¡KUKX QO XQʼUQIN!
Aj qkʼulin kywitz sant | ¿Tiʼ in tzaj tqʼamaʼn Tyol Dios?
In tzaj tqʼamaʼn Catholic News Service qa toj 25 te marzo te 2022, kubʼ kyikʼsaʼn xjal jun ninqʼij atz Basílica te San Pedro. Tqʼama qa toj ninqʼij lu kubʼ weʼ pal twitz jun tilbʼilal María, kubʼ tmutzʼuʼn twitz, ok ten naʼl Dios toj tanmi ex xi tqanin tuʼn tten mujbʼabʼil kyxol xjal. Ax ikx tqʼama Vatican News toj internet qa ok ten papa naʼl Dios tiʼj «consagración ex xi toqxenin qe xjal te Dios, mas qeju xjal te tnam Rusia ex Ucrania, teju Inmaculado Corazón de María».
¿Tiʼ teya t-xim tiʼj lu? ¿Bʼaʼnpe tuʼn tajbʼen jun sant quʼn tuʼntzun qkʼulin twitz Dios? Ximana tiʼjju in tzaj kyqʼamaʼn qe versículo lu:
«Miʼn kubʼ kybʼinchaʼne jun tilbʼilal; mi jun tilbʼilal tiʼj ju at twitz kyaʼj, mi jun tilbʼilal tiʼj ju at twitz txʼotxʼ ex mi jun tilbʼilal tiʼj ju at tuj mar. Miʼn che kubʼ ẍmejeʼye kywitz ex miʼn che kʼulune kywitz, porke aqine Kymane ex Kydiose, ex mintiʼ in kubʼ tuj nwitze tuʼn kykʼulune twitz juntl dios» (Éxodo 20:4, 5). a
«Qe tilbʼilal in che bʼant kyuʼn xjal kyuj txqantl nasyon, saq pwaq ex qʼan pwaq kytxʼotxʼil, ex kyuʼnx qe xjal in kubʼ kybʼinchaʼn. At kytziʼ ex mibʼan che yolin; at tbʼaqʼ kywitz ex mibʼan che keʼyin; at kyẍkyin ex mibʼan che bʼin; at kytxaʼn ex mibʼan che sqon; at kyqʼabʼ ex mlay tzyet jun tiʼxti kyuʼn; at kyqan ex mibʼan che bʼet; mi jun tqʼajqʼajel in jatz tuj kyqul. Qe xjal in che bʼinchan kye qe tilbʼilal lu ex nnoʼk qeʼ kykʼuʼj kyiʼj, ikx kyten ik tzaʼn kye» (Salmos 115:4-8).
«Aqine Jehová porke atzun nbʼiye, ex mlay waqʼe ambʼil tuʼn tjaw nimsaʼn tbʼi juntl ex tuʼn kyok ten kʼulul kywitz qe tilbʼilal te nxele» (Isaías 42:8).
«Kyel oqe tuʼn miʼn kykʼulune kywitz qe tilbʼilal» (1 Corintios 10:14).
«Ten kykwente kyiʼje tuʼn miʼn kykʼulune kywitz qe tilbʼilal» (1 Juan 5:21).
Qa taja tuʼn tel mas tnikʼa tiʼjju in tzaj tqʼamaʼn Tyol Dios kyiʼj sant, bʼaʼn tuʼn tjaw tuʼjina xnaqʼtzbʼil «El punto de vista bíblico: Las imágenes» ex jaku tzʼok tkeʼyina video ¿Tajpe Dios tuʼn kyajbʼen sant quʼn tuʼn qkʼulin twitz?
Bʼalo ax ikx taja tuʼn tok tojtzqiʼna aju in tzaj tqʼamaʼn Tyol Dios kyiʼj xnaqʼtzbʼil lu:
«¿Son señales de Dios los milagros y apariciones?».
Photo credit: Vincenzo Pinto/AFP via Getty Images
a Jehová tbʼi Dios (Salmo 83:18, TNM). Qʼonka twitza tiʼj xnaqʼtzbʼil «¿Alkye Jehová?»