Toj tkyaqil twitz Txʼotxʼ nim xjal in tzaj nya bʼaʼn kyiʼj tuʼn nim aʼ ma jaw chʼiy twitz Txʼotxʼ. Bʼaʼn tuʼn tok tqʼoʼna twitza kyiʼj noticia lu:

•   «Kyoj qe qʼij tzma in che ikʼ, mas nim jbʼal ma tzaj toj capital te tnam China twitzju o tzaj kyoj 140 abʼqʼi ma che bʼaj [...]. Oʼkx tej ttzaj tzyet jbʼal toj sábado ex pon toj miércoles, kubʼ 744,8 milímetros te aʼ (29,3 pulgadas)», a (chi AP News, 2 te agosto te 2023).

•   «Kabʼe qʼij tzaj nim jbʼal ex nim kyqʼiqʼ jbʼal tuʼn tifón moqa huracán Khanun toj jueves toj sur te Japón. Kabʼe xjal e kyim tuʼn jlu. [...] In kubʼ ximet qa jaku kubʼ 0,6 metros (2 pies) b jbʼal kywiʼ witz te tnam Taiwán» (chi Deutsche Welle, 3 te agosto te 2023).

•   «Tbʼajlen seman lu mas ma chʼiy aʼ tuʼn nim jbʼal [toj Nueva Escocia] ttzi mar Atlántico tbʼi te Canadá twitzju o tzaj kyoj 50 abʼqʼi ma che bʼaj» (chi BBC News, 24 te julio te 2023).

 ¿Tiʼ in tzaj tqʼamaʼn Tyol Dios tiʼjju in bʼaj?

 In tzaj tqʼamaʼn Tyol Dios qa in qo anqʼin toj jun ambʼil aju in nok qʼoʼn tbʼi te «mankbʼil tqʼijlalil» (2 Timoteo 3:1). Kyaj tqʼamaʼn Jesús qa toj ambʼil jaʼlo kʼokel qqʼoʼn qwitz tiʼj junjun tiʼchaq te «sekʼpubʼl» (Lucas 21:11). Toj ambʼil jaʼlo, mas kyuw, mas nim maj ex mas noq minabʼen in che tzaj nya bʼaʼn tuʼnju in chʼexpaj clima.

 In tzaj tqʼamaʼn Biblia qa jaku tzʼok qeʼ qkʼuʼj aj ttzaj tkyaqil nya bʼaʼn lu. ¿Tiquʼn in xi qqʼamaʼn jlu? Tuʼnju tzaj tqʼamaʼn Jesús jlu: «Ok kylonteye ok tjapun tkyaqil jlu, tzʼelx kynikʼe tiʼj in laqʼex ttzaj tkawbʼil Dios» (Lucas 21:31; Mateo 24:3).

 Tkyaqilju in bʼaj, in tzaj tyekʼin qa chʼix tpon ambʼil tuʼn t-xi tbʼinchaʼn Tkawbʼil Dios kyiʼj nya bʼaʼn in che tzaj ex ktzajel chitj jbʼal toj tumel ex ya mlay jaw chʼiy aʼ (Job 36:27, 28; Salmo 107:29).

 Qa tajbʼila tuʼn tel chʼintl tnikʼa tiʼjju kbʼantel tuʼn Tkawbʼil Dios tuʼn miʼn ttzaj nimxix jbʼal, jyonxa xnaqʼtzbʼil «¿Alkye kkolil tiʼj Txʼotxʼ?».