in bʼant taqʼun» ex at tnabʼil?

• ¿Tzeʼn in xqʼuqin Kʼloj Xjal Qʼil Twitz Aqʼuntl qiʼj?

• ¿In kubʼpe t-ximana qa ax Kʼloj Xjal Qʼil Twitz Aqʼuntl in nok te «majen in bʼant taqʼun» ex at tnabʼil?