Tej kyetz Adán tukʼil Eva toj tbʼanel najbʼil te Edén, e tzaj nim kykʼwaʼl. Aju tnejel Caín tbʼi ok qʼoʼn. In noktoq tawaʼn lobʼj ex itzaj. Aju tkabʼ Abel tbʼi ok qʼoʼn, in che oktoq t-xqʼuqin ẍneʼl moqa rit.

Jun qʼij, xi tqʼoʼn Caín ex Abel jun oyaj te Jehová. ¿Ojtzqiʼn tuʼna tiʼ jun oyaj? Jun kotzbʼaj jlu nim toklen in xi qʼet te Dios. O tzalaj Jehová tiʼj toyaj Abel, atzun tiʼjju te Caín mintiʼ tzalaj tiʼj. Tuʼntzun jlu, tzaj nim tqʼoj Caín ex xi tqʼamaʼn Jehová te qa kukxtoq at tqʼoj kbʼeltoq tbʼinchaʼn jun nya bʼaʼn. Noqtzun tuʼnj, mintiʼ xi tbʼiʼn Caín.

Quʼn aju bʼant tuʼn Caín, xi tqʼamaʼn jlu te Abel: «Qo wukʼile toj kojbʼil». Tej ateʼtoq kyjunalx toj tembʼil aju, ok lipen Caín tiʼj titzʼin ex  kubʼ tbʼyoʼn. ¿Tiʼ bʼant tuʼn Jehová? Kubʼ tqʼoʼn tkastiw Caín tej t-xi tqʼamaʼn te tuʼn t-xiʼ najchaq, moqa laqʼche, kyiʼj toj tja. Melayxtoq meltzʼaj juntl maj.

¿Tiʼ xnaqʼtzbʼil in tzaj tqʼoʼn jlu qe? Qa mintiʼ xbʼant jun tiʼ ik tzeʼn in kubʼ qximen, jakulo tzaj qqʼoj. Ex qa ma kubʼ qnaʼn qa ma tzaj mas qqʼoj, moqa in nok kykeʼyin txqantl qa in tzaj qqʼoj, il tiʼj tuʼn tkubʼ qchʼixpun qibʼ. Qa mintiʼ xbʼant jun tiʼ quʼn jun rat, jaku qo kubʼ tuʼnju nya bʼaʼn in kubʼ qnaʼn, ex nya bʼaʼn jlu.

Kʼujlaʼnxixtoq Jehová tuʼn Abel ex kubʼ tbʼinchaʼn aju bʼaʼn, tuʼntzunju, kukx tzul naʼn tuʼn Jehová. Ok kxel tqʼoʼn Dios juntl maj tanqʼibʼil aj tok Txʼotxʼ tuʼn te jun tbʼanel najbʼil.