Qe xnaqʼtzbʼil jaku jatz wiʼne toj Tyol Dios
Lepeʼka tiʼj tajlal ambʼil tkuʼx toj uʼj, aju in tzaj tzyet tiʼj bʼinchbʼen, tiʼj titzʼjlen Jesús ex tiʼj Tkawbʼil Dios. Uʼjinktza qe taqikʼ Tyol Dios.
Aju uʼj saj ttzʼibʼin Kʼloj Xjal Qʼil Twitz Aqʼuntl
Tzeʼn jaku kubʼ xnaqʼtzet uʼj lu.
XNAQʼTZBʼIL 1
Kubʼ tbʼinchaʼn Dios kyaʼj ex Txʼotxʼ
In tzaj tqʼamaʼn Xjan Uʼj qa kubʼ tbʼinchaʼn Dios kyaʼj ex Txʼotxʼ. ¿Tiquʼn kubʼ tbʼinchaʼn Jehová jun anjel nim toklen tej naʼmxtoq tbʼant txqantl tiʼchaq tuʼn?
XNAQʼTZBʼIL 2
Kubʼ tbʼinchaʼn Dios tnejel xinaq ex tnejel xuʼj
Kubʼ tbʼinchaʼn Dios tnejel xinaq ex tnejel xuʼj ex e kubʼ tqʼoʼn toj tbʼanel najbʼil te Edén. Tajtoq tuʼn tten kykʼwaʼl ex tuʼn tok Txʼotxʼ kyuʼn te jun tbʼanel najbʼil.
XNAQʼTZBʼIL 3
Mintiʼ okx kybʼiʼn Adán ex Eva Dios
¿Tiquʼn tbʼaneltoq jun wiʼ tzeʼ kyxol txqantl toj tbʼanel najbʼil te Edén? ¿Tiquʼn xi tloʼn Eva twitz tzeʼ lu?
XNAQʼTZBʼIL 4
Tzajxix tqʼoj ex tuʼn jlu kubʼ tbʼyoʼn titzʼin
Xi tkʼamoʼn Dios oyaj xi tqʼoʼn Abel, pero nya aju te Caín. Tej tok tkeʼyin Caín, tzaj nimxix tqʼoj ex bʼant jun tiʼ tuʼn aju nya bʼaʼn.
XNAQʼTZBʼIL 5
Aju ark bʼant tuʼn Noé
E kubʼ mojeʼ nya bʼaʼn anjel kyukʼil xuʼj ex e ul itzʼji kykʼwaʼl kyukʼil, aʼyeju bʼaʼn che qʼojin ex nim kyweʼ. Attoq bʼiybʼil jaxku tumel. Pero kʼujlaʼntoq Dios tuʼn Noé ex in xi tbʼiʼntoq.
XNAQʼTZBʼIL 6
Wajxaq xjal xi tzyet jun akʼaj twitz txʼotxʼ kyuʼn
Tej ttzaj Nim Jbʼal, ten 40 qʼij ex 40 qonikʼan. Mas te jun abʼqʼi ten Noé kyukʼil toj tja toj ark. Yajxitl, bʼant tuʼn kyetz.
XNAQʼTZBʼIL 7
Aju Ja matij twaʼlil te Babel
Kyajtoq xjal tuʼn tkubʼ kybʼinchaʼn jun tnam tukʼil jun ja matij twaʼl tuʼn tpon twitz kyaʼj. ¿Tiquʼn noq minabʼen bʼant kyyolin xjal toj junjuntl yol tuʼn Jehová?
XNAQʼTZBʼIL 8
Bʼin Abrahán ex Sara te Dios
¿Tiquʼn kyaj kytzaqpiʼn Abrahán ex Sara kyja toj tnam noq tuʼn kyanqʼin ik tzeʼn bʼetin xjal toj txʼotxʼ te Canaán?
XNAQʼTZBʼIL 9
¡Ulx jun kykʼwaʼl!
