XNAQʼTZBʼIL 42
Aju mejebʼleʼn ex qeju naʼmx kykubʼ mojeʼ
In kubʼ kyximen xjal kyoj junjun tnam qa il tiʼj tuʼn tkubʼ mojeʼ jun xjal tuʼn ttzalaj. Pero nya kykyaqil qeju o che kubʼ mojeʼ in che tzalaj ex nya kykyaqil qeju naʼmx kykubʼ mojeʼ in che bʼisun. In tzaj tqʼamaʼn Biblia qa jun oyaj mejebʼleʼn ex qa jun oyaj qa mintiʼ ma kubʼ mojeʼ jun xjal.
1. ¿Tiʼ tbʼanel jaku tzaj te jun xjal qa ma ten tjunalx?
In tzaj tqʼamaʼn Tyol Dios jlu: «Qama mje tukʼiʼljuʼ bʼantnitl kyol tukʼiʼl, bʼaʼn ktbʼinchaʼ; qatzun min xmje, bʼaʼnxiʼx ktbʼinchaʼ» (uʼjinktza 1 Corintios 7:32, 33, 38, XT). ¿Tiʼ t-xilen txol yol «bʼaʼnxiʼx ktbʼinchaʼ» xjal qa mintiʼ xkubʼ mojeʼ? Aʼyeju okslal naʼmx kykubʼ mojeʼ, mintiʼ in che ximen tuʼn kyxqʼuqin tiʼj kychmil moqa tiʼj kyxuʼjil. Tuʼntzunju, at mas tzaqpibʼil kye. Jun techel, ateʼ junjun jaku che ajbʼen mas te Jehová, ik tzeʼn aj kyxiʼ ajbʼel toj juntl lugar. Ax ikx, mas jaku ten ambʼil kyiʼj tuʼn tchʼiy kyamiwbʼil tukʼil Jehová.
2. ¿Tiʼ tbʼanel jaku tzaj te jun xjal qa ma kubʼ mojeʼ twitz ley?
In tzaj tbʼanel kye qeju kyjunalx ateʼ, pero ax ikx in tzaj tbʼanel kye qeju o che kubʼ mojeʼ. In tzaj tqʼamaʼn Biblia jlu: «Mas bʼaʼn kabʼe xjal twitzju noq junx xjal» (Eclesiastés 4:9). Ax tok qe yol lu aj t-xi kybʼiʼn mejebʼleʼn aju in tzaj tqʼamaʼn Tyol Dios. Aj in che kubʼ mojeʼ twitz ley, in xi kytziyen tuʼn tok kykʼujlan kyibʼ, tuʼn tok kyxqʼuqin kyibʼ ex tuʼn tok kyqʼoʼn kyoklen. Tuʼntzunju mas in che tzalaj kywitz qeju mintiʼ in che kubʼ mojeʼ twitz ley. Ax ikx, in nonin jlu tuʼn kytzalaj kʼwal.
3. ¿Tiʼ t-ximbʼetz Jehová at tiʼj mejebʼleʼn?
Tqʼama Jehová jlu tiʼj tnejel mejebʼleʼn: «Kyjel tqʼoʼn xinaq tman ex ttxuʼ, kʼokeltzun mojeʼ tukʼil t-xuʼjil, ex kykabʼil che okel te junx» (Génesis 2:24). Taj Jehová tuʼn tok kykʼujlan kyibʼ mejebʼleʼn ex tuʼn kyten junx akux itzʼqe. Oʼkx in tzaj tqʼoʼn ambʼil tuʼn tkubʼ kydivorciarin kyibʼ qa ma kubʼ tzʼaq jun kye toj yaẍbʼil. Aj tbʼaj jlu, in xi tqʼoʼn ambʼil teju mintiʼ til tuʼn tkubʼ t-ximen qa kbʼel tdivorciarin tibʼ moqa miʼn (Mateo 19:9). a Tuʼntzunju, mintiʼ in tzaj tqʼoʼn Jehová ambʼil kye tmajen tuʼn tten nim kyukʼil (1 Timoteo 3:2).
QO JYON MAS TQANIL
Qo xnaqʼtzan tiʼj tiʼ jaku bʼant tuʼna tuʼn ttzalaja ex tuʼn ttzalaj Jehová tuʼna, qa o kubʼ mojeʼya ex qa naʼmx.
4. Qa naʼmx tkubʼ mojeʼya, tzʼajbʼenx ambʼil tuʼna toj tumel
Tqʼama Jesús qa jun oyaj qa naʼmx tkubʼ mojeʼ jun xjal (Mateo 19:11, 12). Kyuʼjinktze Mateo 4:23 ex che yoline tiʼj xjel lu:
-
Tuʼnju mintiʼ kubʼ mojeʼ Jesús, ¿tzeʼn ajbʼen ambʼil tuʼn tuʼn tajbʼen te Jehová ex tuʼn tonin kyiʼj txqantl?
