•   «At nim kyaq toj tnam China ex atzun toxin abʼqʼi mintiʼxix in tzaj jbʼal» (The Guardian, 7 te septiembre te 2022).

•   «In tzaj qʼamaʼn qa mlayxix kubʼ jbʼal kyoj junjun plaj te tnam África ik tzeʼn o tzikʼ kyoj kyaje abʼqʼi o che ikʼ» (Noticias ONU, 26 te agosto te 2022).

•   «In tzaj qʼamaʼn qa mlayxix tzaj jbʼal toj mas te nikʼjan moqa tmij Europa ex atzun abʼqʼi lu mintiʼxix jbʼal ktzajel» (BBC News, 23 te agosto te 2022).

 In tzaj kyqʼamaʼn junjun xjal in che xnaqʼtzan tiʼj jlu qa mlayxix tzaj nim jbʼal toj abʼqʼi lu ex kyoj junjuntl abʼqʼi. ¿Kxelpe bʼinchet tiʼj jlu toj ambʼil tzul? ¿Tiʼ in tzaj tqʼamaʼn Tyol Dios?

 Atzun jlu kyaj tqʼamaʼn Biblia tuʼn tbʼaj toj ambʼil jaʼlo:

•   «Ktzajel [...] weʼyaj [...] noq jachaq» (Lucas 21:11).

 Nim maj in tzaj weʼyaj qa mintiʼxix in tzaj jbʼal. Kyaj qʼamaʼn kyoj profecía qa ktzajel weʼyaj ex tuʼn jlu ktzajel nim yajbʼil ex kamik (Apocalipsis 6:6, 8).

 Kyaj qʼamaʼn toj Biblia tiquʼn in bʼaj jlu. In tzaj qʼamaʼn jlu:

•   «Mlay tzʼel tnikʼ xjal tiʼj alkye bʼe bʼaʼn tuʼn tbʼet tuj» (Jeremías 10:23).

 A t-xilen jlu qa nya bʼaʼn kʼelel tkyaqilju in kubʼ t-ximen jun xjal qa ma tzʼok lepeʼ tiʼj tex t-ximbʼetz moqa ma kawin tibʼajx. Ex tuʼn tkyaqilju in bʼant kyuʼn, ya mintiʼxix in tzaj jbʼal ex mintiʼxix aʼ.

•   Chʼixmi kykyaqil científico in tzaj kyqʼamaʼn qa tuʼn tkyaqilju in bʼant kyuʼn xjal at nim kyaq twitz Txʼotxʼ. Ex tuʼn jlu, mintiʼxix in tzaj jbʼal twitz tkyaqil Txʼotxʼ.

•   Ya chʼix tkubʼ tzqij chʼintl aʼ at toj ambʼil jaʼlo. ¿Tiquʼn? Tuʼnju oʼkx in che ximen político ex qe xjal kyiʼjx ex kyaj tuʼn tten mas kypwaq, tuʼntzunju in jaw kytxʼemin tzeʼ, in bʼaj kycontaminarin twitz txʼotxʼ ex in bʼaj kyyajin.

 Pero in tzaj tqʼoʼn Biblia jun qʼuqbʼil qkʼuʼj.

 In tzaj ttziyen Dios toj Biblia qa kpol ambʼil jatumel ktel nim aʼ. ¿Tzeʼn kbʼantel tuʼn?

1.  1. Kbʼel tnajsaʼn Dios «qeju ma naj twitz txʼotxʼ kyuʼn» (Apocalipsis 11:18). Toj juntl yol, che kbʼel tnajsaʼn qe xjal in nok kybʼinchaʼn nya bʼaʼn tiʼj tkyaqilju at twitz Txʼotxʼ tuʼnju mintiʼxix aʼ (2 Timoteo 3:1, 2).

2.  2. «Aju tzqij txʼotxʼ nim taʼw kyaq tuj, kʼokel te jun nintz najabʼ» (Isaías 35:1, 6, 7). Kxel tbʼinchaʼn Dios tiʼj tkyaqil nya bʼaʼn o tzaj tuʼnju mintiʼxix jbʼal ex kʼokel Txʼotxʼ te jun Paraíso tuʼn, jatumel ktel nim aʼ.

3.  3. «Kwentin ju txʼotxʼ tuʼna, ex in tzaj tqʼoʼna jbʼal tibʼaj tuʼntzun mejor ttzaj chʼiy awal tuj» (Salmo 65:9). Ktel nim wabʼj twitz Txʼotxʼ tuʼn Dios ex nim aʼ saq.