¿Tzeʼntoq tuʼn tjapun twi tyol Jehová otoq txi ttziyen te Abrahán? ¿Tiʼj Isaac moqa tiʼj Ismael?
XNAQʼTZBʼIL 10
Naʼntza t-xuʼjil Lot
Tzaj jbʼal te qʼaqʼ tuʼn Dios ex azufre tibʼaj Sodoma ex Gomorra. ¿Tiquʼn e kubʼ tnajsaʼn qe tnam lu? ¿Tiquʼn il tiʼj tuʼn ttzaj qnaʼn t-xuʼjil Lot?
XNAQʼTZBʼIL 11
Ok qʼuqbʼil tkʼuʼj toj malbʼil
Xi tqʼamaʼn Dios jlu te Abrahán: «Najsama, qʼinxa oʼkxku jun tkʼwaʼla te chojbʼil twi witz Moria». ¿Tiʼtoq tuʼn tbʼant tuʼn Abrahán tiʼj malbʼil lu tiʼj qʼuqbʼil tkʼuʼj?
XNAQʼTZBʼIL 12
Tzaj tkʼamoʼn Jacob aju etzbʼil
E ul itzʼji kykʼwaʼl Isaac ex Rebeca yoʼẍ qe, Esaú ex Jacob kybʼi. Tuʼnju a Esaú ul itzʼji tnejel, kxeʼltoq tkʼamoʼn jun tbʼanel tetzbʼil. ¿Tiquʼn in kubʼ tchʼixpuʼn tuʼn jun laq wabʼj?
XNAQʼTZBʼIL 13
Kyaj bʼant tiʼj jun nya bʼaʼn tuʼn Jacob tukʼil Esaú
¿Ti bʼant tuʼn Jacob tuʼn ttzaj tkʼamoʼn kʼiwlabʼil te jun anjel? ¿Alkye tten bʼant tiʼj nya bʼaʼn tuʼn tukʼil Esaú?
XNAQʼTZBʼIL 14
Jun majen nimen te Dios
In kubʼ tbʼinchaʼn José aju bʼaʼn, noqtzun tuʼnj, in tzaj nim nya bʼaʼn tiʼj. ¿Tiquʼn?
XNAQʼTZBʼIL 15
Mintiʼ ikʼ tnaʼl José tuʼn Jehová
Kukx at Jehová tukʼil José, maske najchaq taʼ kyiʼj toj tja.
XNAQʼTZBʼIL 17
Jaw tjyoʼn Moisés tuʼn tajbʼen te Jehová
In klet neʼẍ Moisés tuʼnju tbʼanel t-ximbʼetz ttxuʼ.
XNAQʼTZBʼIL 19
Aʼyeju tnejel oxe kʼixbʼisabʼil
Xi tiʼn faraón qe t-xjalil toj najen tuʼnju mintiʼ bʼin ex jaw tnimsan tibʼ.
XNAQʼTZBʼIL 21
Aju tlajin kʼixbʼisabʼil
Xobʼajil tlajin kʼixbʼisabʼil lu aju bʼiʼx tzaj bʼaj tkʼuʼj faraón tuʼn.
XNAQʼTZBʼIL 22
Aju milagr bʼant toj mar Rojo
Mintiʼ kyim faraón tej kytzaj Lajaj Kʼixbʼisabʼil, pero ¿okpe kjel anqʼin aj tbʼant juntl milagr tuʼn Dios?
XNAQʼTZBʼIL 23
Xi kytziyen jun kyyol te Jehová
Akux ateʼ aj Israel t-xe witz Sinaí in xi kytziyen jun kyyol nim toklen te Dios.
XNAQʼTZBʼIL 24
Mintiʼ japun twi kyyol
Akux in tzaj tqʼoʼntoq Dios qe Lajaj Mandamyent te Moisés, kubʼ kybʼinchaʼn aj Israel jun matij il.
XNAQʼTZBʼIL 26
Aqeju 12 xjal i ex samaʼn
Junxitl te Josué ex Caleb kywitz qeju juntl lajaj xjal i ex samaʼn keʼyil txʼotxʼ te Canaán.
