In kubʼ kyximen nim xjal qa aju tuʼn miʼn kyel ikʼun xjal te junxitl kyyajil mlayx bʼaj jlu ex qa noq jun witzikʼ.

•   «Noq jaxku tumel in tzaj nya bʼaʼn tuʼnju at ikʼbʼil tiʼj kyyajil xjal, qa toj jun institución, qa at kyoklen moqa mintiʼ kyoklen ex noq alkyexku tten kyanqʼibʼil xjal. Mintiʼ mujbʼabʼil kyxol xjal tuʼn jlu» (Chi António Guterres, secretario general de las Naciones Unidas).

 ¿Kpolpe jun qʼij jatumel mlay tentl ikʼbʼil tiʼj kyyajil xjal? ¿Tiʼ in tzaj tqʼamaʼn Biblia?

 In tzaj tqʼamaʼn Biblia alkye t-ximbʼetz Dios at tiʼj kyyajil xjal.

•   «Ex junx xjal tbʼincha Dios te kyiyjil kykyaqil xjal tuʼn kyten tuj tkyaqil twitz txʼotxʼ» (Hechos 17:26).

•   «Mintiʼ in tkeʼyin Dios aju kyxilen xjal, noq oʼkx in tzalaj kyiʼj xjal at tchi Dios kye tuj tkyaqil nasyon, ex in kybʼinchaʼn aju tzʼaqlxix» (Hechos 10:34, 35).

 In tzaj tqʼamaʼn Biblia qa kykyaqil xjal tzajni qe tiʼjx jun familia ex qa bʼaʼn in nel toj twitz kykyaqil kyyajil xjal.

 Kbʼel naj ikʼbʼil kyxol kyyajil xjal tuʼn Tkawbʼil Dios, aju jun gobierno at toj kyaʼj. Kxel qʼoʼn xnaqʼtzbʼil kye xjal tjaqʼ gobierno lu tuʼn miʼn tel kyikʼen kyyajil txqantl ex tuʼn tten tbʼanel kymod kyukʼil.

•   «Twitz txʼotxʼ, nneʼl kynikʼ [xjal] tiʼj tuʼn kybʼinchante aju tzʼaqlxix» (Isaías 26:9).

•   «Oktzun tbʼinchet aju tzʼaqlxix, bʼiʼx kwebʼel qʼoj, che tel xjal tuj tzalajbʼil ex bʼiʼx kqebʼil kykʼuʼj te jumajx» (Isaías 32:17).

 Toj ambʼil jaʼlo, in nel kynikʼ nim millón xjal toj Biblia tzeʼn tuʼn kyrespetarin kye txqantl ex tuʼn tok kyqʼoʼn kyoklen.

•   Qa taja tuʼn tel mas tnikʼa, uʼjinktza uʼj ¡WEʼKTZA! aju tok tbʼi «¿Kbʼelpe naj ikʼbʼil?».

•   Tuʼn tel tnikʼa tiʼj tzeʼn jaku che yolin mambʼaj kyukʼil kykʼwal tiʼj jlu, uʼjinktza xnaqʼtzbʼil «¿Tzeʼn jaku yolina kyukʼil tkʼwala moqa tala tiʼj ikʼbʼil at tiʼj kyyajil xjal?».