Tej tikʼ kabʼe xjaw kyikʼxlen aj Israel toj mar Rojo, e kanin t-xe witz Sinaí. Toj lugar lu, kyaj bʼant tiʼj jun yol tuʼn Jehová kyukʼil aj Israel tuʼn kyok te ttnam skʼoʼn maj. E ok t-xqʼuqin Jehová ex xi tqʼoʼn tkyaqilju at tajbʼen kye: tzaj tqʼoʼn maná te kywa, tzaj tqʼoʼn kyxbʼalun, moqa kyiʼj, aju mintiʼ kubʼ bʼaj naj ex tzaj tqʼoʼn jun tbʼanel lugar jatumel tuʼn kyanqʼin. Qa ateʼ tkʼwaʼla, tzʼonina kyiʼj tuʼn tel kynikʼ tiʼj tiquʼn tzaj tqʼoʼn Jehová Ley kye aj Israel, tiquʼn tzaj tqʼamaʼn tuʼn tten ja xbʼalun ex tuʼn kyten jun kʼloj pal. Yekʼinxa kye qa nim toklen tuʼn tjapun twiʼ jun qyol, tuʼn kukx tkubʼ qin qibʼ ex tuʼn qajbʼen te Jehová.