¡KUKX QO XQʼUQIN!
O che kyim 6 millón xjal tuʼn COVID-19: ¿Tiʼ in tzaj tqʼamaʼn Tyol Dios tiʼj jlu?
In tzaj tqʼamaʼn Organización Mundial de la Salud moqa OMS qa toj 23 te mayo te 2022, ya otoq che kyim 6.27 millón xjal tuʼn COVID-19. Noqtzun tuʼnj, toj 5 te mayo te 2022, tzaj tqʼamaʼn OMS qa maslo nim kyajlal xjal o che kyim twitz tajlal otoq tzaj qʼamaʼn. Tqʼama qa toj 2020 a 2021, e kyim 14.9 millón xjal tuʼn COVID-19 moqa tuʼn juntl yabʼil. ¿Atpe jun tiʼ in tzaj tqʼamaʼn Tyol Dios tiʼj jlu?
Kyaj tqʼamaʼn Tyol Dios qa tuʼn kytzaj yabʼil
Kyaj tqʼamaʼn Jesús qa che tzajel yabʼil toj jun ambʼil in nok tqʼoʼn Tyol Dios tbʼi te bʼajsbʼil tqʼijlalil (Lucas 21:11; 2 Timoteo 3:1).
In japun kywi profecía kyaj tqʼamaʼn Jesús toj ambʼil jaʼlo. Qa taja tuʼn tel mas tnikʼa tiʼj lu, jaku jaw tuʼjina xnaqʼtzbʼil «¿Tiʼ yekʼbʼil at tiʼj qa atoʼ kyoj ‹mankbʼil tqʼijlalil› moqa kyoj ‹bʼajsbʼil tqʼijlalil›?».
In tzaj tqʼuqbʼaʼn Tyol Dios qkʼuʼj
«Atzunte Diosju kukx in tqʼuqbʼaʼn qkʼuʼj. In tqʼuqbʼaʼn Dios qkʼuʼj tuj tkyaqil yajbʼil qe» (2 Corintios 1:3, 4).
Ateʼ nim xjal o kyim jun xjal kʼujlaʼn kyuʼn, o tzaj qʼuqbʼaʼn kykʼuʼj tuʼn Tyol Dios. Qa taja tuʼn tok tbʼiʼna tzeʼn jaku tzʼonin Tyol Dios tiʼja, bʼaʼn tuʼn tjaw tuʼjina xnaqʼtzbʼil, «¿Tzeʼn jaku tzikʼx bʼis quʼn? Junjun nabʼil» ex «Aju mas tbʼanel onbʼil kye qeju in che bʼisun».
In tzaj tqʼamaʼn Biblia tiʼ kbʼantel tuʼn Dios
«E ttzaj ju tkawbʼila. Bʼant-xwit ju tajbʼila twitz txʼotxʼ ik tzaʼn in bʼant tuj kyaʼj» (Mateo 6:10).
Toj chʼintl ambʼil, kbʼantel junjun chʼixpubʼil tuʼn Tkawbʼil Dios tzalu twitz Txʼotxʼ ex «mi jun xjal najl tuj tnam ok tmaʼ kyjaʼ: Yabʼ qine» (Isaías 33:24; Marcos 1:14, 15). Tuʼn tel mas tnikʼa tiʼj Tkawbʼil Dios ex tiʼjju kbʼantel tuʼn, jaku tzʼok tkeʼyina video ¿Tiʼ aju Tkawbʼil Dios?
In xi qqʼoʼne txokbʼil tiʼja ex kyiʼj toj tjaya tuʼn kyxnaqʼtzane tiʼj Tyol Dios ex tuʼn tel kynikʼe kyiʼj promesa tkuʼx toj ex kyiʼj tbʼanel consej jaku che onin kyiʼje.