¿Kpolpe jun qʼij jatumel kbʼel naj terrorismo?
Aj in tzaj jun terrorismo, in kubʼ qxjelin jlu: «¿In ximenpe Dios tiʼjju in bʼaj? ¿Tiquʼn in bʼaj tiʼchaq lu? ¿Kpolpe jun qʼij jatumel kbʼel naj terrorismo? a ¿Tiʼ kʼonil wiʼje tuʼn miʼn nxobʼe?». In tzaj tqʼoʼn Tyol Dios tzaqʼwebʼil kyiʼj xjel lu.
¿Tiʼ t-ximbʼetz Dios at tiʼj terrorismo?
In nel tikʼun Dios bʼiybʼil ex terrorismo (Salmo 11:5; Proverbios 6:16, 17). Xi tkawin Jesús qe t-xnaqʼtzbʼen tej tkubʼ kyyekʼin kymod ik tzeʼn jun bʼyol xjal (Mateo 26:50-52). Ateʼ junjun xjal in che bʼiyen ex in tzaj kyqʼamaʼn qa in bʼant jlu kyuʼn toj tbʼi Dios. Pero nya bʼaʼn in nela jlu toj twitz. Axpe ikx mintiʼ in xi tbʼiʼn kynaʼj Dios (Isaías 1:15).
In ximen Dios kyiʼj qeju in tzaj nya bʼaʼn kyiʼj, axpe ikx kyiʼj qeju in tzaj nya bʼaʼn kyiʼj tuʼn terrorismo (Salmo 31:7; 1 Pedro 5:7). Ax ikx, in tzaj tqʼamaʼn Biblia qa kbʼel tnajsaʼn Dios bʼiybʼel (Isaías 60:18).
¿Tiquʼn in tzaj terrorismo?
In tzaj tchikʼbʼaʼn Tyol Dios tiquʼn in tzaj terrorismo: «Aju tipumal xjal at tuʼn tbʼinchante mya bʼaʼn tiʼj juntl» (Eclesiastés 8:9). Atxix toj ambʼil ojtxe, in nok kybʼinchaʼn xjal at kyoklen nya bʼaʼn kyiʼj txqantl. Tuʼn jlu, in naj kyqʼoʼn xjal t-xel tukʼil qʼoj moqa tukʼil bʼiybʼel (Eclesiastés 7:7).
Kbʼel najsaʼn terrorismo
In tzaj ttziyen Dios qa ya mlay qo xobʼ, qa kbʼel tnajsaʼn bʼiybʼel ex qa kʼelel tiʼn Dios qʼoj twitz Txʼotxʼ (Isaías 32:18; Miqueas 4:3, 4). Kbʼantel jlu tuʼn Dios:
Kbʼel tnajsaʼn Dios terrorismo te jumajx. Kʼelel tiʼn Dios kykawbʼil xjal ex kbʼel tqʼoʼn Tkawbʼil te kyxel, ex aju kawbʼil lu ktel twitz tkyaqil Txʼotxʼ. A Jesús kkawil toj kawbʼil lu, kkawil toj jun tumel tzʼaqli, kʼelel tiʼn nya bʼaʼn in nok bʼinchaʼn kyiʼj xjal ex kʼelel tiʼn bʼiybʼel (Salmo 72:2, 14). Aj tbʼaj jlu, mi jun xjal kxeʼl qʼojil. Kykyaqil xjal «puro tuj txubʼtxaj che tel» moqa che tel toj tzalajbʼil (Salmo 37:10, 11).
Kxel bʼinchaʼn tiʼj nya bʼaʼn in tzaj tuʼn terrorismo. Che okel tqʼanen Dios qe xjal in tzaj nya bʼaʼn kyiʼj ex aju nya bʼaʼn in kubʼ kynaʼn tuʼn terrorismo (Isaías 65:17; Apocalipsis 21:3, 4). Ex nya oʼkx jlu. In tzaj ttziyen Dios qa che jawil anqʼin qeju o che kyim: kxel tqʼoʼn juntl maj kychwinqlal toj jun txʼotxʼ jatumel mlay ten qʼoj (Juan 5:28, 29).
In tzaj tqʼamaʼn Biblia tiquʼn jaku tzʼok qeʼ qkʼuʼj qa ya chʼix tbʼant jlu tuʼn Dios. Bʼalo in kubʼ t-xjelina tiquʼn naʼmx tkubʼ tnajsaʼn Dios terrorismo. Qa taja tuʼn tok tbʼiʼna tzaqʼwebʼil tiʼj xjel lu, qʼonka twitza tiʼj video ¿Tiquʼn in tzaj tqʼoʼn Dios ambʼil te yajbʼil?
a Chʼixmi tkyaqil maj, aj qyolin tiʼj terrorismo atz in qo yolin tiʼj bʼiybʼel moqa tiʼj nya bʼaʼn in nok bʼinchaʼn kyiʼj xjal mintiʼ kyil, tuʼntzun kytzaj xobʼ ex tuʼn tbʼant jun chʼixpubʼil toj kawbʼil, toj okslabʼil moqa kyxol xjal. Noqtzun tuʼnj, ateʼ junjun xjal junxitl kyximbʼetz tiʼj qa terrorismo jun nya bʼaʼn otoq bʼaj moqa miʼn.
Bʼalo ax ikx tgana jlu
JUNJUNTL XNAQʼTZBʼIL
¿Tiʼ jaku bʼant quʼn tuʼn miʼn ttzaj bʼajxix qkʼuʼj?
Jaku che ajbʼen junjun versículo tuʼna ex junjun nabʼil tuʼntzun kyonin tiʼja.
JUNJUNTL XNAQʼTZBʼIL
¿Atpe jun tbʼanel ambʼil tzul?
¿Tiquʼn junxitl qe yol in tzaj ttziyen Tyol Dios kywitz qe yol in tzaj kytziyen xjal?
AJU XQʼUQIL
¿Tiʼ kbʼantel tuʼn Tkawbʼil Dios?
Ojtzqiʼntoq tuʼn Jesús qa oʼkx Tkawbʼil Dios kxel bʼinchante tiʼj tkyaqil nya bʼaʼn at twitz Txʼotxʼ. ¿Tiʼ o bʼant tuʼn Kawbʼil lu tuʼntzun tok qeʼ qkʼuʼj tiʼj?
JUNJUNTL XNAQʼTZBʼIL
¿Kpolpe ambʼil tuʼn tel qʼiʼn nya bʼaʼn in nok bʼinchaʼn kyiʼj xjal?
In tzaj tqʼamaʼn Biblia qa tukʼil Dios in tzaj aju tzʼaqlixix. Junx kyoklen xjal toj twitz Dios, tuʼntzunju mintiʼ jun mas nim toklen twitz juntl.
QE XNAQʼTZBʼIL NIM KYOKLEN TOJ TYOL DIOS
¿Tiquʼn in tzaj tqʼoʼn Dios ambʼil te yajbʼil?
In kanet tzaqʼwebʼil quʼn toj Tyol Dios aju in tzaj tqʼuqbʼaʼn qkʼuʼj.
