•    «Chʼixmi mij moqa nikʼjan xjal toj Estados Unidos in tzaj kyqʼamaʼn qa in kubʼ kynaʼn bʼis ex qa kyjunalx ateʼ. Ex mas in bʼaj jlu kyiʼj qeju ma che japun te 18 a 25 abʼqʼi» (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Tqanil mas nim toklen te salud pública te Estados Unidos tej kyyolin kyiʼj xjal kyjunalx ateʼ], 2023).

•    «Ma tzaj tqʼamaʼn [Organización Mundial de la Salud] qa ma txi tqʼoʼn toklen jun Comisión sobre Conexión Social tuʼntzun tonin kyiʼj xjal kyjunalx xjal ateʼ ex tuʼn miʼn ttzajxix yabʼil kyiʼj. Kʼonil jlu tuʼn tok kychmon kyibʼ xjal ex tuʼn t-xi jyet jun tumel tzeʼn tuʼn tkyaj nya bʼaʼn lu toj ttxolil kyoj kykyaqil país, noq jniʼxku kypwaq at» (Chi Organización Mundial de la Salud, 15 te noviembre te 2023).

 In che kanet tbʼanel consej quʼn toj Biblia tiʼj alkye tten jaku che ten tbʼanel qamiw.

 Miʼn tzʼel tpaʼn tibʼa kyiʼj txqantl. At nim tiʼchaq jaku qo el kypaʼn kyiʼj txqantl ex kyxol jlu aju qa mas in qo ten kyoj redes sociales. Tuʼntzunju, mas bʼaʼn qa ma che bʼant junjun tiʼchaq tuʼna aju jaku che onin tuʼn ttena kyukʼil txqantl ex tuʼn kyten tbʼanel tamiwa.

•    Aju in tzaj tqʼamaʼn Tyol Dios: «Aju tamiw jun xjal kukx in ten tkʼujlalil tiʼj, ex ok ttzaj jun mya bʼaʼn tiʼj, nnoʼk tamiw ik tzaʼn jun terman» (Proverbios 17:17).

 Jyonxa tumel tuʼn tonina kyiʼj txqantl. Mas in nok qamiwin qibʼ kyukʼil txqantl qa ma txi qbʼinchaʼn jun xtalbʼil kye ex in nonin qiʼj tuʼn tkubʼ qnaʼn bʼaʼn ex tuʼn qtzalaj.

•    Aju in tzaj tqʼamaʼn Tyol Dios: «Mas at tzalajbʼil kyeye qa at chʼin ma txi kyqʼoʼne te juntl, ex mya aqeye tuʼn kykʼmonteye» (Hechos 20:35).

 Qa taja tuʼn tel tnikʼa tiʼj alkyeqe mastl texto jaku che onin tiʼja tuʼn kyten tbʼanel tamiwa, jaku tzʼokxa toj qtembʼile te internet.