Chʼixtoq qsqix toj 24 te febrero te 2022, e okx soldad te Rusia toj ttxʼotxʼ Ucrania, maske otoq tzʼok tilil kyuʼn nim nejenel twitz tkyaqil Txʼotxʼ tuʼn miʼn tok qʼoj lu. ¿Tiʼ jaku tzaj kyiʼj xjal twitz tkyaqil Txʼotxʼ tuʼn qʼoj lu? Tzma xbʼant jteʼ qʼij ttzajlen tqʼamaʼn António Guterres, aju secretario te Naciones Unidas, qa «mlayx bʼant t-ximit jniʼ nya bʼaʼn tzul» kyiʼj xjal ex kyiʼj junjuntl tiʼchaq toj Europa.

•   Kyaj tqʼamaʼn Jesús qa tzultoq jun ambʼil jatumel aqeju «xjal tuj jun nasyon che qʼojlel tiʼj juntl nasyon, ex che qʼojlel qe tnam kyiʼj txqantl tnam» (Mateo 24:7). Jaku jaw tuʼjina xnaqʼtzbʼil «¿Cuál es la señal de ‘los últimos días’ o de ‘los tiempos finales’?» tuʼn tel tnikʼa tiʼj qa aqeju qʼoj in che ok toj ambʼil jaʼlo in japun twi tyol Jesús kyuʼn aju tkuʼx toj Biblia.

•   In tzaj tqʼamaʼn uʼj te Apocalipsis qa ik tten qʼoj ik tzeʼn jun xjal tjax tibʼaj «chej kyaq tiʼj» aju xi qʼoʼn toklen «tuʼn miʼn kyten xjal tuj txubʼtxaj» tuʼn (Apocalipsis 6:4). Tuʼn tel mas tnikʼa tiʼj jlu ex tiʼj tiquʼn in xi qqʼamaʼn qa in japun kywiʼ profecía kyuʼn qʼoj in che ok toj ambʼil jaʼlo, jaku jaw tuʼjina xnaqʼtzbʼil «¿Alkyeqe kyaje xjal in che chejin?».

•   Yolin uʼj te Daniel tiʼj jun aj kawil te jawni ex tiʼj jun aj kawil te kubʼni ex kyaj tqʼamaʼn qa oktoq kʼokel qʼoj kyuʼn kyxolx (Daniel 11:25-45). Bʼaʼn tuʼn tok tqʼoʼn twitza tiʼj video In japun twi profecía in tzaj qʼamaʼn toj Daniel 11 tuʼn tel tnikʼa tiquʼn in nok Rusia ex qe tukʼil te aj kawil te jawni. a

•   Ax ikx in yolin Apocalipsis tiʼj jun qʼoj jatumel che qʼojil aj kawil «tiʼj Dios tuj jun qʼij maʼ toklen, aju Dios at tipumal tuʼn tbʼant tkyaqil tuʼn» (Apocalipsis 16:14, 16). Noqtzun tuʼnj, aju qʼoj lu nya jun qʼoj kʼokel kyxol tnam ik tzeʼn in bʼaj toj ambʼil jaʼlo. Tuʼn tel mas tnikʼa tiʼj qʼoj kʼokel toj ambʼil tzul, bʼaʼn tuʼn tjaw tuʼjina xnaqʼtzbʼil «¿Tiʼ aju Armagedón?».

•   In tzaj ttziyen Biblia qa kʼelel tiʼn Dios «tkyaqil qʼoj [...] tuj tkyaqil twitz txʼotxʼ» (Salmos 46:9). Tuʼn tel chʼintl tnikʼa tiʼj junjuntl tiʼchaq o tzaj ttziyen Dios, bʼaʼn tuʼn tjaw tuʼjina xnaqʼtzbʼil «La esperanza real de un mañana mejor».

•   I ex t-xnaqʼtzaʼn Jesús qe t-xnaqʼtzbʼen tuʼn t-xi kyqanin tuʼn tul Tkawbʼil Dios (Mateo 6:9, 10). Aju Kawbʼil lu atz in kawin toj kyaʼj ex che bʼantel qe chʼixpubʼil tuʼn twitz Txʼotxʼ ik tzeʼn tajbʼil Dios. Ex kyxol qeju tajbʼil Dios tuʼn tbʼant tuʼn twitz Txʼotxʼ at aju tuʼn tten mujbʼabʼil kyxol xjal. Qʼonk twitza tiʼj video ¿Tiʼ aju Tkawbʼil Dios? tuʼn tel tnikʼa tiʼj tiʼ jaku bʼant tuʼn kawbʼil lu toj tanqʼibʼila.

 At mas te 129 mil testigos de Jehová toj tnam Ucrania. Ik tzeʼn in bʼant kyuʼn txqantl testigo de Jehová twitz tkyaqil Txʼotxʼ, in nel kykanoʼn techel kyaj tqʼoʼn Jesús ex mintiʼ in nokx kyqʼoʼn kyibʼ toj kykawbʼil xjal. Tuʼntzunju mintiʼ in nokx kyqʼon kyibʼ kyxol aj kawil ex mintiʼ in cheʼx toj qʼoj (Juan 18:36). In che yolin testigo de Jehová toj tkyaqil lugar tiʼj «tqanil bʼaʼn [...] tiʼj tkawbʼil Dios»; in xi kyqʼamaʼn qa kʼelel tkyaqil nya bʼaʼn, axpe ikx aju qʼoj (Mateo 24:14). In qo txokine tiʼja tuʼn tyolina tukʼil jun testigo de Jehová tuʼn tel mas tnikʼa tiʼj qʼuqbʼil qkʼuʼj in tzaj tqʼoʼn Tyol Dios.