Junjun xjel in tzaj ttzaqʼweʼn Tyol Dios
¿Kyuʼnpe xjal kubʼ kyximen tuʼn kyten okslabʼil?
ATEʼ JUNJUN XJAL IN KUBʼ KYXIMEN qa aʼye xjal e kubʼ ximente tuʼn tten okslabʼil. Ex ateʼ junjuntl in tzaj kyqʼamaʼn qa in najbʼen tuʼn Dios tuʼn kyok laqʼeʼ xjal ttxlaj. ¿Tiʼ teya t-xim tiʼj?
¿TIʼ IN TZAJ TQʼAMAʼN TYOL DIOS?
At jun tten qajbʼebʼil «twitz Qman Dios [moqa qokslabʼil] saqxix ex mintiʼ tpaltil» (Santiago 1:27). Tuʼntzunju, aju okslabʼil saqxix moqa axix tok, atz tzajni tukʼe Dios.
¿TIʼ MASTL IN TZAJ TQʼAMAʼN TYOL DIOS?
Aju okslabʼil atz tuʼn ttzaj tiʼj axix tok toj Tyol Dios tuʼntzun tel bʼaʼn toj twitz Dios (Juan 4:23, 24).
Aʼyeju okslabʼil oʼkx in che xnaqʼtzan tiʼj kyxnaqʼtzbʼil xjal, mintiʼx tajbʼen (Marcos 7:7, 8).
¿Ilpe tiʼj tuʼn tten jun qokslabʼil?
¿TIʼ TEYA JAKU TZAJ TTZAQʼWEʼN?
Il tiʼj
Nya
Depende
¿TIʼ IN TZAJ TQʼAMAʼN TYOL DIOS?
«Qo ximan tiʼj tuʼn qkyuwsante qibʼ qxolx tuʼn qkʼujlante qibʼ ex tuʼn qbʼinchante bʼaʼn. Ex miʼn txi qkolin tuʼn tok qbʼuyin qibʼ, ik tzaʼn junjun ma che naqʼet mintiʼ in nnoʼk kybʼuyin kyibʼ» (Hebreos 10:24, 25). Taj Dios tuʼn tok kychmoʼn kyibʼ qe tmajen ik tzeʼn jun kʼloj xjal nukʼun kyten.
¿TIʼ MASTL IN TZAJ TQʼAMAʼN TYOL DIOS?
Aʼyeju in che kʼulun te Dios il tiʼj tuʼn tten junx aju in xi kynimen moqa junx kyximbʼetz (1 Corintios 1:10, 11).
Aʼyeju ateʼkx toj okslabʼil aju tbʼanel in nela toj twitz Dios, ateʼ twitz tkyaqil Txʼotxʼ ex at mujbʼabʼil kyxol (1 Pedro 2:17).
