XNAQʼTZBʼIL 11
¿Tzeʼn jaku tzalaja aj tuʼjina tiʼj Tyol Dios?
¿Ope kubʼ tnaʼna siktleʼn jun maj tuʼnju kbʼanteltoq jun matij aqʼuntl tuʼna? Tuʼnlo miʼn tsikta, chebʼelo xi tbʼinchaʼna tuʼn tkubʼaj tuʼna. Ax jlu jaku txi qqʼamaʼn tiʼjju tuʼn tjaw quʼjin Biblia. Bʼalo in kubʼ t-xjelina jlu: ¿Jatumel kxel tzyet wuʼne? Toj xnaqʼtzbʼil lu, kʼelel tnikʼa kyiʼj junjun consej che onil tiʼja tuʼn ttzalaj aj tuʼjina tiʼj Tyol Dios ex aj t-xnaqʼtzana tiʼj.
1. ¿Tiquʼn tbʼanel qa ma jaw quʼjin Tyol Dios tkyaqil qʼij?
Nimxix ktzalajel xjal in nuʼjin tiʼj Biblia moqa «tiʼj tley Qman Dios» ex tzul tbʼanel te toj tanqʼibʼil (uʼjinktza Salmo 1:1-3). Tuʼn tnaqʼeta tiʼj, bʼaʼn tuʼn tjaw tuʼjina junjun minut aj tex qʼij. Qa mas ma tzʼok tojtzqiʼna Tyol Dios, kʼonil jlu tiʼja tuʼn ttzalaja tiʼj aj tjaw tuʼjina.
2. ¿Tiʼ jaku bʼant tuʼna tuʼn telxix tnikʼa tiʼjju in jaw tuʼjina toj Tyol Dios?
Tuʼn qtzalaj tiʼjju in jaw quʼjin toj Tyol Dios, nim toklen tuʼn tel qpaʼn ambʼil tuʼn qkubʼ ten ximel tiʼjju in jaw quʼjin (Josué 1:8). Akux in nuʼjina tiʼj Tyol Dios, ximana kyiʼj xjel ik tzeʼn jlu: «¿Tiʼ in tzaj kyxnaqʼtzaʼn versículo lu weye tiʼj Jehová? ¿Alkye tten jaku kubʼ nbʼinchaʼne toj wanqʼibʼile? ¿Tzeʼn jaku tzʼajbʼen wuʼne tuʼn wonine kyiʼj txqantl?».
3. ¿Tiʼ jaku bʼant tuʼna tuʼn tel tpaʼna ambʼil tuʼn tuʼjina tiʼj Tyol Dios?
¿Kwestpe tuʼn tel tpaʼna ambʼil tuʼn tuʼjina tiʼj Tyol Dios? Qkyaqilx kwest in nela toj qwitz. Tuʼntzunju, nim toklen tuʼn tajbʼenxix ambʼil tuʼna toj tumel (Efesios 5:16). Jaku bʼant jlu tuʼna qa ma tzʼel tpaʼna chʼin ambʼil tkyaqil qʼij tuʼn tuʼjina tiʼj Biblia. Ateʼ junjun in jaw kyuʼjin Tyol Dios te prim moqa te qlax. Atzun junjuntl in jaw kyuʼjin aj kyojlan jun rat, ex ateʼ junjuntl in jaw kyuʼjin naʼmxtoq kyxiʼ jtal. ¿Toj alkye ambʼil jaku bʼant tuʼn tjaw tuʼjina Tyol Dios?
QO JYON MAS TQANIL
Qo xnaqʼtzan tiʼj tiʼ jaku bʼant tuʼna tuʼn ttzalaja tiʼjju in jaw tuʼjina toj Tyol Dios. Toj xnaqʼtzbʼil lu, kkanetel junjun tumel tuʼna aʼyeju che onil tiʼja tuʼn tbʼaj tbʼinchaʼna ttena tiʼj xnaqʼtzbʼil ex tuʼn tonin tiʼja.
Ik tzeʼn in qo naqʼet tuʼn qwaʼn kyiʼj junjuntl wabʼj, ax ikx jaku qo naqʼet tuʼn quʼjin tiʼj Tyol Dios.
4. Xnaqʼtzanx tibʼa tuʼn ttzalaja tiʼjju in jaw tuʼjina toj Tyol Dios
Bʼalo kwest jaku tzʼela teya tuʼn t-xi tzyet tuʼn tuʼjina tiʼj Tyol Dios, pero chebʼe chebʼe jaku naqʼeta tuʼn tuʼjina tiʼj, ik tzeʼn jaku naqʼeta tuʼn twaʼna tiʼj juntl wabʼj. Kyuʼjinktze 1 Pedro 2:2 ex che yoline tiʼj xjel lu:
-
Tiʼ t-ximbʼetza tiʼj, ¿jakupe ten mas tgana tuʼn tuʼjina tiʼj Tyol Dios qa ma bʼant jlu tuʼna tkyaqil qʼij?
Kyqʼonke kywitze tiʼj VIDEO tuʼn tel kynikʼe tiʼj tiʼ bʼant kyuʼn junjun qʼa ex txin tuʼn kytzalaj tuʼn kyuʼjin tiʼj Tyol Dios. Yajxitl che yoline kyiʼj xjel lu:
-
¿Alkye junjun tiʼchaq kubʼ tiʼj kyuʼn qʼa ex txin ẍe etz yekʼin toj video?
-
¿Tiʼ onin kyiʼj tuʼn miʼn kysikt?
-
¿Tiʼ bʼant kyuʼn tuʼn kytzalaj mas tuʼn kyuʼjin tiʼj Tyol Dios?
