Tqanil tiʼj kʼloj xnaqʼtzbʼil 9
Toj kʼloj xnaqʼtzbʼil lu, ok qo xnaqʼtzal kyiʼj kʼwaʼl, kyiʼj tsanjel Dios ex kyiʼj aj kawil tenxix qʼuqbʼil kykʼuʼj tiʼj Jehová. Tej tten jun tal txin te tnam Israel toj tnam Siria, ten qʼuqbʼil tkʼuʼj qa jakutoq qʼanit Naamán tuʼn jun tsanjel Jehová. Atzunte tsanjel Dios Eliseo, okxix qeʼ tkʼuʼj tiʼj Jehová qa oktoq kkletel tuʼn toj kyqʼabʼ qe aj qʼoj. Ex xi tqʼon tibʼ tnejel pal Jehoiadá tuʼn tkyim tuʼn tkolen tiʼj tal kʼwaʼl Jehoás tiʼjju nya bʼaʼn tya, aju Atalía tbʼi. Ax ikx, ok qeʼ tkʼuʼj aj kawil Ezequías qa oktoq kkletel tnam Jerusalén tuʼn Jehová ex mintiʼ tzaj bʼaj tkʼuʼj kyuʼn soldad te Asiria. El tiʼn aj kawil Josías kʼulbʼil nya ax tok attoq toj tnam, ex bʼaj tbʼinchaʼn chʼintl aju ja te nabʼil Dios ex onin kyiʼj xjal tuʼn kykʼulen juntl maj te Jehová.
TOJ KʼLOJ XNAQʼTZBʼIL LU
XNAQʼTZBʼIL 51
Aju soldad ex aju tal txin
In yolin jun tal txin te Israel tukʼil tpatrón tiʼj nimxix tipumal Jehová. Tuʼn jlu, bʼant jun milagr.
XNAQʼTZBʼIL 52
Aʼyeju tsoldad Jehová in che kʼant
¿Alkye tten el tnikʼ aju onil te Eliseo tiʼj qa at mas soldad kyukʼil kywitz qe aj qʼoj?
XNAQʼTZBʼIL 53
Mintiʼ tzaj xobʼ Jehoiadá
Jun pal kukx ajbʼen te Dios qʼojen tukʼil jun reina nya bʼaʼn.
XNAQʼTZBʼIL 54
Ten tpasens Jehová tiʼj Jonás
¿Tiquʼn in xi bʼelqʼuʼn tsanjel Dios tuʼn jun matij pescad? ¿Alkye tten klet? ¿Alkye junjun xnaqʼtzbʼil xi t-xnaqʼtzaʼn Jehová te?
XNAQʼTZBʼIL 55
Ok xqʼuqen Ezequías tuʼn jun t-anjel Jehová
In tzaj kyqʼamaʼn aj qʼoj tiʼj Judá qa mlay kolin Jehová tiʼj ttnam, noqtzun tuʼnj, nya ik ttenju.
XNAQʼTZBʼIL 56
Kʼujlaʼn Tley Dios tuʼn Josías
Qʼiʼntoq wajxaq abʼqʼi tuʼn Josías tej t-xi tzyet tuʼn tkawin toj tnam Judá ex onin tiʼj tnam tuʼn kykʼulin juntl maj te Jehová.