XNAQʼTZBʼIL 27
Mintiʼ xi kybʼiʼn Jehová
El tnikʼ Coré, Datán, Abiram ex junjuntl 250 xjal tiʼj jun xnaqʼtzbʼil nim toklen tiʼj Jehová.
XNAQʼTZBʼIL 28
Yolin jun ttxuʼ bur
In nok tkeʼyin ttxuʼ bur jun tiʼ aju mintiʼ in nok tkeʼyin Balaam.
XNAQʼTZBʼIL 30
In chex tewin Rahab qe xjal ex samaʼn
Kubʼ xitj qe tmuro Jericó. Kukx kyaj ten tja Rahab, maske tkubʼ kyibʼaj qe muro.
XNAQʼTZBʼIL 31
Josué ex qe aj Gabaón
In xi tqanin Josué te Jehová tuʼn tweʼ Qʼij. ¿In tzaj ttzaqʼweʼn Dios tnaʼj Dios?
XNAQʼTZBʼIL 32
Jun akʼaj nejenel ex kabʼe xuʼj mintiʼ kyxobʼil
Tej tkyim Josué e kʼulun aj Israel kywitz tilbʼilal. In tzaj nya bʼaʼn kyiʼj tuʼn jlu, pero at jwes Barac onil kye, ex aj sanjel Débora ex Jael tukʼix ttzeʼ.
XNAQʼTZBʼIL 33
Rut ex Noemí
E meltzʼaj kabʼe xuʼj otoq kyim kychmil toj tnam Israel. Jun kyxol qeju xuʼj lu, Rut tbʼi, xiʼ aqʼunal toj jun kojbʼil. Atztzun ok tojtzqiʼn Boaz twitz.
XNAQʼTZBʼIL 34
Kubʼ kyiʼj aj Madián tuʼn Gedeón
In xi kyqanin aj Israel onbʼil te Jehová tuʼnju in nok kybʼinchaʼn aj Madián nya bʼaʼn kyiʼj. ¿Alkye tten in kubʼ kyiʼj 135,000 kysoldad aj Madián kyuʼn?
XNAQʼTZBʼIL 35
Xi tqanin Ana jun tal te Jehová
In chex tiʼn Elcaná Ana, Peniná ex qe tal tuʼn kykʼulin te Dios toj ja xbʼalun toj Siló. Atz xi tqanin Ana jun tal te Jehová. Jun abʼqʼi yajxitl, ul itzʼje Samuel.
XNAQʼTZBʼIL 36
Aju xi ttziyen Jefté
¿Tiʼ in xi ttziyen Jefté? ¿Tiquʼn in xi ttziyen jlu? ¿Tiʼ bʼant tuʼn tmeʼl Jefté tej tok tbʼiʼn aju otoq txi ttziyen ttat?
XNAQʼTZBʼIL 37
Tzaj yolin Jehová tukʼil Samuel
Pal qe tkʼwaʼl Elí toj ja xbʼalun. Mintiʼ in chex kybʼiʼn tkawbʼil Dios. Junxitl te kuʼxun Samuel ik tzeʼn kye, ex toj jun qonikʼen tzaj yolin Jehová tukʼil.
XNAQʼTZBʼIL 38
Tzaj tqʼoʼn Jehová tipun Sansón
In xi tqʼoʼn Dios tipun Sansón tuʼn kykubʼ aj Filisteo tuʼn, noqtzun tuʼnj, kubʼ tbʼinchaʼn Sansón jun tiʼ nya toj tumel ex tzyet kyuʼn aj Filisteo.
XNAQʼTZBʼIL 39
Aju tnejel aj kawil te Israel
Ok tqʼoʼn Jehová qe jwes kyxol aj Israel tuʼn kyonin kyiʼj, pero kyaj jun aj kawil. Jaw skʼoʼn Saúl tuʼn Samuel tuʼn tok te rey; yajxitl el ikʼun tuʼn Jehová, ¿tiquʼn?
