Taj Jehová tuʼn tel tnikʼa tiʼj. ¿Tiquʼn? Tuʼnju qʼuqli tkʼuʼj tiʼj qa kbʼel t-ximana tuʼn toka te tamiw aj tok tojtzqiʼna qe tbʼanel tmod, qe tbʼanel tiʼchaq in bʼant tuʼn ex aju t-ximbʼetz at tiʼja. Noqtzun tuʼnj, ¿axpe tok jaku qo ok te tamiw Dios? (Uʼjinktza Salmo 25:​14). ¿Tiʼ jaku bʼant tuʼna tuʼn toka te tamiw? In tzaj tqʼoʼn Tyol Dios tzaqʼwebʼil kyiʼj xjel lu ex in tzaj tqʼamaʼn tiquʼn a Jehová mas tbʼanel tamiwa jaku ten.

1. ¿Alkye txokbʼil in xi tqʼoʼn Jehová teya?

«Che laqʼexe ttxlaj Dios, ax ikx te ktzajel laqʼeʼ kyukʼile» (Santiago 4:8). ¿Tiʼ in tzaj kyyekʼin yol lu? In tzaj kyyekʼin qa taj Jehová tuʼn toka te tamiw. Ateʼ junjun xjal kwest tuʼn t-xi kynimen qa jaku che ok te tamiw Dios tuʼnju mintiʼ in nok kyqʼoʼn kywitz tiʼj. Noqtzun tuʼnj, in tzaj tqʼamaʼn Jehová qe toj Biblia tkyaqilju taj tuʼn tok qojtzqiʼn tiʼj tuʼntzun qok laqʼeʼ ttxlaj. Aj tjaw quʼjin aju in tzaj tqʼamaʼn Jehová qe toj Tyol, mas in chʼiy qamiwbʼil tukʼil maske mintiʼ in nok qqʼoʼn qwitz tiʼj.

2. ¿Tiquʼn a Jehová mas tbʼanel tamiwa jaku ten?

Mas kʼujlaʼnxixa tuʼn Jehová twitz alkyexku juntl xjal, taj tuʼn ttzalaja ex tuʼn kukx tjyona onbʼil tukʼil. In tzaj tqʼamaʼn 1 Pedro 5:7 jlu: «Tkyaqilju in bʼaj kykʼuʼje tiʼj, kyqʼonxe tuj tkwent Dios, porke ate Dios kwentil kyeye». Taj Jehová tuʼn tonin kyiʼj tamiw, tuʼn t-xi tqʼuqbʼaʼn kykʼuʼj ex tuʼn kyok tbʼiʼn (uʼjinktza Salmo 94:​18, 19).

3. ¿Tiʼ taj Jehová tuʼn tbʼant kyuʼn tamiw?

In che ok tkʼujlaʼn Jehová kykyaqil xjal, pero «at tmojbʼabʼl tibʼ kyukʼil» qeju in che bʼet tzʼaqlixix (Proverbios 3:​32). In nayon Jehová tuʼn tkubʼ kybʼinchaʼn qe tamiw aju bʼaʼn in nela toj twitz ex tuʼn tel kyikʼun aju in nel tikʼun. Bʼalo ateʼ junjun jaku kubʼ kyximen qa mlay che japun tkawbʼil Dios kyuʼn, noqtzun tuʼnj, in nel tnikʼ Jehová kyiʼj. In chex tkʼamoʼn kykyaqil qeju at kykʼujlabʼil tiʼj ex in nok tilil kyuʼn tuʼn tkubʼ kybʼinchaʼn aju bʼaʼn (Salmo 147:​11; Hechos 10:​34, 35).

 QO JYON MAS TQANIL

4. Ok Abrahán te tamiw Jehová

Aju in tzaj tqʼamaʼn Tyol Dios tiʼj Abrahán moqa Abrán, in tzaj tyekʼin qe tiʼ t-xilen tuʼn qok te tamiw Dios. Kyuʼjinktze Génesis 12:​1 a 4 tuʼn tel kynikʼe tiʼj Abrahán ex che yoline kyiʼj xjel lu:

• ¿Tiʼ xi tqʼamaʼn Jehová te Abrahán tuʼn tbʼant tuʼn?

• ¿Tiʼ xi ttziyen Jehová te?

• Tej tok tbʼiʼn Abrahán aju xi tqʼamaʼn Jehová te, ¿tiʼtzun bʼant tuʼn?

5. ¿Tiʼ taj Jehová tuʼn tbʼant kyuʼn tamiw?

Chʼixme tkyaqil maj qaj tuʼn tbʼant junjun tiʼchaq kyuʼn qamiw.

• ¿Tiʼ in nayona tiʼj tuʼn tbʼant kyuʼn tamiwa?

Kyuʼjinktze 1 Juan 5:3 ex che yoline tiʼj xjel lu:

• ¿Tiʼ in nayon Jehová tiʼj tuʼn tbʼant kyuʼn tamiw?

Bʼalo il tiʼj tuʼn tbʼant junjun chʼixpubʼil quʼn tiʼj qmod moqa qbʼinchbʼen tuʼntzun qnimen te Jehová. Kyuʼjinktze Isaías 48:​17 ex 18, ex che yoline tiʼj xjel lu:

• ¿Tiquʼn in xi tqanin Jehová kye tamiw tuʼn tbʼant junjun chʼixpubʼil kyuʼn?

 6. Aju in bʼant tuʼn Jehová kyiʼj tamiw

 TOJ CHʼIN YOL

Taj Jehová tuʼn toka te tamiw ex kʼonil tiʼja tuʼn tok laqʼeʼya ttxlaj.

Aju ma qo yolin tiʼj

• ¿Tzeʼn in nonin Jehová kyiʼj tamiw?

• ¿Tiquʼn taj Jehová tuʼn tbʼant junjun chʼixpubʼil kyuʼn tamiw?

• ¿In kubʼpe t-ximana qa taj Jehová tuʼn kyok tamiw te tzʼaqli? ¿Tiquʼn in kubʼ t-ximana jlu?