In tzaj tzyet tuʼn tyolin Xjan Uʼj tiʼj tbʼinchbʼen Jehová aju qʼanchaʼl, in tzaj tqʼamaʼn qa tbʼanelxix aju bʼant tuʼn Jehová twitz kyaʼj ex twitz Txʼotxʼ. Qa ateʼ teya tkʼwaʼl, onin qexa tuʼn tel kynikʼ qa nim kyoklen qeju nim tbʼanel tiʼchaq e bʼant tuʼn Jehová. Qʼamanxa kye qa e kubʼ tbʼinchaʼn xjal mas nim kyoklen kywitz txkup tuʼnju jaku che yolin, jaku che ximen, jaku bʼant junjun tiʼchaq kyuʼn, jaku che bʼitzin ex jaku che naʼn Dios. Onin qexa tkʼwaʼla tuʼn tel kynikʼ tiʼj tipumal Jehová, tiʼj tnabʼil ex tiʼj tkʼujlabʼil. Ex tuʼn tel kynikʼ qa nim tkʼujlabʼil Jehová at kyiʼj tbʼinchbʼen, axpe ikx qiʼj.