¡KUKX QO XQʼUQIN!
Tzaj bʼaj kykʼuʼj nim xjal toj 2023 | ¿Tiʼ in tzaj tqʼamaʼn Tyol Dios tiʼj jlu?
Twitz tkyaqil Txʼotxʼ tzaj nim tiʼchaq toj 2023 aju in tzaj tyekʼin qa in qo anqʼin toj ambʼil aju in nok tqʼoʼn Tyol Dios tbʼi te: «Mankbʼil tqʼijlalil» (2 Timoteo 3:1). Bʼaʼn tuʼn tel tnikʼa tiʼj tzeʼn in che japun qe profecía toj ambʼil jaʼlo aqeju e kyaj qʼamaʼn toj Biblia.
Aju in tzaj tqʼamaʼn Biblia ex aju in bʼaj twitz tkyaqil Txʼotxʼ
«Ok kybʼiʼye ok tok qʼoj ex ok kybʼiʼye tqanil tiʼj qʼoj» (Mateo 24:6).
«Toj ambʼil jaʼlo, mas at bʼiybʼil jaxku tumel twitz tkyaqil Txʼotxʼ». a
Qʼonka twitza kyiʼj xnaqʼtzbʼil «¿Alkye jun jaku kolin kyiʼj xjal toj qʼoj?» ex tiʼj xnaqʼtzbʼil «Ma kubʼaj mas te 2 mil millón dólar tiʼj qʼoj».
«Noq jachaq tzul kyaqnajnabʼ» (Marcos 13:8).
«Atxix tej ttzaj tzyet 2023, o tzaj 13 kyaqnajnab’ te mas te 7 magnitud. Nimxix jlu toj jun abʼqʼi atxix tej ttzaj tzyet tuʼn tajlet kyaqnajnab’». b
Qʼonka twitza tiʼj xnaqʼtzbʼil «Tzaj nim xitbʼil kyuʼn terremoto atz Turquía ex Siria».
«Tzul sekʼpubʼl» (Lucas 21:11).
«Toj ambʼil jaʼlo, mas in tzaj kyaq twitz tkyaqil Txʼotxʼ» (chi António Guterres, aju secretario general te Naciones Unidas). c
Qʼonka twitza tiʼj xnaqʼtzbʼil «Mas at nimxix kyaq twitz tkyaqil Txʼotxʼ toj abʼqʼi 2023».
«Tzul [...] weʼyaj» (Mateo 24:7).
«Toj 2023 ax ikx kwest ela toj kywitz qeju in nok tilil kyuʼn tuʼn kykʼaʼchit toj kyja». d
Qʼonka twitza tiʼj xnaqʼtzbʼil «Mintiʼ in kanin wabʼj tuʼnju in nok qʼoj ex tuʼnju at nimxix kyaq».
«Tzul nim yajbʼil» (2 Timoteo 3:1).
«Jun kyxol qe 8 xjal twitz tkyaqil Txʼotxʼ, at yabʼil tiʼj kyximbʼetz». e
Qʼonka twitza tiʼj xnaqʼtzbʼil «Mas ma tzaj yabʼil toj kyximbʼetz kuʼxun».
¿Tiʼ kbʼajel toj 2024?
Nijun ojtzqiʼn tuʼn tiʼ kbʼajel toj 2024. Pero tkyaqilju in bʼaj twitz Txʼotxʼ toj ambʼil jaʼlo in tzaj tyekʼin qa chʼix tpon ambʼil tuʼn tel qʼiʼn tkyaqil nya bʼaʼn tuʼn Tkawbʼil Dios moqa tuʼn Tgobierno at toj kyaʼj ex che kbʼel tnajsaʼn kykawbʼil xjal (Daniel 2:44; Apocalipsis 21:4).
Akux in qo ayon tiʼj ambʼil lu, jaku txi qqanin onbʼil te Jehová. In tzaj tqʼamaʼn Biblia jlu:
«Qa ma tzaj nxobʼile, nnoʼk qeʼ nkʼuʼje tiʼja» (Salmo 56:3).
¿Tzeʼn jaku kubʼ qyekʼin qa in nok qeʼ qkʼuʼj tiʼj Dios? In qo txokine tiʼja tuʼn tel mastl tnikʼa tiʼj tiʼ in tzaj tqʼamaʼn Biblia tiʼj ambʼil aj tel tiʼn Dios nya bʼaʼn. Bʼaʼn tuʼn t-xnaqʼtzana tiʼj Biblia tuʼntzun tel tnikʼa tiʼj tzeʼn jaku tzaj tkʼamoʼna qe kʼiwlabʼil lu kyukʼil toj tjaya.
a Chi xnaqʼtzbʼil «In nok qʼoj twitz Txʼotxʼ, ¿tiquʼn in tzaj nim qʼoj twitz tkyaqil Txʼotxʼ?», toj uʼj Foreign Affairs tbʼi aju kubʼ tbʼinchaʼn Emma Beals ex Peter Salisbury, 30 te octubre te 2023.
b Chi xnaqʼtzbʼil «Mas nim kyaqnajnabʼ ma tzaj toj 2023», toj uʼj Earthquake News, mayo 2023.
c Chi «Secretario general [te Naciones Unidas] tej tyolin tiʼj kyaq toj conferencia de prensa», 27 te julio te 2023.
d Chi Programa Mundial de Alimentos tojjutok tbʼi «At nim weʼyaj twitz tkyaqil Txʼotxʼ».
e Chi Organización Mundial de la Salud toj «Día Mundial de la Salud Mental 2023», 10 te ocubre te 2023.
Bʼalo ax ikx tgana jlu
JUNJUNTL XNAQʼTZBʼIL
¿Atpe jun tbʼanel ambʼil tzul?
¿Tiquʼn junxitl qe yol in tzaj ttziyen Tyol Dios kywitz qe yol in tzaj kytziyen xjal?
QE XNAQʼTZBʼIL NIM KYOKLEN TOJ TYOL DIOS
¿Tiʼ aju Tkawbʼil Dios?
Tej tten Jesús twitz Txʼotxʼ, mas yolin tiʼj Tkawbʼil Dios toj tpakbʼabʼil. Toj nimku ambʼil, o txi kyqanin xjal toj kynaʼj Dios tuʼn tul Tkawbʼil Dios.
QE XJEL TIʼJ TYOL DIOS
¿Jakupe kanet qʼuqbʼil nkʼuʼje toj Biblia?
Ateʼ nim xjal in che ok weʼ twitz nim nya bʼaʼn ex in kubʼ kyximen junjun tiʼchaq nya toj tumel. Pero o kanet qʼuqbʼil kykʼuʼj toj Biblia.
¡WEʼKTZA!
¿Tiʼ jaku bʼant quʼn tuʼn miʼn ttzaj bʼaj qkʼuʼj?
Xnaqʼtzana kyiʼj junjun nabʼil jaku che onin tiʼja tuʼn miʼn ttzaj bʼajxix tkʼuʼja.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