XNAQʼTZBʼIL 40
David ex Goliat
Jaw tskʼoʼn Jehová David tuʼn tok te juntl aj kawil toj tnam Israel, atzunte David kubʼ tyekʼin qa kʼokel te jun tbʼanel aj kawil.
XNAQʼTZBʼIL 41
David ex Saúl
In nel tikʼun jun nya bʼaʼn xjal te jun tbʼanel xjal. ¿Alkye tmod xjal bʼaʼn kubʼ tyekʼin tiʼj nya bʼaʼn xjal?
XNAQʼTZBʼIL 42
Mintiʼ tzaj xobʼ Jonatán ex mintiʼ kyaj tkolin David
Ok tamiwin tibʼ tkʼwaʼl aj kawil Saúl tukʼil David.
XNAQʼTZBʼIL 43
Aju il kubʼ tbʼinchaʼn aj kawil David
Qa ma jaw qjyoʼn jun nya bʼaʼn, ax ikx in che tzaj nim nya bʼaʼn qiʼj.
XNAQʼTZBʼIL 44
Jun ja te Jehová
Bʼaʼn in nela toj twitz Dios aju in xi tqanin Salomón te ex in xi tqʼoʼn junjun aqʼuntl nim toklen te.
XNAQʼTZBʼIL 46
Tzaj tyekʼin Jehová qa a Dios axix tok
¿Alkye aju Dios axix tok? ¿A Jehová moqa a Baal?
XNAQʼTZBʼIL 47
In xi tqʼoʼn Jehová tipumal Elías
¿In nokpe qeʼ tkʼuʼja tiʼj qa ax ikx tzul tqʼoʼn Jehová tipumala?
XNAQʼTZBʼIL 49
Kubʼ qʼoʼn tkastiw jun nya bʼaʼn reina
Bʼaj t-ximen Jezabel tuʼn tkubʼ tbʼyoʼn jun aj Israel Nabot tbʼi, noq tuʼn tel telqʼaʼn tqan t-uva. Noqtzun tuʼnj, el tnikʼ Jehová tiʼj nya bʼaʼn lu.
XNAQʼTZBʼIL 50
Klet Jehosafat tuʼn Jehová toj kyqʼabʼ aj qʼoj
Aju tbʼanel aj kawil Jehosafat naʼn Dios te Jehová tuʼn t-xi tqanin onbʼil aj kyok lipen tnam qʼojel tiʼj Judá.
XNAQʼTZBʼIL 51
Aju soldad ex aju tal txin
In yolin jun tal txin te Israel tukʼil tpatrón tiʼj nimxix tipumal Jehová. Tuʼn jlu, bʼant jun milagr.
XNAQʼTZBʼIL 52
Aʼyeju tsoldad Jehová in che kʼant
¿Alkye tten el tnikʼ aju onil te Eliseo tiʼj qa at mas soldad kyukʼil kywitz qe aj qʼoj?
XNAQʼTZBʼIL 53
Mintiʼ tzaj xobʼ Jehoiadá
Jun pal kukx ajbʼen te Dios qʼojen tukʼil jun reina nya bʼaʼn.
XNAQʼTZBʼIL 54
Ten tpasens Jehová tiʼj Jonás
¿Tiquʼn in xi bʼelqʼuʼn tsanjel Dios tuʼn jun matij pescad? ¿Alkye tten klet? ¿Alkye junjun xnaqʼtzbʼil xi t-xnaqʼtzaʼn Jehová te?
XNAQʼTZBʼIL 55
Ok xqʼuqen Ezequías tuʼn jun t-anjel Jehová
In tzaj kyqʼamaʼn aj qʼoj tiʼj Judá qa mlay kolin Jehová tiʼj ttnam, noqtzun tuʼnj, nya ik ttenju.
