Aju sbʼubʼl toj kykawbʼil xjal | ¿Tiʼ kbʼantel tuʼn Tkawbʼil Dios?
Ma che sikt xjal kyiʼj aj kawil in che sbʼuʼn ex kyaj tuʼn kyten aqeju jaku tzʼok qeʼ kykʼuʼj kyiʼj. Toj 2023 xi qanin kye xjal twitz tkyaqil Txʼotxʼ tiʼ kyximbʼetz at kyiʼj aj kawil ex kyqʼama qa mas mintiʼ nok qeʼ kykʼuʼj kyiʼj. a
In yolin Biblia tiʼj jun kawbʼil ex jun aj kawil aju mi bʼaʼn sbʼuʼn ex jaku tzʼok qeʼ qkʼuʼj tiʼj. Aju kawbʼil lu atzun Tkawbʼil Dios ex aju aj Kawil te atzun Jesucristo (Isaías 9:7).
Ya o kubʼ tyekʼin Jesús qa axix tok taj tuʼn tonin kyiʼj xjal (Mateo 9:35, 36). Ex aqeju xjal kyaj tuʼn kyten tjaqʼ tkawbʼil, che anqʼil toj mujbʼabʼil ex toj tumel tuʼnju a Jesús aj Kawil toj Tkawbʼil Dios (Salmo 72:12-14).
a Chi 2023 Edelman Trust Barometer Global Report.