Aju tuʼn tel yabʼil qiʼj | ¿Tiʼ kbʼantel tuʼn Tkawbʼil Dios?
«O kubʼaj pandemia tiʼj COVID-19, pero kukx in tzaj yabʼil tuʼn twitz tkyaqil Txʼotxʼ [...]. Il tiʼj tuʼn tbʼaj qbʼinchaʼn qten aj tul juntl pandemia», chi doctor Tedros Adhanom Ghebreyesus tbʼi, nejenel kye aj Qʼanil twitz tkyaqil Txʼotxʼ (World Health Organization), 22 te mayo te 2023).
Toj ambʼil jaʼlo, kukx in tzaj yabʼil tiʼj kyxmilal ex kyximbʼetz xjal tuʼnju ok COVID-19 kyiʼj. Qa ma tzaj juntl pandemia, ¿bʼantni kyten aj kawil ex qe doctor tuʼn kyok qʼanit xjal? Yajtzun toj ambʼil jaʼlo, ¿jakupe che qʼanit xjal kyuʼn tiʼj tkyaqil yabʼil?
In tzaj tqʼamaʼn Biblia qa kbʼel tqʼoʼn Dios jun gobierno aju kʼelel tiʼn yabʼil in tzaj qiʼj jaʼlo. In tzaj tqʼamaʼn Tyol Dios jlu: «Ate Dios aju at tuj kyaʼj kbʼel tqʼoʼn jun kawbʼil», moqa jun gobierno (Daniel 2:44). Aj tkawin Kawbʼil moqa Gobierno lu, «mi jun xjal najl tuj tnam ok tmaʼ kyjaʼ: Yabʼ qine, chiwt» (Isaías 33:24). Mlay tzaj kyyabʼ kykyaqil xjal ex kykyaqil mlay che tijen (Job 33:25).