Jaku che tzalaj okslal naʼmx kykubʼ mojeʼ qa ma tzʼel kykanoʼn tiʼj techel kyaj tqʼoʼn Jesús. Kyqʼonke kywitze tiʼj VIDEO ex che yoline tiʼj xjel lu:
-
¿Tzeʼn jaku tzʼajbʼen ambʼil toj tumel tuʼn jun okslal naʼmx tkubʼ mojeʼ?
¿Ojtzqiʼn jlu tuʼna?
Mintiʼ in tzaj tqʼamaʼn Tyol Dios jteʼ tabʼqʼi jun xjal tuʼn tten tuʼntzun tkubʼ mojeʼ, pero in tzaj tqʼamaʼn qa bʼaʼn tuʼn tkubʼ tayoʼn ambʼil tuʼn tjapun «tabʼqʼi tuʼn tmojeʼ». ¿Tiquʼn? Tuʼnju qa naʼmx tetz jun xjal toj tkuʼxumal at nim tgan tuʼn tkubʼ ten tukʼil juntl xjal ex mas kwest tuʼn tel tnikʼ tiʼj alkye mas bʼaʼn tuʼn tbʼant tuʼn (1 Corintios 7:36, TNM).
5. Jyonktza jun tbʼanel tukʼila
Nimxix toklen toj tanqʼibʼil jun xjal aj tkubʼ t-ximen alqukʼil kbʼel mojeʼ. Kyuʼjinktze Mateo 19:4 a 6 ex 9, TNM. Yajxitl che yoline tiʼj xjel lu:
-
¿Tiʼ bʼaʼn tuʼn t-ximen jun okslal tiʼj naʼmxtoq tkubʼ mojeʼ?
Kʼonil Biblia tiʼja tuʼn tel tnikʼa tiʼj alkyeqe tbʼanel tmod jun xuʼjilbʼaj moqa jun chmilbʼaj tuʼn tten. Ex aju mas nim toklen, bʼaʼn tuʼn ttzaj tjyoʼna jun tukʼila kʼujlaʼn Jehová tuʼn. b Kyuʼjinktze 1 Corintios 7:39 ex 2 Corintios 6:14. Yajxitl che yoline kyiʼj xjel lu:
-
Qa ma kubʼ t-ximen jun erman tuʼn tkubʼ mojeʼ, ¿tiquʼn il tiʼj tuʼn tkubʼ mojeʼ tukʼil jun xjal at toj ttnam Jehová?
-
Qa ma kubʼ mojeʼya tukʼil jun xjal nya kʼujlaʼn Jehová tuʼn, ¿tiʼtzulo kbʼel tnaʼn Jehová tuʼn jlu?
Qa ma tzʼokx qqʼoʼn jun txkup mas matij twitz juntl tjaqʼ jun yuw, kykabʼil jaku che kʼixbʼi. Ax ikx, qa ma kubʼ mojeʼ jun okslal tukʼil jun xjal nya kʼujlaʼn Jehová tuʼn, tzul nim nya bʼaʼn kyiʼj toj kyanqʼibʼil.
6. Tenx t-ximbʼetza tiʼj mejebʼleʼn ik tzeʼn te Jehová
Toj ojtxe tnam Israel, ateʼ junjun xjal el kypan kyibʼ tiʼj kyxuʼjil tuʼnju oʼkx e ximen kyiʼjx. Kyuʼjinktze Malaquías 2:13, 14 ex 16, ex che yoline tiʼj xjel lu:
-
Qa at jun xjal in kubʼ tdivorciarin tibʼ tiʼj tukʼil ex mintiʼ jun il ma kubʼ tbʼinchaʼn, ¿tiquʼn nya bʼaʼn in nela jlu toj twitz Jehová?
In tzaj tiʼn yaẍbʼil ex divorcio nim bʼis tiʼj xuʼjilbʼaj moqa chmilbʼaj mintiʼ til ex kyiʼj kʼwal.
Kyqʼonke kywitze tiʼj VIDEO ex che yoline tiʼj xjel lu:
-
Qa o kubʼ mojeʼya tukʼil jun xjal mintiʼ in najbʼen te Jehová, ¿tiʼ jaku bʼant tuʼna tuʼn ttzalaja toj tmejebʼleʼna?
