Tqanil tiʼj kʼloj xnaqʼtzbʼil 7
Aju xnaqʼtzbʼil lu in yolin tiʼj tanqʼibʼil aj kawil Saúl ex aj kawil David, ex in xi tiʼn 80 abʼqʼi. Tnejel, manstoq Saúl ex nimen te Dios. Tej tbʼet chʼintl ambʼil el tikʼun onbʼil tzaj tqʼoʼn Jehová te. Ax ikx el ikʼun tuʼn Jehová. Xi tqʼamaʼn Jehová te Samuel tuʼn tjaw tjyon David te akʼaj aj kawil kyibʼaj aj Israel. El ikʼun David tuʼn Saúl ex nimku maj ok tilil tuʼn tuʼn tkubʼ tbʼyoʼn. Tuʼn tkyaqil jlu, mintiʼ aj tqʼoʼn David t-xel nya bʼaʼn. Ojtzqintoq tuʼn Jonatán aju tkʼwaʼl Saúl qa a Jehová otoq jaw skʼonte David tuʼn tok te aj kawil, tuʼntzunju kukx onin tiʼj David. Maske kubʼ tbʼinchaʼn David junjun matij il, noqtzun tuʼnj, kukx xi tbʼiʼn kawbʼil tzaj
tqʼoʼn Jehová te. Qa ateʼ teya tkʼwaʼl, tzʼonina kyiʼj tuʼn tel kynikʼ tiʼj qa nim toklen tuʼn qonin tiʼj t-ximbʼetz Jehová.TOJ KʼLOJ XNAQʼTZBʼIL LU
XNAQʼTZBʼIL 39
Aju tnejel aj kawil te Israel
Ok tqʼoʼn Jehová qe jwes kyxol aj Israel tuʼn kyonin kyiʼj, pero kyaj jun aj kawil. Jaw skʼoʼn Saúl tuʼn Samuel tuʼn tok te rey; yajxitl el ikʼun tuʼn Jehová, ¿tiquʼn?
XNAQʼTZBʼIL 40
David ex Goliat
Jaw tskʼoʼn Jehová David tuʼn tok te juntl aj kawil toj tnam Israel, atzunte David kubʼ tyekʼin qa kʼokel te jun tbʼanel aj kawil.
XNAQʼTZBʼIL 41
David ex Saúl
In nel tikʼun jun nya bʼaʼn xjal te jun tbʼanel xjal. ¿Alkye tmod xjal bʼaʼn kubʼ tyekʼin tiʼj nya bʼaʼn xjal?
XNAQʼTZBʼIL 42
Mintiʼ tzaj xobʼ Jonatán ex mintiʼ kyaj tkolin David
Ok tamiwin tibʼ tkʼwaʼl aj kawil Saúl tukʼil David.
XNAQʼTZBʼIL 43
Aju il kubʼ tbʼinchaʼn aj kawil David
Qa ma jaw qjyoʼn jun nya bʼaʼn, ax ikx in che tzaj nim nya bʼaʼn qiʼj.