¡KUKX QO XQʼUQIN!
Jaku tzaj nya bʼaʼn tiʼj Txʼotxʼ | ¿Tiʼ in tzaj tqʼamaʼn Tyol Dios tiʼj jlu?
«Toj chʼintl ambʼil, jaku tzaj nim xitbʼil tuʼnju o naj twitz Txʼotxʼ. Ateʼ junjun matij tnam chʼix kykyaj tjaqʼ aʼ. In che tzaj nim kyqʼiqʼ jbʼal. Kyoj junjuntl lugar, mintiʼxix aʼ. Ax ikx, chʼix kykubʼ naj nim millón kyyajil txkup ex qe tal tzeʼ. Nya noq jun yol aju in xi nqʼamaʼne ex mintiʼ in chin ikʼe tibʼaj. Sino atzun jlu in tzaj tyekʼin ciencia tiʼjju in bʼaj twitz Txʼotxʼ». (Atzun jlu tqʼama António Guterres toj jun chikʼbʼabʼil, aju in naqʼunan te secretario general toj Naciones Unidas ex atzun tzaqʼwebʼil jlu tiʼj tqanil tuʼn Grupo Intergubernamental de Expertos sobre el Cambio Climático, aju etz qʼoʼn toj 4 te abril te 2022).
«In tzaj kyqʼamaʼn científico qa kyoj abʼqʼi che ul, ktzajel nya bʼaʼn kyiʼj chʼixmi kykyaqil parque ateʼ Estados Unidos tuʼn xitbʼil in che tzaj tuʼn clima tuʼnju nya kwest tuʼn kynaj tuʼn kyaq. Puro nya bʼaʼn tkyaqilju jaku bʼaj kyiʼj 423 parque: jaku che tzaj incendio, qotxʼ, jaku tzʼel aʼyix hielo, jaku jaw chʼiy aʼ, jaku kyaj txʼotxʼ tjaqʼ mar qa ma tzʼetz mulqʼaj ex jaku tzaj nim kyaq». («Flooding Chaos in Yellowstone, a Sign of Crises to Come» [Caóticas inundaciones atz Yellowstone, jun tqanil kyiʼj nya bʼaʼn jaku che tzaj], The New York Times, te 15 te junio te 2022).
¿Atpe jun tiʼ jaku bʼant tuʼn miʼn ttzaj nya bʼaʼn tiʼj Txʼotxʼ? Qa at jun tiʼ jaku bʼant, ¿tzeʼn jaku bʼant? Qʼonka twitza tiʼjju in tzaj t-xnaqʼtzaʼn Tyol Dios.
Kyaj qʼamaʼn toj Biblia qa tuʼn tok bʼinchaʼn nya bʼaʼn tiʼj Txʼotxʼ
In tzaj tyekʼin Biblia qa kpol «tqʼijlalil tuʼn kynaj qeju ma naj twitz txʼotxʼ kyuʼn» (Apocalipsis 11:18). In tzaj t-xnaqʼtzaʼn texto lu oxe tiʼ:
1. Qa kʼokel kybʼinchaʼn xjal nya bʼaʼn tiʼj Txʼotxʼ.
2. Qa kxel bʼinchet tiʼj tkyaqilju nya bʼaʼn in nok bʼinchaʼn tiʼj.
3. A Dios kxel bʼinchante kyiʼj nya bʼaʼn lu ex nya qe xjal.
At Txʼotxʼ toj tqʼabʼ jun tbʼanel xjal
In tzaj tqʼamaʼn Biblia jlu: «Atzunte txʼotxʼ mintiʼ in chʼexpaj», toj juntl yol, mlay kubʼ naj (Eclesiastés 1:4). Kukx che tel xjal twitz.
«Qe xjal bʼaʼn ok che etzal tiʼj ju txʼotxʼ, ex ax che tel tuj te jumajx» (Salmo 37:29).
Ya mlay tzʼok bʼinchaʼn nya bʼaʼn tiʼj Txʼotxʼ ex kʼokel te jun tbʼanel lugar.
«Ktzalajel aju lugar mintiʼ kynajbʼil xjal tuj, ex aju tzqij txʼotxʼ ktzalajel nimxix ex che jawil poqʼl nim bʼech twitz» (Isaías 35:1).
Bʼalo ax ikx tgana jlu
QE XJEL TIʼJ TYOL DIOS
¿Okpe kbʼel xiten Txʼotxʼ?
Jakulo jaw labʼina tiʼjju in tzaj tqʼamaʼn Tyol Dios.
AJU XQʼUQIL
¿Okpe kbʼel kyxiten xjal Txʼotxʼ?
Nya oʼkx kyaj tqʼamaʼn Tyol Dios qa kʼokel bʼinchaʼn nya bʼaʼn tiʼj Txʼotxʼ, ax ikx tzaj tqʼamaʼn tiʼ kbʼajel tiʼj Txʼotxʼ toj ambʼil jaʼlo.
QE XJEL TIʼJ TYOL DIOS
¿Tiʼ in tzaj tqʼamaʼn Tyol Dios kyiʼj xitbʼil in che tzaj?
¿Junpe kastiw qe xitbʼil tuʼn Dios? ¿In noninpe Dios kyiʼj xjal in tzaj nya bʼaʼn kyiʼj kyuʼn xitbʼil?
QE XNAQʼTZBʼIL NIM KYOKLEN TOJ TYOL DIOS
¿Tiquʼn kubʼ tbʼinchaʼn Dios Txʼotxʼ?
Jun tbʼanelxix najbʼil te Txʼotxʼ. Najchaq taʼ tiʼj Qʼij, ex in qʼon welt toj tumelxix. ¿Tiquʼn okxix tilil tuʼn Dios tuʼn tbʼant tbʼanel najbʼil lu?
AJU XQʼUQIL
¿Tiʼ kbʼantel tuʼn Tkawbʼil Dios?
Ojtzqiʼntoq tuʼn Jesús qa oʼkx Tkawbʼil Dios kxel bʼinchante tiʼj tkyaqil nya bʼaʼn at twitz Txʼotxʼ. ¿Tiʼ o bʼant tuʼn Kawbʼil lu tuʼntzun tok qeʼ qkʼuʼj tiʼj?
TQANIL KYIʼJ TESTIGOS DE JEHOVÁ
Tuʼn tten toj jun chmabʼil
Ojtzqinka mas kyiʼj qe qchmabʼile. Jyontza jun Ja te Chmabʼil nqayin taʼ jatumel najliya.
