Aj tkubʼ qnaʼn qa qjunalx atoʼ ¿jaku che onin qamiw qiʼj?: ¿Alkye tten jaku tzʼonin Tyol Dios qiʼj?
Toj 2023, el kynikʼ aj qʼanil toj tkyaqil twitz Txʼotxʼ, qa il tiʼj tuʼn tkubʼ qʼanit jun yabʼil kyuw, aju qa in kubʼ kynaʼn xjal qa kyjunalx ateʼ. ¿Jakupe kubʼ tiʼj yabʼil lu?
«Aj tkubʼ tnaʼn jun xjal qa tjunalx at ex aj tel tpan tibʼ kyiʼj txqantl, jaku tzaj tiʼn nya bʼaʼn tiʼj ex mlay tzalaj», chi aj qʼanel Vivek Murthy, aju nejenel kye aj qʼanel te Estados Unidos. Ax ikx in tqʼama: «At qipumal tuʼn tchʼexpaj jlu quʼn. ¿Alkye tten? Aj tok tilil quʼn tkyaqil qʼij tuʼn tchʼiy qamiwbʼil kyukʼil txqantl». a
Nya oʼkx jaku kubʼ qnaʼn qa qjunalx atoʼ aj tel qpan qibʼ kyiʼj txqantl, ateʼ junjun jaku kubʼ kynaʼn jlu maske ateʼ kyxol nim xjal. Noq alkyexku tiquʼn in kubʼ qnaʼn jlu, jaku tzʼonin Biblia qiʼj. Ateʼ tbʼanel consej toj, aqeju jaku kubʼ qqʼoʼn toj xnaqʼtzbʼil tuʼntzun miʼn tkubʼ qnaʼn qa qjunalx atoʼ ex tuʼn tchʼiy qamiwbʼil kyukʼil txqantl.
Junjun nabʼil toj Tyol Dios jaku che onin qiʼj
Bʼaʼn tuʼn tyolina.At toklen jlu tuʼn t-xi tqʼamaʼna tiʼ in kubʼ tnaʼya pero nya okx jlu, sino ax ikx tuʼn tok tqʼoʼn twiʼya tiʼj kyyol txqantl. Qa mas in ximana kyiʼj txqantl, mas che okel te tamiwa.
Consej toj Tyol Dios: «Teyle junjun mya noq oʼkx tuʼn tok tqʼoʼn tkwent tiʼj aju at tajbʼen te, ax ikx tuʼn tok tqʼoʼn tkwent tiʼj aju at tajbʼen kye txqantl» (Filipenses 2:4).
Bʼaʼn tuʼn tjyoʼne kyiʼj mas tamiwoya. Bʼaʼn tuʼn tok tamiwen tibʼa kyukʼil xjal, qa mas matij ex qa mas chʼin twitza. Ex noq alkyexku kyiyjil ex kytnam.
Consej toj Tyol Dios: «Kyjaqonktz kyanmiye» (2 Corintios 6:13, TNM).
Qa taja tuʼn kyten tbʼanel tamiwoya, jaku jaw tuʼjina aju xnaqʼtzbʼil «Cómo saciar la sed de amistad».
a La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad, 2023.
Bʼalo ax ikx tgana jlu
QE XJEL TIʼJ TYOL DIOS
¿Tiʼ in tzaj tqʼamaʼn Biblia kyiʼj amiw?
Jaku che onin axix tok qamiw tuʼn tten tbʼanel qmod ex tuʼn qok te tbʼanel xjal. Jyonxa qe tbʼanel tamiwa.
PIZARRÓN AT TILBʼILAL TWITZ
¿Alkye jun amiw axix tok?
Alkyexku jun jaku tzaj qʼamante qa tamiwa. Pero ¿tzeʼn jun amiw axix tok?
JUNJUNTL XNAQʼTZBʼIL
¿Tiʼ jaku tzʼonin qiʼj qa mlay bʼant tuʼn qten kyukʼil txqantl?
Jakulo kubʼ qnaʼn bʼis qa mlay bʼant tuʼn qten kyukʼil txqantl ex jakulo tzaj bʼaj qkʼuʼj. Pero, ¿tiʼ jaku tzʼonin qiʼj toj ambʼil lu?
MEETINGS
¿Tiʼ in bʼaj toj jun Ja te Chmabʼil?
Qʼoʼnk twitza kyiʼj qe qtembʼile jatumel in nok qchmoʼn qibʼe ex qʼonk twitza tiʼjju in bʼant quʼne kyoj.
QE XNAQʼTZBʼIL TOJ TYOL DIOS
Qaninxa jun t-xnaqʼtzbʼila tiʼj Biblia
Kʼamonxa jun t-xnaqʼtzbʼila tiʼj Tyol Dios noq kukx tukʼil jun testigo de Jehová.
