Tqanil tiʼj kʼloj xnaqʼtzbʼil 14
Aʼyeju tnejel okslal e pakbʼan tiʼj tbʼanel tqanil tiʼj Tkawbʼil Dios twitz tkyaqil Txʼotxʼ. Xi tyekʼin Jesús kye jatumel tuʼn kypakbʼan. Ax ikx xi tqʼoʼn xnaqʼtzbʼil kye ex noq tuʼn jun milagr bʼant tuʼn t-xi kypakbʼaʼn axix tok kye xjal tojx kyyol. Xi tqʼoʼn Jehová kyipumal tuʼn tikʼx ikʼbʼil kyuʼn.
Xi tyekʼin Jesús te Juan toj jun witzikʼ aju tajwalil Jehová. Toj juntl witzikʼ xi tyekʼin Jesús te tzeʼn in kubʼ tiʼj Satanás tuʼn Tkawbʼil Dios ex in nel tiʼn aju tkawbʼil te jumajx. Ok tkeʼyin Juan Jesús ik tzeʼn aj Kawil ex qeju 144,000 in che kawin tukʼil. Ax ikx ok tkeʼyin tzeʼn in nok tkyaqil twitz Txʼotxʼ te jun tbʼanel najbʼil ex kykyaqil xjal in che kʼulin te Jehová toj mujbʼabʼil ex tzalajbʼil.
TOJ KʼLOJ XNAQʼTZBʼIL LU
XNAQʼTZBʼIL 94
Tzaj qʼoʼn xewbʼaj xjan kye t-xnaqʼtzbʼen Jesús
¿Alkye milagr tzaj kykʼamoʼn noq tuʼn tonbʼil xewbʼaj xjan?
XNAQʼTZBʼIL 95
Mintiʼ kyaj kytzaqpiʼn tuʼn kyyolin
Aʼyeju nejenel kye okslabʼil kubʼ kybʼyoʼn Jesús xi kyqʼamaʼn kye t-xnaqʼtzbʼen tuʼn miʼn kyyolintl, pero mintiʼ bʼant kyuʼn.
XNAQʼTZBʼIL 96
Jaw tskʼoʼn Jesús Saulo
Nya bʼaʼn xjal Saulo ex aj qʼoj kyiʼj okslal, noqtzun tuʼnj, chʼexpaj.
XNAQʼTZBʼIL 97
Xi tkʼamoʼn Cornelio xewbʼaj xjan
¿Tiquʼn in xi tsamaʼn Dios Pedro tuʼn t-xiʼ toj tja Cornelio aju nya aj Judiy?
XNAQʼTZBʼIL 98
E kanin okslal kyoj nimku tnam
Xi tzyet tuʼn tpakbʼan apóstol Pablo najchaq junx kyukʼil tukʼil, aʼyeju misionero.
XNAQʼTZBʼIL 99
El tnikʼ jun xqʼuqil cárcel tiʼj axix tok
Toj txʼolbʼabʼil lu, ¿tiquʼn in yolin tiʼj jun juʼẍ, jun kyaqnajnabʼ ex jun spad?
XNAQʼTZBʼIL 100
Pablo ex Timoteo
Toj nim ambʼil ajbʼen Pablo ex Timoteo junx te Dios ex okxix kyamiwen kyibʼ.
XNAQʼTZBʼIL 101
Xi qʼiʼn Pablo toj tnam Roma
Tzaj nim nya bʼaʼn tiʼj toj bʼe, noqtzun tuʼnj, mintiʼ jun nya bʼaʼn kubʼ tzyunte apóstol.
XNAQʼTZBʼIL 102
Tzaj yekʼin junjun tilbʼilal te Juan
In xi tyekʼin Jesús nim tilbʼilal te Juan, aju in tzaj tyekʼin tiʼ kbʼajel toj ambʼil tzul.
XNAQʼTZBʼIL 103
«E ttzajju Tkawbʼila»
In nok jun twitzikʼ Juan tiʼj tzeʼn kʼokel qanqʼibʼil twitz Txʼotxʼ tjaqʼ Tkawbʼil Dios.
