Tqanil tiʼj kʼloj xnaqʼtzbʼil 2
¿Tiquʼn e kubʼ tnajsaʼn Dios qe xjal ojtxe tuʼn nim jbʼal? Atxix tej ttzaj tzyet kyanqʼibʼil xjal, tzaj tzyet jun qʼoj: tiʼj bʼaʼn ex tiʼj nya bʼaʼn. At junjun xjal, ik tzeʼn Adán, Eva ex Caín aju kykʼwaʼl, jaw kyjyoʼn tuʼn kyok te nya bʼaʼn xjal. Noqtzun tuʼnj, oʼkx junjun e ok te bʼaʼn, ik tzeʼn Abel ex Noé. Chʼixme kykyaqil xjal e okxix te nya bʼaʼn ex tuʼn jlu e kubʼ tnajsaʼn Jehová. Toj kʼloj xnaqʼtzbʼil lu, ok kʼelel qnikʼ tiʼj qa in nok tqʼoʼn Jehová twitz tiʼj alqe in qo ajbʼen ex melayx taqʼ ambʼil tuʼn tkubʼ tiʼj bʼaʼn tuʼn nya bʼaʼn.
TOJ KʼLOJ XNAQʼTZBʼIL LU
XNAQʼTZBʼIL 3
Mintiʼ okx kybʼiʼn Adán ex Eva Dios
¿Tiquʼn tbʼaneltoq jun wiʼ tzeʼ kyxol txqantl toj tbʼanel najbʼil te Edén? ¿Tiquʼn xi tloʼn Eva twitz tzeʼ lu?
XNAQʼTZBʼIL 4
Tzajxix tqʼoj ex tuʼn jlu kubʼ tbʼyoʼn titzʼin
Xi tkʼamoʼn Dios oyaj xi tqʼoʼn Abel, pero nya aju te Caín. Tej tok tkeʼyin Caín, tzaj nimxix tqʼoj ex bʼant jun tiʼ tuʼn aju nya bʼaʼn.
XNAQʼTZBʼIL 5
Aju ark bʼant tuʼn Noé
E kubʼ mojeʼ nya bʼaʼn anjel kyukʼil xuʼj ex e ul itzʼji kykʼwaʼl kyukʼil, aʼyeju bʼaʼn che qʼojin ex nim kyweʼ. Attoq bʼiybʼil jaxku tumel. Pero kʼujlaʼntoq Dios tuʼn Noé ex in xi tbʼiʼntoq.
XNAQʼTZBʼIL 6
Wajxaq xjal xi tzyet jun akʼaj twitz txʼotxʼ kyuʼn
Tej ttzaj Nim Jbʼal, ten 40 qʼij ex 40 qonikʼan. Mas te jun abʼqʼi ten Noé kyukʼil toj tja toj ark. Yajxitl, bʼant tuʼn kyetz.
