Junjun xjel in tzaj ttzaqʼweʼn Tyol Dios
¿Tiʼ in tzaj qiʼj aj qkyim?
ATEʼ JUNJUN XJAL IN KUBʼ KYXIMEN qa kukx in qo anqʼin toj juntl plaj, ex junjuntl in kubʼ kyximen qa aj qkyim atz in pon bʼaj twi tkyaqil. ¿Tiʼ teya t-xim tiʼj jlu?
¿TIʼ IN TZAJ TQʼAMAʼN TYOL DIOS?
«Atzun qe xjal kyimni qe, mintiʼ bʼaʼn kyuʼn» (Eclesiastés 9:5). Tuʼntzunju, aj qkyim mintiʼ in qox toj juntl plaj.
¿TIʼ MASTL IN TZAJ TQʼAMAʼN TYOL DIOS?
In tzaj tqʼamaʼn qa aju tnejel xinaq, moqa ichin, Adán, ok juntl maj te quq tej tkyim (Génesis 2:7; 3: 19). Axtzun ikx, kykyaqil xjal in che ok juntl maj te quq aj kykyim (Eclesiastés 3:19, 20).
Aj tkyim jun xjal in kubʼ tnajsaʼn Dios til (Romanos 6:7). Ax tok, otoqxi kyim mintiʼ in kubʼ qʼoʼn tkastiw kyiʼj qe til.
¿Jakupe che jaw anqʼin juntl maj kyimni?
¿TIʼ TEYA JAKU TZAJ TTZAQʼWEʼN?
Jaku
Mlay
Jakulo
¿TIʼ IN TZAJ TQʼAMAʼN TYOL DIOS?
«Ok che jawil anqʼin qe kyimni» (Hechos 24:15).
¿TIʼ MASTL IN TZAJ TQʼAMAʼN TYOL DIOS?
In kubʼ tqʼoʼn Tyol Dios aju kyimen ik tzeʼn aj in qo jtan (Juan 11:11-14). Jaku che jaw tkʼasen Jehová qe kyimni, ik tzeʼn qe jaku jaw qkʼasen jun xjal in jtan (Job 14:13-15).
In yolin Tyol Dios kyiʼj nimku xjal e jaw anqʼin toj ambʼil ojtxe aju in tzaj tqʼuqbʼaʼn qkʼuʼj qa che jawel anqʼin kyimni toj ambʼil tzul (1 Reyes 17:17-24; Lucas 7:11-17; Juan 11:39-44).
Bʼalo ax ikx tgana jlu
QE XJEL TIʼJ TYOL DIOS
¿Tiʼ t-xilen aju tuʼn kyjaw anqʼin kyimni?
Jakulo jaw labʼina tiʼjju in tzaj tqʼamaʼn Tyol Dios tiʼj alkyeqe che jawil anqʼin.
QE XJEL TIʼJ TYOL DIOS
¿Atzpe in kubʼaj tkyaqil aj tkyim jun xjal?
¿Atpe jun tiʼ in kynaʼn kyimni? ¿In nelpe kynikʼ kyimni tiʼjju in bʼaj?