XNAQʼTZBʼIL 56
Kʼujlaʼn Tley Dios tuʼn Josías
Qʼiʼntoq wajxaq abʼqʼi tuʼn Josías tej t-xi tzyet tuʼn tkawin toj tnam Judá ex onin tiʼj tnam tuʼn kykʼulin juntl maj te Jehová.
XNAQʼTZBʼIL 57
Xi tsamaʼn Jehová Jeremías tuʼn t-xiʼ pakbʼal
In tzajxix kyqʼoj tij xjal te Judá tiʼj tpakbʼabʼil kuʼxun Jeremías.
XNAQʼTZBʼIL 58
Tej tkubʼ xiten Jerusalén
Aʼyeju xjal te Judá kukx in che ajbʼen kye dios nya ax tok, tuʼntzunju in che kyaj tzaqpiʼn tuʼn Jehová.
XNAQʼTZBʼIL 59
Kyaje kuʼxun kukx e ajbʼen te Jehová
Kyaje qʼa aj judiy bʼaj kyximen tuʼn kukx kyajbʼen te Jehová, maske jaku chex qʼiʼn toj ja te kawbʼil te Babilonia.
XNAQʼTZBʼIL 60
Aju Kawbʼil kukx ktel te jumajx
Xi tchikʼbʼaʼn Daniel tiʼ t-xilen twitzikʼ Nabucodonosor.
XNAQʼTZBʼIL 61
Mintiʼ e kubʼ ẍmejeʼ twitz tilbʼilal
Mintiʼ e kubʼ ẍmejeʼ Sadrac, Mesac ex Abednego twitz tilbʼilal qʼan pwaq ttxʼotxʼil kubʼ tbʼinchaʼn aj kawil te Babilonia.
XNAQʼTZBʼIL 62
Jun kawbʼil ik tten ik tzeʼn jun tzeʼ nim twaʼl
In tzaj tyekʼin twitzikʼ Nabucodonosor aju kbʼajeltoq toj ambʼil tzul.
XNAQʼTZBʼIL 63
Jun tqanil twitz ja
¿Toj alkye ambʼil qʼanchaʼlix tqanil mintiʼ in nel nikʼbʼaj tiʼj twitz ja? ¿Ex tiʼ kyxilen?
XNAQʼTZBʼIL 64
Kux qʼoʼn Daniel toj kyjul león
Naʼna Dios te Jehová tkyaqil qʼij ik tzeʼn bʼant tuʼn Daniel.
XNAQʼTZBʼIL 66
Xi t-xnaqʼtzaʼn Esdras Tley Dios kye aj Israel
Tej tok kybʼiʼn aj Israel aju xi tqʼamaʼn Esdras, xi kytziyen jun tiʼ nim toklen te Dios.
XNAQʼTZBʼIL 67
Aʼyeqe tmuro Jerusalén
In nok tbʼiʼn Nehemías qa kyaj aj qʼoj tuʼn kyok tzoqpaj kyiʼj. ¿Tiquʼn mintiʼ in tzaj xobʼ?
XNAQʼTZBʼIL 68
Ul itzʼj jun tneʼẍ Elisabet
¿Tiquʼn mlaytoq bʼant tyolin tchmil Elisabet tzmaxi aj tul itzʼj tkʼwaʼl?
XNAQʼTZBʼIL 69
Pon anjel Gabriel tukʼil María
Tzaj tkʼamoʼn María jun tqanil aju chʼexpaj tanqʼibʼil tuʼn.
XNAQʼTZBʼIL 70
In tzaj kyqʼoʼn anjel tqanil tiʼj titzʼjlen Jesús
Jun rat naj in cheʼx xqʼuqil ẍneʼl keʼyilte Jesús tej tok kybʼiʼn tqanil.
XNAQʼTZBʼIL 72
Aju kuʼxun Jesús
¿Tiquʼn in netz kywitz aj xnaqʼtzal toj tja Dios akux in che bʼin tiʼj Jesús?
XNAQʼTZBʼIL 73
Kubʼ tbʼinchaʼn Juan bʼe tuʼn tul Jesús
Ok Juan te aj sanjel aju xi tqʼamaʼn tuʼn tul Mesías. ¿Tiʼ bʼant kyuʼn xjal tej tok kybʼiʼn tqanil?
