Jun tiʼ nim o che ayon Testigo de Jehová tiʼj toj ab’q’i lu a tuʼn tetz tnejel xnaq’tzb’il tiʼj Qe tbʼanel tqanil tqʼama Jesús. Nim millón xjal ya o tzʼok kyq’o’n twitz tiʼj. ¡Ex atzun jlu tnejel tiʼj 18 xnaq’tzb’il! ¿Tiʼtzun aqʼuntl o bʼant tuʼn kybʼaj grabarin qe xnaq’tzb’il ex tzeʼn o txi tq’o’n teya onbʼil?

 Toj sucursal te Australasia, jatumel mas in nel grabarin película Qe tb’anil tqanil, at junlo 50 moqa 80 xjal in che aqʼunan noq tuʼn tel grabarin jun escena. a In xi qʼet kywa te tmij qʼij, te qonikʼen ex in xi qʼet kyrefaccion tkyaqil qeju in che actuarin ex in che aqʼunan. Naʼmxtoq tpon ambʼil tuʼn kyaqʼunan il tiʼj tuʼn tkubʼ ximet tiʼ kywa erman kxel qʼet. In tzaj tq’ama’n Ester aju in naqʼunan toj Departamento te Servicio te alimentos jlu «In tzaj qlaq’one qeju che ajbʼel qeye iktzun fruta ex verdura tuʼn tbʼant wab’aj tukʼil nimku xjal, tuʼntzun tkanet aju mas tbʼanel ex nya kar twi, ex nimku maj in bʼaj qchʼexpuʼne tiʼ wab’aj kxel qqʼone tuʼntzun miʼn tbʼaj naj nim». Tkyaqil qʼij in bʼaj qgastarine junlo kyaj dólar (U.S.) tiʼj kywa teyle junjun xjal.

 Aqeju erman in che actuarin ex qeju in che aqʼunan nya okx kyajbʼil tuʼn txi qʼet kywa sino ax ikx il tiʼj tuʼn kyok xqʼuqet. ¿Alqiʼjtzun tuʼn kyok xqʼuqet? Toj Australia at nimxix kyaq tuʼn tqan qʼij aju jaku tzaj tiʼn yabʼil tiʼj piel. Tuʼn miʼn kyten erman nim ambʼil tjaqʼ tqan qʼij ex tuʼn miʼn kysikt in kubʼ kybʼinchan qeju erman te onil junjun jaʼ te xbʼalun ex junjun cuarto jatumel at cheʼw kyoj, ex in nok tilil kyuʼn tuʼn tten crema tuʼn miʼn kytz’ek’ tuʼn qiʼj moqa protector solar, sombrillas ex nim aʼ tuʼn txi kykʼan. Kevin, aju in aqʼunan toj Servicios te Audio ex Video in tzaj tq’ama’n jlu: «Nimku kye qeju erman in che onin tiʼj aqʼuntl lu betelitas qe ex in che viajarin tkyaqil qʼij. Mintiʼ in jaw kynimsan kyibʼ erman ex in che tzalaj aj tbʼant aqʼuntl lu kyuʼn ex txqantl. Okx jaku bʼant aqʼuntl lu quʼne tuʼn onbʼil in tzaj kyq’o’n erman.»

 Ate junjun escena mlay che el grabarin toj sucursal,toj tx’otx’ tiʼjxi, axpe ikx toj jun estudio. Aj tbʼaj jlu in xi equipo toj juntl tembʼil. Tuʼn tbʼaj grabarin aju bʼaj toj ambʼil ojtxe in tzaj tq’ama’n Biblia, jatumel mintiʼ luz, qe bʼe bʼinchan kyten ex qe jaʼ tbʼanel, il tiʼj tuʼn kyxi kykyaqil erman toj lugar najchaq. In jaw k’ut aju xbʼalun in najbʼen kye toj grabacion ,qe tiʼchaq kye ex tkyaqil equipo te grabación tuʼn t-xi toj lugar najchaq jatumel kxel tzyet grabación juntl maj ajtzun kypon in cheʼx k’ut toj jun lugar segur. Namxku t-xi tzyet tuʼn kgrabarin aqeju coordinadores ex qeju in che onin tiʼj aqʼuntl in nok tilil kyuʼn tuʼn kyten motor te luz, aʼ potable ex tembʼil te baño. Kykyaqil qeju erman in che aqʼunan tuʼn tbʼaj grabarin película in che kyaj ten kyja qeju erman ate toj lugar aju, kyoj car matij aqeju remolque kybʼi, kyoj hotel, moqa kyoj jaʼ te tzeʼ.

