Tbʼajlenxi Nim Jbʼal, aʼyeqe tkʼwaʼl Noé ex qe kyxuʼjil e ul nim kykʼwaʼl. Chʼiy nim kybʼet qe toj kyja ex i eʼx anqʼil kyoj nimku tembʼil twitz txʼotxʼ, ik tzeʼn tzaj tqʼamaʼn Jehová kye.

Noqtzun tuʼnj, at junjun ja xjal mintiʼ e bʼin te Jehová. Kyqʼama jlu: «Qbʼinchanku jun tnam tzalu ex jun ja maʼxix twaʼlil tuʼn tjapun tweʼ tzmax twitz kyaʼj. Iktzun tten ok ktel nim qoklen».

 Nya bʼaʼn ela toj twitz Jehová aju in bʼanttoq kyuʼn, tuʼntzunju kyaj weʼ aqʼuntl tuʼn. ¿Ojtzqiʼn tuʼna alkye tten bʼant jlu tuʼn? Noq minabʼen e ok ten xjal yolil toj junxichaq yol. Ok kyqʼoʼn xjal tbʼi tnam lu te Babel, aju t-xilen bʼibʼaj lu «tzʼpetsabʼil». Tuʼnju mintiʼtoq in nel tnikʼ jun tiʼj tyol juntl, kyaj weʼ aqʼuntl kyuʼn ex i el bʼet toj tembʼil aju tuʼn kyxiʼ toj junjuntl tembʼil twitz txʼotxʼ. Noqtzun tuʼnj, kukx kubʼ kybʼinchaʼn nya bʼaʼn jatumel e pon. Tzeʼn teya toj twitz, ¿atpetzulo jun xjal kʼujlaʼntoq Jehová tuʼn? Ok qo xnaqʼtzal tiʼj toj juntl xnaqʼtzbʼil.