¡KUKX QO XQʼUQIN!
Aʼyeju okslal ex aju qʼoj | ¿Tiʼ in tzaj tqʼamaʼn Biblia tiʼj jlu?
In tzaj tyekʼin qʼoj o tzaj Ucrania qa nim kyxol nejenel kye okslabʼil in che onin tuʼn kyok qʼoj. Qʼonka twitza tiʼj tzeʼn o che onin kyoj kabʼe tnam:
«Qaje tuʼn t-xi qqʼoʼne chjonte kye kykyaqil qeju in che kolin tiʼj Ucrania, aju tnam jatumel e ul itzʼj [...]. Kukx qo tele kyukʼile, kukx qo onile ex qo naʼle Dios kyiʼje» (metropolitano Epifanio I de Kiev, The Jerusalem Post, 16 te marzo te 2022).
«Toj domingo ma kyaj, etz tqʼoʼn jun nejenel te iglesia ortodoxa jun misa kye soldad te Rusia ex xi tqʼamaʼn kye tuʼn kykolin tiʼj kytnam ‹tuʼnju oʼkx kye jaku bʼant jlu kyuʼn›. Atzunte Moscú, kukx in nok tilil tuʼn tuʼn tok qʼoj atz Ucrania» (Reuters, 3 te abril te 2022).
¿Bʼaʼnpe tuʼn kyxiʼ okslal toj qʼoj? ¿Tiʼ in tzaj tqʼamaʼn Biblia tiʼj jlu?
Aju in tzaj tqʼamaʼn Tyol Dios
In tzaj tchikʼbʼaʼn Biblia qa aqeju in che ok lepeʼ tiʼj Jesús mintiʼ in cheʼx toj qʼoj.
«Qʼoʼn kuʼxa t-spadiya tuj tjayil. Ex kykyaqil qeju qʼiʼn spad kyuʼn, ax tuʼn spad che najel» (Mateo 26:52).
Qa tbʼanel in nela qʼoj toj twitz jun xjal moqa in xi qʼojil toj, ¿in xipe tbʼiʼn aju kyaj tqʼamaʼn Jesús?
«Kxel nqʼoʼne jun akʼaj mandamyent kyeye: Tuʼn kykʼujlante kyibʼe kyxolxe ik tzaʼn weye ma che nkʼujlaye, ikxtzun kyeye tuʼn kykʼujlante kyibʼe kyxolxe. Qa ma kykʼujla kyibʼe kyxolxe, tuʼntzun jlu kʼelel kynikʼ kykyaqil xjal kyiʼje qa nxnaqʼtzbʼen qeye, chi Jesús kye» (Juan 13:34, 35).
Qa at jun xjal in nonin tiʼj qʼoj, ¿in kubʼpe tyekʼin aju kʼujlabʼil yolin Jesús tiʼj tuʼntzun tel nikʼbʼaj kyiʼj t-xnaqʼtzbʼen?
Qa taja tuʼn tel mas tnikʼa tiʼj jlu, jaku jaw tuʼjina xnaqʼtzbʼil «El cristianismo y la guerra: ¿son compatibles?».
Aqeju okslal te jaʼlo ex aju qʼoj
¿Jakupe bʼant tuʼn miʼn tokx kyqʼon kyibʼ okslal kyoj qʼoj toj ambʼil jaʼlo? Jaku. Tqʼama Biblia qa toj ambʼil jaʼlo, aju in nok tqʼoʼn tbʼi te «mankbʼil tqʼijlalil», oktoq che tel nim xjal te junxichaq tnam, aʼyeju «mlayx kykʼam juntl maj xnaqʼtzbʼil tuʼn tbʼant kyqʼojin», ik tzeʼn kyaj t-xnaqʼtzaʼn Jesús (Isaías 2:2, 4).
Tuʼn tel mas tnikʼa tiʼj xnaqʼtzbʼil lu, jaku jaw tuʼjina qe xnaqʼtzbʼil ateʼkux toj uʼj Aju Xqʼuqil «¿Tzeʼn in nela qʼoj toj twitz Qman Dios?».
Chʼix tpon ambʼil tuʼn tajbʼen Tkawbʼil Jehová, a aju Dios te mujbʼabʼil, tuʼn kyklet xjal in che bʼaj yajlaʼn ex in che bʼaj kʼixbʼisaʼn (Filipenses 4:9; Salmo 72:14).
Tuʼn tel tnikʼa tiʼj tzeʼn kbʼantel jlu tuʼn, qʼonka twitza tiʼj video ¿Tiʼ aju Tkawbʼil Dios?
a Jehová tbʼi Dios (Salmo 83:18).