¡KUKX QO XQʼUQIN!
¿Alqiʼj jaku tzʼok qeʼ qkʼuʼj? | ¿Tiʼ in tzaj tqʼamaʼn Tyol Dios tiʼj jlu?
Ya mintiʼtl in nok qeʼ kykʼuʼj xjal kyiʼj qeju jakutoq tuʼn tok qeʼ qkʼuʼj kyiʼj. Nim xjal ya mintiʼ in nok qeʼ kykʼuʼj kyiʼj...
Qe político, aqeju oʼkx in che ximen kyiʼjx ex nya kyiʼj xjal.
Qeju in che qʼoʼn noticia nya toj tumel ex mintiʼ in tzaj kyqʼamaʼn axix tok.
Qe científico, aqeju mintiʼ in che ximen tuʼn kyonin kyiʼj xjal.
Qe nejenel kye okslabʼil, aqeju in che onin kyiʼj político ex mintiʼ in nok kyqʼoʼn toklen Dios.
Toj tumel qa mintiʼ in nok qeʼ kykʼuʼj xjal kyiʼj kykyaqilx. In tzaj tqʼamaʼn Biblia jlu:
«Miʼn tzʼok qeʼ kykʼuʼje kyiʼj qe xjal maʼ kyoklen, ex ax xjal qe, ex mintiʼ kolbʼil kyukʼil» (Salmo 146:3).
Aju xjal bʼaʼn tuʼn tok qeʼ qkʼuʼj tiʼj
In tzaj tyekʼin Biblia alqiʼj jaku tzʼok qeʼ qkʼuʼj tiʼj: Tiʼj Jesucristo. Ate Jesús nya oʼkx jun xjal anqʼin ojtxe, sino xi «tqʼoʼn Qman Dios toklen tuʼn tok te rey [...] ex aju tkawbʼil mintiʼ bʼajsbʼil te» (Lucas 1:32, 33). Ate Jesús rey toj Tkawbʼil Dios aju in kawin toj ambʼil jaʼlo atz toj kyaʼj (Mateo 6:10).
Tuʼn tel chʼintl tnikʼa tiʼj tiquʼn jaku tzʼok qeʼ qkʼuʼj tiʼj Jesús, uʼjinktza qe xnaqʼtzbʼil lu: «¿Alkye aj Kawil toj Tkawbʼil Dios?» ex «¿Qué cosas logrará el Reino de Dios?»
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿Tiʼ aju Tkawbʼil Dios?
Tej tten Jesús twitz Txʼotxʼ, mas yolin tiʼj Tkawbʼil Dios toj tpakbʼabʼil. Toj nimku ambʼil, o txi kyqanin xjal toj kynaʼj Dios tuʼn tul Tkawbʼil Dios.
AJU XQʼUQIL
Aju Tkawbʼil Dios Jun kawbʼil mintiʼ sbʼubʼil toj
Bʼaʼn tuʼn tkubʼ t-xnaqʼtzana waqaq tumel tuʼntzun tel tnikʼa tiʼj tiquʼn jaku tzʼok qʼuqe qkʼuʼj tiʼj qa aju Tkawbʼil Dios mlay ten sbʼubʼil toj.
QE XNAQʼTZBʼIL NIM KYOKLEN TOJ TYOL DIOS
¿Tiquʼn jaku tzʼok qʼuqeʼ qkʼuʼj qa ax tok aju tkuʼx toj Tyol Dios?
Qa te Dios t-ximbʼetz tkuʼx toj Xjan Uʼj, mlay tzʼok ik tzeʼn alkyexku juntl uʼj.
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
QE XNAQʼTZBʼIL TOJ TYOL DIOS
Qaninxa jun t-xnaqʼtzbʼila tiʼj Biblia
Kʼamonxa jun t-xnaqʼtzbʼila tiʼj Tyol Dios noq kukx tukʼil jun testigo de Jehová.