Junjun nabʼil tuʼn t-xi tzyet tuʼn tuʼjina:
-
Skʼonktza jun Biblia jaku tzʼok qeʼ tkʼuʼja tiʼj ex nya kwest tuʼn tel tnikʼa tiʼj. Tbʼanel tuʼn tajbʼen Traducción del Nuevo Mundo tuʼna qa at toj tyola.
-
Bʼaʼn tuʼn t-xi tzyet tuʼn tuʼjina kyiʼj txʼolbʼabʼil mas tgana. Kkanetel junjun idea tuʼna toj tabla tok tbʼi: «Junjun tumel tzeʼn tuʼn t-xi tzyet tuʼn tuʼjina tiʼj Tyol Dios».
-
Tzʼibʼinkuxa aju in jaw tuʼjina junjun qʼij. Tzʼajbʼen tabla tuʼna aju tok tbʼi: «Registro tiʼj nlecturaye tiʼj Tyol Dios» aju tkuʼx toj uʼj lu.
-
Tzʼajbʼen aplicación JW Library® tuʼna. Qa ma kutz tdescargarina toj tyolbʼila moqa toj alkyexku juntl kʼuxbʼil, jaku jaw tuʼjina Tyol Dios moqa jaku tzʼok tbʼiʼna noq jaxku tumel ata.
-
Jaku xnaqʼtzana kyiʼj xnaqʼtzbʼil ateʼkux toj uʼj Onbʼil tuʼn qxnaqʼtzan. Toj uʼj lu che kanetel mapa ex qe tabla tuʼna, aʼyeju che onil tiʼja tuʼn tel mas tnikʼa tiʼjju in jaw tuʼjina toj Tyol Dios.
5. Bʼinchama ttena aj t-xnaqʼtzana
Kyuʼjinktze Salmo 119:34 ex che yoline kyiʼj xjel lu:
-
¿Tiquʼn nim toklen tuʼn tnaʼna Dios aj t-xi tzyet tuʼn tuʼjina tiʼj Biblia moqa aj tbʼaj tbʼinchaʼna ttena kyiʼj xnaqʼtzbʼil ateʼkux toj uʼj lu?
¿Tiʼ jaku bʼant tuʼna tuʼn telxix tnikʼa tiʼjju in kubʼ t-xnaqʼtzana? Aj t-xnaqʼtzana kyiʼj xnaqʼtzbʼil tkuʼx toj uʼj lu, bʼaʼn tuʼn tbʼant jlu tuʼna:
-
Uʼjinktza kykyaqil taqikʼ toj tnejel plaj tiʼj teyele junjun xnaqʼtzbʼil.
-
Jyonxa qe taqikʼ Tyol Dios, uʼjinktza ex mojbʼankuya tukʼilju xnaqʼtzbʼil in xnaqʼtzana tiʼj.
-
Bʼaʼn tuʼn tok tqʼoʼna kyechel yol nim kyoklen aʼyeju in tzaj kyqʼoʼn tzaqʼwebʼil kyiʼj xjel. Kʼonil jlu tiʼja aj t-xnaqʼtzana tiʼj xnaqʼtzbʼil tukʼil erman in qʼon xnaqʼtzbʼil teya.
¿Ojtzqiʼn jlu tuʼna?
Aqoʼye testigos de Jehová o tzʼajbʼen junxichaq Tyol Dios quʼne, pero mas in najbʼen Traducción del Nuevo Mundo quʼne, tuʼnju tzʼaqli, nya kwest tuʼn tel qnikʼ tiʼj ex tkuʼx tbʼi Dios toj. Qʼonka twitza tiʼj xnaqʼtzbʼil lu toj jw.org «¿Kyexpe testigo de Jehová aju Tuʼjil Tyol Dios in najbʼen kyuʼn?».
AJU IN TZAJ KYQʼAMAʼN JUNJUN XJAL: «Mintiʼ ambʼil wiʼje tuʼn nxnaqʼtzane tiʼj Tyol Dios ex nya ngane».
-
¿Tiʼ teya t-ximbʼetz tiʼj jlu?
TOJ CHʼIN YOL
Tuʼn telxix tnikʼa tiʼj Tyol Dios, paʼmila ambʼil tuʼn tuʼjina tiʼj, qaninxa onbʼil te Dios tuʼn tel tnikʼa tiʼjju in jaw tuʼjina ex bʼinchama ttena kyiʼj xnaqʼtzbʼil.
Aju ma qo yolin tiʼj
-
¿Tiʼ jaku bʼant tuʼna tuʼn telxix tnikʼa tiʼjju in jaw tuʼjina toj Tyol Dios?
-
¿Toj alkye ambʼil jaku jaw tuʼjina Tyol Dios ex jaku xnaqʼtzana tiʼj?
-
¿Tiquʼn nim toklen tuʼn tbʼaj tbʼinchaʼna ttena kyiʼj xnaqʼtzbʼil?
OJTZQINKA CHʼINTL
Ojtzqinka junjun tiʼ jaku tzʼonin tiʼja tuʼn telxix tnikʼa tiʼjju in jaw tuʼjina toj Tyol Dios.
«Tzalaja aj tjaw tuʼjina Tyol Dios» (Aju Xqʼuqil, tajlal 1 te 2017)
Ojtzqinka oxe tumel tzeʼn tuʼn tuʼjina tiʼj Tyol Dios.
Bʼaʼn tuʼn tel tnikʼa tiʼj tzeʼn jaku tzalaja aj tuʼjina tiʼj Tyol Dios.
Ojtzqinka tiʼ in bʼant kyuʼn junjun xjal tuʼn kyuʼjin tiʼj Tyol Dios.
¿Tiʼ jaku bʼant quʼn tuʼn telxix qnikʼ tiʼjju in jaw quʼjin toj Tyol Dios? (2:06)
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