 Aj kyel grabación kyoj lugar najchaq jaku t-xi tiʼn nim pwaq, amb’il ex nim siktleʼn kye kykyaqil qeju in che aqʼunan tiʼj película. Toj ab’q’i 2023 aju kʼloj xjal qʼil twitz aqʼuntl kubʼ t-ximen tuʼn tlaqʼet jun videowall te 2.5 millones te dólares (EE.UU.) tuʼn kybʼant video. Aju tecnologia lu in najbʼen qe pantallas te video nim resolucion qʼin kyuʼn ex iluminación tuʼntzun kyel grabarin video iktzen iteʼ toj juntl lugar najchaq. Tuʼn jlu nya il tiʼj tuʼn tbʼaj gastarin nim pwaq tuʼn kybʼaj grabarin video najchaq. In tzaj tq’ama’n Darren, aju in naqʼunan kyxol Comite te Sucursal te Australasia: «Tuʼn tonbʼil videowall ya mintiʼ in che sikt erman, ex in tzaj tqʼon ambʼil tuʼn kyel qgrabarin junjun escena juntl maj. Jun techel noqwit in qo grabarine tiʼjxi, bʼalo noq junjun minut at tuʼn tel grabarine aj tkux bʼaj qʼij naʼmxtoq tzaj qlolj. Pero tuʼn videwall jaku tzʼel grabarin ik tzeʼn naʼmxtoq tkux bʼaj qʼij, noq jteʼxku maj qajbʼil tuʼn tbʼant.»

 Il tiʼj tuʼn tten nim kybʼet qeju in che actuarin ex qeju in che aqʼunan tuʼn tel grabarin jun xnaq’tzb’il tiʼj película Qe tbʼanel tqanil tqʼama Jesús. ¿Tiʼ in kubʼ kynaʼn qe erman lu aj tbʼant nim aqʼuntl kyuʼn tuʼn kyonin?

 Te Melbourne Amber, ex viajarin mas te 700 kilómetros (435 millas) tuʼn tpon kanin onil tiʼj aqʼuntl ex kubʼ ttzib’an jlu: «Tej in pone toj aeropuerto, in nok kwentine kyuʼn erman te Betel. Nim qe betelitas tzaj kyqʼon txokbʼil wiʼje tuʼn nwaʼne moqa tuʼn nkʼane té kyukʼil. Toj tembʼil jatumel in nel grabarin kykyaqil kubʼ kyek’in kykʼujlabʼil ex tbʼanel kymod wukʼile. Nim kʼiwlabʼil tzaj nkʼamoʼne tej tbʼant viaje lu wuʼne. ¡Mintiʼ ok jlu te jun iqtz te weye toj mi jun ambʼil!»

 Aju Derek jun erman in aqʼunan tukʼil equipo te producción. In tq’ama’n: «Nim departamentos o che onin qiʼje tej tzaj tzyet aqʼuntl jlu. Nim in xi nq’one chjonte tuʼnju ate qeju ermanos ex ermanas ntxlaje aqeju in najbʼen ambʼil, kypwaq ex kyipumal kyuʼn tuʼn kyonin tiʼj aqʼuntl jlu. Nim kypasens, kygan tuʼn kyaqʼunan ex tbʼanel xjal qe. In tzaj tkʼiwlaʼn Jehová aqʼuntl jlu. Qʼuqli nk’uje tiʼj qa nya oʼkx nim toklen toj twitz Jehová aju in bʼant quʼne sino ax ikx alkye tten in bʼant.»

 Chjonte kyeye tuʼnju onbʼil in tzaj kyq’one tuʼn kyetz videos lu tej in tzaj kyq’one pwaq te oyaj ax ikx aju in tzaj kyq’one toj donate.pr418.com.