Surasak Suwanmake/Moment via Getty Images
¡KUKX QO XQʼUQIN!
Mas at nimxix kyaq twitz tkyaqil Txʼotxʼ toj abʼqʼi 2023 | ¿Tiʼ in tzaj tqʼamaʼn Tyol Dios tiʼj jlu?
Twitz tkyaqil Txʼotxʼ in tzaj nya bʼaʼn kyiʼj xjal tuʼnju at nimxix kyaq toj abʼqʼi lu kywitz junjuntl abʼqʼi o che bʼaj, ax ikx o tzaj junjuntl nya bʼaʼn tuʼn jlu. In tzaj kyqʼamaʼn junjun tqanil lu:
«Mas nim kyaq o tzaj toj xjaw te junio twitz Txʼotxʼ twitzju o tzaj toj mankbʼil 174 abʼqʼi o che kyaj» (chi Oficina Nacional de Administración Oceánica y Atmosférica, Departamento de Comercio de Estados Unidos, 13 te julio te 2023).
«In kubʼ kynaʼn xjal nimxix kyaq kyoj tnam te Italia, España, Francia, Alemania ex Polonia. In kubʼ ximen qa aju kyaq kyoj isla te Sicilia ex Cerdeña jaku japun tkyaqal toj 48 grados centígrados. Naʼmxtoq ttzaj kyaq ik tzeʼn jlu atxix te ojtxe» (chi Agencia Espacial Europea, 13 te julio te 2023).
«Tuʼnju mas at nimxix kyaq jaʼlo, in kubʼ ximen qa mas ktzajel nimxix jbʼal, kjawel chʼiy aʼ ex ktzajel tiʼn nim nya bʼaʼn» (chi Stefan Uhlenbrook, director de la Sección de Hidrología, Recursos Hídricos y Criosfera de la Organización Meteorológica Mundial, 17 te julio te 2023).
¿In tzajpe bʼaj tkʼuʼja tiʼjju in kyqʼamaʼn tqanil lu tiʼj kyaq? Qʼonka twitza tiʼjju in tzaj tqʼamaʼn Tyol Dios tiʼj jlu.
¿Atpe jun profecía in yolin tiʼj nya bʼaʼn in tzaj tuʼn kyaq?
At, aju nya bʼaʼn in tzaj tuʼn kyaq in tzaj tyekʼin qa in japun kywiʼ junjun profecía in yolin Tyol Dios kyiʼj, aqeju in japun kywiʼ toj ambʼil jaʼlo. Jun techel, kyaj tqʼamaʼn Jesús qa kʼokel qkeʼyin «sek’pub’l» moqa «señ ma’xix» (Lucas 21:11). Aj tok kyqʼoʼn junjun xjal kywitz tiʼj nimxix kyaq in tzaj, in che jaw xobʼ tuʼnju in kubʼ kyximen qa knajel Txʼotxʼ kyuʼn xjal.
¿Kpolpe jun qʼij jatumel ya mlayx che anqʼin xjal twitz Txʼotxʼ?
Miʼn. Tuʼnju o kubʼ tbʼinchan Dios Txʼotxʼ tuʼn qanqʼin twitz te jumajx, mlay txi tqʼoʼn ambʼil kye xjal tuʼn tkubʼ kynajsaʼn (Salmo115:16; Eclesiastés 1:4). Axpe ikx in tzaj ttziyen «tuʼn kynaj qeju ma naj twitz txʼotxʼ kyuʼn» (Apocalipsis 11:18).
In tzaj tqʼamaʼn Biblia qa jaku kolin Dios tuʼn miʼn tnaj Txʼotxʼ tuʼn kyaq ex kbʼantel jlu tuʼn.
«Bʼiʼx takeʼ kyqʼiqʼ tuʼn Qman ex mintiʼ jaw pulwintl mar» (Salmo107:29). At tpoder Dios tiʼj kyqʼiqʼ, kyaq, jbʼal ex junjuntl tiʼ in tzaj twitz Txʼotxʼ. Ex jaku bʼant tuʼn tuʼn t-xi tbʼinchaʼn kyiʼj nya bʼaʼn in tzaj tuʼn tkyaqil jlu.
«Kwentin ju txʼotxʼ tuʼna, ex in tzaj tqʼoʼna jbʼal tibʼaj tuʼntzun mejor ttzaj chʼiy awal tuj» (Salmo 65:9). Kʼokel txʼotxʼ te jun tbʼanel paraíso tuʼn Dios.
Qa tajbʼila tuʼn tel chʼintl tnikʼa tiʼj alkye tten kʼokel Txʼotxʼ te tbʼanel tuʼn Dios, jyonxa xnaqʼtzbʼil «¿Alkye kkolil tiʼj Txʼotxʼ?».