7. Bʼinxa qe tley Jehová tiʼj mejebʼleʼn
Kwestlo jaku tzʼela kye junjun tuʼn t-xi kybʼiʼn qe ley in kubʼ tqʼoʼn Jehová tiʼj mejebʼleʼn. c Pero in che tzaj tkʼiwlaʼn qeju in nok tilil kyuʼn tuʼn kynimen te. Kyqʼonke kywitze tiʼj VIDEO.
Kyuʼjinktze Hebreos 13:4 ex che yoline kyiʼj xjel lu:
-
¿Tojpe tumel qe ley in kubʼ tqʼoʼn Jehová tiʼj mejebʼleʼn? ¿Tiquʼn in kubʼ t-ximana jlu?
Qa ma kubʼ mojeʼ jun okslal moqa ma kubʼ tdivorciarin tibʼ, taj Jehová tuʼn tkux tzʼibʼit twitz ley, tuʼnju chʼixme kyoj kykyaqil tnam in tzaj tqʼamaʼn ley tuʼn tbʼant jlu kyuʼn xjal. Kyuʼjinktze Tito 3:1 ex che yoline tiʼj xjel lu:
-
Qa o kubʼ mojeʼ teya, ¿qʼuqlipe tkʼuʼja tiʼj qa registrado taʼ twitz ley?
AJU IN TZAJ KYQʼAMAʼN JUNJUN XJAL: «Nya il tiʼj tuʼn qcasarin».
-
¿Tiʼ t-ximbʼetza tiʼj jlu?
TOJ CHʼIN YOL
Qa naʼmx tkubʼ mojeʼ jun xjal moqa o kubʼ mojeʼ, jun oyaj jlu tuʼn Jehová. Qa o kubʼ mojeʼ jun xjal moqa naʼmx, jaku tzalaj tiʼj tanqʼibʼil qa ma kubʼ tbʼinchaʼn aju in tzaj tqʼamaʼn Dios.
Aju ma qo yolin tiʼj
-
¿Tzeʼn jaku tzʼajbʼen ambʼil toj tumel tuʼn jun xjal naʼmx tkubʼ mojeʼ?
-
¿Tiquʼn in tzaj tqʼamaʼn Tyol Dios tuʼn qkubʼ mojeʼ oʼkx tukʼil jun xjal in najbʼen te Jehová?
-
Ik tzeʼn in tzaj tqʼamaʼn Biblia, ¿alkye oʼkx jun tiquʼn jaku kubʼ tdivorciarin tibʼ jun xjal?
OJTZQINKA CHʼINTL
¿Tiʼ t-xilen aju tuʼn tkubʼ mojeʼ jun xjal «tukʼil jun okslal tiʼj Qajaw»?
«Kyxjel qeju in che uʼjin» (Aju Xqʼuqil, 1 te julio te 2004)
Tuʼn tel tnikʼa tiʼj tiʼ jaku bʼant tuʼna naʼmxtoq tkubʼ mojeʼya, keʼyinka kabʼe video in che yolin tiʼj mejebʼleʼn ex tiʼjju aj tok tojtzqin tibʼ jun qʼa tukʼil jun txin.
¿Tzeʼn jaku kubʼ tbʼinchaʼn ttena naʼmxtoq tkubʼ mojeʼya? (11:53)
Ojtzqinka tiquʼn in kubʼ t-ximen jun ermano qa mas bʼaʼn aju o txi tqʼoʼn Jehová te twitzju o kyaj tkolin.
¿Tiʼ bʼaʼn tuʼn t-ximen jun okslal tiʼj naʼmxtoq tkubʼ tdivorciarin tibʼ moqa naʼmxtoq tel tpan tibʼ?
«Bʼaʼn tuʼn tok qnimen aju o ‹tzʼok tmojbʼaʼn Dios›» (Aju Xqʼuqil, diciembre te 2018)
a Toj tqanil 4 kʼelel mas tnikʼa tiʼj junjun tiquʼn jaku tzʼel kypan kyibʼ kabʼe xjal (qa mintiʼ ma kubʼ tzʼaq jun kye toj yaẍbʼil).
b Kyoj junjun tnam, aʼye mambʼaj in che kubʼ ximente alqukʼil che kbʼel mojeʼ kykʼwal. Qa in bʼaj jlu jatumel in che anqʼine, tbʼanel tuʼn tok tilil kyuʼn tatbʼaj tuʼn miʼn tok kyqʼoʼn kywiʼ tiʼj tpwaq moqa tiʼj toklen xjal at, sino tuʼn tok tilil kyuʼn tuʼn tel kynikʼ tiʼj qa kʼujlaʼn Jehová tuʼn.
c Qa in nanqʼina tukʼil jun xjal ex naʼmx tkubʼ mojeʼya tukʼil, aya kbʼel ximente qa kbʼel mojeʼya tukʼil moqa kʼelel tpan tibʼa tiʼj.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
