¡KUKX QO XQʼUQIN!
At nim kyaq twitz tkyaqil Txʼotxʼ | ¿Tiʼ in tzaj tqʼamaʼn Biblia tiʼj jlu?
Toj julio te 2022, el nikʼbʼaj tiʼj qa at nim kyaq twitz tkyaqil Txʼotxʼ:
«Mas nim kyaq tzul kyoj 70 tnam ateʼ toj tnam China toj tkabʼin maj te xjaw lu». (25 te julio te 2022, Reporte de noticias CNN).
«O bʼaj tzʼeʼy nim tzeʼ tuʼnju at nim kyaq atz Europa». (17 te julio te 2022, The Guardian).
«Toj domingo, mas nim kyaq tzaj kyoj junjun lugar te Estados Unidos ex naʼmxtoq tbʼaj jlu jun maj. Mas in tzaj nya bʼaʼn toj costa te Este, toj parte Sur ex toj junjun plaj te Oeste». (24 te julio te 2022, The New York Times).
¿Ape t-xilen jlu qa ya mlay qo anqʼin twitz Txʼotxʼ? ¿Tiʼ in tzaj tqʼamaʼn Tyol Dios tiʼj jlu?
¿Kayjpe tqʼamaʼn Biblia qa tuʼn ttzaj nim kyaq?
Ikju, tuʼnju at nim kyaq, in japun kywi profecía tkuʼx toj Tyol Dios toj ambʼil jaʼlo. Jun techel, kyaj tqʼamaʼn Jesús qa kʼokel qqʼoʼn qwitz kyiʼj tiʼchaq xobʼajilxix moqa kyiʼj tiʼchaq jaku qo jaw sekʼpaj kyuʼn (Lucas 21:11). Ateʼ nim xjal in che jaw labʼin ex in che jaw sekʼpaj tuʼnju at nim kyaq. Ax ikx, in che tzaj xobʼ tuʼnju in kubʼ kyximen qa jaku naj Txʼotxʼ kyuʼn xjal.
¿Ya mlaype qo anqʼin twitz Txʼotxʼ?
Kubʼ tbʼinchaʼn Dios Txʼotxʼ tuʼntzun kyanqʼin xjal twitz (Salmo 115:16; Eclesiastés 1:4). Mlay tzaj tqʼoʼn ambʼil tuʼn tnaj Txʼotxʼ kyuʼn xjal, sino in tzaj ttziyen qa kbʼel tnajsaʼn qe xjal in bʼaj kyyajin twitz Txʼotxʼ (Apocalipsis 11:18).
Qo xnaqʼtzan tiʼj juntl kabʼe tiʼ kbʼantel tuʼn Dios tiʼj Txʼotxʼ:
«Ktzalajel aju lugar mintiʼ kynajbʼil xjal tuj, ex aju tzqij txʼotxʼ ktzalajel nimxix ex che jawil poqʼl nim bʼech twitz» (Isaías 35:1). Mlay tzaj tqʼoʼn Dios ambʼil tuʼn tok Txʼotxʼ te jun desierto, sino kxel tbʼinchaʼn tiʼj tkyaqil nya bʼaʼn o tzʼok bʼinchaʼn tiʼj.
«Kwentin ju txʼotxʼ tuʼna, ex in tzaj tqʼoʼna jbʼal tibʼaj tuʼntzun mejor ttzaj chʼiy awal tuj» (Salmo 65:9). Kʼokel Txʼotxʼ te jun tbʼanel najbʼil tuʼn Dios.
Tuʼn tel mas tnikʼa tiʼj tzeʼn in che japun kywi profecía tuʼnju at nim kyaq, jaku jaw tuʼjina xnaqʼtzbʼil tok tbʼi: «¿Tiʼ kyaj tqʼamaʼn Tyol Dios tiʼj clima ex tiʼj ambʼil tzul?».
Tuʼn tel mas tnikʼa tiʼj qa kxel tbʼinchaʼn Dios tiʼj tkyaqil nya bʼaʼn in nok bʼinchaʼn tiʼj Txʼotxʼ, jaku jaw tuʼjina xnaqʼtzbʼil «¿Alkye kkolil tiʼj Txʼotxʼ?».
Bʼalo ax ikx tgana jlu
JUNJUNTL XNAQʼTZBʼIL
Aj ttzaj xitbʼil tuʼnx twitz txʼotxʼ: ¿jakupe tzʼonin Biblia kyiʼj qeju otoq tzaj nya bʼaʼn kyiʼj?
Jaku che onin consej in tzaj tqʼoʼn Biblia tiʼja naʼmxtoq ttzaj jun xitbʼil tuʼnx twitz txʼotxʼ, aj ttzaj ex aj tikʼ.
QE XJEL TIʼJ TYOL DIOS
¿Tiʼ yekʼbʼil at tiʼj qa atoʼ kyoj «mankbʼil tqʼijlalil» moqa kyoj «bʼajsbʼil tqʼijlalil»?
Kyaj qʼamaʼn toj Biblia alkyeqe tiʼchaq tuʼn kybʼaj kyoj mankbʼil tqʼijlalil.
QE XNAQʼTZBʼIL NIM KYOKLEN TOJ TYOL DIOS
¿Tiquʼn kubʼ tbʼinchaʼn Dios Txʼotxʼ?
Jun tbʼanelxix najbʼil te Txʼotxʼ. Najchaq taʼ tiʼj Qʼij, ex in qʼon welt toj tumelxix. ¿Tiquʼn okxix tilil tuʼn Dios tuʼn tbʼant tbʼanel najbʼil lu?
JUNJUNTL XNAQʼTZBʼIL
¿Tiʼ kyaj tqʼamaʼn Tyol Dios tiʼj clima ex tiʼj ambʼil tzul?
¿In ximenpe Dios tiʼj Txʼotxʼ ex kyiʼj qeju in che anqʼin twitz?
QE XJEL TIʼJ TYOL DIOS
¿Okpe kbʼel xiten Txʼotxʼ?
Jakulo jaw labʼina tiʼjju in tzaj tqʼamaʼn Tyol Dios.
QE XNAQʼTZBʼIL TOJ TYOL DIOS
Qaninxa jun t-xnaqʼtzbʼila tiʼj Biblia
Kʼamonxa jun t-xnaqʼtzbʼila tiʼj Tyol Dios noq kukx tukʼil jun testigo de Jehová.
