Ok kyqʼoʼn científico Reloj te Juicio Final twitz jun pared toj 24 te enero te 2023, ex xi kybʼinchaʼn or tuʼn tpon chʼixmi a las 12 te qonikʼen. a Toj juntl yol, in tzaj kyqʼamaʼn qa chʼix tul fin del mundo.

•   «Aju Reloj te Juicio Final in nok te techel tkyaqil nya bʼaʼn in che ok weʼ xjal twitz toj ambʼil jaʼlo; ik tzeʼn qʼoj atz Ucrania, ik tzeʼn qe bomba nuclear ex ik tzeʼn nya bʼaʼn in tzaj tuʼn clima. Tuʼntzunju, toj martes lu xi bʼinchaʼn or toj Reloj te Juicio Final mas nqayin tiʼj las 12 te qonikʼen» (chi Servicio internacional de noticias de la agencia AFP).

•   «Tzaj kyqʼamaʼn científico toj martes qa xi kybʼinchaʼn or tuʼn tkyaj noq 90 segundo tuʼn tpon a las 12 te qonikʼen toj Reloj te Juicio Final. Toj juntl yol, mas nqayin ateʼ xjal tiʼj apocalipsis» (chi ABC News).

•   «In tzaj kyqʼamaʼn jun kʼloj científico qa toj ambʼil jaʼlo, mas nqayin taʼ ambʼil tuʼn tkubʼ naj kyyajil xjal» (chi The Guardian).

 ¿Chʼixpe tpon ambʼil tuʼn kykubʼ naj xjal ex Txʼotxʼ? ¿Qo tzajelpe xobʼ tiʼjju kbʼajel toj ambʼil tzul? ¿Tiʼ in tzaj tqʼamaʼn Biblia?

 In tzaj tqʼamaʼn Biblia qa «mintiʼ in chʼexpaj» Txʼotxʼ ex qa aqeju «xjal bʼaʼn ok che etzal tiʼj ju txʼotxʼ» (Eclesiastés 1:4; Salmo 37:29). Tuʼntzunju, mlay kubʼ kyxiten xjal Txʼotxʼ ex kukx che anqʼil xjal twitz.

 Pero sí in yolin Biblia tiʼj jun xitbʼil. Jun techel, in tzaj tqʼamaʼn: «Kbʼajel ju twitz txʼotxʼ» (1 Juan 2:17).

•   Qa tajbʼila tuʼn tel tnikʼa tiʼj tiʼ in tzaj tqʼamaʼn Biblia tiʼj fin del mundo, uʼjinktza xnaqʼtzbʼil ¿Chʼixpe tul fin del mundo? ¿Tiʼ t-xilen yol apocalipsis?».

•   Tuʼn tel tnikʼa tiʼjju in tzaj tqʼamaʼn Biblia tiʼjju kbʼajel toj ambʼil tzul, uʼjinktza xnaqʼtzbʼil, «¿Cuándo será el fin del mundo?».

 In nonin Biblia qiʼj tuʼn miʼn ttzaj bʼaj qkʼuʼj tiʼj tkyaqilju nya bʼaʼn in bʼaj twitz Txʼotxʼ. ¿Alkye tten in nonin Biblia qiʼj?

•   In tzaj tqʼamaʼn Biblia tbʼanel consej qe (2 Timoteo 3:16, 17) Jun techel, qa taja tuʼn tel tnikʼa tiʼj tzeʼn jaku tzʼonin Biblia tiʼja tuʼn miʼn ttzaj bʼaj tkʼuʼja kyiʼj nya bʼaʼn in che tzaj, uʼjinktza xnaqʼtzbʼil «¿Tiʼ jaku bʼant quʼn tuʼn miʼn ttzaj bʼajxix qkʼuʼj?».

•   Ax ikx in tzaj tqʼoʼn Biblia jun tbʼanel qʼuqbʼil qkʼuʼj tiʼj ambʼil tzul (Romanos 15:4). In tzaj tqʼamaʼn tiʼxix kbʼajel toj ambʼil jaʼlo ex toj ambʼil tzul. In nonin jlu qiʼj tuʼn miʼn ttzaj bʼaj qkʼuʼj kyiʼj tiʼchaq in qo ok weʼ twitz jaʼlo.

 Tuʼn tel mas tnikʼa tiʼj Biblia, in qo txokine tiʼja tuʼn t-xnaqʼtzana qukʼile tiʼj Tyol Dios.