¡KUKX QO XQʼUQIN!
Bʼaj nim tiʼchaq toj 2022 | ¿Tiʼ in tzaj tqʼamaʼn Tyol Dios tiʼj jlu?
Toj 2022, mas o tzʼok qbʼiʼn noticia kyiʼj qʼoj, kyiʼj xitbʼil in tzaj tuʼnx twitz txʼotxʼ ex tiʼj mebʼayil. Pero oʼkx Biblia in tzaj qʼamante tiquʼn in che bʼaj qe tiʼchaq lu.
Aju tiquʼn e bʼaj tiʼchaq toj 2022
Kykyaqil qe tiʼchaq e bʼaj toj 2022, in tzaj kyyekʼin qa in qo anqʼin toj jun ambʼil in nok tqʼoʼn Biblia tbʼi te «mankbʼil tqʼijlalil» (2 Timoteo 3:1). Ex tzaj tzyet ambʼil lu toj abʼqʼi 1914. Kʼelel qnikʼ tiʼj qa at kyoklen tiʼchaq in che bʼaj toj ambʼil jaʼlo tukʼilju kyaj qʼamaʼn toj Biblia:
«Qʼoj» (Mateo 24:6).
«Toj 2022, tzaj xobʼajil toj Europa tuʼnju xi tzyet qʼoj juntl maj». a
Qʼonka twitza tiʼj xnaqʼtzbʼil «Ma tzʼokx Rusia toj ttxʼotxʼ Ucrania».
«Weʼyaj» (Mateo 24:7).
«Tzaj nim weʼyaj toj 2022». b
Qʼonka twitza tiʼj xnaqʼtzbʼil «In jax kywiʼ qe tiʼchaq tuʼn qʼoj in nok Ucrania».
«Txʼuʼj yabʼil» (Lucas 21:11).
«Ma tzaj yabʼil polio juntl maj, mas in tzaj viruela del mono kyiʼj xjal ex kukx in tzaj nya bʼaʼn kyiʼj xjal tuʼn COVID-19. Tkyaqil jlu, in tzaj tyekʼin qa jaku tzaj nya bʼaʼn kyiʼj xjal kyuʼn yabʼil ex qa jaku che kyim kyuʼn». c
Qʼonka twitza tiʼj xnaqʼtzbʼil «O che kyim 6 millón xjal tuʼn COVID-19».
«Tzul sekʼpubʼl» (Lucas 21:11).
«Tzaj nim kyaq, mintiʼ kubʼ jbʼal, e tzaj incendio ex jaw chʼiy aʼ kyoj junjun lugar. Ktzajel qnaʼn verano te abʼqʼi 2022 kyuʼn tiʼchaq lu tuʼnju tzaj kyiʼn nim xitbʼil, e kyim nim mil xjal ex i ex oq nim millón kyoj junjuntl lugar». d
Qʼonka twitza tiʼj xnaqʼtzbʼil «At nim kyaq twitz tkyaqil Txʼotxʼ».
«Ok kyjaw tilj xjal qʼojlel» (Lucas 21:9).
«Mas in tzaj kyqʼoj xjal ex mas tuʼnju jax kywi qe tiʼchaq. Tuʼntzunju, mas i ex manifestaril kyiʼj gobierno toj 2022». e
Qʼonka twitza tiʼj xnaqʼtzbʼil «Mas in jax kywi tiʼchaq twitz tkyaqil Txʼotxʼ».
¿Tiʼ kbʼajel toj juntl abʼqʼi?
Ni jun qe ojtzqiʼn tuʼn tiʼxix kbʼajel toj abʼqʼi 2023. Pero ojtzqiʼn quʼn qa toj chʼintl ambʼil kxeʼl tbʼinchaʼn Tkawbʼil Dios tiʼj tkyaqil nya bʼaʼn at twitz Txʼotxʼ (Daniel 2:44). Kʼelel tiʼn kawbʼil lu tkyaqil tiʼchaq in tzaj qʼinte kʼixkʼoj qiʼj ex kbʼantel tvoluntad Dios tuʼn tzalu twitz Txʼotxʼ (Mateo 6:9, 10).
Tbʼanel qa ma txi qbʼiʼn consej kyaj tqʼamaʼn Jesús tuʼn kukx tok qqʼoʼn qwitz tiʼj tzeʼn in japun kywi profecía kyuʼn tiʼchaq in che bʼaj twitz tkyaqil Txʼotxʼ (Marcos 13:37). Tuʼn tel tnikʼa tiʼj tzeʼn jaku tzʼonin Biblia tiʼja toj ambʼil jaʼlo ex tzeʼn jaku ten jun qʼuqbʼil tkʼuʼja kyukʼil toj tjaya tiʼj ambʼil tzul, jaku yolina tukʼil jun testigo de Jehová.
a Jill Lawless: «2022 Was Year the Horror of War Returned to Europe», AP News, 8 te diciembre te 2022.
b «Mintiʼ wabʼj ktel twitz tkyaqil Txʼotxʼ», Programa Mundial de Alimentos.
c Lawrence O. Gostin, JD: «Living in an Age of Pandemics—From COVID-19 to Monkeypox, Polio, and Disease X», JAMA Health Forum, 22 te septiembre te 2022.
d Martina Igini: «What’s Behind the Record-Breaking Extreme Weather Events of Summer 2022?», Earth.Org. 24 te octubre te 2022.
e Thomas Carothers y Benjamin Feldman: «Economic Anger Dominated Global Protests in 2022», Carnegie Endowment for International Peace, 8 te diciembre te 2022.