Nim xjal in kubʼ kynaʼn qa kyjunalx ateʼ ex qa mlay kanet kyamiw. In kyqʼamaʼn junjun aj qʼanil qa tuʼn tkubʼ kyiʼj nya bʼaʼn ximbʼetz jlu, mas tbʼanel qa ma qo onin kyiʼj txqantl.

•   «Qa ma qo onin kyiʼj qeju kyaj onbʼil jaku qo tzalaj, kbʼel qnaʼn qa nya qjunalx ateʼ ex qa jaku ten qamiw» (Institutos Nacionales de la Salud, de Estados Unidos).

 In tzaj tqʼamaʼn Biblia tiʼ jaku bʼant quʼn tuʼn qonin kyiʼj txqantl. Qa ma kubʼ qbʼinchaʼn qe jlu, kʼonil qiʼj tuʼn tkubʼ qnaʼn qa nya qjunalx ateʼ.

 Yekʼinxa t-xtalbʼila kyiʼj txqantl. Tbʼanel qa ma txi tqʼoʼna kye txqantl tiʼjju at teya. Jyonxa tumel tuʼn ttena kyukʼil txqantl ex mas tbʼanel qa ma pon kanina kyukʼil. Qa ma bʼant jlu tuʼna, che ktzalajel qe tukʼila ex kchʼiyil kyamiwbʼila. 

•   Aju texto nim toklen: «Kyqʼonxe chʼin kye mastl ex ktzajel tqʼoʼn Dios chʼintl kyeye» (Lucas 6:38).

 Tzʼajbʼenxix ambʼil ex tipumala tuʼn tonina kyiʼj txqantl. Jyonxa alkye tumel jaku onina kyiʼj qeju in che ex toj jun yajbʼil. Jaku tzʼok tbʼina qe tukʼil kʼujlabʼil moqa jaku onina kyiʼj tuʼn tbʼant junjun at tajbʼen kye.  

•   Aju texto nim toklen: «Aju tamiw jun xjal kukx in ten tkʼujlalil tiʼj» (Proverbios 17:17). 

 Qa taja mas tqanil tiʼjju alkye tten tuʼn ttena toj tbʼanel kyukʼil txqantl, jyonxa xnaqʼtzbʼil «Aju ja xjal ex qe amiw».