XNAQʼTZBʼIL 74
Ok Jesús te Mesías
¿Tiʼ taj Juan tuʼn ttzaj tqʼamaʼn aj tyolin tiʼj qa a Jesús Tal T-ẍneʼl Dios?
XNAQʼTZBʼIL 75
Ok Jesús toj joybʼil tuʼn Tajaw il
Ok Jesús oxe maj toj joybʼil tuʼn Tajaw il. ¿Alkyeqe oxe joybʼil lu? ¿Tiʼ xi ttzaqʼweʼn Jesús?
XNAQʼTZBʼIL 76
In bʼaj tsaqsaʼn Jesús tja Dios
¿Tiquʼn in che etz tiʼn Jesús qe txkup toj tja Dios ex in nex t-xoʼn kymes chʼexpul pwaq?
XNAQʼTZBʼIL 77
In yolin Jesús tukʼil jun xuʼj ttziʼ jun xoch
¿Tiquʼn jaw labʼin xuʼj te Samaria tej ttzaj yolin Jesús te ttzi jun xoch? In xi tqʼamaʼn Jesús jun tiʼ te aju naʼmxtoq t-xi tqʼamaʼn te jun xjal, ¿tiʼ jlu?
XNAQʼTZBʼIL 78
In pakbʼan Jesús tqanil tiʼj Tkawbʼil Dios
E tzaj ttxkoʼn Jesús junjun t-xnaqʼtzbʼen tuʼn kyok te «tzyul xjal». Yajxitl e bʼaj t-xnaqʼtzaʼn 70 kyxol qe t-xnaqʼtzbʼen tuʼn kypakbʼan tiʼj tbʼanel tqanil.
XNAQʼTZBʼIL 79
Bʼant nim milagr tuʼn Jesús
Noq jaxku tumel xiʼ Jesús, xi kyqanin xjal onbʼil te ex e qʼanit tuʼn. Axpe ikx jaw anqʼin jun txin tuʼn.
XNAQʼTZBʼIL 80
In che jaw tjyoʼn Jesús qeju 12 apóstol
¿Tiquʼn in che jaw tjyoʼn? ¿Naʼn kybʼi tuʼna?
XNAQʼTZBʼIL 81
Aju tchikʼbʼabʼil Jesús twiʼ jun witz
In xi t-xnaqʼtzaʼn Jesús junjun xnaqʼtzbʼil kye nimku xjal otoq tzʼok kychmon kyibʼ.
XNAQʼTZBʼIL 82
In chex t-xnaqʼtzaʼn Jesús t-xnaqʼtzbʼen tuʼn tbʼant kynaʼn Dios
¿Tiʼ xi tqʼamaʼn Jesús kye t-xnaqʼtzbʼen tuʼn kukx t-xi kyqanin?
XNAQʼTZBʼIL 83
Xi tqʼoʼn Jesús kywa nim xjal
¿Tiʼ in tzaj tyekʼin milagr lu qe tiʼj Jesús ex Jehová?
XNAQʼTZBʼIL 84
Bʼet Jesús tibʼaj aʼ
¿Jaku bʼant t-ximet tuʼna tiʼ kynaʼ qe apóstol tej tok kyqʼoʼn kywitz tiʼj milagr lu?
XNAQʼTZBʼIL 85
E qʼanit yabʼ tuʼn Jesús toj qʼij sábado
¿Tiquʼn nya bʼaʼntoq in nela toj kywitz junjun aju in bʼanttoq tuʼn Jesús?
XNAQʼTZBʼIL 86
Jaw anqʼin Lázaro tuʼn Jesús
Tej tok tqʼoʼn Jesús twitz tiʼj María in noqʼ, ax ikx te ok ten oqʼel. Noqtzun tuʼnj, ok bʼis te tzalajbʼil.
