Mintiʼtl in kanin pwaq | ¿Tiʼ kbʼantel tuʼn Tkawbʼil Dios?
Toj tkyaqil twitz Txʼotxʼ mas kwest tuʼn tkanet pwaq moqa medi tuʼn kyanqʼin xjal, ex aj tbʼet ambʼil, mas in nok jlu te kwest.
In tzaj tqʼamaʼn jun akʼaj tqanil twitz tkyaqil Txʼotxʼ qa «ya mintiʼ in kanin pwaq tuʼn tlaqʼet nim tiʼchaq». Ex in tzaj tqʼamaʼn qa «mas tzul nya bʼaʼn kyiʼj xjal mintiʼxix kypwaq» ex qa «mlay kanintl twiʼ kykʼuʼj aqʼunal tuʼn kykʼaʼchit toj kyja qa mintiʼ xi bʼinchet tiʼj lu». a
¿Jakupe txi kybʼinchaʼn gobierno tiʼj nya bʼaʼn lu?
In tzaj tqʼamaʼn Biblia qa at jun gobierno taj ex kbʼantel tuʼn tel tiʼn tkyaqil nya bʼaʼn in tzaj tuʼnju mintiʼ in kanin pwaq. Ex in tzaj tqʼamaʼn qa aj tkawin gobierno lu, mijun xjal ktel mas nim tpwaq twitz juntl. In tzaj tqʼamaʼn Biblia qa «ate Dios aju at tuj kyaʼj kbʼel tqʼoʼn jun kawbʼil», aju kkawil tjunalx twitz tkyaqil Txʼotxʼ (Daniel 2:44). Aj tkawin Kawbʼil moqa gobierno lu, ok che xel onin qeju xjal mintiʼ kypwaq (Salmo 9:18). Aj tkawin Tkawbʼil Dios, che tzalajel kykyaqil xjal che tel tjaqʼ tkawbʼil. Ex kykyaqil xjal che tzalajel tiʼj kyaqʼun kbʼantel (Isaías 65:21,22).
a Chi International Labour Organization Global Wage Report 2022-23 (Tqanil tiʼj twiʼ kykʼuʼj xjal twitz tkyaqil Txʼotxʼ te 2022 ex 2023).
Bʼalo ax ikx tgana jlu
JUNJUNTL XNAQʼTZBʼIL
¿Atpe ttxolil qa ma kubʼ qximen qa kxel sipen aju at tajb’en kye xjal toj tumel toj ambʼil tzul?
At jun kawbʼil moqa gobierno, kxel tbʼinchaʼn kyiʼj tiʼchaq toj tumel, ex kʼelel tiʼn mebʼayil moqa prowil kyiʼj xjal ex tuʼn jlu ya mlay tzaj bʼaj kykʼuʼj xjal tiʼj jatumel kytzajel kypwaq.
QE XNAQʼTZBʼIL NIM KYOKLEN TOJ TYOL DIOS
¿Tiʼ aju Tkawbʼil Dios?
Tej tten Jesús twitz Txʼotxʼ, mas yolin tiʼj Tkawbʼil Dios toj tpakbʼabʼil. Toj nimku ambʼil, o txi kyqanin xjal toj kynaʼj Dios tuʼn tul Tkawbʼil Dios.
JUNJUNTL XNAQʼTZBʼIL
¿Atpe jun tbʼanel ambʼil tzul?
¿Tiquʼn junxitl qe yol in tzaj ttziyen Tyol Dios kywitz qe yol in tzaj kytziyen xjal?
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
