¡KUKX QO XQʼUQIN!
Tzaj nim xitbʼil kyuʼn terremoto atz Turquía ex Siria | ¿Tiʼ in tzaj tqʼamaʼn Tyol Dios tiʼj jlu?
E tzaj nim xitbʼil kyuʼn terremoto toj tnam Turquía ex Siria toj lunes 6 te febrero te 2023.
«E kyim mas te 3 mil 700 xjal toj jun lugar te tnam Turquía ex toj noroeste te tnam Siria. In kubʼ nim cheʼw kyoj lugar lu toj ambʼil jaʼlo, tuʼntzunju, kwest anqʼibʼil kye nim mil xjal ma che kʼixbʼi ex ma kubʼ xitj kyja. Ax ikx mintiʼ in nonin cheʼw tuʼn kyjyet qeju kukx itzʼ qeʼ» (Reuters, 6 te febrero te 2023).
In tzaj qbʼis aj tjaw quʼjin qeju nya bʼaʼn ik tzeʼn jlu. Aj qikʼ kyoj ambʼil kwest ik tzeʼn jlu, in nel qnikʼ tiʼj qa ate Jehová aju Dios «kukx in tqʼuqbʼaʼn qkʼuʼj» (2 Corintios 1:3). Ex o tzaj tqʼoʼn Biblia qe «tuʼn tqeʼ qkʼuʼj tuʼnju yol tzʼibʼan tuj Tuʼjil» Tyol (Romanos 15:4).
In tzaj tqʼamaʼn Biblia:
Qa che tzajeltoq terremoto.
Qa at jatumel tuʼn tkanet qʼuqbʼil qkʼuʼj.
Ex alkye tten kʼelel tiʼn Dios tkyaqil nya bʼaʼn.
Tuʼn tel tnikʼa tiʼj tzaqʼwebʼil in tzaj tqʼoʼn Biblia, jaku che jaw tuʼjina xnaqʼtzbʼil lu:
a Jehová tbʼi Dios (Salmo 83:18, La Biblia. Traducción del Nuevo Mundo).