XNAQʼTZBʼIL 87
Aju mankbʼil wabʼj te qale te Jesús
Xi tqʼamaʼn Jesús junjun tqanil nim toklen kye qe t-apóstol toj mankbʼil wabʼj te qale.
XNAQʼTZBʼIL 88
Tej ttzyet Jesús
Nejni Judas Iscariote kywitz jun kʼloj xjal qʼiʼn ky-espad ex kytzeʼ in bʼet kyxiʼ toj tbʼanel najbʼil te Getsemaní tuʼn ttzyet Jesús kyuʼn.
XNAQʼTZBʼIL 89
Kubʼ tewin Pedro Jesús
¿Tiʼ in bʼaj twitz tja Caifás? ¿Tiʼ in bʼaj tiʼj Jesús tojxi ja?
XNAQʼTZBʼIL 92
Kubʼ tyekʼin tibʼ Jesús kywitz qe tzyul pescad
¿Tiʼ in bʼant tuʼn Jesús tuʼn tok kyqʼoʼn kywiʼ t-xnaqʼtzbʼen tiʼj?
XNAQʼTZBʼIL 93
Aj meltzʼaj Jesús toj kyaʼj
Tej naʼmxtoq tmeltzʼaj Jesús toj kyaʼj, in xi tqʼoʼn junjun kawbʼil nim toklen kye t-xnaqʼtzbʼen.
XNAQʼTZBʼIL 94
Tzaj qʼoʼn xewbʼaj xjan kye t-xnaqʼtzbʼen Jesús
¿Alkye milagr tzaj kykʼamoʼn noq tuʼn tonbʼil xewbʼaj xjan?
XNAQʼTZBʼIL 95
Mintiʼ kyaj kytzaqpiʼn tuʼn kyyolin
Aʼyeju nejenel kye okslabʼil kubʼ kybʼyoʼn Jesús xi kyqʼamaʼn kye t-xnaqʼtzbʼen tuʼn miʼn kyyolintl, pero mintiʼ bʼant kyuʼn.
XNAQʼTZBʼIL 96
Jaw tskʼoʼn Jesús Saulo
Nya bʼaʼn xjal Saulo ex aj qʼoj kyiʼj okslal, noqtzun tuʼnj, chʼexpaj.
XNAQʼTZBʼIL 97
Xi tkʼamoʼn Cornelio xewbʼaj xjan
¿Tiquʼn in xi tsamaʼn Dios Pedro tuʼn t-xiʼ toj tja Cornelio aju nya aj Judiy?
XNAQʼTZBʼIL 98
E kanin okslal kyoj nimku tnam
Xi tzyet tuʼn tpakbʼan apóstol Pablo najchaq junx kyukʼil tukʼil, aʼyeju misionero.
XNAQʼTZBʼIL 99
El tnikʼ jun xqʼuqil cárcel tiʼj axix tok
Toj txʼolbʼabʼil lu, ¿tiquʼn in yolin tiʼj jun juʼẍ, jun kyaqnajnabʼ ex jun spad?
XNAQʼTZBʼIL 100
Pablo ex Timoteo
Toj nim ambʼil ajbʼen Pablo ex Timoteo junx te Dios ex okxix kyamiwen kyibʼ.
XNAQʼTZBʼIL 101
Xi qʼiʼn Pablo toj tnam Roma
Tzaj nim nya bʼaʼn tiʼj toj bʼe, noqtzun tuʼnj, mintiʼ jun nya bʼaʼn kubʼ tzyunte apóstol.
XNAQʼTZBʼIL 102
Tzaj yekʼin junjun tilbʼilal te Juan
In xi tyekʼin Jesús nim tilbʼilal te Juan, aju in tzaj tyekʼin tiʼ kbʼajel toj ambʼil tzul.
XNAQʼTZBʼIL 103
«E ttzajju Tkawbʼila»
In nok jun twitzikʼ Juan tiʼj tzeʼn kʼokel qanqʼibʼil twitz Txʼotxʼ tjaqʼ Tkawbʼil Dios.
